MÉMOIRES [1570J

Guise monstroit ne point entendre; mais moy, qui sçavois la malice ^ perdois patience de n'oser la luy reprocher.

Sur ce temps, il se parla pour moy du mariage du roy de Portugal ', qui envoya des ambassadeurs pour me demander. La Royne ma mère me commanda de me parer pour les recepvoir, ce que je feis. Mais mon frère lui ayant faict accroire que je ne voulois point de ce mariage, elle m'en parla le soir, m'en demandant ma volonté, pensant bien en cela trouver un subjectpour se courroucer à moy. Je luy dis que ma volonté n'a voit jamais despendu que de la sienne ; que tout ce qui luy seroit agréable me le seroit aussi. Elle me dit en colère , comme l'on l'y avoit disposée, que ce que je disois, je ne l'avois point dans le cœur, et qu'elle sçavoit bien que le cardinal de Lorraine m'avoit persuadée de vouloir plustost son nepveu. Je la suppliay de venir à l'effect du mariage du roy de Portugal, lors elle verroit mon obéissance. Tous les jours on luy disoit quelque chose de nouveau sur ce subject, pour l'aigrir contre moy et me tourmenter ; inventions de la bouticque du Guast. De sorte que je n'avois un jour de repos; car, d'un costé, le roy d'Espagne* empeschoit que mon mariage ne se fist, et de l'autre, monsieur de Guise, estant à la cour, servoit tousjonrs de prétexte pour fournir de subject à me faire persécuter, bien que luy, ny nul de ses parens, m'en eust jamais parlé, et qu'il y eust plus d'un an qu'il eust commencé

* Sébastien , le preinier roi de Portugal qui ait pris le titre de Majesté.

• Philippe IT.

la recherche de la princesse de Porcian * . Mais pource que ce mariage-là traisnoit , on en rejettoit tousjours la cause sur ce qu'il aspiroit au mien. Ce que voyant, je m'advisay d'escripre à ma sœur madame de Lorraine, qui pouYoit tout en cette maison-là , pour la prier de faire que monsieur de Guise s'en allast de la cour, et qu'il espousast promptement la princesse de Porcian sa maistresse, luy représentant que cette invention avoit esté faicte autant pour la ruine de monsieur de Guise et de toute sa maison ^ que pour la mienne. Ce qu'elle recogneust très-bien , et vint bientost à la cour^ où elle feit faire ledit mariage, me délivrant par ce moyen de cette calomnie, et faisant cognoistre à la Royne ma mère la vérité de ce que je luy avois tousjours dit : ce qui ferma la bouche à tous mes ennemis» et me donna repos. Cependant le roy d'Espagne, qui ne veut que les siens s'allient hors de sa maison , rompit tout le mariage du roy de Portugal, et ne s'en parla plus *.

Quelques jours après il se parla du mariage du prince de Navarre, qui maintenant est nostre brave et magnanime Roy, et de moy. La Royne ma mère, estant un jour à table , en parla fort longtemps avec

' Catherine de Clèves , comtesse d'Ea ,. veuve d'Antoine de Croy^ prioce de Porcian , qui épousa en secondes noces Henri de Lorraine , duc de Gnise.

* Le P. Hilarion de Coste avance que l'empereur Maximilien II la fit aussi demander pour son fils aîné Rodolphe, roi de Hongrie. Si le fait est vrai ^ on peut s'étonner que l'orgueil féminin de Marguerite l'ait passé sous silence. {Dames illustres , t. II, p. agS. )

monsieur de Meru % parce que la maison de Montmorency estoient ceux qui en avoient porté les premières paroles. Sortant de table, il me dit qu'elle luy avoit dit de m'en parler. Je luy dis que c'estoit chose superflue, n'ayant volonté que la sienne; qu'à la vérité, je la supplierois d'avoir esgard combien j'estois catholique, et qu'il me fascheroit fort d'espouser personne qui ne fust de ma religion. Apres , la Royne, allant en son cabinet, m'appella, et me dit que messieurs de Montmorency luy avoient proposé ce mariage , et qu'elle en vouloit bien savoir ma volonté; à quoi je respondis n'avoir ny volonté ny eslection que la sienne; je la suppliois se souvenir que j'estois fort catholique. Au bout de quelque temps, les propos s'en continuans tousjours, la royne de Navarre, sa mère, vint à la cour, où le mariage fut du tout accordé avant sa mort, à laquelle il se passa un trait si plaisimt, qu'il mérite non d'estre mis en l'histoire, mais de ne le passer soubz silence entre vous et moy. Madame de Nevers ', de qui vous congnoissiez rhumeur, estant venue avec monsieur le cardinal de Bourbon , madame de Guise , madame la princesse de Condé^, ses sœurs et moy, au logis de la feue royne de Navarre à Paris , pour nous acquicter du dernier debvoir deu à sa dignité et a la proximité que nous luy

' Charles de Montmorency, fils puîné du connétable Anne. A cette époque , il prenait le titi% de la seigneurie de Méru ; plus tard , il prit celui de duc d'Amville. Il fut amiral de France.

* Henriette de Clèves , duchesse de Nivernois et de Rethelois.

' Marie de Clèves, marquise d'Isles, première femme de Henri de Bourbon , premier du nom , pi'ince de Condé

avions y non avec les pompes et cérémonies de nostre religion y mais avec le petit appareil que permettoit la huguenoterie ; à sçavoir, elle dans son lict ordinaire^ les rideaux ouverts^ sans luminaire, sans prestresy sans croix et sans eau beniste; et nous, nous tenans à cinq ou six pas de son lict avec le reste de la compagnie, la regardant seulement. Madame de Nevers, qu'en son vivant elle avoit baye plus que toutes les personnes du monde, et elle luy ayant bien rendu et de volonté et de parole , comme vous sçavez qu'elle en sçavoit bien user à ceux qu'elle hayoit, part de nostre troupe, et avec plusieurs belles, humbles et grandes révérences, s'approche de son lict, et lui prenant la main la luy baise ; puis , avec une grande révérence pleine de respect, se met auprès de nous. Nous, qui sçavions leur haine, estimant cela....

Quelques mois après ledit prince de Navarre, qui lors s'appeloit roy de Navarre, portant le dueil de la Royne sa mère, y vint accompagné de bien buict cens gentilhommes tous en dueil, qui fust receu du Roy et de toute la cour avec beaucoup d'honneuf'; et nos nopces se feirent peu de jours après avec autant de triomphe et de magnificence que de nul autre de ma qualité; le roy de Navarre et sa troupe y ayans laissé et cbangé le dueil en habits tres-riches et beaux, et toute la cour parée comme vous sçavez, et le sçaurez trop mieux représenter ; moy habillée à la royalle avec la couronne et couet ^ d'hermine mouchetée, qui se

* Yar. de la copie de l'Arsenal : corcet.

met au devant du corps ^ toute brillante de pierreries de la couronne y et le grand manteau bleu à quatre aulnes de queue portée par trois princesses; les eschafFaux dressez à la coustume des nopces des filles de France, depuis Tevescliéjusques h Nostre-Dame^ tendus et parez de drap d'or ; le peuple s'estoufTant en bas à regarder passer sur cet eschafiàut les nopces et toute la cour, nous yinsmes à la porte de l'église , où monsieur le cardinal de Bourbon y faisoit l'office ce jourlà, où nous ayant receu pour dire les paroles accoustumées en tel cas, nous passasmes sur le mesme eschaffhut jusques à la tribune qui sépare la nef d'avec le choeur, où il se trouva deux degrez, l'un pour descendre audict chœur, l'autre pour sortir par la nef hors l'église. Le roy de Navarre s'en allant par celuy de la

nef hors de l'église , nous

La fortune, qui ne laisse jamais une félicité entière aux humains , changea bien-tost cet heureux estât de nopces et triomphe en un tout contraire, par cette blessure de l'admirai , qui oSença tellement tous ceux de la religion, que cela les mist en un dernier desespoir. De sorte que l'aisné Pardaillan * et quelques autres des chefs des huguenots en parlèrent si haut à la Royne ma mère, qu' ils luy firent penser qu'ils avoient quelque mauvaise intention. Par l'advis de monsieur de Guise et de mon frère le roy de Pologne , qui depuis a esté roy de France, il feust pris resolution de les prévenir ; conseil de quoy le roy Charles ne fust nullement, le-

' Hector de Pardaillan , baron de Gondrin et de Montes|)an , fils d* Antoine de Pardaillan, aussi baron de Gondrin et de Montespan.

quel afièctionnoit fort monsieur l'admirai j monsieur deLa Rochefoucaulty Teligny % La Noue, et quelques autres des chefs de la religion , desquels il se pensoit seinrir en Flandre. Et , à ce que je luy ay depuis ouy dire à luy-mesme, il y eust beaucoup de peine à Ty faire consentir; et sans ce qu'on luy fit entendre qu'il y alloit de sa vie et de son estât , il ne Feust jamais fait. £t ayant sceu l'attentat que Maurevert * avoit faict à monsieur l'admirai du coup de pistolet qu'il luy avoit

' Charles, seigoear de Téligny, qui fat taé à la Saint-Barthélémy. Il avait épousé Louise de Coligny, fille de Pamiral , laquelle se remaria, en i583, & Guillaume de Nassau, prince d'Orange.

* Lestoile en parie en ces termes : « Maurevert, jeune gentilhomme briois, cest insigne et tant renommé assassin, qui, en Tan iSôg, avoit à Niort, tué proditoi rement d'un coup de pistolé le seingneur de Moui , son maistre, et en l'an iSga {sic) tiré le coup de harquebouze à l'amiral de Chastilion, pour récompense desquels services il estoit pourveu de deux bonnes abbaies.... » {Journal de Henri III ^ 1^76; éd. de MM. Champollion. } — La date de iSga, qu'on lit ici, est une faute d'impression , comme il est facile de le voir. Voici da reste sur Maurevert une note parfaitement exacte , dont nous voulons laisser tout l'honneur au citoyen La Chabeaussière :

« L'assassin de Mouy se nommait Louvier, et était seigneur de Man- «revert et non Maureveil, comme l'ont écrit quelques historiens, «encore moins MoureveiL Maurevert est en Brie....

« Ce Louvier avait été page dans la maison du duc de Lorraine, et « avait été destitué par le gouverneur, ce qui l'avait contraint de pas- < ser dans les troupes espagnoles ; ensuite il s'était insinué chez les «Gaise. » (Extrait d'ane lettre écrite des Madelonnettes, le x6 ventôse de Pan 11* de la république, par le citoyen La Chabeaussière au citoyen Grégoire, député de la Convention.)— Pour s'expliquer l'origine singulière de cette note, il faut savoir que Charles IX voulut récompenser l'assassin de Mouy en lui faisant donner le collier de son ordre,. et que la lettre autogi*aphe écrite dans ce but par le Roi au

tiré par une feneslre^ d'où le pensant tuer il resta seulement blessé à l'espaule, le roy Charles se douLtant bien que ledict Maurevert aToit fait ce coup a la suscitation de monsieur de Guise , pour la vengeance de la mort de feu monsieur de Guise ^ son père, que ledit admirai avoit fait tuer de mesme façon par Poltrot^ il en fust en si grande colère contre monsieur de Guise , qu'il jm*a qu'il en feroit justice. Et si monsieur de Guise ne se fust tenu caché tout ce jour-là , le Roy l'eust faict prendre. Et la Royne ma mère ne se trouva jamais plus empeschée qu'à faire entendre audit roy Charles que cela avoit esté faict pour le bien de son estât, à cause de ce que j'ay dit cy-dessus de l'affection qu'il avoit à monsieur l'admirai, à La Noue et à Teligny, desquels il goustoit l'esprit et valeur, estant prince si généreux qu'il nes'afiectionnoit qu'à ceux en qu'il recongnoissoit telles qualitez. Et bien qu'ils eussent esté tres-pernicieux à son estât, les regnards avoient sçeu si bien feindre qu'ils avoient gaingné le cœur de ce brave prince, pour l'espérance de se rendre utiles à l'accroissement de son estat^ et en luy proposant de belles et glorieuses entreprises en Flandre , seul attraict de cette ame grande et royalle. De sorte que, bien que la Royne ma

dac d'Alençon, fat, pendant la Révolntion, l'objet d'nne délibération de la Convention, qui en ordonna l'insertion au Moniteur, et le dépôt aux manuscrits de la Bibliothèque Nationale. (Voyez y sur ce fait, les quatre pièces si curienses que MM. ChampoUion ont publiées dans les additions au Journal de ffenrilllpsir Lestoilb, p. 3o8.) — Maurevert mourut en i583, à la suite d'un engagement entre lui et le fils du seigneur de Mouy, Charles-Louis de Vaudray, qui périt aussi dans cette lutte en chcrchaDt à venger la mort do son père.

mère luy representast en cet accident que l'assassinat que Tadmiral avoit faict faire à monsieur de Guise ', rendoit excusable son fils, si n'ayant peu avoir justice , il en avoit voulu prendre mesme vengeance; qu'aussi l'assassinat qu'avoit faict ledit adnmtd de Gharry, maistre de camp de la garde du Roy, personne si valeureuse, et qui l'a voit si fidellement assistée durant sa régence et la puérilité dudictroy Charles, le rendroit bien digne de tel traittement; bien que telles paroUes peussent bien faire juger au roy Charles que la vengeance de la mort dudict Charry n'e^toit pas sortie du coeur de la Royne ma mere^ son ame passionnée de douleur de la perte des personnes qui, comme j'ai dict, il pensoit luy estre un jour utiles , offusqua tellement son jugement, qu'il ne peust modérer ny changer ce passionné désir d'en faire justice, et commanda tous* jours qu'on cherchast monsieur de Guise, que l'on le prist, qu'il ne vouloit point qu'un tel acte demeurast impuny.

Enfin comme Pardaillan descouvrist par ses menaces au soupper de la Royne ma mère la mauvaise intention des htiguenots, et que la Royne vist que cet accident avoit mis les affaires en tels termes, que si l'on ne prevenoit leur dessein la nuict mesme ils attenteroient contre le Boy et elle, elle prist resolution de faire ouvertement entendre audit roy Charles la vérité de tout et le danger où il estoit, par monsieur le marescKal de Raiz^ de qui elle sçavoit qu'il le prendrait

' Voyez les Mémoires de Castelnau, t. I , p. 388, et t. Il, p. 3o7 ; éd. de Le Laboureur.

mieux que de tout autre , comme celuy qui luy estoit plus confident et plus favorisé de luy. Lequel le vînt trouver en son cabinet le soir, sur les neuf ou dix heures, et luy dit que comme son serviteur tres-fidelle il ne luy pouvoit celer le danger où il estoit, s'il continuoit en la resolution qu'il avoit de faire justice de monsieur de Guise 9 pour ce qu'il falloit qu'il sçeust que le coup de l'admirai n'avoit point esté fait par monsieur de Guise seul, mais que mon frère le roy de Pologne, depuis roy de France, et la Royne ma mère avoient esté de la partie; qu'il sçavoit l'extrême desplaisir que la Royne ma mère receust à l'assassinat de Charry, comme elle en avoit très grande raison^ ayant lors peu de tels serviteurs qui ne deppendissent que d'elle, estant, comme il sçavoit, du temps de sa puérilité, toute la France partie, les catholiques pour monsieur de Guise, et les huguenots pour le prince de Condé y tendans et les uns et les autres à luy oster sa couronne, qui ne luy avoit esté conservée , après Dieu , que par la prudence et vigilance de la Royne sa mère, qui en cette extrémité ne s'estoit trouvée plus fidellement assistée que dudict Charry; que des-lors il sçavoit qu'elle avoit juré se venger dudict assassinat ; qu'aussi voyoit-il que ledict admirai ne seroit jamais que tres-pernicieux en cet estât, et que, quelque apparence qu'il fist de luy avoir de TafTection et de vouloir servir Sa Majesté en Flandre, qu'il n'avoit aultre dessein que de troublei* la France ; que son dessein d'elle n'avoit esté en cet effect que d'oster cette peste de ce royaume, l'admirai seul; mais que le malheur avoit voulu que Maurevert avoit failly

son coup^ et que les huguenots en estoient entrez en tel desespoir, que ne s'en prenant pas seulement à monsieur de Guise ^ mais à la Boy ne sa mère et au roy de Pologne son frère, ils croyoient aussi que le roy Charles mesme en fust consentant , et a voient résolu de recourir aux armes la nuict mesme. De sorte qu'il voyoit Sa Majesté en un très-grand danger, fust ou des catholiques^ à cause de monsieur de Guise, ou des huguenots, pour les raisons susdites.

