MÉMOIRES [1579J

en sa maison , maniant toutes les affaires de ceux de la religion ; lequel y envoya des gardes du Roy mon mary, qui, les tirant dehors et les battant en qfia pre* sence, les menèrent en prison, où ils furent longtemps, et payèrent une grosse amende. Cette indignité fust ressentie infîniement de moy, qui n'attendois rien de semblable. Je m'en allay plaindre au Roy mon mary , le suppliant faire relascher ces pauvres catholiques, qui n'avoient point mérité un tel chastiment^ pour avoir voulu, après avoir esté si long-temps privez de Texercice de nostre religion , se prévaloir de ma venue pour rechercher le jour d'une si bonne feste d'ouyr ma messe. Le Pin se met en tiers, sans y estre appelle, et, sans porter ce respect à son maistre de le laisser respondre, prend la parole, et me dit: que je ne rompisse point la teste au Roy mon mary de cela , et que, quoy que j'en peussedire, ilu'enseroitfaictaultre chose; qu'ils avoient bien mérité ce que l'on leur &isoit, et que, pour mes paroUes, il n'en seroit ny plus ny moings; que je me contentasse que l'on me permettoit de faire dire une messe pour moy, et pour ceux de mes gens que j'y voudrois mener. Ces paroles m'ofienserent beaucoup d'un homme de telle qualité, et suppliay le Roy mon mary , si j'estois si heureuse d'avoir quelque part en sa bonne grâce, de me faire congnoistre qu il ressentoit l'indignité qu'il me voyoit recepvoir par ce petit homme, et qu'il m'en fist raison. Lie Roy mon mary, voyant que je m'en passionnois justement, le fist sortir et oster de devant moy, me disant qu'il estoit fort marry de l'indiscrétion de du Pin, et que c'estoit le zèle de sa religion qui l'avoit transporte à

cela; mais qu'il m'en feroît telle raison que je voudrois; que pour ces prisonniers catholiques^ qu'il advi* seroit avec ses conseillers du parlement de Pau ce qui se pourroit faire pour me contenter. M'àyant ainsy parlë^ il alla après en son cabinet^ où il trouva le Pin, qui, après avoir parlé à luy^ le changea tout; de sorte que, craingnant que je le requisse de luy donner congé , il me fuit et me fait la mine. Enfin, voyant que je m'opiniastrois à vouloir qu'il choisist de du Pin ou de moy, oeluy qui luy seroit plus agréable, tous ceux qui estoient là, et qui haïssoient l'arrogance de du Pin, luy dirent qu'il ne medebvoit mescontenter pour un tel homme, qui m'a voit t^nt offensée, que, si cela venoit à la cognoissance du Roy et de la Royne ma mère, ils trouveroient fort mauvais qu'il l'eust souffert et tenu près de luy : ce qui le contraingnist enfin de luy donner congé. Mais il ne laissa à continuer de m'en vouloir du mal et de m'en faire la mine, y estant, à ce qu'il m'a dit depuis , persuadé par monsieur de Pibrac, qui jouoit au double : me disant à moy, que je ne debvois souffrir d'estre bravée d'un homme de peu comme cettuy-là , et, quoy que ce fust , qu'il falloit que je le fisse chasser, et disant au Roy mon mary qu'il n'y avoit apparence que je le privasse du service d'un homme qui luy estoit si nécessaire ; ce que monsieur de Pibrac faisoit pour me convier à force de desplaisirs de retourner en France, où il estoit attaché à son estât de président et de conseiller au conseil du Roy. Et pour empirer encor ma condition, depuis que Dayelle s'estoitesloingnée, le Roy mon mary s'es-

toit mis il rechercher Rebours ' > qui estoit une fille malicieuse y qui ne m'aimoit point, et qui me faisoit tous les plus mauvais offices qu'elle pouvoit en son endroit ".

