REGLEMENT

lions de justice pourront estre expédiées par les secrétaires ordinaires estant en quartier, comme aussi les lettres missives quand elles leur seront commandées.

Et pour esviter la contrariété des depesches, qui est quelquefois adveneue par la confusion des secrétaires, ne seront doresnavant escrites soit de faveur et recommandation à la court, ni aulx gens de la justice , sansen prendre l'advis desdicts chancellier ou superintendant ou secrétaire d'estat ordinaire ou en quartier.

Ceulx du conseil , à sçavoir, maistres des requestes, secrétaires et aultres , se trouveront pour exercer leur charge au commencement de leur quartier, qui leur sera ordonné, et non plus tost , et icelui fini, se retireront pour faire place à ceulx qui entreront en quartier.

Le thresorier gênerai de la maison rapportera au conseil , tous les mois ou de quartier en quartier, ung estât abrégé de la recette et dépense ordinaire et extraordinaire de ladicte maison, qui sera vérifié sur les estats et mandemens et acquits qu'ils représentera.

Seront aussi ci après rapportés au conseil dudict seigneur roy, une fois la sepmaine, à sçavoir, le mardi , les journaulx de la dépense ordinaire, et le rolle de l'extraordinaire à la fin de chacung quartier, pour y estre leus et vérifiés et visés d'ung superintendant de la maison, et signé d'ung secrétaire d'estat servant. Auquel rolle extraordinaire, seront couchées les parties que les marchans et aultres fournisseurs auront délivrées et fournies pendant ledict quartier ; et icelui expiré, et ledict rolle clos et arresté, ne sera eu aulcung esgardaulx parties dudict quartier qui seront présentement après la closture dudict rolle; et sera à cestuis le présent article signifié aulx maistres d'hostel et con-