Jje roy Charles, qui estoit tres-prudent, et qui avoit esté toujours tres-obeissant à la Royne ma mère, et prince tres-catholique, voyant aussi de quoy il y alloit, prist soudain resolution de se joindre à la Royne sa mère, et se conformer à sa volonté , et guarentir sa personne des huguenots par les catholiques; non sans toutefois extrême regret de ne pouvoir sauver Teligny, La Noue, et monsieur de La Rochefoucault. Et lors allant trouver la Royne sa mère, envoya quérir monsieur de Guise et tous les autres princes et cappitaines catholiques, où fust pris resolution ' de faire, la nuict mesme, le massacre de la saint Barthélémy. Et mettant soudain la main à l'œuvre, toutes les chaisnes tendues, le tocsin sonnant, chacun courut sus en son quartier, selon l'ordre donné , tant à l'admirai qu'à tous les huguenots. Monsieur de Guise donna au logis, de Fadmiral, à la chambre duquel Besme, gentilhomme allemand, estant monté, après l'avoir dagué le jetta par les fenestres à son maistre monsieur de Guise.

' Il est permis de douter qu'une pareille résolution ait été prise et exécutée d'une manière aussi instantanée.

Pour raoy, l'on ne me disoit rien de tout cecy. Je voyoîs tout le monde en action ; les huguenots désespérez de cette blesseure; messieurs de Guise craingnans qu'on n'en voulust faire justice , se suschetans tous à l'oreille. Les huguenots me tenoient suspecte parce que j'estois catholique 9 et les catholiques parce que j'avois espousé le roy de Nayarre, qui estoit huguenot. De sorte que personne ne m'en disoit rien, jusques au soir qu'estant au coucher de la Royne ma mère , assise sur un coffre auprès de ma sœur de Lorraine , que je voyois fort triste , la Royne ma mère paillant à quelques-uns m'apperceuty et me dit que je m'en allasse coucher. Comme je lui faisois la révérence , ma sœur me prend par le bras , et m'arreste en se prenant fort à pleurer^ et me dict : « Mon Dieu, ma sœur, n'y allez pas. » Ce qui m'eSraya extrêmement. La Royne ma mère s'en apperceut, et appella ma sœur, et s'en courrouça fort à elle, luy deffendant de me rien dire. Ma sœur luy dit qu'il n'y avoit point d'apparence de m'envoyer sacrifier comme cela, et que sans doubte s'ils descouvroient quelque chose, ils se yengeix)ient sur moy. La Royne ma mère respond , que s'il plaisoit à Dieu , je n'aurois point de mal; mais quoy que ce fust, il falloitque j'allasse, de peur de leur faire soupçonner quelque chose qui empeschast l'effect.

Je voyois bien qu'ils se contestoient et n'entendois pas leurs paroles. Elle me commanda encore rudement que je m'en allasse coucher. Ma sœur fondant en lar- * mes me dit bon soir, sans m'oser dire aultre chose; et moy je m'en vois toute transie, esperdue, sans me pou-

[Ïb79,] DE MARGUERITE DE VALOIS. 33

voir imaginer ce que j'avois à craindre. Soudain que je

fus en mon cabinet, je me mets à prier Dieu qu'il liiy

plust me prendre en sa protection , et qu'il me gar-

dast^ sans savoir de quoy ni de qui. Sur cela le Roy '

mon mary qui s'estoit mis au lict, me mande que je (

m'en allasse coucher ; ce que je feis , et trouvay son

lîct entourré de trente ou quarante huguenots que je

ne cognoissois point encore , car il y avoit fort peu de

jours que j'estois mariée. Toute la nuict ils ne firent

que parler de l'accident qui estoit advenu a monsieur

l'admirai, se resolvants, des qu'il seroit jour, de de-^

mander justice au Roy de monsieur de Guise, et que

si on ne la leur faisoit , qu'ils se la feroient eux-mes--

mes. Moy j'avois tousjours dans le cœur les larmes de

ma sœur, et ne pou vois dormir pour l'appréhension

en quoy elle m'avoit mise sans sçavoir de quoy. I^a

nuict se passa de cette façon sans fermer l'œil. Au

poinct du jour, le Roy mon mary dict qu'il vouloit aller

jouer à la paulme attendant que le roy Charles seroit

esveillë, se resolvant soudain de luy demander justice.

Il sort de ma chambre, et tous ses gentils-hommes

aussy. Moy voîant qu'il estoit jour, estimant que le

danger que ma sœur m'avoit dict fust passé, vaincue

du sommeil , je dis à ma nourrice qu'elle fermast la

porte pour pouvoir dormir à mon aise.

Une heure après, comme j'estois plus endormie, voicy un homme frappant des pieds et des mains à la porte 9 criant : «Navarre! Navarre!» Ma nourpice pensant que ce fust le Roy mon mar^, court vistement à la porte et lui ouvre. Ce fust un gentil-homme

nommé monsieur de Léran * , qui avoit un coup d'espée dans le coude et un coup de hallebarde dans le bras , et estoit encores poursuivy de quatre archers, qui entrèrent tous après luy en ma chambre. Luy se voulant guarantir se jetta sur mon lict. Moy sentant cet homme qui me tenoit, je me jette à la ruelle, et luy après moy, me tenant tousjours au travers du corps. Je ne cognoissois point cet homme, et ne sçavois s'il venoit là pour m'offenser, ou si les archers en touloient à luy ou à moy. Nous cryons tous deux, et estions aussi eflfrayez l'un que l'aultre. Enfin Dieu voulust que monsieur de Nançay % cappitaine des gardes y vinst, qui me trouvant en cet estat-là, encores qu'il y eust de la compassion , ne se peust tenir de rire ; et se courrouçant fort aux archers de cette indiscrétion , il les fist sortir, et me donna la vie de ce pauvre homme qui me tenoit, lequel je feis coucher et penser dansmon cabinet jusques à tant qu'il fust du tout guary. Et changeant de chemise, parce qu'il m'avoit toute couverte de sang y monsieur de Nançay me conta ce qui se passoit , et m'asseura que le Roy mon mary estoit

' Brantôme le nomine Lerac. La copie de la Bibliothèqae de l'Arsenal porte seule Leran. On lit dans Mongez (Histoire de Marguerite de Falois, p. io4) qu'il se nommait Teyran, et était gentilhomme de l'écurie du roi de France. — C'est probablement Gabriel de Levis , vicomte de Léran.

* Gaspard de la Chastre , seigneur de Nançay, aïeul d'Edmc , marquis de la Gbastre , qui a laissé des Mémoires. Il était capitaine des gardes depuis i568. Il s'était distingué aux batailles de Dreux, de Saint-Denis, de Jarnac, de Moncontour, etc. Mort en 1676, de» suites d'une blessure reçue à la bataille de Dreux.

dans la chattibre clu Roy, et qu'il n'auroit point de mal. Me faisant jetter un manteau de nuict sur moy, il m'emmena dans la chambre de ma sœur madame de LoiTaine', où j'arrivay plus morte que vive, où en* trant dans rantichambre, de laquelle les portes estoient toutes ouvertes 9 un gentil-homme nommé Bourse, se sauvant des archers qui le poursuivoient, fust percé d'un coup de hallebarde à trois pas de moy. Je tombay de l'aultre costé presque esvanouie entre les bras de monsieur de Nançay, et peDsois que ce coup nous eust percez tous déax. Et estant quelque peu remise , j'entray en la petite chambre où couchoit ma sœur. Comme j'estois là, monsieur de Miossans, premier gentil'hoKome du Roy mon mary % et Armagnac, son premier vallet de chaïâbre, m'y vindrent trouver pour me prier de leur sauver la vie. Je m'allay jetter à genoux devant le Roy ' et la Royne ma mère pour les leur demander; ce qu'enfin ils m'accordèrent.

Cinq ou six jours après, ceux qui avoient commencé cette partie^ cognoissans qu'ils avoient failly à leur prin-

' Qaade de France » femme de Gharies, dac de Lorraine.

* Henri d'Albret, baron de Mio99an8, de €k>araEe, etc.

' Brantôme a sans donte confondu cette démarche avec celle qu^il ^attribue i la reine de Navarre, en favenr de son époax. Il avance, dans Pélogede Marguerite, « qu'elle se jeta à genoux devant le roy « Charles son frère , pour lui demander la vie de son mary et seicgneur; le roy Charles le lui accorda assez difficilement, encore « qu'elle fust sa bonne soenr. » — Marguerite , comme on le voit , n'a &tt aucune mention de cette circonstance. Faut-il croire , avec un de ses biographes, que ce fut dans la crainte de choquer la délicatesse de Henri lY, et de paraître lui reprocher ce service? Quoi qu'on en

cipal dessein» n'en voulant point tant aux huguenots qu'aux princes du sang, portoient impatiemment que le Roy mon mary et le prince de Condé fussent demeurez. Et congnoissant qu'estant mon mary, que nul ne \oudroit attenter contre luy, ils ourdissent une autre trame. Ils vont persuader à la Royne ma mère qu'il me falloit desmarier. En cette resolution estant allée un jour de feste à son lever, que nous debvions faire noz Pasques , elle me prend à serment de luy dire vérité , et me demande si le Roy mon mary estoit homme, me disant que si cela n'estoit^ elle auroit moyen de me des* marier. Je la suppliay de croyre que je ne me cognoissois pas en ce qu'elle me demandoit (aussi pouvois-je dire lors à la vérité comme cette Romaine, à qui son mary se courrouçant de ce qu'elle ne l'avoit adverty qu'il avoit l'haleine mauvaise, luy respondit qu'elle croyoit que tous les hommes l'eussent semblable, ne s'estant jamais approchée d'aultre homme que de luy); mais quoy que ce fust, puis qu'elle m'y avoit mise, j'y voulois demeurer; me doutant bien que ce qu'on vou-^ loit m'en séparer estoit pour luy faire un mauvais

tour

Nous accompagnasmes le roy de Pologne jusques à

pense , on ne saurait admettre l'assertion de ceux qui prétendent que la reine de Navarre sauva son époux, en le cachant sous son ▼ertugadin. Il n'était permis qu'à un poëte de dire :

Fameox vertagadin d*ane chirmante Reine , Ta défends on honneur qaï se défend sans peine ; Miif U gloire est plus grande en nn plos noble emploi , Tu sanres an héros en recelant mon Roi.

Blamont'^ lequel , quelques mois avant que de partir de France, s'essaya par tous moyens de me faire oublier les mauvais offices de son ingratitude , et de remettre nostre première amitié en la mesme perfection qu'elle avoit esté à nos premiers ans , m'y voulant obliger par serment et promesses en médisant à Dieu. Sa sortie de France , et la maladie du roy Charles , qui commença presque en mesme temps, esveilla les esprits des deux partis de ce royaume, faisans divers projects sur cet estât. Les huguenots ayans à la mort de Tadmiral faict obliger, par escript signé, le Roy mon mary et mon frère d' Alençon à la vengeance de cette mort ( ayant gaingné avant la saint Barthélémy mondit frère soubs espérance de l'establiren Flandre), leur persuadant, comme le Roy et la Royne ma mère reviendroient en France, de se desrober passant en Ghampaigne , pour se joindre à certaines trouppes qui les debvoient venir prendre là-, monsieur de Miossans, gentilhomme catholique, qui estoit auprès du Boy mon mary, lequel m'a voit de l'obligation de la vie , ayant advis de cette entreprise, qui estoit pernicieuse au Roy son maistre, m'en advertit pour empescher ce mauvais efièt qui enst apporté tant de maux à eux et à cet estât. Soudain j'allay trouver le Roy et la Royne ma mère, et leur dis que j'avois chose à leur communicquer qui leur importoit fort, et que je ne la leur dirois jamais qu'il ne leur pleust me promettre que cela ne porterolt aucun préjudice à ceux que je leur nommerois, et

' Bourg de LoiTainc, actuellement département de la Meurthe.

38 MÉMOIRES [l^'^*}

qu'ils y remedieroient sans faire semblant de rien sçavoir. Lors je lear dis que mon frère et le Roy mon mary s'en debyoient le lendemain aller rendre à des trouppes de huguenots qui les venoient chercher à cause de l'obligation qu'ils avoient faicte à la mort de l'admirai 9 qui estoit bien excusable pour leur enfance; et que je les suppliois leur pardonner, et, sans leur en monstrer nulle apparence, les empescherde s'en aller; ce qu'ils m'accordèrent, et fust l'affaire conduite par telle prudence , que sans qu'ils peussent scavoir d'où leur venoit cet empeschement , ib n'eurent jamais moien d'eschapper.

Cela estant passé, nous arrivasmes à Saint Ger* main , où nous fismes un grand séjour à cause de la maladie du Roy; durant lequel temps, mon firere d'Alençon employoit toutes sortes de recherches et moyens pour se rendre agréable à moy, afin que je luy vouasse amitié, comme j'avois faict au roy Charles. Car jusques alors , pource qu'il avoit tousjours esté nourry hors de la cour, nous ne nous estions pas gueres veus , et n'avions pas grande familiarité. Enfin m'y voyant conviée par tant de submissions et de subjections et d'affection qu'il me tesmoingnoit, je me résolus de l'aimer, et embrasser ce qui luy concerneroit; mais toutesfois avec teUe condition, que ce seroit sans préjudice de ce que je devois au roy Charles, mon bon frère, que j'honnorois sur toutes choses. Il me continua cette bienveillance, me l'ayant tesmoingnée jusques à la fin.