En ces traverses, ayant tousjours recours a Dieu, il eust enfin pitié de mes larmes, et permist que nous partissions de ce petit Genève de Pau, où , de bonne fortune pour moy, Rebom^s y demeura malade ; laquelle le Roy mon mary perdant des yeux , perdist aussi d'affection , et commença à s'embanpier avec Fosseuse ^ , qui estoit plus belle, et pour lors toute enfant et toute bonne. Dressans nostre chemin devers M ontauban, nous passasmes par une petite ville nommée Eause ^ , où , la

' Elle était fille de Gaillaume Rebours, président au parlement, qui donna lieu plus tard à ce jeu de mots rapporté par Lestoile : « Le samedi i6 juin iSgo , ceux du Roy tirèrent à coup perdu sur Paris, de deux pièces qu'ils avoient posées sur le mont des Martirs de Montmartre : du boulet de l'une desquelles fut blessé le président Rebours, qui en eust la jambe rompue.... et pour ce que ledit Rebours estoit tenu pour roial et politique ^ les prédicateur en leur chaire en faisoient une gosserie, et disoient que les coups que tiraient les roiaux allaient tout à rebours. {Journal de Henri IF.)

* Marguerite ne luy en fit plus cruel traitement, dit Brantôme, et venant à estre fort malade à Chenonceaux , où elle mourut , la visita , et, ainsi qu'elle voulut rendre l'âme, l'admonesta, et puis dit : « Cette pauTre fille endure beaucoup; mais aussi elle a fait bien du mal. Dieu luy pardonne comme je luy pardonne. » {Femmes illustres ^ éloge de Marguerite de France.)

' Françoise de Montmorency, cinquième fille de Pierre, marquis de Thury, baron de Fosseux, mariée depuis au baron de Cinq^Mars. ( Voyez Mémoires de Caste Inau , t. I , p. Sag ; Histoire de Mantmorcncy-f p. 3o4 ; el la Confession de Sancy.)

4 Eause , petite ville de l'Armagnac , aujourd'hui département du Gers.

nuict que nous y airivasmes, le Roy mon mary tomba malade d'une grande fièvre continue , avec une extresme douleur de teste , qui luy dura dix-sept jours , durant lesquels il n'avoit repos ny jour ny nuict, et le falloit perpétuellement changer de Hct à autre. Je me rendis si subjecteà le servir, ne me partant jamais d'auprès de luy, sans me deshabiller, qu'il commença (l'avoir agréable mon service , et à s'en louer à tout le monde, et particulièrement à mon cousin monsieur de Turenne '; qui, me rendant office de bon parent, me remit aussi bien auprès de luy que j'y avois jamais esté : félicité qui me dura l'espace de quatre ou cinq ans que je fus en Gascongne avec luy; faisant la pluspart de ce temps-là nostre séjour a Nerac , où nostre cour estoit si belle et si plaisante, que nous n'envïons point celle de France ; y ayant madame la princesse de Navarre sa sœur, qui depuis a esté mariée à monsieur le duc de Bar mon nepveu * , et moy avec bon nombre de dames et filles ; et le Roy mon mary estant suivy d'une belle trouppe de seigneurs et gentils-hommes , aussi honnestes gens que les plus galans que j'aye veu à la cour; et n'y avoit rien à regretter en eux, sinon qu'ils estoient huguenots. Mais de cette diversité de religion il ne s'en oyoit point parler : le Roy mon mary et madame la princesse sa sœur allants d'un costé au pi*esche , et moy et mon train à la messe , en une chappelle qui est dans le parc; d'où, comme je sor-

' Heari de La Tour, vicomte de Tureone, puis duc de Bouillon. ^ La princesse Catherine de Bourbon, qui épousa, en iSqq, Henri de Lorraine , duc de Bar.

toisy nous nous rassemblions pour nous aller promener ensemble, ou en un très-beau jardin qui a des allées de lauriers et de cyprez fort longues, ou dans le parc que j'avoisfaictfaire, en des allées de trois mille pas qui sont au long de la rivière ; et le reste de la journée se passoit en toutes sortes d'honnestes plaisirs, le bal se tenant d'ordinaire Tapres disnée et le soir.

Durant tout ce temps-là , le Roy servoit Fosseuse , qui, dépendant du tout de moy, se maintenoit avec tant d'honneur et de vertu, que, si elle eust tousjours continué de cette feçoti, elle ne feust tombée au malheur qui depuis luy en a tant apporté et à moy aussy. Mais la fortune, envieuse d'une si heureuse vie, qui sembloit, en la tranquillité et union où nous nous maintenions, mespriser sa puissance, comme si nous n'eussions esté subjects a sa mutabilité, suscite, pour nous troubler, un nouveau subject de gueiTe entre le Roy mon mary et les catholiques ; rendant le Roy mon mary et monsieur le mareschal de Biron (qui avoit esté mis en cette charge de lieutenant de Roy en Guyenne à la requeste des huguenots) , tant ennemys, que, quoy que je peusse faire pour les maintenir bien ensemble, le Roy mon mary et luy, je ne peus empescher qu'ils ne vinssent à une extresme desfiance et haine , commençans a se plaindre l'un de l'aultre au Roy : le Roy mon mary demandant que l'on luy ostast monsieur le mareschal de Biron de Guyenne, et monsieur le mareschal taxant mon mary et ceux de la religion prétendue d'entreprendre plusieurs choses conti*e le traicté de la paix.

