MÉMOIRES [1Ô

pliois de croire que je conserverois immortelle la souvenance du tort que mon frère me faisoit. Elle s'en courrouça y me commandant de ne luy en montrer nulle apparence.

Depuis ce jour-là, elle alla tousjours me diminuant sa faveur, faisant de son fils son idole , le voulant contenter en cela et en tout ce qu'il desiroit d'elle. Cet ennuy me pressant le cœur et possédant toutes les facultez de mon ame, rendant mon corps plus propre à recepvoir la contagion du mauvais air qui estoit lors en Tarmëe, je tombay à quelques jours de là extrêmement malade d'une grande fiebvre continue et du pourpre, maladie qui couroit lors, et qui avoit en mesme temps emporté les deux premiers médecins du Roy et de la Royne, Chappellain et Castelan ', comme se voulant prendre aux bergers, pour avoir meilleur marché du troupeau. Aussi en eschappat-il fort peu de ceux qui en fm^ent atteints. Moy estant en cette extrémité, la Royne ma mère, qui en sçavoit une partie de la cause , n'obmettoit rien pour me faire secourir, prenant la peine, sans craindre le danger,

thieu, de Dupleix (qui fut attaché à la maison de Marguerite), et de Mézerai.

' Le président de Thou parle en ces termes de ces deux médecins :

Duo viri insignes, nec magis prqfessione quant voluntatum et

studiorum consensione conjuncii, eodemquefere diu, in aula et exercitibus, contubernio usi, Joannes Capella et Honoratus Castellanus , régis reginœque archiatri, ^trique profclari, et partis liberalitate principum opibus , extra quœstum, qui illam artem in plerisque des-

honestat, positi ambo, ut conjuncti vixerant, ita in eadem domo

et eadem pestilenti lue eodem tempore c vivis excesserunt. ( Jac.

Auc. Thuani Hist, sui temporis, lib. xlyi.)

d'y venir à toute heure, ce qui soulageoit bien mon mal; mais la dissimulation de mon frère me Faugmentoit bien autant, qui, après m'avoir faict une si grande trahison et rendu une telle ingratitude, ne bougeoit jour et nuict du chevet de mon lict, me servant aussi officieusement que si nous eussions esté au temps de nostre plus grande amitié. Moy, qui avois par commandement la bouche fermée, ne respondois que par souspirsà son hypocrisie, comme Burrus fist à Néron, lequel mourust par le poison que ce tyran luy avoit faict donner, luy tesmoingnant assez la principale cause de mon mal n'estre que la contagion des mauvais offices j et non celle de Fair infecté. Dieu eut pitié dn moy, et me garantit de ce danger; et après quinze jours passez, l'armée partant. Ton m'emporta dans des brancars, où tous les soirs, arrivant à la couchée, je trouvois le roy Charles, qui prenoit la peine, avee tous les honnestes gens de la cour, de porter ma lictiere jnsques au chevet de mon lict.

En cet estât, je vins de Saint-Jean-d'Angely k Angers , malade du corps, mais beaucoup plus malade de l'ame, où pour mon malheur je trouvay monsieur de Guise et ses oncles arrivez; ce qui resjouit autant mon frère, pour donner couleur à son artifice, qu'il me donna appréhension de croistre ma peine. Lors mon frère, pour mieux ourdir sa trame, venoit tous les jours à ma chambi^, y menant monsieur de Guise, qu'il feingnoit d'aimer fort. Et pour le luy faire penser, souvent en l'embrassant il lui disoit : u Flcust à Dieu que tu feusses mon frère ! » A quoy monsieur de