Durant ce temps, la maladie du roy Charles augmeu-

tant tousjourSy les huguenots ne cessoîent jamais de rechercher des nouvelletez^ pretendans encor de retirer mon frère le duc d'Alençon et le Roy mon mary de la cour, ce qui ne yint à ma oognoissance comme la première fois. Mais toutesfois Dieu permit que La Mole le descouvrit à la Roy ne ma mère, si près de Teifecty que les trouppes des huguenots dévoient arriver ce jour- là auprès de Saint Germain, Nous fusmes contraints de partir à deux heures après la minuict, et mettre le roy Charles dans une lictiere pour gaigner Paris ; la Royne ma mère mettant dans son chariot mon frère et le Roy mon mary, qui cette fois là ne furent traictez si doucement que l'autre; car le Roy s'en alla au boys de Yincennes, d'où il ne leur permit plus de sortir. Et le temps augmentant tousjours l'aigreur de cernai, produisoit tousjours nouveaux advis au Roy pour accroistre la mesfîance et mescontentement qu'il avoit d'eux; en quoy les artifices de ceux qui avoient tousjours désiré la ruine de nostre maison luy aidoient, que je croy, beaucoup.

Ces mesfiances passèrent si avant que messieurs les mareschaulx de Montmorancy et de Cossé en furent retenus prisonniers au boys de Vincennes , et La Mole et le comte de Coconas en pâtirent de leur vie*. Les

' « Dès la fin da mois d^avril (1574}" • • Conconas, gentilhoname piémontois, et La Molle, gentilhomme provençal, avoient été décapités et mis en quatre quartiers en la place de Grève , et les seigneurs mareschaox de Monmorancy et Gossey, dès le quatriesme jour de may, mis prisonniers en la Bastille et arrestés soubs seurc garde. » (Les- ToiiE, Journal de Henri llij juin iS'j^.) — Voyez Thistoire de leur

choses en vindrent à tels termes que l'on députa des commissaires de la cour de parlement pour ooîr mon frère et le Boy mon mary, lequel n'ayant lors personne de conseil auprès de luy^ me commanda de dresser par escript ce qu'il auroit à respondre^ afin que par ce qu'il diroit il ne mist ny luy ny per* sonne en peine. Dieu me fist la grâce de le dresser si bien qu'il en demeura satisfaict^ et les commissaires estonnez de le veoir si bien préparé '• Et voyant que, par la mort de La Mole et du comte de Coconas, ils se trouToient chai^^ez en sorte que l'on craignoit de leur vie , je me résolus (encor que je fusse si bien auprès du roy Charles qu'il n'aimoit rien au monde tant que moy ) , pour leur sauver la vie , de perdre ma fortune; ayant délibéré, comme je sortois et entrois librement en coche sans que les gardes regardassent dedans y ny que l'on fit oster le masque h mes femmes y d'en desguiser l'un d'eux en femme, et le sortir dans ma coche. Et pource qu'ils ne pouvoient tous deux ensemble à cause qu'ils estoient trop esdairezdes gardes, et qu'il suflSsoit qu'il y en eust un dehors pour asseurer la vie de l'autre , jamais ils ne se peurent accorder lequel c'est qui sortiroit, chacun voulant estre celuy-là, et nul ne voulant demeurer; de

conjuration dans les additions aux Mémoires de Castelnau, t. Il, p. 376, éd. de Le Laboureur.

' Ce document nous a été conservé; il a été publié par Le Laboa* reur dans les additions aux Mémoires de Castelnau , t. Il , p. 390 et Kuiv., et réimprimé par Mongez, Hisl. de Marguerite de F'alois, — Nous le donnons à la suite des Mémoires; c'est une œuvre de Mair* guérite, qui devait trouver place dans cette édition.

sorte que ce dessein ne se peust exécuter. Mais Dieu y remédia par un moyen bien misérable pour moy ; car il me priva du roy Charles , tout Fappuy et support de ma Tie y un frère duquel je n'avois receu que bien , et qui en toutes les persécutions que mon frère d'Anjou me fist à Angers m'avoit tousjours assistée^ et advertie^ et conseillée. Bref je perdois en luy tout ce que je pouvois perdre.

Apres ce désastre^ malheur pour la France et pour moy, nous allasmes à Lyon au devant du roy de Pologne^ lequel possédé encore par le Guast, rendist de mesmes causes mesmes efiects , et croyant aux advis de ce pernicieux esprit , qu'il avoit laissé en France pour maintenir son party, conceut extrême jalousie contre mon. frère d'Alençon , ayant pour suspecte et portant impatiemment l'union de luy et du Roy mon mary^ estimant que j'en fusse le lien et le seul moyen qui maintenoit leur amitié, et que les plus propres expédients pour les divorcer estoient d'un costé , de me brouiller et mettre en mauvais mesnage avec le Roy mon mary, et d'autre , de faire que madame de Sauve , qu'ils servoient tous deux , les mesnageroit tous deux de telle façon qu'ils entrassent en extrême jalousie l'un de l'autre. Cet abominable dessein^ source et origine de tant d'ennuys, de traverses et de maux , que* mon frère et moy avons depuis soufferts , fust poursui vy avec autant d'animosité , de ruses et d'artifice qu'il avoit esté pernicieusement inventé.

Quelques-uns tiennent que Dieu a en particu-

liere protection les grands , et qu'aux esprits où il reluit quelque excellence non commune , il leur donne, par des bons génies , quelques secrets advertissemens des accidens qui leur sont préparez ou en bien ou en mal ; comme à la Royne ma mère , que justement Ton peut mettre de ce nombre , il s'en est veu plusieurs exemples. Mesme la nuict devant la misérable course en lice , elle songea comme elle Yoyoit le feu Roy mon père blessé à l'œil, comme il fust; et estant esveillée, elle le supplia plusieurs fois de ne vouloir point courir ce jour, et vouloir se contenter de voir le plaisir du tournoi, sans en vouloir estre. Mais l'inévitable destin ne permit tant de bien à ce royaume qu'il pust recevoir cet utile conseil. Elle n'a aussy jamais perdu aucun de ses enfans qu'elle n'aye veu une fort grande flamme, à laquelle soudain elle s'escrioit : « Dieu garde mes enfans ! » et incontinent après , elle entendoit la triste nouvelle qui , par ce feu, lui a voit esté augurée. En sa maladie de Metz (où, par une fièvre pestilentielle et le charbon, ellefust à l'extrémité), qu'elle avoit prise allant visiter les religions de femmes, comme il y en a beaucoup en cette ville-là , lesquelles avoient esté depuis peu infectées de cette contagion; de quoy elle fut garantie miraculeusement. Dieu la redonnant à cet estât , qui en avoit encor tant de besoin , par la diligence de monsieur Castelan son médecin, qui, nouveau Esculape, fit lors une signalée preuve de l'excellence de son art; elle resvant, et estant assistée, autour de son lict, du roy Charles mon frère, et de ma sœur et mon frère de Lorraine, de plusieurs de

messieurs du conseil, et de force dames et princesses, qui, la tenants hors d'espérance, ne Tabandonnoient point, s*escrie, continuant ses resveries, comme si elle eust veu donner la bataille de Jarnac : « Voyezvous comme ils fuient! Mon fils a la victoire. Hë , mon Dieu ! relevez mon fils ! il est par terre ! Voyez, voyez, dans cette haye, le prince de Condé mort! »

Tous ceux qui est oient là croyoient qu'elle resvoit, et que, sçachant que mon frère d'Anjou estoit en terme de donner la bataille, elle n'eust que cela eu teste. Mais la nuict après , monsieur de Losses luy en apportant la nouvelle comme chose tres-desirée, en quoy il pensoit beaucoup mériter : « Vous estes fascheux, lui dit-elle, de m'avoir esveillée pour cela; je le scavois bien : ne l'avois-je pas veu devant hyer? » Lors on recongneust que ce n'estoit point resverie de la fièvre, mais un advertissement particulier que Dieu donne aux personnes illustres et rares. L'histoire nous en fournit tant d'exemples aux anciens payens, comme le fantosme de Brutus, et plusieurs autres, que je ne descriray, n'estant mon intention d'orner ces Mémoires, ains seulement narrer la vérité, et les ad* vancer promptement , afin que plustost vous les recepviez. De ces divins advertissemens je ne me veux estimer digne; toutesfois, pour ne me taire comme ingrate des grâces que j'ay eues de Dieu , que je doibs et veux confesser toute ma vie, pour lui en rendre grâces , et faire que chacun le loue aux merveilleux efiects de sa puissance, bonté et misericoixle, qu'il luy

a pieu faire en moy, j'advoueray n'avoir jamais esté proche de quelques signalez accidens, ou sinistres ou heureux, que je n^en aye eu quelque advertissement, ou en songe ou autrement; et puis bien dire ce vers :

De mon bien on mon mai mon esprit m'est oracle.

Ce que j'esprouvay lors de l'arrivée du roy de Pologne, la Royne ma mère estant allée au devant de luy. Cependant qu'ils s'embrassoient et faisoient les réciproques bien-venues , bien que ce fust en un temps si chaud qu'en la presse où nous estions on s'estouffoit, il me prist un frisson si grand avec un tremblement si universel ,que celuy qui m'aidoit s'en apperceut. J'eus beaucoup de peine à le cacher, quand après avoir laissé la Royne ma mère, le Roy vint à me saluer. Cet augure me toucha au cœur ; toutesfois il se passa quelques jours sans que le Roy descouvrist la haine et le mauvais dessein que le malicieux Guast luy avoit faict concevoir contre moy, par les rapports qu'il luy avoit faicts, que depuis la mort du Roy j'avois tenu le party de mon frère d'Alencon en son absence , et l'avois faict affectionner au Roy mon mary. Par quoy, espiant tousjours une occasion pour parvenir à l'intention predicte de rompre l'amitié de mon frère d'Âlençon et du Roy mon mary, en nous mettant en mauvais mesnage le Roy mon mary et moy, et les brouillant tous deux sur le subject de la jalousie de leur commun amour de madame de Sauve, uneapres-disnée, la Royne ma mère estant entrée en son cabinet pour faire quelques longues despeches, madame de Nevers vostre cousine, madame de Raiz aussi

Tostre cousine, BourdeîUe ' , et Surgeres ', me demandèrent si je me voulois aller promener à la ville. Sur cela madamoiselle de Montigny ^, niepce de madame d'Usez ^, nous dit que l'abbaye de Saint Pierre estoit une fort belle religion. Nous resolusmes d'y aller. Elle nous pria qu'elle yinst avec nous, parce qu'elle y avoit

' Jeanne de Bourdeille, fille d'honneur de la Reine, mariée plas tard à Charles d^Ardres, vicomte de Riberac, et, en secondes noces, à Charles d'Espinay, vicomte du Restai. ^

' Hélène de Fonsèqae, fille du baron de Surgères, aussi fille d'honneur de la Reine. Ces deux filles d'honneur, comme toutes celles de la reine Catherine, ne justifiaient guère leur titre, comme l'on sait. Voici un extrait d'un pamphlet satirique, publié en iSSy, sons le titre de Marifbstb dis Dames dx la coua , et conservé par Lestoile (Journal de Henri III, i587), qui donnera une idée de leur réputation :

«Les oamoisxllks Yicthi, Bourdbillb, Soubdis, Ribagub , Subgxrb , et tout U reste des filles de la Roine mère, disent toutes d^une voix t

« Ha , ha , ha, mon Dieu ! que ferons-nous , si tu n'estens ta grande miséricorde sur nous ? Pfous crions donc à haute voix que tu nous veuilles pardonner tant de pecchés de la chair commis avec rois, princes, cardinaux, gentikhommes, évesqnes, abbés, prieurs, poètes, et toute autre sorte de gens de tons estats, mestiers, qualités et conditions ; et disons avec monsieur de YiUequier : Mon Dieu ! miséricorde, donne-nous la grande miséricorde, et si nous ne pouvons trouver maris, nous nous rendrons aux filles repenties.

« Donné à Charcheau, au volage de^érac.

« Signé PÉRIGART.

* fille de Claude d'Amonconrt, seigneur de Montigny-sur-Aube, et de Charlotte de Qermont, mariée plus tard à N. Barillon, conseiller d'État. (Castblhau , 1. 1, p. 3ai.)

* Françoise de Gemiont, fille d'Antoine, comte de Clermont, et de Françoise de Poitiers, et femme de Jacques de Grussol, duc d'Usez.

46 MËMOmES [1574]

une tante y et que l'entrée n'y est pas libre sinon qu'avec les grandes. Elle y vinst; et comme nous montions en chariot, Liancourt, premier escuye«.du Roy et Camille s'y trouvèrent, qui se jetterent sur les portières du (chariot, encores qu'il fust tout plein de nous six y et de madame de Curton , ma dame d'hon-^ neur, qui alloit tousjours avec moy , et de Thorigny '. Eux neantmoins tenant sur les portières comme ils peurent, et gaussans, comme ils estoient d'humeur ]K>ufibnne , dirent qu'ils vouloient venir voir ces belles ï^ligieuses. La compagnie de madamoiselle de Montigny, qui ne nous estoit aucunement familière, et d'eux deux qui estoient confidens du Roy, fust , que je croy, une providence de Dieu pour me guarantir de la ca^ lomnie que l'on me vouloit imputer.

Nous allasmes à cette religion, et mon chariot , qui estoit assez recognoissable pour estre doré, et de velours jaune garny d'argent, nous attendit à la place, entour de laquelle y avoit plusieurs gentilshommes loges. Pendant que nous estions dans Saint Pierre, le Roy ayant seulement avec luy le Roy mon mary, d'O *, et le gros Rufië, s'en allant voir Quelus qui estoit malade, passant par cette place et voyant mon chariot vuide, se tourne vers le Roy mon mary et luy dit : a Voyez, voila le chariot de vostre fenune , et voilà le logis de Bidé , » qui estoit lors malade. (Ainsi nonmioit-il aussi celuy qui a depuis servy

' Fille d'honneur de Marguerite.