Ce commencement de désunion s'allant tousjours accroissant, àmon très-grand regret, sans que j'y peusse remédier, monsieur le mareschal de Biron conseille au Roy de venir en Guyenne , disant que sa présence y apporteroit un ordre. De quoy les huguenots estans advertis, croyent que le Roy y venoit seulement pour les desemparer de leurs villes et s'en saisir; ce qui les fist résoudre a prendre les armes, qui estoit tout ce que je craingnois de voir ; moy estant embarquée à courre la fortune du Roy mon mary, et par conséquent me Toir en un party contraire à celuy du Roy et à celuy de ma religion. J'en parlay au Roy mon mary, pour Ten empescber, et à rous ceux de son conseil , leur remonstrant combien peu advantageuse leur seroit cette guerre, où ils avoient un chef contraire, tel que monsieur le mareschal de Biron , grand cappitaine et fort animé contre eux , qui ne les feindroit ni ne les espar* gueroit comme avoient faict d'aultres; que si la puissance du Roy estoit emploiée contre eux, avec intention de les exterminer tous, ils n'estoient pas pour y résister. Mais la crainte qu'ils avoient de la venue du Roy en Guyenne , et l'espérance de plusieurs entreprises qu'ils avoient sur la pluspart des villes de Gascongne et de Languedoc les y poussoit tellement, qu'encore que le Roy mon mary me fist cet honneur d'avoir beaucoup plus de créance et de fiance en moy , et que les principaulx de ceux de la religion m'estimassent avoir quelque jugement , je ne pens pourtant leur persuader ce que bien-tost après ils recongneurent à leurs despens estre vray. Il fallut laisser passer ce torrent.

qui allentit bien-tost son cours , quand ils vindrent à l'expérience de ce que je leur avois predict.

Ijong-temps devant que l'on vint à ces termes, voyant que les choses s'y disposoient, j'en avois souvent adverty le Roy et la Royne ma mère , pour y remédier, en donnant quelque contentement au Roy mon mary; mais ils n'en a voient tenu compte , et sembloit qu'ils fussent bien aises que les choses en vinssent là ; estans persuadez par le feu mareschal de Biron qu'il avoit moyen de réduire les huguenots aussi bas qu'il voudroit. Mes advis négligez , peu à peu ces aigreurs s'en vont augmentant , de sorte qu'ils en viennent aux armes. Mais ceux de la religion pretetidue s'estans de beaucoup mescontez aux forces qu'ils faisoient estât de mettre ensemble, le Roy mon mary se trouve plus foible que le mareschal de Biron; mesmes toutes leurs entreprises estans faillies, fors celle de Cahors, qu'ils prindrent par pétards avec perte de beaucoup de gens , pour y avoir monsieur de Vezins ' combattu l'espace de deux ou trois jom*s, leur ayant disputé rue après rue et maison après maison; où le Roy mon mai^ fist paroistre sa prudence et valeur, non comme prince de sa qualité, mais comme un prudent et hazardeux cappitaine. Cette prise les afToiblist plus qu'elle ne les fortifia. Le mareschal de Biron prenant son temps , tinst la campagne , attaquant et emportant toutes les petites villes qui teuoient pour les huguenots, mettant tout au fil de l'espée.

* Voyez son éloge dans les histoires du président de Thou, l, lu ^ et de d'Aubigné, t. T, 1. i, ch. 4, et 1. iv, ch. 7.

