REMONSTRANCE AUX ESTATS DE BLOIS

rentre , il est dissipé , et en ceste dissipation nous nous perdons tous. Vivons donc amiablement les ungs avec les aultres , entr'aidons nous à l'estançonner contre la ruyne , et nous entr'approchons si près l'ung de l'aultre , que la division ne se puisse jamais fourrer au travers de nous. Finalement, nous avons tous, long temps a, souhaité les estats pour le r'establissement de ce royaume, lesquels ces gens ci nous ont obtenu parleur guerre, et fait accorder par la paix. Le clergé, la noblesse, le tiers estât désirent tous, et chacun en droit soi , d'estre soulagés par ceste voie ; ce soulagement ne se peult espérer si ceste paix ne se garde, ains mille aultres maux sont à craindre si la guerre a à revenir. Accordons nous donc tous, gentilshommes, ecclésiastiques, marchands , laboureurs , à demander en premier lieu l'observation de la paix, sans laquelle toutes aultres requestes se font en vain ; que ce soit Là nostre avantproceder, nostre préface , nostre fondement. Sur ce bon fondement nous pourrons bastir nostre repos, nostre conservation , nostre soulagement. Là, ou sans ce fondement, quoique nous demandions, et quoiqu'on nous octroie, nous n'en pouvons attendre que confusion, désolation et ruyne totale. Je prie Dieu , qui est le roy des roys , et qui dispose des royaumes selon son bon plaisir, qu'il lui plaise nous conserver et confermer nostre roy en ce royaume, régner avec lui, establir son règne au milieu du sien , et lui donner, et à toute l'assemblée qu'iljui plaist convoquer, si bon advis et conseil, que son Eglise en soit de plus en plus establie, ce sceptre affermi, et tout le peuple remis et réuni en bon repos et tranquillité. Amen.