* François d'O, seigneur de Fresnes, l'un des mignons de Henri III, qui fut surintendant des finances et gouverneur de Paris.

vostre cousine.) « Je gaige^ dit-il , qu'elle y est; » et commanda au gros Ruffé ', instrument propre de telle malice, pour estre amy du Guast d'y aller Toir; lequel n'y ayant ti*ouyë personne , et ne voulant touiesfois que cette vérité empeschast le dessein du Roy , luy dit tout haut devant le Roy mon mary : « Les oiseaux y ont esté^ mais ils n'y sont plus. » Cela suffit assez pour donner subject d'entretenir jusques au logis le Roy mon mary par tout ce qu'il pensoit luy pouvoir donner de la jalousie , pour avoir mauvaise opinion de moy; mais mon mary tesmoignant en cela la bonté et l'entendement de quoy il s'est tousjours monstre accompagné , détestant en son cœur cette malice , jugea aisément à quelle fin il le faisoit. Et le Roy se hastant de retourner avant moy pour persuader à la Royne ma mère cette invention, et m'en faire recepvoir un affront, j'arrivay qu'il avoit eu tout loisir de faii^ ce mauvais efièct, et que mesme la Royne ma mère en avoit parlé fort estrangement devant des dames, partie pour créance , partie pour plaire a ce fils qu'elle ido* lastroit. Moy revenant après , sans sçavoir rien de tout cecy, j'allay descendre en ma chambre avec toute la troupe susdite qui m'avoit accompagnée à Saint Pierre. J'y trouvay le Roy mon mary, qui soudain qu'il me vist se prist à rire, et me dit : « Allez chez la Royne vostre mère, que je m'asseure que vous en reviendrez bien en colère. » Je luy demanday pourqùoy, et ce qu'il y avoit. Il me dit : « Je ne le vous diray pas, mais suffise

' Philippe de y olvire, marqaisdeRuffec. (Gastslmau, t. II, p. 768.}

à vous que je n'en crois rien, et que ce sont inventions pour nous brouiller tous et moy, pensant par ce moyen me séparer de Famitié de monsieur vostre frère, n

Voyant que je n'en pouvois tirer autre chose , je m'en vais chez la Royne ma mère. Entrant en la salle je trouvay monsieur de Guise ^ qui , prévoyant, n'estoit pas marry de la division qu'il voyoit arriver en nostre maison y espérant bien que du vaisseau brisé il en recueilleroit les pièces. Il me dit : « Je vous attendois icy pour vous advertir que le Roy vous a preste une dangereuse charité. » Et me fist tout le discours susdit qu'il avoit appris de d'O , qui estant lors fort amy de vostre cousine, l'avoit dit à monsieur de Guise pour nous en advertir. J'entray en la chambre de la Royne ma mère, où elle n'estoit pas. Je trouvay madame de Nemours , et toutes les autres princesses et dames, qui me dirent : ce Mon Dieu, madame, la Royne vostre mère est en si grande colère contre vous ; je ne vous conseille pas de vous présenter devant elle. -— Non, ce dis je ^ si j'avois faict ce que le Roy luy a dit; mais en estant du tout innocente, il faut que je luy parle pour l'en esclaircir. » J'entray dans son oabinet^ qui n'estoit fait que d'une cloison de bois , de sorte que l'on pouvoit aisément entendre de la chambre tout ce qui s'y disoit. Soudain qu'elle me voit elle commenceàjetterfeu, etàdire tout ce qu'une colère oui trée et démesurée peut jetter dehors. Je luy représente la vérité, et que nous estions dix à douze; et la suppliay de les enquérir, et ne croire pas celles qui m'estoient amies et familières , mais seulement madamoiselle

de Montigny qui ne me hantoit point, et Liancourt et Camille qui ne deppendoient que du Roy. Elle n'a point d'oreille pour la vérité ny pour la raison ; elle n'en vent point recepvoir, fust pour estre préoccupée du faulx, ou bien pour complaire à ce fils^ que d'affectien , de debvoir, d'espérance et de crainte elle idolastroit , et ne cesse de tanser, crier et menacer. Et luy disant que cette charité m'avoit esté prestée par le Roy, elle se met encor plus en colère, me voulant faire croyre que c'estoit un sien valet de chambre qui passant par là m'y avqit veue. Et vopnt que cette couverture estoit grossière , que je la recepvois pour telle, et restois infiniment offensée du Roy, cela la tourmentoit et aigrissoit davantage, ce qui estoit ouy de sa chambre toute pleine de gens.

Sortant de là avec le despit que l'on peut penser d'une telle oflènse , je trouve eu ma chambre le Roy mon mary, qui me dit : « Et bien , n'avez-vous pas trouvé ce que je vous avois dit ? » Et me voyant si affligée : u Ne vous tourmentez pas de cela, dit^il; Liancourt et Camille se trouveront au coucher du Roy, qui luy diront le tort qu'il vous a faict , et m'asseure que demain la Royne vostre mère sera bien empeschée à faire les accords. » Je lui dis : a Monsieur, j'ay recen un afiront trop public de cette calomnie pour pardonner à ceux qui me l'ont causé; mais toutes les injures ne me sont rien au prix du tort qu'on m'a voulu faire, me voulant procurer un si grand malheur que de me mettre mal avec vous. » Il me respondit : « 11 s'y est, Dieu mercy, failly. » Je luy dis : « Ouy,

Dieu inercy et vostre bon naturel; mais de ce mal si faut-il que nous en tirions un bien. Que cecy nous serve d'advertissement à l'un et à Taultre pour avoir l'œil ouvert à tous les artifices que le Roy pourra faire pour nous mettre mal ensemble ; car il faut croyre^ puis qu'il a ce dessein , qu'il ne s'arrestera pas à cettuy-cy, et ne cessera qu'il n'ayt rompu l'amitié de mon frère et de vous. » Sur cela , mon frère arriva , et les fis par nouveau serment obliger à la continuation de leur amitié. Mais quel serment peut valoir en amour?

Le lendemain matin , un banquier italien qui esioit serviteur de mon frère, pria mondict frère, le Roy mon mary et moy, et plusieurs aultres princesses et dames d'aller disner en un beau jardin qu'il avoit a la ville. Moy, ayant tousjours gardé ce respect à la Royne ma mère, tant que j'ay esté auprès d'elle fille ou mariée, de n'aller en un lieu sans luy en demander congé, je l'allay trouver en la salle, revenant de la messe, pour avoir sa permission pour aller a ce festin. Elle, me faisant un refus public , me dit que j'allasse où je voudrais, qu'elle ne s'en soucioit pas. Si cet affront fust ressenty d'un courage comme le mien, je le laisse à juger à ceux qui , comme vous , ont congneu mon humeur. Pendant que nous estions à ce festin, le Roy, qui avoit parlé à Liancourt et Camille, et à madamoiscUe de Montigny, congneust l'erreur où la malice du grosRuffél'avoit faict tomber, et ne se trouvant moins en peine à la rabiller qu'il avoit esté prompt à la recepvoir et à la publier, venant trouver la Royne ma mère luy confessa le vray, el la pria de rabiller cela en

quelque façon que je ne luy demeurasse pas ennemye ; craignant fort, parce qu'il me voyoit avoir de l'entendement , que je ne m'en sçeusse plus à propos re- ▼ancher qu'il ne m'avoit sçeu offenser. Revenus que nous fusmes du festin , la prophétie du Roy mon mary fust véritable. La Royne ma mère m'envoya quérir en son cabinet de derrière, qui estoit proche de celuy du Roy, où elle me dit qu'elle avoit sçeu la vérité de tout et que je luy avois dit vray ; qu'il n'estoit rien de tout ce que le valet de chambre qui luy avoit faict ce rapport luy avoit dit ; que c' estoit un mauvais homme , qu'elle le chasseroit. Et congnoissant à ma mine que je ne recepvois pas cette couverture, elle s'efibrça par tous moyens de m'oster l'opinion que ce fust le Roy qui m'eust preste cette charité. Et voyant qu'elle n'y advançoit rien, le Roy entra dans le cabinet, qui m'en fîst force excuses, disant qu'on leluy avoitfaictaccroire. Et me faisant toutes les satisfactions et démonstrations d'amitié qui se pouvoient faire.

Cela passé , après avoir demeuré quelque temps à Lyon, nous allasmesen Avignon. ' Le Guast n'osant plus inventer de telles impostures, et voyant que je ne lui donnois aucune prise en mes actions pour, par la jalousie, me mettre mal avec le Roy mon mary, et esbranler 1 amitié de mon frère et de luy, il se servit d'une aultre voye , qui estoit de madame de Sauve , la gaingnant tellement qu'elle se gouvernoit du tout par luy, et usant de ses instructions non moins perni-

■ Le mai'di i6 de novembre \5']i. (Listoile, Journal de Henri III.)

52 MÉMOIRES [l*'>74]

cleuses que eelles de la Celestine ' , en peu de temps elle rendit l'amour de mon frère et du Roy mon mary, paravant tiède et lente comme celle de personnes si jeunes, en une telle extrémité (oublians toute ambition, tout devoir^ et tout dessein), quils n'avoient plus autre chose en l'esprit que la recherche de cette femme. Et en viennent à une si grande et véhémente jalousie l'un de l'aultre , qu'encor qu'elle fust recherchée de monsieur de Guise , du Guast , de Souvray ' et plusieurs aultres, qui estoient tous plus aimez d'elle qu'eux, ils ne s'en soucioient pas ; et ne craingnoient ces deux beaux frères que la recherche de l'un et de l'aultre. Et cette femme , pour mieux jouer son jeu, persuade au Roy mon mary que j'en estois jalouse ^ et que pour cette cause je tenois le party de mon frère. Nous croyons aisément ce qui nous est dit par per«sonnes que nous aymons. Il prend cette créance y il s'esloigne de moy, et s'en cache plus que de tout aultre, ce que jusques alors il n'avoit faict; car quoi qu'il en eust eu la phantaisie, il m'en avoit tousjours parlé aussi librement qu'à une sœur, cognoissant bien que je n'en estois aucunement jalouse, ne désirant que son contentement. Moy voyant ceque j'avois le plus craint estre advenu, qui estoit l'esloingnement de sa bonne grâce, pour la privation de la franchise de quoy il avoit jusques alors usé avec moy, et que la mesfiance

' Tragi-comédie espagnole, traduite en italien, et de Titalien en français. — Paris, par Nie. Cousteau. 1527, in-8** goth.

* Gilles de Souvré, marquis de Courtenvaux, favori de Henri III et grand-maître de la garde- robe.

qui prive de la familiarité est le principe de la haine , soit entre parens ou amis, et congnoissant d'aillemrs que si je pouvons divertir mon frère de TafFection de madame de Sauve, j'osterois le fondement de l'artifice que le Guast avoit fabriqué à nostre division et ruine susdite à Tendroit de mon frère, j'usai de tous les moyens que je peus pour l'en tirer, ce qui eust servy à tout aultre, qui n'eust eu l'ame fascinée par l'amour et la ruse de si fines personnes.

Mon frère , qui en toute chose ne croyoit rien que moy, ne peust jamais se regaigner soy-mesme pour son salut et le mien, tant forts estoient les charmes de celte Gircé, aidez de ce diabolique esprit du Guast; de façon qu'an lieu de tirer profit de mes paroles , il les redisoit toutes à cette femme. Que peut-on celer à ce que Ton aime? Elle s'en animoit contre moy, et servoit avec plus d'aOection au dessein du Guast, et pour s'en venger disposoit tousjours davantage le Roy mon mai-y à me hayi' et s'estranger de moy ; de sorte qu'il ne me parloit presque plus. Il re venoit de chez elle fort tard, et pour Tempescher de me veoir elle Iny commandoit de se trouver au lever de la Royne , où elle estoit subjecte d'aller, et après tout le jour il ne bougeoit plus d'avec elle, Mon frère ne rapportoit moins de soin h la rechercher, elle leur faisant acci'oire à tous deux qu'ils estoient unicquement aimez d'elle. Ce qui n'advançoit' moins leur jalousie et leur division que ma ruine.

Nous fismes un long séjour en Avignon , et un grand tour par la Bourgongne et la Champaigne pour aller a Rheims aux nopces du Roy, et de là venir à Paris, où

les choses se comportèrent tousjours de cette façon. La trame du Guast alloit par ces moyens tousjours s'advançant à nostre division et ruine. Estans à Paris, mon frère approcha de luy Bussy , en faisant autant d'estime que sa valeur le meritoit. 11 estoit tousjours auprès de mon frère, et par conséquent avec moy, mou frère et moy estans presque tousjours ensemble, et ordonnant à tous ses serviteurs de ne m'honnorer et rechercher moins que luy. Tous les honnestes gens de sa suite accomplissoient cet agréable commandement avec tant de subjection , qu'ils ne me rendoient moins de service qu'à liiy. Vostre tante voyant cela^ m'a souvent dit que cette belle union de mon frère et de moy luy faisoit ressouvenir du temps de monsieur d'Or* leans mon oncle et de madame de Savoye ma tante.

Le Guast , qui estoit un potiron * de ce temps , y donnant interprétation contraire, pense que la fortune Tuy ofiroit un beau moyen pour se haster à plus viste pas d'arriver au but de son dessein , et par le moyen de madame de Sauve s'estant introduit en la bonne grâce du Roy mon mary, tasche par toute voye lui persuader que Bussy me servoit*. Et voyant qu'il n'y advançoit rien , estant assez adverty par ses gens , qui estoient tousjoui^ avec moy, de mes deportemiens qui netendoientà rien de semblable, il s'adressa au Roy, qu'il trouva plus facile à persuader, tant poiu* le peu de bien qu'il vouloit à mon frère et à moy, nostre amitié luy estant suspecte et odieuse, que pour la

' Sic daus tous les manuscrits.

' En quoi le Guast disait vrai , comme Ton sait.

haine qu'il avoit à Bussy ^ qui l'ayant autresfois suivy, l'avoit quicté pour se dédier à mon frère. Acquisition qui accroissoit autant la gloire de mon frère que Tenvie de nos ennemys, pour n'y avoir eu ce siecle-lk de son sexe et de sa qualité rien de semblable en valeur, réputation , graoe , et esprit. En quoy quelques-uns disoient que s'il falloit cit>yre la transmutation des âmes, comme quelques philosophes ont tenu, que sans doubte celle de Hardelay vostre brave frère ', auimoit le corps de Bussy. Le Roy imbu de cela par le Guast , en parle à la Royne ma mère , la conviant à en parler au Roy mon mary, et taschant de la mettre aux mesmes aigreurs qu'il l'avoit mise à Lyon. Mais elle, voyant le peu d'apparence qu'il y avoit, l'en rejecta^ luy disant : (( Je ne sçay qui sont les brouillons qui vous mettent telles opinions en la phantaisie. Ma fille est malheureuse d'estre venue en un tel siècle. De nostre temps, nous parlions librement à tout le monde , et tous les honnestes gens qui suivoient le Roy vostre père , monsieur le dauphin , et monsieur d'Orléans vos oncles , estoient d'ordinaire à la chambre de madame Marguerite vostre tante et de moy ; personne ne le trouvoit estrange, comme aussi n'y avoit-il pas de quoy. Bussy voit ma fille devant vous, devant son mary , devant tous les gens de son mary en sa chambre, et devant tout le monde; ce n'est pas a cachette » ny à porte fermée. Bussy est personne de qualité , et le premier auprès de vostre frère. Qu'y a-

* Jean de Bourdciile, frère de Brantôme.

t-il a penser? En sça^ez vous aultre chose? Par une calomnie y à Lyon, vous me luy avez faict faire un affront très-grand , duquel je crains bien qu'elle ne s'en ressente toute sa vie '. » Le Roy demeurant estonné luy dit : « Madame , je n'en parle qu'après les'aultres >i. Elle respondit : « Qui sont ces aultres, mon fils? ce sont gens qui vous veulent mettre mal avec tous les vostres j». Le Roy s'en estant allé, elle me raconte le tout, et me dit : a Vous estes nëe d'un misérable temps ». Et appellant vostre tante madame de Dampierre y elle se mit à discourir avec elle de l'honneste liberté et des plaisirs qu'ils avoient en ce temps-là, sans estre subjects comme nous à la mesdisance.