Des le commencement de cette guerre^ voyant que rhonnear que le Roy mon mary me faisoit de m'aimer me commandoit de ne l'abandonner, je me résolus de courre sa fortune; non sans extresme regret de voir que le motif de cette guerre fust tel, que je ne pouvois ftouhaitter l'avantage de l'un ou de l'aultre que je ne soubaittasse mon dommage; car^ si les huguenots avoient du meilleuri c'estoit à la ruine de la religion catholique y de quoy j'aiFectionnois la conservation plus que ma propre vie. Si aussi les catholiques avoient l*avantage sur les huguenots, je voyois la ruine du Roy mon mary. Retenue neantmoins auprès de luy par mon debvoir, et par l'amitié et fiance qu'il luy plaisoit me monsirer, j'escrivy au Roy et à la Royne ma mère Testât en quoy je voyois les affaires de ce pais*là , pour en avoir esté les advis que je leur en avois donnez négligez; que je les suppliois, si en ma considération ils ne me vouloient tant obliger que de faire esteindre ce feu y au milieu duquel je me voyois exposée , qu'au moins il leur pleust commander à monsieur le mareschal de Biron , que la ville où je faisois mon séjour, qui estoît Nerac, fust tenue en neutralité, et qu'à trois lieues près de là il ne s'y fist point la guerre ; et que j'en obtiendrais aultant du Roy mon mary pour le party de ceux de la religion. Cela me fust accordé du Roy , pourveu que le Roy mon mary ne fust point dans Nerac; mais que, lors qu'il y seroit, la neutralité n'auroit point de lieu. Cette condition fust observée de l'un et de l'aultre party avec aultant de respect que j'eusse peu désirer; mais elle n'empescha pas que le

Roy mon mary ne vinst souvent k Nerac, où nous estions madame sa sœur et moy, estant son naturel de se plaire parmy les dames, mesmes estant lors fort amoureux de Fosseuse (qu'il avoit tousjours servie depqis qu'il quicta Rebours), de laquelle je ne recepyois nul mauvais office; et, pour cela, le Roy mon mary ne laissoit de vivre avec moy en pareille privante et amitié que si j'eusse esté sa sœur, voyant que je ne desirois que de le contenter en toutes choses.

Toutes ces considérations l'ayants un jour amené à Nerac avec ses trouppes, il y séjourna trois jours, ne pouvant se despartir d'une compagnie et d'un séjour si agréable. Le mareschal de Biron , qui n'espioit qu'une telle occasion, en estant adverty, feint de venir avec son armée près de là, pour joindre à un passage de rivière monsieur de Cornusson , senescbal de To^ lose, qui luy amenoit des trouppes; et, au lieu d'aller là, tourne vers Nerac, et sur les neuf heures du matin, il s'y présente avec toute son armée en bataille, près et à la voilée du canon. Le Roy mon mary, qui avoit eu advis des le soir de la venue de monsieur de Cornusson, voulant les empescher de se joindre et les combattre séparés, ayant forces suffisantes pour ce faire (car il avoit lors monsieur de La Rochefoucault avec toute la noblesse de Xainctonge, et bien huict cens harquebusiers à cheval qu'il luy avoit amenez), estoit party du matin, au poinct du jour, pensant les rencontrer sur le passage de la rivière; mais les ayant failly , pour n'avoir esté bien adverty , monsieur de Cornusson ayant des le soir devant passé la rivière , il s'en re^

vient à Nerac, où, comme il enti^oit par une porte , il i ^

soeust le mareschal de Biron estre en bataille devant

Taultre. Il faisoit ce jour-là un fort mauvais temps , et *

une si grande pluyo, que l'arquebuserie ne pouvoit i

servir. Neautmoins le Roy mon mary jette quelques i

irouppes des siennes dans les vignes , pour empesoher

que le mareschal de Biron n'approcfaast plus près ; n'y I

ayant moyen , à cause de Textresme pluye qu'il faisoit cejoui^-lày de faire aultre eifect. Le mareschal de Biron demeurant cependant en bataille à nostre veue, et laissant seulement desbander deux ou trois des siens , qui vindrent demander des coups de lance pour l'amour des dames y se tenoit ferme, couvrant son artillerie jusques à ce qu'elle fust preste à tirer; puis, faisant soudain fendre sa trouppe, faict tirer sept ou huict volées de canocl dans la ville, dont l'une donna jusques au chasteau ; et ayant faict cela , part de la et se retire, m'envoyant un trompette pour s'excuser à moy, me mandant que si j'eusse este seule , il n'cust pour rien du monde entrepris cela; mais que je sçavois qu'il estoit dict, en la neutralité qui avoit esté accordée par le Roy, que, si le Roy mon mary estoit à Nerac, la neutralité n'auroit point de lieu, et qu'il avoit commandement du Roy de l'attaquer en quelque lieu qu'il fiist.

