LETTRE DE M. DE DANZAY

singulière bénédiction de Dieu que le roy de Dannemarck ait faict une si sincère, libre et ample déclaration de sa volonté envers ladicte royne et roy de Navarre, et mention des lettres de l'ying aulx lettres de Taultre, car elles seront communiquées à plusieurs, et j'espère que la resolution de ces deux roys et de la royne d'Angleterre confirmera à plusieurs princes qui sont de bonne volonté en leur opinion, excitera les ignorans d'en considérer les causes, et donnera crainte aulx adversaires. Ce sera maintenant à vous d'employer ce que vous aurez de moyen pour inciter ladicte royne à poursuivre ce qui est commencé, de plus grande affection et zèle qu'elle n'a faict jusqu'à présent. Vous verrez par le discours que j'ai envoyé audict sieur Walsingbam, le debvoir que je y ai faict. Parce que le roy de Navarre et les Pays Bas (auxquels l'on en veult principalement) sont en guerre, leurs prières n'auront pas beaucoup de lieu envers nos accusateurs, si elles ne sont assistées de l'auctorité de la royne d'Angleterre, du roy de Dannemarck et des princes d'Ailemaigne. Vous m'escriviez, par vostre dicte première lettre, que vous aviez délibéré de venir en Dannemarck au printemps , ou au commencement de l'esté , ceste présente année, et de là passer en Allemaigne, si vous entendiez que ce voyaige ne feut suspect au roy de France , je vous ai ci devant escrit deux ou trois fois que, pour éviter telles suspitions , il ne seroit hors de propos que le roy de Navarre envoyast devers le roy de France pour lui faire entendre que quelques malins esprits avoient publicquement escrit contre son honneur en Allemaigne , et faulsement accusé de plusieurs erreurs. Pour ceste cause, qu'il avoit envoyé devers les princes de Allemaigne pour leur faire cognoistre son innocence

A M. DUPLESSIS. Jo3

et le tort qui lui estoit faict, aussi pour le prier qu'ils fissent une exemplaire punition de tels calomniateurs et détracteurs ; mais si la copie de lettre qu'on dictque le roy de Navarre a escrit à Nerac le 1 5 d'avril de ceste présente année, à la royne de Navarre , sa femme , est véritable , vous n'aurez besoin de telles excuses , ne déclarations, dont je suis bien marry, considérant que ceste guerre , si elle continue , sera l'entière ruyne et destruction du royaume de France. Dieu , par sa miséricorde , ait pitié de nous ! quand l'exécution de ce tant cruel et inhumain conseil feut faicte à Paris , le jour Saint Barthelemi , les Pays Bas se rendoient au roy de France, du consentement de la royne d'Angleterre , du roy de Dannemarck et de tous les princes protestans d'Allemaigne , et une si belle occasion feut empêchée par ce tant détestable acte. A présent , ceulx qui en feurent les aucteurs , veullent , par semblables moyens , rompre ce qui se traicte entre le duc d'Alençon et les dicts Pays Bas ; mais si le duc a quelque mémoire, sens ou jugement, il se souviendra du danger où il s'est aultre fois trouvé, et considérera que ceulx qui procuroient sa ruyne et destruction , n'ont rien remis de leur mauvaise volonté contre lui , et qu'ils sont plus puissans qu'ils ne furent oncques, qui ne fauldront s'accomplir leur première délibération contre lui, après avoir rompu le roy de Navarre. Je prye Dieu de tout mon cœur qu'il le veuille bien conseiller. A présent, si nous avons guerre en France, il ne fault doubter que le roy de Navarre ne fasse une pubiicque déclaration de ces causes , qui l'ont contraint à prendre les armes , et qu'il en advertira particulièrement les princesses amis, mesmement le roy de Dannemarck et les princes protestans d'Allemaigne. Si vous persévères en vostre première délibération , ceci