Le Guast voyant que sa mine estoit esventée , et qu'elle n'avoit pris feu de ce costé comme il desiroit, s'addresse a certains gentils-hommes qui suivoient lors le Roy mon mary, qui jusques alors avoient esté compagnons de Bussy en qualités et en charges, lesquels en particulier aboient quelque haine contre luy pour la jalousie que leur apporloit son advancement et sa gloire. Ceux-cy joingnants à cette envieuse haine un zèle inconsidéré au service de leur maistre, ou pour mieux dire couvrans leur envie de ce prétexte , se résolurent un soir, sortant tard du coucher de son maistre pour se retirer en son logis , de l'assassiner. Et comme les honnestes gens qui estoient auprès de mon frère avoient accoustumé de l'accompagner, ils sçavoient qu'ils ne le trouveroient avec moins de quinze ou vingt

• Voyez plus haut, p. 47-

lionnestes hommes , et que bien que pour la blessure qu'il avoit au bras droict, depuis peu de jours qu'il s'estoit battu contre Saint Pbale', il ne portast point d'espée^ que sa présence seroit suffisante pour redoubler le courage à ceux qui estoient avec luy. Ce que redoubtans , et voulans faire leur entreprise asseuréci ils résolurent de l'attaquer avec deux ou trois cens hommes % le voile de la nuict couvrant la honte d'un tel assassinat.

Le Guast, qui commandoit au régiment des gardes, leur fournit des soldat)s , et se mettans en cinq ou six trouppes en la plus prochaine rue de son logis où il falloit qu'il passast, le chargent, esteignans les torches et flambeaux. Âpres une salve d'arquebusades et pistoletades qui eust suffi, non à attaquer une trouppe de quinze ou vingt hommes , mais à desfaire un régiment, ils viennent aux mains avec sa trouppe, taschans tousjours dans l'obscurité de la nuict à le remarquer pour ne le faillir, et le cognoissans a une escharpe colombine où il portoit son bras droit blessé , bien à propos pour eux , qui en eussent senty la force ; qui furent toutesfoisbien soustenus de ceste petite trouppe d'honnestes gens qui estoient avec luy, à qui l'inopinée rencontre ny l'horreur de la nuict n'osta le cœur ny le jugement; mais faisans autant de preuve de leur valeur que de l'afïection qu'ils avoient à leur amy, à

' Georges de Yaudraj, seigneur de Saint-Phal. ( Voyez Castblnau, t. II , p. 533.)

' Voyez le récit de ce combat dans Brantôme , Hommes illustres , éloge de Bussy.

force d'armes le passèrent jusques à son logis ^ sans peitlre aucun de leur trouppe , qu'un gentil-homme qui avoit esté nourry avec luy, qui ayant esté blessé par avant h un bras portoit une escharpe colombine comme luy, mais toutesfois bien différence pour n'estre enrichie comme celle de son maistre. Toutesfois en l'obscurité de la nuict , ou le transport ou l'animosité de ces assassins, qui avoient le mot de donner tous à l'escharpe colombine, fist que toute la trouppe se jetta sur ce pauvre gentil-homme, pensant que ce fust Bussy, et le laissèrent pour mort en la rue.

Un gentil-homme italien qui estoit à mon frère y estant blessé de premier abord, Teffroy l'ayant pris, s'en recourt tout sanglant dans le Louvre, et jusques a la chambre de mon frère qui estoit couché, criant que l'on assassinoit Bussy. Mon frère soudain y voulust aller. De bonne fortune je n'estois point encore couchée, et estois logée si près de mon frère, que j'ouis cet homme eflroié crier par les degrez cette espouvantable nouvelle. Aussy-tost que luy soudain je cours en sa chambre pour l'empescher de sortir, et envoyay supplier la Roy ne ma mère d'y venir pour le retenir, voyant bien que dans toutes autres occasions il me deferoit beaucoup, mais que la juste douleur qu'il sentoit l'emportoit tellement hors de luy-mesme, que sans considération il se fust précipité a tous dangers pour courre à la vengeance. Nous le retenons à toute peine, la Royne ma mère luy l'epresentant qu'il n'y avoit nulle apparence de sortir seul comme il estoit pendant la nuict , que Tobscurité couvre toute

meschanoeté; que le Guast estoit assez meschant d'avoir faict cette partie expressément pour le faire sortir mal à propos , afin de le faire tomber en quelque accident. Au desespoir qu'il estoit, ces parolles eussent eu peu de force ; mais elle y usant de son authorité Tarresta , et commanda aux portes qu'on ne le laissast sortir, prenant la peine de demem^er a^ec luy jusques à ce qu'il sçeust la vérité de tout. Bussy, que Dieu avoit guaranty miraculeusement de ce danger, ne s' estant troublé pour cet hazard , son ame n'estant pas susceptible de la peur, estant nay pour estre la terreur de ses ennemys, la gloire de son maistre, et l'espérance de ses amys, entré qu'il fust en son logis, soudain il se souvint de la peine en quoy seroit son maistre si la nouvelle de ce rencontre estoit portée jusques h luy incertainement, et craingnant que cela l'eust fait jetter dans les filets de ses en nemis, (comme sans doubte i 1 eus t faict si la Royne ma mère ne l'en eust empesché), envoya soudain un des siens qui apporta la nouvelle à mon frère de la vérité de tout. Et le jour estant venu , Bussy, sans crainte de ses enuemys, revient dans le Louvre avec la façon aussi brave et aussi joyeuse que si cet attentat luy eust esté un tournois pour plaisir. Mon frère, aussi aise de le revoir que plein de despit et de vengeance, tesmoingne assez comme il ressent l'offense qui luy a esté faicte, de l'avoir voulu priver du plus brave et plus digne serviteur que prince de sa qualité eust jamais, cognoissant bien que du. Guast s'attacquoit a Bussy pour ne s'oser prendre de premier abord à luy-mesme« .

60 MÉMOIRES [iô7ô]

La Royne ma mère, la plus prudente et advisëe princesse qui ait jamais esté, cognoissant de quel poids estoient tels elFects, et prevoyantqu'ilspourroient enfin mettre ses deux enfans mal ensemble ^ conseilla mon frère que pour lever tel prétexte il fist que pour un temps Bussy s'esloingnast,de la cour. A quoy mon frère consentit par la prière que je luy en feis, voyant bien que s'il demem^oit , le Guast le mettroit tousjours en jeu , et le feroit servir de couverture à son pernicieux dessein, qui estoit de maintenir mon frère et le Roy mon mary mal ensemble y comme il les y avoit mis par les artifices susdicts. Bussy qui n'avoit aultre volonté que celle de son maistre , partist accompagné de la plus, brave noblesse qui fust à la cour, qui suivoit mon frère. Ce subject estant osté au Guast, et voyant que le Roy mon mary ayant eu en ce mesme temps , en une nuict, une fort grande foiblesse , en «laquelle il demeura esvanouy l'espace d'une heure (qui luy venoit , comme je crois , d'excez qu'il avoit faicts avec les femmes; car je ne l'y avois jamais vensubject) en laquelle je l'avois servy et assisté comme le debvoir me le commandoit ; de quoy il restoit si content de moy qu'il s'en louoit à tout le monde , disant que sans que je m'en estois apperceue, et avois soudain couru à le secourir, et appeller mes femmes et ses gens , qu'il estoit mort ; qu'à ceste cause il m'en faisoit beaucoup meilleure chère, et que depuis l'amitié de luy et de mon frère commençoit à se renouer, estimant tousjours que j'en estois la cause , et que je leur estois (comme l'on voit en toutes choses naturelles, «mais plus apparemment aux serpens cou-

[1575] DE MARGUERITE DE VALOIS. (il

pez) un certain baulme naturel qui reunit et rejoinct les parties séparées; poursuivant tousjours la poincte de son premier et pernicieux dessein ^ et recherchant de fabriquer quelque nouvelle invention pour nous rebrouiller le Roy mon mary et moy^ met à la teste du Roy 9 qui depuis peu de jours avoit osté^ par le mesme artifice du Guast, à la Royne sa sacrée princesse, très -vertueuse et bonne, une fille qu'elle aymoit fort, et qui avoit esté nourrye avec elle, nommée Changy, qu'il debvoit faire que le Roy mon mary m'en feist de mesme, m'ostant celle que j'aymois le plus, nommée Thorigny *, sans en amener aultre raison , sinon qu'il ne falloit point laisser à des jeunes princesses des filles en qui elles eussent si particulière amitié.

Le Roy, persuadé de ce mauvais homme, en parle plusieurs fois à mon mary, qui luy respond qu'il sçavoit bien qu'il me feroit un cruel desplaisir; que si j'aimois Thorigny, j'en a vois occasion; qu'oultre ce qu'elle avoit esté nourrie avec la royne d'Ëspaigne ma sœur^ et avec moy depuis mon enfance , qu'elle avoit beaucoup d'entendement, et que mesme elle l'avoit fort servy en sa captivité du bois de Vincennes; qu'il seroit ingrat s'il ne s'en ressouvenoit , et qu'il avoit aultresfois veu que sa 'majesté en faisoit grand estât. Plusieurs fois il s'en deffendit de cette façon; mais enfin le Guast persistant tousjours à pousser le Roy,

' Gillone Go^on, ûlle de Jacques, sire de Matignon, maréchal de France, depuis mariée à Pierre de Harcourt, seigneur de Beuvron.

et jusques à luy faire dire au Roy mon mary qu'il ne raimeroit jamais si dans le lendemain il ne m'avoit esté Thorigny, il fust contraint a son grand regret, comme depuis il me l'a ad voué, m'en prier et me le commander. Ce qui me fust si aigre, que je ne me peus empescher luy tesmoingner par m.es larmes combien j'en recepvois de desplaisir, luy remonstrant que ce qui m'en affligeoit le plus n'estoit point l'esloignement de la présence d'une personne qui , depuis mon enfance, s'estoit lousjours rendue subjecte et utile auprès de moy; mais que chacun sçachant comme je l'aimois , je n'ignorois pas combien son partement si précipité porteroit de préjudice a ma réputation.

Ne pouvant recepvoir ces raisons, pour la promesse qu'il avoit faicte au Roy de me faire ce desplaisir^ elle partist le jour mesme , se retirant chez un sien cousin, nommé monsieur Ghastelas. Je restay si offensée de cette indignité k la suite de tant d'aultres , que ne pouvant plus résister à la juste douleur que je ressentois, qui bannissant toute prudence de moy m'abandonnoit h l'ennuy, je ne me peus plus forcer à rechercher le Roy mon mary. De sorte que le Guast et madame de Sauve d'un costé l'estrangeant de moy, et moy m*esloignant aussi , nous ne couchions plus ni ne parlions plus ensemble.

Quelques jours après , quelques bons serviteurs du Roy mon mary luy ayans faict congnoistre l'artifice par le moyen duquel on le menoit à sa ruine, le mettant mal avec mon frère et moy, pour le séparer de ceux de qui il debvoit espérer le plus d'appuy, pour après le

laisser là , et ne tenir compte de luy, comme le Roy commençoit a uen faire pas grand estât et à le mespriser, ils le feirent parler à mon frère, qui, depuis le partemcnt de Bussy, n'avoit pas amendé sa condition (car le Guast tousjours luy faisoit recepvoir quelques nouvelles indignitez) , et cognoissant qu'ils estoient tous deux en mesme predicament à la cour, aussi desfavorisez Tun que l'autre ; que le Guast seul gouvernoit le monde; qu'il failoit qu'ils mendiassent de luy ce qu'ils vouloient obtenir auprès du Roy; que s'ils demandoient quelque chose, ils estoient refusez avec mespris; que si quelqu'un se rendoit leur serviteur, il estoit aussitost ruiné, et attaqué de mille querelles que l'on luy suscitoit; ils se résolurent , voyant que leur division estoit leur ruine, de se reunir, et se retirer de la cour, pour, ayant ensemble leurs servitem^ et amis, demander au Roy une condition et un traittement dis^ne de leur qualité; mon frère n'ayant eujusques alors son appennage, et s'entretenant seulement de certaines pensions mal assignées, qui venoient seulement quand il plaisoit au Guast; et le Roy mon mary ne jouissant nullement de son gouvernement de Guyenne, ne luy estant permis d'y aller, ny en aucunes de ses terres.

Cette resolution estant prise entr'eux, mon frère m'en parla, me disant qu'a cette heure ils estoient bien ensemble, et qu'il desiroit que nous fussions bien le Roy mon mary et moy, et qu'il me prioit d'oublier tout ce qui s'estoit passé; que le Roy mon mary luy avoit dit qu'il en avoit un extresme regret , et qu'il

cognoissoit bien que nos ennemys avoient esté plus fins que nous; mais qu'il se resolvoit de m'aimer, et de me donner plus de contentement de luy. II me prioit aussi y de mon costé, de l'aimer^ et de l'assister en ses affaires en son absence. Ayant pris, resolution tous deux ensemble que mon frère partiroit le premier, se desrobant dans un carrosse comme il pourroit , et qu'à quelques jours de là le Roy mon mary, feignant d'aller à la chasse, le suivroit (regrettans beaucoup qu'ils ne me peussent emmener avec eux , toutesfois s'asseurans qu'on ne m'oseroit faire desplaisir, les eçacbans dehors; aussi qu'ils feroient bientost paroistre que leur intention n'estoit point de troubler la France , mais seulement de s'establir une condition digne de leur qualité , et se mettre en seureté ; car, parmy ces IraTerses, ils n'estoient pas sans crainte de leur vie, fust ou que véritablement ils fussent en danger, ou que ceux qui desiroient la division et ruine de nostre maison , pour s'en prévaloir, leur fissent donner des alarmes par les continuels advertissemens qu'ils en recepvoient), le soir venu, peu avant le soupper du •Koy, mon frère changeant de manteau^ et le mettant autour du nez, sort seulement suivy d'un des siens, qui n'estoit pas recongneu , et s'en va à pied jusques à la porte de Saint-Honnoré, où il trouve Simié ' avec le carrosse d'une dame, qu'il a voit emprunté pour cet eflfect, dans lequel il se mit, et va jusques à quelques maisons à un quart de lieue de Paris, où il trouva des

' Jean de Seymér, maître de la garde-robe du duc d\\Iençou. (Anselme, VII, 438.)

chevaux qui rattendoient, sur lesquels montant ^ à quelques lieues de là il trouva deux ou trois cens chevaulxde ses serviteurs qui Tattendoient au rendez-vous qu'il leur avoit donné.

L'on ne s apperooit point de son partement que sur les neuf heures du soir. Le Roy et la Royne ma mère me demandèrent pourquoy il n'avoit point souppé avec eux 9 et s'il estoit malade. Je leur dis que je ne Tavois point veu depuis l'apres-disnée. Us envoyèrent en sa chambre voir ce qu'il faisoit; on leur vinst dire qu'il n'y estoit pas. Ils disent qu'on le cherche par toutes les chambres des dames , où il avoit accoustumé d'aller. On cherche par le chasteau, on cherche par la ville; on ne le trouve point. A cette heure l'allarme s'eschauffe; le Roy se met en colère , se courrouce, menace 9 envoyé quérir tous les princes et seigneurs de la cour, leur commande de monter à cheval , et le Iny ramener vif ou mort, disant qu'il s'en va troubler son estât pour luy faii*e la guerre, et qu'il luy fera ooDgnoistre la folie qu'il faisoit de s'attaquer à un Roy si puissant que luy. Plusieurs de ces princes et seigneurs refusent cette commission, remonstrans au Roy de quelle importance elle estoit : qu'ils voudroient mettre leur vie en ce qui seroit du service du Roy, comme ils sçavoient estrede leur debvoir; mais d'aller contre monsieur son frerc, ils sçavoient bien que le Roy leur en sçauroit un jour mauvais gré; et qu'il s'asseurast que mon frère n'entreprendroit rien qui peust desplaire à sa majesté, ny qui peust nuire à son estât; que peut-estre c'estoit un mescontentement

qui l'avoit convié à s'esloigner de la cour; qu'il leur sembloit que le Roy debvoit envoyer devers luy, pour s'informer de l'occasion qui l'avoit meu à partir, avant que prendre resolution à toute rigueur comme celle-cy . Quelques aultres acceptèrent, et se préparèrent pour monter à cheval. Ils ne peurent faire telle diligence qu'ils peussent partir plus tost cpie sur le poinct du jour, qui fut cause qu'ils ne trouvèrent point mon frère, et furent contraincts de revenir pour n'estre pas en esquipage de guerre.