Eu toutes aultres occasions , monsieur le mareschal de Biron m'a voit rendu beaucoup de respect, et tesuioingné de m'estre amy ; car, luy estant tombé de mes lettres entre les mains durant la guerre, il me les avoit i renvoyées toutes fermées; et tous ceux qui se disoient

à moy ne recep voient de luy qu'honneur et faon traictement. Je respondis à son trompette que je sçavois bien que monsieur le mareschal ne faisoit eq cela que ce qui estoit du debvoir de la guerre et du commandement du Roy; mais qu'un homme prudent comme il estoit pouvoit bien satisfaire et à l'un et à l'aultre, sans offenser ses amys; qu'il me pouvoit bien laisser jouir ces trois jours du contentement de voir le Roy mon mary à Nerac ; qu'il ne pouvoit l'attaquer en ma présence sans s'attaquer aussi à moy; que j'en estois fort offensée, et que je m'en plaindrois au Roy. Cette guerre dura encor quelque temps , ceux de la religion ayant toujours du pire; ce qui m'aidoit à disposer le Roy mon mary à une paix. J'en escrivis souvent au Roy et à la Royne ma mère, mais ils n'y vouloient point entendre , se fiants en la bonne fortune, qui jusques alors avoit accompagné monsieur le mareschal de Biron.

En même temps que cette guerre commença , la ville de Cambray, qui s'estoit, depuis mon partement de France, mise en l'obéissance de mon frère par le moyen de monsieur d'Inchy ', duquel j'ay parlé cy-devant, fust assiégée des forces espaiguoles : de quoy mon frère, qui estoit chez luy au Plessis lez Tours , fust adverty , lequel estoit depuis peu revenu de son premier voyage de Flandres , où il avoit receu les villes de Mons, Va* lenciennes et aultres, qui estoient du gouvernement du comte de Lalain , qui avoit pris le party de mou

' Voyez, daQ9 les OBconomies de SuUjr, chap. xvi, le récit de la saie tromperie dont le pauvre monsieur d'Inchy fut la victime.

frère, le faisant recongnoistre pour seigneur en tous les pays de son authoritë. Mon frère le voulant secourir, faict soudain lever des gens pour mettre sus une armée, pour s'y acheminer; et pour ce qu'elle ne pouvoit estre si tost preste, il y faict en attendant jetter monsieur de Balagny, pour soustenir le siège, attendant qu'avec sou armée il le peust faire lever. Gomme il estoit sur ces apprests, et qu'il commençoit d'avoir une partie des forces qui luy estoient nécessaires, cette gueri*e des huguenots intervint, qui fist desbander tous ses soldats, pour se mettre aux compagnies de l'armée du Roy, qui venoit en Gascongne ; ce qui osta à mon frère toute espérance de secourir Gambray, laquelle ne se pouvoit perdre qu'il ne perdist tout le i^te du pays qu'il avoit conquis, et, ce qu'il regrettoit le plus, monsieur de Balagny et tous ces honnestes gens (|ui s'estoient jettcz dans Gambray.