Le Roy, pour ce départ , ne monstra pas meilleur visage au Roy mon mary; mais, en faisant aussi peu d'estat qu'à l'accoustumée, le tenoit tousjours de mesme façon; ce qui le confirmoit en la resolution qu'il avoit prise avec mon frère; de sorte que peu de jours après il partit, feingnant d'aller à la chasse. Moy, le lendemain du département de mon frère, les pleurs qui m'avoient accompagnée toute la nuict m'esmeurent un si grand rheume sur la moitié du visage , que j'en fus , avec une grosse fièvre, arrestée dans le lict pour quelques jours, fort malade et avec beaucoup de douleurs. Durant laquelle maladie le Roy mon mary, ou qu'il fust occupé à disposer de son partement, ou qu'ayant à laisser bientost la cour, il voulust donner ce peu de temps qu'il avoit à y estre, à la seule volupté de jouir de la présence de sa maistresse madame de Sauve, ne peust avoir le loisir de me venir voir en ma chambre; et revenant pour se retirer à l'accoustumée a une ou deux heures après minuict, couchans en deux licts comme nous faisions tousjours, je ne l'entendois poinct

venir; et se levant avant que je fusse esveillée pour se trouver^ comme j'ay dict cy-devant, au lever de madame ma mère y où madame de Sauve alloit^ il ne se souvenoit point de parler à moy, comme il avoit promis à mon frère, et partit de cette façon sans me dire à Dieu.

* Je ne laissay pas de demeurer soupçonnée du Roy que j'estois la seule cause de ce partement, et jettant feu contre moy, s*il n'eust esté retenu de la Royne ma mère, sa colère, je crois, luy eust faict exécuter contre ma vie quelque cruauté. Mais estant retenu par elle, et n'osant faire pis, soudain il dit à la Royne ma inei*e que, pour le moins, il me falloit bailler des gardes , pour empescher que je ne suivisse le Roy mon mary, et aussi pour engarder que personne ne communiquast avec moy, afin que je ne les advertisse de ce qui se passoit à la cour. La Royne ma mère, vou«tant faire toutes choses avec douceur, luy dict qu'elle le trouveroit bon ainsy (estant bien aise d'avoir peu rabattre jusques là la violence du premier mouvement de sa colère) , mais qu'elle me viendroit trouver pour me disposer à ne trouver si rude ce traictement-là ; que ces aigreurs ne demeureroient tousjours en ces termes ; que toutes les choses du monde avoient deux faces; que cette première, qui estoit triste et afireuse, estant tournée, quand nous viendrions à voir la seconde, plus agréable et plus tranquille, à nouveaux événements on prendroit nouveau conseil; que lors peut-estre on auroit besoin de se servir de moy; que comme la prudence conseilloit de vivre avec ses amys

comme debvans un jour estre ses ennemys^ pour ne leur confier rien de trop, qu'aussy Tamitié Tenant à se rompre y et pouvant nuire, elle ordonnoit d'user de ses ennemys comme pou vans estre un jour amys. Ces remonstrances empescherent bien le Roy de me faire à moy ce qu'il eust bien voulu; mais le Guast, luy donnant invention de descharger ailleurs sa colère, fist que soudain , pour me faire le plus cruel desplaisir qui se pouvoit imaginer, il envoya des gens à la maison de Gbastellas , cotisin de Thorigny, pour, soubs ombre de la prendre pour l'amener au Roy, la noyer en une rivière qui estoit près de là. Eux arrivez, Chastelas les laisse librement entrer dans la maison, ne se doubtant de rien. Eux soudain se voyans dedans les plus forts, usans avec autant d'indiscrétion que d'imprudence de la ruineuse charge qui leur avoit esté donnée, prennent Thorigny, la lient, l'enferment dans une chambre , attendans de partir que leurs chevaulx eussent repeu ; cependant usans à la françoise sans se garder de rien, se gorgeans jusques au cfever de tout ce qui estoit de meilleur en cette maison, Chastellas, qui estoit homme advisé, n'estant pas marry qu'aux despens de son bien on peust gaingner ce temps pour retarder le partement de sa cousine, espérant que qui a temps a vie , et que Dieu peut-estre changeroit le cœur du Roy, qui contremanderoit ces gens icy pour ne me vouloir si aigrement oflfènser, et n'osant ledict Chastellas entrepretidre par aultre voye de les empescher, bien qu'il avoit des amys assez pour le fau*e.

Mais Dieu, qui a tousjours regarde mon uffliclion y pour me garantir du danger et desplaisir que mes enuemys me pourchassoient , plus à propos que moymesme ne l'en eusse peu requérir, quand j'eusse soeu cette entreprise que j'ignorois , prépara un inespéré secours pour délivrer Tkorigny des mains de ces scélérats , qui fut tel que , quelques valets et chambrières s'en estans fuis, pour la crainte de ces satellites, qui battoient et frappoient là dedans comme en maison de pillage, estans à un quart de lieue de la maison. Dieu guida par là La Ferté et Avantigny ', avec leurs

trouppes , qui estoient bien deux cens chevaulx , qui 1

s'en alloient joindre à l'armée de mon frère , et feist que La Ferté recongneust parmy cette trouppe de païsans un homme espleuré, qui estoit à Chastellas, et luy demande ce qu'il avoit, s'il y a voit là quelques gens d'armes qui leur eussent faict quelque tort. Le valet luy respond que non , et que la cause qui les rendoit ainsy tourmentez estoit l'extrémité en quoy il avoit laissé son maistre, pour la prise de sa cousine. Soudain La Ferté et Avantigny se résolurent de me faire ce bon oflGice de délivrer Thorigny, louans Dieu de leur avoir offert une si belle occasion de me pouvoir tesmoiugner l'aâèction qu'ils m'avoient toujours eue; et hastans le pas, eux et toutes leurs trouppes, arrivent si à propos à la maison dudit Chastellas, qu'ils trouvent ces scélérats sur le poinct qu'ils vouloient mettre Thorigny sur un cheval pour l'emmener noier, en-

' Tons deni chambellans da duc d'Aleuçon. (Mémoires du duc de NeverSf t. I, p. 577 et 578. Paris, i665.)

trent tous à cheval, Tespée au poing, dans la court, crians : « Arrestez-vous, bourreaux ! si tous lui faictes mal , TOUS estes morts I » et commençans à les charger, eux a fuir, ils laissèrent leur prisonnière aussi transportée de joye que transie de fraieur; et après aToir rendu grâces h Dieu et à eux d'un si salutaire et nécessaire secours » faisant apprester le chariot de sa cousine de Chastellas, elle s'en Ta avec sondit cousin, accompagnée de l'escorte de ces honnestes gens , trou- Ter mon frère qui fust tres-aise, ne me pouvant avoir auprès de luy, d'y aToir personne que j'aimasse comme elle. Elle y fust, tant que le danger dura, traictée et respectée comme si elle eust esté auprès de moy.

Pendant que le Roy faisoit cette belle despesche pour faire sacrifier Thorigny à son ire, la Royne ma mère, qui n'en sçaToit rien, m'estoit Tenue trouTcr en ma chambre que je m'habillois encore, faisant estât, bien que je fusse encor mal de mon rheume, mais plus malade en l'ame qu'au corps de l'ennuy qui me possedoit, de sortir ce jour-là de ma chambre, pour Toir un peu le cours du monde sur ces nouTeaux accidens, estant tousjours en peine de ce qu'on entreprendroit contre mon frei'e et le Roy mon mary. Elle me dit ; ce Ma fille, tous n'aTez que faire de tous haster de tous habiller. Ne tous faschez point, je tous prie, de ce que j'ay à tous dire. Vous aTez de l'entendement. Je m'asseure que ne trouTerez point estrange que le Roy se sente offensé contre Tostre frère et Tostre mary, et que, sçachant l'amitié qui est entre tous, il croit que tous sçachicz leur parlement, et est re-

solu de vous tenir pour ostage de leurs deporteinents. Il sçait combien vostre mari vous aime, et ne peut avoir un meilleur gage de luy que vous. Pour celte cause il a commandé que Ton vous mist des gardes , pour empescher que vous ne sortiez de vostre chambre. Âussy que ceux de son conseil luy ont représenté que si vous estiez libre parmy nous, vous descouvririez tout ce qui se delibereroit contre vostre frère et vostre mary, et les en advertiriez. Je vous prie ne le trouver mauvais: cecy, si Dieu plaist, ne durera gueres. Ne vous fascfaez point aussy si je n'ose si souvent vous venir voir, car je craindrois d'en donner soubçon au Roy; mais asseurez-vous que je ne permettray point qu'il vous soit faici aucun desplaisir, et que je feray tout ce que je pourray pour mettre la paix entre vos frères. >i Je luy representay combien estoit gi^ande l'indignité qu'on me faisoit en cela. Je ne voulois pas desadvouer que mon frère m'avoit tousjours librement communiqué tous ses justes mescontentements ; mais pour le Roy mon mary, depuis qu'il m'avoit osté Thoriguy, nous n'avions point parlé ensemble; que mesme il ne m'avoit point veue en ma maladie, et ne m'avoit poinct dict à Dieu. Elle me respond : cr Ce sont petites querelles de mary à femme; mais on sçait bien qu'avec douces lettres il vous regaignera le cœur, et que , s'il vous mande l'aller trouver, vous y irez , ce que le Roy mon fils ne veult pas. »

Elle s'en retournant , je demeure en cet estât quelques mois , sans que personne , ny mesme mes plus privez amis, m'osassent venir voir, craingnants de se

ruiner. A la cour, l'adversité est tousjours seule, comme la prospérité est accompaîgoée ; et la persécution est la coupelle des vrais et entiers amys. Le seul brave Grillon ' est celuy qui , mesprisant toutes deffenses et toutes desfaveurs , vinst cinq ou six fois en ma chambre , estounant tellement de crainte les cerbères que l'on avoit mis à ma. porte ^ qu'ils n'osèrent jamais le dire , ny lui refuser le passage.

Durant ce temps-là , le Roy mon roary estant arrivé en son gouvernement, et ayant joinct ses serviteurs et amys» chacun luy remonstra le tort qu'il avoit d'estre party sans me dire à Dieu , luy représentant que j'avois de l'entendement pour le pouvoir servir, et qd'il falloit qu'il me r^aingnast; qu'il retireroit beaucoup d'utilité de mon amitié et de ma présence lors que , les choses estant pacifiées , il me pourroit avoir auprès de luy. Il fust aisé à persuader en cela, estant esloingné de sa Circé , madame de Sauve. Ses charmes ayans perdu par l'absence leur force (ce qui luy rendoit sa raison pour recognoistre clairement les artifices de nos ennemys , et que la division qu'ils avoient trouvée entre nous ne luy procuroit moins de ruine quà moy), il m*escrivist une tres-honneste lettre, où il me prioit d'oublier tout ce qui s'estoit passé entre nous y et croire qu'il me vouloit aimer, et me le faire paroistre plus qu'il n'avoit jamais faict; me commandant aussy le tenir adverty de Testât des affaires qui se passoient où j'estois, de mon estât et de celuy de

' C'est le fameux Louis de Berton de Grillon , qui n'était pas à la bataille d'Arqués.

mon frère; car ils estoient eslolgnez, bien qu'unis d'intelligence 9 mon frère estant vers la Ghampaigne, et le Roy mon mary en Gascongne. Je reçeus cette lettre estant encore captive , qui m'apporta beaucoup de consolation et soulagement, et ne manquay depuis, (bien que les gardes eussent charge de ne me laisser escrire), aydée de la nécessité, laere de l'invention, de luy faire souvent tenir de mes lettres.

Quelques jours après que je fus arrestée , mon frère sceut ma captivité, qui l'aigrist tellement , que s'il n'eust eu l'affection de sa patrie dans le cœur aultant enracinée comme il avoit de part et d'interest à cet estât , il eust faict une si cruelle guerre (comme il en avoit le moien, ayant lors une belle armée), que le peuple eust porté la peine des efiects de leur prince ; mais retenu pour le debvoir de cette naturelle aflection , il escrivit à la Royne ma mère que si l'on me traictoit ainsy, que l'on le mettroit au dernier desespoir. Elle, craingnant de voir venir les aigreurs de cette guerre à cette extrémité qu'elle n'eust le moyen de la pacifier, remonstre au Roy de quelle importance cette guerre luy estoit, et le trouve disposé à recepvoir ses raisons, son ire estant modérée par la cong* noissance du péril où il se voyoit, estant attaqué en Gascongne, Dauphiné, Languedoc, Poictou, et du Roy mon mary et des huguenots, qui tenoient plusieurs belles places , et de mon frère en Champaigne , qui avoit une grosse armée, composée de la plus brave et gaillarde noblesse qui fust en France; et n'ayant peu, depuis le despart de mon frère, par

prières, commandemens ny menaces, faire monter personne à cheval contre mon frère , tous les princes et seigneurs de France redoublants sagement de mettre le doigt entre deux pierres. Tout ce considéré, le Roy preste l'oreille aux remonstrances de la Royne ma mère, et se rend non moings désireux qu'elle de faire une paix , la priant de s'y employer et d'en trouver le moien. Elle soudain se dispose d'aller trouver mon frère, représentant au Boy qu'il estoit nécessaire qu'elle m'y menast; mais le Roy n'y voulut consentir, estimant que je luy servirois d'un grand ostage. Elle donc s'en va sans moy et sans m'en parler; et mon frère, voyant que je n'y estois pas, luy représenta le juste mescon lentement qu'il avoit, et les indignitez et mauvais traictemens qu'il avoit receus à la cour, y joingnantceluy de l'injure qu'on m'avoit faicte, m'ayant retenue captive, et de la cruauté que, pour m'offenser, on avoit voulu faire à Thorigny, disant qu'il n'escouteroit nulle ouverture de paix que le tort que Ton m'avoit faict ne fust reparé, et qu'il ne me vist satis-^ faicte et en liberté.