Ge desplaisir luy fust extrême; et comme il avoit un

grand jugement, et qu'il ne manquoit jamais d'expe-

(iiens en ses adversitez, voyant que le seul remède eust

i esté de pacifier la France, luy qui avoit un courage qui

ne trouvoit rien de difficile, entreprend de faire la paix,

et depesche soudain un gentil-homme au Boy pour le

i luy persuader, et le supplier de luy donner la charge

) de la traicter. Ge qu'il faisoit, craingnant que ceux qui

y eussent esté commis ne l'eussent faict tirer en telle

longueur qu'il n'y eust plus eu moyen de secourir

Gambray; où monsieur de Balagny s'estant jette,

comme j'ay dict, manda à mon frère qu'il luy donne-

roit le temps de six mois pour le secourir ; mais que, si

dans ce temps-là l'on ne faisoit lever le siege^ la necessilé de vivres y seroit telle qu'il n'y auroit moyen de contenir le peuple de la ville ^ et de l'empescher de se rendre. Dieu ayant assisté mon frère au dessein qu'il a voî t de persuader le Roy à la paix, [il] aggrée l'offre que luy faisoit mon frère, de s'employer à la traicter, estimant par ce moyen de le destourner de son enti^prise de Flandres qu'il n'avoit jamais eue agréable, et luy donna la commission de Iraicter et faire cette paix ; luy mandant qu'il luy en voieroit .pour l'assister en cette negotiation messieurs de Villeroy et de Bellievre. Cette commission réussit si heureusement à mon frère, que venant en Gascongne (où il demeura sept mois pour cet efiect, qui luy durèrent beaucoup, pour l'envie qu'il avoit d'aller secourir Gambray, encore que le contentement qu'il avoit que nous fussions ensemble luy addoucist l'aigreur de ce soing), il JBst la paix au contentement du Roy et de tous les catholiques, laissant le Roy mon mary et les huguenots de son party non moins satisfaicts; y ayant procédé avec telle prudence qu'il en demeura loué et aimé de tous ; et ayant en ce voyage acquis ce grand cappitaine, monsieur le mareschai de Biron , qui se voua à luy pour prendre la charge de son armée de Flandres, et lequel il retiroit de Gascongne pour faire plaisir au Roy mon mary, qui eust en son lieu, pour lieutenant en Guyenne, monsieur le mareschal de Matignon .

Avant que mon frère partist, il désira faire l'accord du Roy mon mary et de monsieur le mareschal de Biron ; mais cela feut impossible, estant les offenses passées

trop avant. Il obtint seulement du Roy mon mary qu'il me permettoit de voir monsieur le mareschaldeBiron, pourveu qu'à la première veue il me fist satisfaction par une honneste excuse de ce qui s'estoit passé à NeraCy et me commanda de le braver avec toutes les rudes et desdaiugneuses paroles que je pourrois. J'usay de ce commandement passioimë de mon frère avec la discrétion requise en telles choses, sçachant bien qu'un jour il en auroit regret , pouvant espérer beaucoup d'assistance d'un tel cavallier. Mon frère s'en retournant en France, accompagné de monsieur le mareschal de Biron, avec non moins d'honneur et de gloire d'avoir pacifié un si grand trouble au contentement de tous, que de toutes les victoires que par armes il avoit eues, en fist son armée encor plus grande et plus belle. Mais comme la gloire et le bon heur est tousjours suivy d'envie^ le Roy n'y prenant point plaisir, et en ayant eu aussi peu des sept mois que mon frère et moy avions demeuré ensemble en Gascongne, traictans la paix, pour trouver un objecta son ire, s'imagine que j avois faict naistre cette guerre, y ayant poussé le Roy mon mary (qui peut bien tesmoingner le contraire), pour donner l'honneur a mon frère de faire la paix; laquelle, si elle eust despendu de moy, il l'eust eue avec moings de temps et de peine : car ses affaires de Flandres et de Cambray recepvoient un grand préjudice de son retardement. Mais quoy ! l'envie et la haine fascinent les yeux , et font qu'ils ne voyent jamais les choses telles qu'elles sont.

Le Roy, bastissant sur ce faulx fondement une haine

174 MÉMOIRES [IdSl]

mortelle contre moy^ et faisant revivre en sa mémoire la souvenance du passé (comme, durant qu'il estoit en Polongne et depuis qu'il en estoit revenu, j'avois tousjours embrassé les afiàires et le contentement de mon frère plus que le sien), joingnant tout cela ensemble, il jura ma ruine et celle de mon frère; en quoy la for* tune favorisa son animosité, faisant que durant les sept mois que mon frère fut en Gascongne , le malheur fut tel pour moy qu'il devint amoureux de Fosseuse, que le Roy mon mary servoit , comme j'ay dict, depuis qu'il eust quicté Rebours. Gela pensa convier le Roy mon mary à me vouloir mal, estimant que j'y fisse de bons offices pour mon frère contre luy ; ce qu'ayant recongneu, je priay tant mon frère, luy remonstrant ia peine où il me mettoit par cette recherche, que luy, qui affectionnoit plus mon contentement que le sien , força sa passion et ne parla plus à elle. Ayant remédié de ce costé-là, la fortune (laquelle, quand elle commence à poursuivre une personne, ne se rebutte point pour le premier coup que l'on luy a faict teste) me dresse une aultre embusche bien plus dangereuse que cette-ci ; faisant que Fosseuse , qui atmoit extresmement le Roy mon mary, et qui toutesfois jusques alors ne luy avoit permis que les privautez que l'bonnesteté peut permettre , pour luy oster la jalousie qu'il avoit de mon frère , et luy faire cognoistre qu'elle n'aimoit que luy, s'abandonne tellement à le contenter en tout ce qu'il vouloit d'elle , que le malheur fnst si grand qu'elle devint grosse. Lors, se sentant en cet estât, elle change toute de façon de procéder avec moy ; et, au lieu

({u elle avoit accoustumë d'y estre libre ^ et de me rendre à Tendroict da Roy mon mary tous les bons offices quelle pouYoit, elle commence à se cacher de moy, et à me rendre aultant de mauvais offices qu'elle m'en avoit faict de bons. Elle possedoit de sorte le Roy mon mary, qu'en peu de temps je le cogneus tout changé. U s'estrangeoit de moy, il se cachoit, et n'avoit plus ma présence si agi*eable qu'il avoit eue, les quatre ou cinq heureuses années que j'avois passées avec luy en Gascongne, pendant que Fosseuse s'y gouvernoitavec honneur.