La Royne ma mère voyant cette response, revinst, et représenta au Roy ce que luy avoit dist mon frère; qu'il estoit nécessaire, s'il vouloit une paix, qu'elle y retournast, mais que d'y aller sans moy, son voiage seroit encor inutile, et croistroit plustost le mal que de le diminuer ; qu'aussy de m'y mener sans m'avoir premier contentée , que j'y nuirois plustost que d'y servir, et que mesme il seroit à craindre qu'elle eust peine à me ramener, et que je voulusse aller trouver

mon mary ; qu'il falloit m'oster les gardes ^ et trouver moyen de me faire oublier le traictement qu'on m'a voit faict : ce que le Roy trouve bon, et s'y affectionne aultant qu'elle. Soudain elle m'envoye quérir, me disant qu'elle avoit tant faict qu'elle avoit disposé les choses a la Yoye d'une paix; que c^estoit le bien de cet estât; qu'elle sçavoit que mon frère et moy avions tousjours désiré qu'il se peust faire une paix si advantageuse pour mon frère, qu'il auroit occasion de rester content, et hors de la tyrannie du Guast et de tous autres tels malicieux , qui pourroient posséder le Roy ; qu'oultre tenant la main à faire un bon accord entre le Roy et mon frère, je la delivrerois d'un mortel ennuy qui la possedoit, se trouvant en tel estât, qu'elle ne pouvoit sans mortelle offense recepvoir la nouvelle de la victoire de l'un ou de l'aultre de ses fils ; qu'elle me prioit que l'injure que j'avois receue ne me fist désirer plustost la vengeance que la paix ; que le Roy en estoil marry ; qu'elle l'en avoit veu plorer ; et qu'il m'en feroit telle satisfaction que j'en resterois contente. Je luy respondis que je ne prefererois jamais mon bien particulier au bien de mes frères et de cet estât , pour le repos et contentement duquel je me voudrois sacrifier ; que je ne souhaittois rien tant qu'une bonne paix , et que j'y voudrois servir de tout mon pouvoir.

Le Roy entre sur cela en son cabinet, qui avec une infinité de belles parolles tasche h me rendre satisfaicte , me conviant à son amitié , voyant que ny mes façons ny mes paroles ne demonstroient aucun ressentiment de l'injure que j'avois receue. Ce que je faisois plus

pour le mespris de Tofiense que pour sa satisfaction ; ayant passé le temps de ma captivité au plaisir de la lecture , où je commençay lors à me plaire ; n'ayant cette obligation à la fortune , mais plustost à la Providence divine , qui des lors commença à me produire un si bon remède poui* le soulagement des ennuys qui m'estoient préparez à Tadvenir. Ce qui m'estoit aussi un acheminement à la dévotion , lisant en ce beau livre universel de la nature tant de merveilles de son Créateur^ que toute ame bien née^ faisant de cette congnoissance une eschelle de laquelle Dieu est le dernier et le plus hault eschelon^ ra vie^ se dresse à l'adoration de cette merveilleuse lumière et splendeur de cette incompréhensible essence; et faisant un cercle parfaict, ne se plaist plus à aultre chose qu'à suivre cette chaisne d'Homère, cette agréable encyclopédie, qui, partant de Dieu mesme, retourne à Dieu mesme, principe et fin de toutes choses. Et la tristesse contraire à la joye , qui emporte hors de nous les pensées de nos actions , reveille nostre ame en soy-mesme, qui rassemblant toutes ses forces pour rejetter le mal et chercher le bien, pense et repense sans cesse pour choisir ce souverain bien , auquel pour asseurance elle puisse trouver quelque tranquillité ; qui sont de belles dispositions pour venir à la congnoissance et amour de Dieu. Je receus ces deux biens de la tristesse et de la solitude à ma première captivité, de me plaire à l'estude, et m'addonner à la dévotion , biens que je n'eusse jamais goustés entre les vanitez et magnificences de ma prospère fortune.

Le Roy, comme j'ay dict, ne voyant en moy nulle apparence de mescon lentement, me dit que la Boyne ma mère s'en allolt trouver mon frère en Champaigne pour traicter une paix , qu'il me prioit de raccompaigner, et y apporter tous les bons offices que je pour* rois; et qu'il sçavoit que mon frère avoit plus de créance en moy qu'en tout aultre; que de ce qui en viendroit de bien il m'en donneroit l'honneur, et m'en resteroit obligé. Je luy promis ce que je voulois faire, car je cognoissois que c'estoit le bien de mon frère et celuy de Testât, qui es toit de m'y employer en sorte qu'il en resteroit content.

La Royne ma mère part , et moy avec elle, pour s'en aller à Sens, la conférence se debvant faire en la maison d'un gentil-homme, à une lieue de là. Le lendemain nous allasmes au lieu de la conférence. Mon frère s'y trouve, accompaigné de quelques-unes de ses trouppes, et des principaux seigneurs et princes catholiques et huguenots de son armée, entre lesquels estoit le duc Casi mir, et le colonel Poux, qui luy avoieut amené six mille reistres , par le moyen de ceux de la religion qui s'estoient joincts avec mon frère à cause du Roy mon mary. L'on traicta-là, par plusieurs jours, les conditions de la paix, y ayant plusieurs disputes sur les articles , principalement sur ceux qui concernoient ceux de la religion , ausquels on accorda des conditions plus avantageuses qu'on n'avoit envie de leur tenir, comme il parust.bien depuis; Je faisant la Royne ma mère seulement^, pour avoir la paix, renvoyer les reistres, et retirer mon frère d'avec eux , qui n'avoit moins

d*envie de se séparer^ pour avoir tousjours esté trescatholique, et ne s'estre servy des huguenots que par nécessité.

En cette paix, il fut donné partage à mon frère selon sa qualité, à quoy mon frère vouloit que je fusse comprise f me faisant lors establir l'assignat de mon dot en teiTCs; et monsieur de Beauvais, qui estoit député pour sou party, y insistoit fort pour moy. Mais la Royne ma mère me pria que je ne le permisse, et qu'elle m'asseuroi t que j'am^ois du Roy ce que je luy demanderois; ce qui me Gst les prier de ne m'y faire comprendre, et que j'aimois mieux avoir ce que j'aurois du gré du Roy et de la Royne ma mère , estimant qu'il me seroit plus asseuré. La paix estant conclue, les asseurances prises d'une part et d'aultre , la Royne ma mère se disposant à s'en retourner, je reçeus lettres du Roy mon mary, par lesquelles il me faisoit paroistre qu il avoit beaucoup de désir de me revoir, me priant, soudain que je verrois la paix faicte, de de* mander mon congé pour le venir trouver. J'en suppliay la Royne ma mère. Elle me rejette cela et par toutes sortes de persuasions tasche de m'en divertir , me disant que, lors qu'après la saint Barthélémy je ne voulus recepvoir la proposition qu'elle me feist de me séparer de nostre mariage, qu'elle loua lors mon intention parce qu'il s'estoit faict catholique; mais qu'à cette heure qu'il avoit quitté la religion catholique et qu'il s'estoit faict huguenot , elle ne me pouvoit permettre que j'y allasse. Et voyant que j'insistois tousjours pour avoir mon congé, elle, avec la larme à l'œil, me dit

que si je ne revenoîs avec elle, que je la ruinerois : que le Roy croîroit qu'elle me l'auroit faict faire, et qu elle luy avoit promis de me ramener, et qu'elle feroit que j'y demeurerois jusques à ce que mon frère y fust; qu'il y viendroit bientost, et que soudain après elle me feroit donner mon congé.

Nous nous en retournasmes à Paris trouver le Boy, qui nous receust avec beaucoup de contentement d'avoir la paix ; mais toutesfois aggreant peu les advantageuses conditions des huguenots , se délibérant bien, soudain qu'il auroit mon frère h la cour , de trouver uue invention pour rentrer en la guerre contre lesdits huguenots , pour ne les laisser jouir de ce qu'a regret et par force on leur avoit accordé seulement pour en retirer mon frère, lequel demeura un mois ou deux à venir pour donner ordre h renvoyer les reistres, et licencier le reste de son armée. Il arrive après à la cour, avec toute la noblesse catholique qui l'avoit assisté. Le Roy le receust avec tout honneur, monstrant avoir beaucoup de contentement de le revoir ; et fist bonne chère aussi à Bussy, qui y estoit : car le Guast lors estoit mort, ayant esté tué par un jugement de Dieu % pen-

' « Le lundi dernier octobre (iSyS) veille de la Toussaints, sur les dix heures du soir, le capitaine Gast, gentilhomme dauphinois, favori du Roj, lequel il avoit suivi en Polongne, fust tué dans sa maison à Paris, rue Saint-Honoré, et avec lui son valet de chambre et un sien laquais, par certains hommes armés et masqués qui Tassassinèrent à coups d'espées et de dagues, sans estre congneus ne retenus. 11 dit mourant que c'estoit le baron de Yiteaux, qui estoit à Monsieur, qui l'avoit tué : toutefois cela ne fust point avéré, encorcs que la présumption en fust grande.... » (Lsstoils, Journal de Henri ///.)

dant qu'il suoit une diette» comme aussy c'estoit un corps gasté de toutes sortes de villanies, qui fust donné à la pourriture qui des long-temps le possedoit, et son ame aux daemons, à qui il avoît faict hommage par magie et toutes sortes de meschancetez. Ce fu^il de haine et de division estant osté du monde , et le Roy n'ayant son esprit bandé qu'à la ruine des huguenots, se voulant servir de mon frère contre eux pour rendre mon frère et eux irréconciliables , et craingnant pour ceste mesme raison que j'allasse trouver le Roy mon mary, nous faisoit à l'un et à l'aultre toutes sortes de caresses et de bonne chère pour nous faire plaire à la cour. Et voyant qu'en ce mesme temps monsieur de Duras estoit arrivé de la part du Roy mon mary pour me venir quérir, et que je le pressois si fort de me laisser aller, qu'il n'y avoit plus lieu de me refuser, il me dict (montrant que c'estoit l'amitié qu'il me portoit, et la congnoissance qu'il avoit de l'ornement que je donnois à la cour, qui faisoit qu'il ne poûvoit permettre que je m'en allasse que le plus tard qu'il pour* roit) , qu'il me vouloit conduire jusques à Poictiers, et renvoya monsieur de Duras avec cette asseurance.

Cependant il demeure quelques jours à partir de Paris , retardant à me refuser ouvertement mon congé qu'il eust toutes choses prestes pour pouvoir déclarer la guerre, comme il l'avoit desseignée, aux huguenots, et par conséquent au Roy mon mary. Et poar y trouver un prétexte ^ on faict courir le bruit que les catholiques se plaingnent des advantageuses conditions que l'on avoit accordées aux huguenots , à la paix de

Sens. Ce murmure et mescon lentement des catholiques passe si avant ^ qu^'ls viennent à se liguer a la cour, par les provinces et par les villes y s'enrooUa^is et siguansy et faisants grand bruict, tacitement du sçeu du Roy, monstrans vouloir eslire messieurs de Guise. Il ne se parle d'aultre chose à la cour depuis Paris jusques à Blois y où le Roy avoit fait convoquer les Estais; pendant l'ouverture desquels le Roy appella mon frère en son cabinet y avec la Royne ma mère et quelques-uns de messieurs de son conseil. Il lui représente de quelle importance estoit pour son estai et pour son authorité la ligue que les catholiques commençoient, mesmes s'ils venoient à se faire des chefs, et qu'ils esleussent ceux de Guise ; qu'il y alloit du leur plus que de tout aultre (entendant de moi) frère et de luy); que les catholiques avoient raison de se plaindre, et que son debvoir et conscience l'obi igeoient à mescon tenter plustest les huguenots que les catholiques; qu'il prioit et conjuroit mon frère, comme fils de France et bon ca^ tholique qu'il estoit , de le vouloir conseiller et assister en cette affaire, où il y alloit du hazard de sa couronne et de la religion catholique. Adjouslant a cela qu'il loy sembloit que pour couper chemin à cette dangereuse ligue, que luy-mesme s'en debvoit faire le chef, et pour montrer combien il avoit de zèle à sa religion, et les empescher d'eslire d'autre chef, la signer le premier comme chef, et la faire signer à mon frère, et à tous les princes et seigneurs, gouverneurs, et aultres ^ant charge en son royaume. Mon frère ne peust lors que luy ofirir le service qu'il debvoit à sa majesté, et a

la conservation de la religion catholique. Le Roy ayant pris asseurance de l'assistance de mon frère en cette occasion , qui estoit la principale fin où tendoit Tartifice de cette ligue , soudain faict appeller tous les princes et seigneurs de sa cour , se faict apporter le rooUe de ladite ligue, s'y signe le premier comme chef^ et y fait signer mon frère et tous les autres qui n'y ayoient encor signé.

Le lendemain ils ouvrent les Estats, et ayant pris les advis de messieurs les evesques de Lyon , d'Âmbrun et de Vienne, et des autres prélats qui estoient à la cour, qui luy persuadèrent qu'après le serment qu'il avoit faict à son sacre, nul serment qu'il peust faire aux hérétiques ne pouToit estre vallable, ledict serment de son sacre l'affranchissant de toutes les promesses qu'il avoit peu faire aux huguenots. Ce qu'ayant prononcé à l'ouverture des Estais, et ayant déclaré la guerre aux huguenots y il renvoya Genissac le huguenot , qui depuis peu de jours estoit là de la part du Roy mon mai*y pour advancer mon partement , avec paroles rudes , pleines de menaces, luy disant qu'il avoit donné sa sœur à un catholique, non à un huguenot, que si le Roy mon mary avoit envie de m'avoir, qu'il se fist catholique.

TQutes sortes de préparatifs à la guerre se font, et ne se parle a la cour que de guerre ; et pour rendre mon frère plus irréconciliable avec les huguenots, le Roy le faict chef d'une de ses armées. Genissac m'estant venu dire le rude congé que le Roy luy avo^t donné, je m'en vais droict au cabinet de la Royne ma

mere^ où le Roy estoit, pour me plaindre de ce qu'il m'avoit jusques alors abusée , m ayant tousjours empeschée d'aller trouver le Roy mon mary, et ayant feinct de partir de Paris pour me conduire à Poictiers pour faire un effect si contraire. Je luy representay que je ne m'estois pas mariée pour plaisir ny de ma volonté ; que ç'avoit esté de la volonté et auctorité du roy Charles mon frère, de la Royne ma mère, et de luy ; que puis qu'ils me l'avoient donné, qu'ils ne me pouvoient point empescher de courre sa fortune; que j'y voulois aller; que s'ils ne me le permettoient , je me desroberois , et y irois de quelque façon que ce fust an hazard de ma vie. Le Roy me respondit : u II n'est plus temps , ma sœur, de m'importuner de ce congé. J'advoue ce que vous dites , que j'ay retardé exprès pour vous le refuser du tout ; car depuis que le roy de Navarre s'est refaict huguenot, je n'ay jamais trouvé bon que vous y allassiez. Ce que nous en faisons la Royne ma mère etmoy c'est pour vostre bien. Je veux faire la guerre au huguenots , et exterminer cette misérable religion qui nous a faict tant de mal ; et que vous, qui estes catholique, et qui estes ma sœur, fussiez entre leurs mains comme ostage de moy, il n'y a point d'apparence. Et qui sçait si, pour me faire une indignité irréparable, ils voudroient se venger sur vostre vie du mal que je leur feray ? Non, non, vous n'y irez point ; et si vous taschezà vous desrober, comme vous dites, faictes estât que vous aurez et moy et la Royne ma mère «pour cruels ennemys, et que nous vous ferons ressentir nostre inimitié autant que nous en avons de pou-

voir, en quoi vous empirerez la condition de vostre mary plustost que de Famender. »

Je me rctiray avec beaucoup de desplaisir de cette cruelle sentence, et prenant advis des principaux de la cour, de mes amys et amies, ils me représentent qu'il me seroit mal- séant de demeurer en une cour si ennemie du Roy mon mary, et d'où Ton luy faisoit si ouvertement la guerre; et qu'ils me conseilloient, pendant que cette guerre dureroit, de me tenir hors de la cour^ mesme qu'il me seroit plus honnorable de trouver , s'il estoit possible, quelque prétexte pour sortir du royaume, ou sous couleur de pèlerinage, ou pour visiter quelqu'une de mes parentes. Madame la princesse de La Roche-sm'-Yon " estoit de ceux que j'avois assemblez pour prendre leur advis, qui estoit sur sou partement pour aller aux eaux de Spa. Mon frère aussi y estoit présent, qui avoit amené avec luy Mondoucet, qui avoit esté agent du Roy en Flandre, et en estant depuis peu revenu, avoit représenté au Roy combien les Flamans soufFroient à regret l'usurpation que l'Espagnol faisoit sur le roy de France de la domination et souveraineté de Flandre , que plusieurs seigneurs et communautez des villes l'avoient chargé de luy faire entendre combien ils avoient le cœur françois, et que tous luy tendoient les bras. Mondoucet voyant que le

' Philippe de Montespedon, veuve de Charles de Bourbon, prince de La Roche-sur- Yon , duc de Beaupréau. Elle avait épousé en premières noces René de Montejean , maréchal de France. Elle était mère du marquis de Beaupréau dont il est parlé ci-dessus, page 5.* Morte le 12 avril iSyS.