La paix faicte comme j'ay dict, mon frère s'en retournant en France pour faire son armée, le Roy mon mai*y et moy nous nous en retoumasmes à Nerac ; où soudain que nous fusmes arri vez^ Fosseuse luy mect en teste, pour trouver une couverture à sa grossesse , ou bien pour se desfaire de ce qu'elle avoit , d'aller aux eaux de Aigues-Gaudes qui sont en Bearn. Je suppliay le Roy mon mary de m'excûser, si je ne l'accompagnois à Aigues-Caudes; qu'il sçavoit que, depuis l'indignité que j'avois receue à Pau, j'avois faict serment de n'entrer jamais en Bearn que la religion catholique n'y feust. Il me pressa fort d'y aller, jusques à s'en courroucer. Enfin je m'en excuse. Il me dit alors que sa fille (car il appelloit ainsi Fosseuse) avoit besoin d'en prendre, pour le mal d'estomach qu'elle avoit. Je luy dis que je voulois bien qu'elle y allast. U merespond qu'il n'y avoit point d'apparence qu'elle y allast sans moy ; que ce seroit faire penser mal où il n'y en avoit point; et se fasche fort contre moy de ce que je ne la luy vou-

lois point mener. Enfin je fis tant qu'il se contenta qu'il allast avec elle deux de ses compagnes, qui furent Rebours et Villesavin % et la gouvernante. Elles s'en allèrent avec luy, et moy j'attendis à Baniere. J'avois tous les jours advis de Reboui^ (qui estoit celle qu'il avoit aimée ; qui estoit une fille corrompue et double, qui ne desiroit que de mettre Fosseuse dehors, pensant tenir sa place en la bonne grâce du Roy mon mary ) , que Fosseuse me faisoit tous les plus mauvais offices du monde , médisant ordinairement de moy, et se per* suadant, si elle avoit un fils et qu'elle se peust desfaire de moy, d'espouser le Roy mon mary ; qu'en cette intention, elle me vouloit faire aller à Pau, et quelle avoit faict résoudre le Roy mon mary, estant de retour à Bannière, de m'y mener ou de gré ou de force. Ces advis me mettoicnt en la peine que l'on peut penser. Toutesfois , ayant tousjours fiance en la bonté de Dieu et en celle du Roy mon mary, je passay le temps de ce séjour de Baniere en l'attendant, et versant autant de larmes qu'eux beuvoient de gouttes des eaues où ils estoient ; bien que j'y feusse accompagnée de toute la noblesse catholique de ce quartier-là, qui mettoit toute la peine qu'elle pouvoit de me faire oublier mes en-nuis.

, Au bout d'un mois ou cinq sepmaines^ le Roy mon mary, revenant avec Fosseuse et ses aultres compagnes, soeust, de quelqu'un de ces seigneurs qui estoient avec moy, l'ennuy où j'estois pour la crainte que j'avois

• Voyez Castbl?iau, t I, p. Sqq.

d'aller à Pau; qui fut cause qu'il ne me pressa pas tant d'y aller,, et me dit seulement qu'il eust bien désiré qae je l'eusse voulu. Mais , voyant que mes larmes et mes paroles luy disoient ensemble que j'eslirois plustost la mort , il changea de dessein , et retournasmes à Nerac; où voyant que tout le monde parloit de la grossesse de Fosseuse, et que non seulement en nostre oour^ mais par tout le païs, cela estoit commun, je voulos tascher de faire perdre ce bruict , et me résolus de luy en parler; et, la prenant en mon cabinet, je luy dis : (( Encor que depuis quelque temps vous vous soyez estrangée de moy, et que l'on m'aye voulu faire croire que vous me faictes de mauvais offices auprès du Roy mon mary, l'amitié que je vous ay portée , et celle que j'ay vouée aux personnes d'honneur à qui vous appartenez, ne me peut permettre que je ne m'offre de vous secourir au malheur où vous vous trouvez , que je vous prie de ne me celer, et ne vouloir ruiner d'honneur et vous et moy^ qui ay aultant d'interest au vostre, estant à moy comme vous-mesme; et croyez que je vous feray office de mère. J'ay moien de m'en aller, soubs couleur de la peste, que vous voyez qui est en ce pais et mesme en cette ville , au Mas d'Âgenois, qui est une maison du Roy mon mary fort escartée. Je ne meueray avec moy que le train que vous voudrez. Cependant, le Roy mon mary ira à la chasse de aultre costé, et ne bougeray de Ik que TOUS ne soyez délivrée , et ferons par ce moyen cesser ce bruict, qui ne m'importe moins qu'à vous, w Elle, au lieu de m'en scavoir gré , avec une arrogance ex-

tresme, me dît : qu'elle feroit mentir tous ceux qui en avoient parlé; qu'elle cognoissoit bien qu'il y aToit quelque temps que je ne l'aimois poinct^ et je cherchois prétexte pour la ruiner. Et , parlant aussi hault que je luy avois parlé bas , elle sort toute en colère de mon cabinet et y Ta mettre le Roy mon mary; en sorte qu'il se courrouça fort à moy de ce que j'avoîs dict à sa fille ^ disant qu'elle feroit mentir tous ceux qui la taxoienty et m'en fist mine fort long-temps^ et jusques à tant que, s'estans passez quelques mois, elle vint à l'heure de son terme.

Le mal luy prenant au matin, au point du jour, estant couchée en la chambre des filles , elle envoya quérir mon médecin , et le pria d'aller advertir le Roy mon mary, ce qu'il fist. Nous estions couchez en une mesme chambre, en divers licts, comme nous avions accoustumé. Gomme le médecin luy dict cette nouvelle, il se trouva fort en peine, ne sçachant que faire, craingnanl d'un costé qu'elle fust descouverte , et de l'aultre qu'elle fust mal secourue ; car il l'aimoit fort. Il se résolut enfin de m'advouer tout , et me prier de l'aller faire secourir, sçachant bien que, quoy qui se fust passé, il me trouveroit tousjours preste de le servir en ce qui luy plairoit. Il ouvre mon rideau, et me dit : « M'amie, je vous ay celé une chose qu'il fault que je vous advoue. Je vous prie de m'en excuser et de ne vous point souvenir de tout ce que je vous ay dict pour ce subject ; mais obligez-moy tant de vous lever tout à cette heure et aller secourir Fosseuse, qui est fort malade; je m'asscurc que vous ne voudriez, la voyant

en cet estât, yous ressentir de ce qui s'est passé. Vous scavez combien je l'ayme; je vous prie, obligez-moy en cela. » Je luy dis : que je l'honorois trop pour m'offenser de chose qui vint de luy; que je m'y en allois, et y ferois comme si c'estoit ma fiUe; que cependant il s'en allast à la chasse et emmenast tout le monde ^ afin qu'il n'en fust poinct ouy parler.

Je la feis promptement oster de la chambre des filles et la mis en une chambre escartée, avec mon médecin et des femmes pom* la servir, et la feis tres-^ bien secourir. Dieu voulust qu'elle ne fîst qu'une fille, qui encore estoit morte. Estant délivrée , on la porta en la chambre des filles, où, bien que l'on apportast toute la discrétion que l'on pouvoit, on ne peust empescher que ce bniict ne fust semé par tout le chasteau. Le Roy mon mary, estant revenu de la chasse, la va voir comme il avoit accoustumé. Elle le prie de faire que je l'allasse voir, comme j'avois accoustumé d'aller Yoir toutes mes filles, quand elles estoient malades , pensant par ce moyen oster le bruict qui couroit. Le Roy mon mary, venant en la chambre, me trouve que je m'estois remise dans le lict, estant lasse de m'estre levée si matin , et de la peine que j'avois eue à la faire secourir. Il me prie que je me levé et que je l'aille voir. Je luy dis que je l'avois faict, lors qu'elle avoit en besoin de mon secours; mais qu'à cette heure elle n'en avoit plus afiàire; que, s'y j'y allois, je descouvrirois plustost que de couvrir ce qui estoit, et que tout le monde me mon^treroit an doigt. Il se fascha fort contre moy, et , ce qui me despleust beaucoup , il me