Roy mesprisoit cet advis, n'ayant rien en la teste que les huguenots, à qui il vouloit faire ressentir le desplaisir qu'ils luy avoient faict d'avoir assisté mon frère, ne luy en parle plus , et s'adresse à mou frère , qui , du vray naturel de Pyrrus, n'aymoit qu'à entreprendre choses grandes et hazardeuses , estant plus né a conquérir qu'à conserver; lequel embrasse soudain cette entreprise , qui luy plaist d'autant plus qu'il voit qu'il ne faict rien d'injuste, voulant seulement r'acquerir à la France ce qui luy estoit usurpé par l'Espaignol '. Mondoucet pour cette cause s'estoit mis au service de mon frère, qui le renvoyoit en Flandre soobs couleur d'accompaigner madame la princesse de La Roche-^ur-Yon aux eaux de Spa; lequel voyant que chacun cherchoit quelque prétexte apparent pour me> pouvoir tirer hors de France durant cette guerre (qui disoit en Savoye, qui disoit en Lorraine, qui à saint Claude, qui à Nostre-Dame de Lurette), dit tous bas à mon frère : « Monsieur, si la royne de Navarre pouvoit feindre avoir quelque mal , à quoy les eaux de Spa , où va madame la princesse de La Roche-sur-Yon, peussent servir, cela viendroit bien à propos pour vostre entreprise de Flandre, où elle pourroit frapper un grand coup. » Mon frère le trouva fort bon, et fust fort aise de cette ouverture, et s'escria soudain : u 0 Royne, ne chercher plus , il faut que vous alliez aux eaux de Spa, où va madame la princesse de La Boche-sur-Yon. Je vous ay veu autrefois

' C'était l'ancienne souveraineté de France sur la Flandre et l'Artois , à laquelle il avait été renoncé par les traités de Madrid et de Cambrai.

une eresipele au bras ; il faut que vous disiez que lors les médecins tous l'avoient ordonné, mais que la saison n'y estoit pas si propre; qu'à cette heure c'est leur saison , que vous suppliez le Roy tous permettre d'y aller. »

Mon frère ne s'ouvrist pas davantage devant cette compagnie pourquoy il le desiroit, à cause que monsieur le cardinal de Bourbon y estoit ^ qui tenoit pour le Guisart et l'Ëspaignol ; mais moy» je l'entendis soudain, me doubtant bien que c'estoit pour l'entreprise de Flandres, de quoy M ondoucet nous a voit parlé à tous deux. Toute la compagnie fust de cet advis, et madame la princesse de La Roche-sur-Yon, qui y debvoit aller, et qui m'aimoit fort ' , en receut fort grand plaisir, et me promit de m'y accompagner, et de se trouver avec moy quand j'en parlerois à la Royne ma mère pour luy faire trouver bon.

Le lendemain je trouvay la Royne seule, et luy re-

' Faut-il voir une preave de cette aflfection dans la leçon très-sage, mais très-rade qu'elle adressa , en mourant, à Marguerite ? « Deux jours devant qu'elle mourust, dit Lestoile, la roine de Navarre, qui Taimoit fort, la fust voir, à laquelle elle dit ces mots : « Madame, vous voyés ici un bel exemple en moi que Dieu vous propose. Il faut mourir, madame, et laisser ce monde ici, songés-y. Il passe et nous fait passer à ce grand juge, devant le throsne judicial duquel il faut tons comparoistre, et grands et petits, rois et roines. Retirés-vous , madame , je vous prie ; car il me faut prier et songer à mon Dieu , et vous ne me faites que ramentevoir le monde, quand je vous regarde. » Cela disoit-elle, ajoute Lestoile, pour ce que la roine de Navarre estoit, comme de coustnme, diaprée et fai*dée, ce qu'on appelle k la cour bien accoustrée à son avantage. » (Journal de Henri III, avril 1578.)

presentay le mal et desplaisir que ce m'estoit de voir le Roy mon mary en guerre contre le Koy, et de me voir esloingnée deluy; que, pendant que cette guerre dureroit , il ne m'estoit honnorable ny bien séant de demeurer à la cour; que^ si j'y demeurois, je ne pourrois éviter de ces deux malheurs l'un, ou que le Roy mon mary penseroit que j'y fusse pour mon plaisir, et que je ne iuy sei^irois pas comme je debvols; ou que le Roy prendroit soubçon de moy , et croyroit que j'advertirois tousjours le Roy mon mary; que l'un et l'aultre me pro* duiroient beaucoup de mal; que je la suppliois de trouver bon que je m'esloingnasse de la cour pour Tesviter ; qu'ilyavoit quelque temps que les médecins m'avoient ordonné les eaux de Spa pour l'eresipele que j'avois au bras, à quoy depuis si long-temps j'estois subjecte; que la saison à cette heure y estant propre, il me sembloit que si elle le trouvoit bon , que ce voyage estoit bien à propos pour m'esloingner en cette saison , non seulement de la cour, mais de France, pour faire congnoistre au Roy mon mary que ne pouvant estre avec Iuy, pour la desfîance du Roy, je ne voulois point estre au lieu où on Iuy faisoit la guerre ; que j'esperois qu'elle, par sa prudence , disposeroit les choses avec le temps de telle façon , que le Roy mon mary obtiendroit une paix du Roy, et rentreroit en sa bonne grâce; que j'attendrois cette heureuse nouvelle pour lors venir prendre congé d'eux pour m'en aller trouver le Roy mon mary; et qu'en ce voiagede Spa, madame la princesse de La Roche-sur- Yon , qui estoit là présente, me faisoit cet honneur de m'accompaigner. Elle approuva

cette condition , et me dit qu elle estoit fort aise que j'eusse pris cet advis ; que le mauvais conseil que ces evesques aboient donné au Roy de ne tenir ses promesses, et rompre tout ce qu'elle avoit promis et contracté pour luy» luy avoit, pour plusieurs considérations , apporté beaucoup de desplaisir ; mesme voyant que cet impétueux. torrent entrainoit avec soy et ruinoit les plus capables et meilleui^s serviteurs que le Roy enst en son conseil (car le Roy en esloingna quatre ou cinq des plus apparens et plus entiers) ; mais qu'entre tout cela, ce qui luy travailloit le plus l'esprit, estoit de voir ce que je luy representois , que je ne pouvois éviter, demeurant à la cour, l'un de ces deux malheurs : ou que le Roy mon mary ne l'auroit agréable et s'en prendroit à moy , ou que le Roy entreroit en desfiance de moy, pensant que j'advertirois le Roy mon mary; qu'elle persuaderoit au Roy de trouver bon ce voyage, ce qu'elle fit. Et le Roy m'en parla sans monstrer d'en estre en colère, estant assez content de m'avoir peu empescher d'aller trouver le Roy mon mary, qu'il hayoit lors plus qu^aucune chose du monde; et commande que l'on despeschast un courrier à dom Jean d'Autriche, qui commandoit pour le roy d'Espaigne en Flandres, pour le prier de me bailler les passeports nécessaires pour passer librement au paîs de son autho* rite, pour ce qu'il falloit bien avant passer dans la Flandres pour aller aux eaux de Spa, qui sont aux terres de l'evesché de Liège.

Cela résolu, nous nous separasmes tous a peu de jours de là , lesquels mon frère employa à m'instruire

des offices qu'il desiroit de moy pour son entreprise de Flandres ; le Roy et la Roy ne ma mère s'en allans à Poictiers , pour estre plus près de l'armée de monsieur de Mayenne qui assiegeoit Brouage \ et qui de là debvoi t passer en Gascongne pour faire la guerre au Roy mon mary. Mon frère s'en alloit avec l'anltre armée, de quoy il estoit chef , assiéger Issoire et les aultres ailles qu'il prinsien ce temps-là; moyen Flandres, accompagnée de madame la princesse de La Roche-sur- Yon , de madame de Tournon * ma dame d'honneur, de madame de Mouy de Picardie ^ , de madame la castellane de Milan, de madamoiselle d*Âtrie^, de madamoiselle de Tournon ^, et de sept ou huict aultres filles; et d'hommes, de monsieur le cardinal de Lenoncoart^, de monsieur l'evesque de Langres^ de

■ Ville de la SaintODge , près de La Rochelle. Cette place fat rendue le 20 août 1577 aa duc de Mayenne , après un siège de près de cinq mois.

* Claudine de La Tour-Turenne , femme de Just II , seigneur de Tournon , comte de Roussillon.

^ Catherine de Snsannes, comtesse de Cernj, femme de Charles, marquis de Mouy, nommé ci-dessous.

* Anne d'Aquaviva, dite d'Aragon, fille de Jean-François, duc d'Atri , au royaume de tapies, depuis mariée au comte de Châteauvilain. ( Castblrau , t. I, p. 327.)

* Hélène de Tournon, fille de Just II, seigneur de Tournon, et de Claudine de la Tour-Turenne.

* Philippe de Lenoncourt, qu'on appelait à Rome le beau che^ valierjrançais , évêque d'Auxerre en i56o, et cardinal seulement en i586.

' Charles d'Escars, connu par son éloquence et par les discours qu'il prononça devant les ambassadeurs polonais à Metz , et devant le roi Henri III^ à son retour de Pologne.

monsieur de Mouy, seigneur de Picardie '^ maintenant beau-pere d'un frère de la royne Louise^ nommé le comte de Ghaligny *, de mon premier maistre d'hostel, de mes premiers escuyers, et aultres gentilsbommes de ma maison. Cette compaignie pleust tant aux estrangers qui la virent , et la trouvèrent si lesle, qu'ils en eurent la France en beaucoup plus d'admiration.

J'allois en une lictiere faite à pilliers doublez de velours incarnadin d'Espaigne^ en broderie d'or et de soye nuée , à devise ; cette litière toute vitrée , et les vitres toutes faictes à devise^ y ayante ou à la doublure ou aux vitres^ quarante devises toutes différentes^ avec les mots en espaignol et italien , sur le soleil et ses effects. Laquelle estoit suivie de la litière de madame de La Boche- sur- Yon , et de celle de madame de Toumon ma dame d'honneur, et de dix filles à cheval avec leur gouvernante , et de six carrosses ou chariots, où alloit le reste des dames et filles d'elles et de moy. Je passay par la Picardie, où les villes avoient commandement du Roy de me recepvoir selon que j'avois cet honneur de luy estre , qui , en passant , me firent tout l'hontieur que j'eusse peu désirer.

Estant arrivée au Castelet^ qui est un fort à trois lieues de la frontière de Gambresys, l'evesque de Cam-

■ Charles, marquis de Mony, chevalier des ordres da Roi, châtelain héréditaire de Beauvais.

* Henri de Lorraine, comte de Chalignj, petit-fils d'Antoine, duc de Lorraine, et frère de Louise de Lorraine, femme de Henri III.

bray, qui estoit lors tcree de TEglise et pays souverain, qui ne recognoissoit le roy d'Espaigne que pour protecteur, m'envoya un gentil-homme pour sçavoir l'heure à laquelle je partirois, pour venir au devant de moy jusques à Tentrëe de ses terres, où je le trouvay très-bien accompagné, mais de gens qui avoient les habits et l'apparence de vrais Flamands, comme ils sont fort grossiers en ce quartier-là. L'evesque estoit de la maison de Barlemont, une des principales de Flandres, mais qui avoit le cœur espaignol , comme ils ont monstre, ayants esté ceux qui ont le plus assisté dom Jean. Il ne laissa de me recepvoir avec beaucoup d'honneur, et non moins de cérémonies espagnoles. Je trouvay cette ville de Gambray, bien qu'elle ne soit bastie de si bonne estoffe, que les nostres de France, beaucoup plus agréable, pour y estre les rues et places beaucoup mieux proportionnées, et disposées comme elles sont , et les églises tres-graudes et belles , ornement commun à toutes les villes de Flandres. Ce que je recognus en ceste ville d'estime et de remarque, fîist la citadelle, des plus belles et des mieux achevées de la chrestienté; ce que depuis elle fît bien esprouver aux Espagnols, estant soubs l'obéissance de mon frère. Un honneste homme, nommé monsieur d'Ainsi % fils du comte de Frezin, en estoit lors gouverneur, lequel en grâce , en apparence , et en toutes belles parties requises à un parfaict cavalier, n'en debvoit rien à nos plus parfaits courtisans, ne participant

' Baadoain deGavre, sieur d'Incby. (Histoire de Cambray^ t. I, p. i8i.)

nullement de ceste naturelle rusticité qui semble estre propre aux Flamans. L'evesque nous fist festin, et nous donna après soupper le plaisir du bal , où il fist venir toutes les dames de la ville ; auquel ne se trouvant, et s'estant retiré soudain après soupper, pour estre y comme j*ay dict, d'humeur cerimonieuse espagnole, monsieur d'Ainsi estant le plus apparent de sa trouppe, il le laissa pour m'entretenir durant le bal, et pour après me mener à la collation de confitures , imprudemment, ce me semble, veu qu'il avoit la charge de la citadelle. J'en parle trop sçavante à mes despens, pour avoir plus appris que je n'en desirerois comme il se faut comporter à la garde d'une place forte '.

La souvenance de mon frère ne me partant jamais de l'esprit, pour n'affectionner rien tant que luy, je me ressouvins lors des instructions qu'il m'avoit données, et voyant la belle occasion qui m'estoit ofïerte pour luy faire un bon service en son entreprise de Flandres, cette ville de Cambray et cette citadelle en estans comme la clef, je ne la laissay perdre , et employay tout ce que Dieu m'avoit donné d'esprit à rendre monsiem^ d'Ainsi affectionné à là France, et particulièrement à mon frère. Dieu permit qu'il me réussit si bien que, se plaisant en mon discours, il

' Cette observation est d'une rare modestie. Marguerite savait à merveille comme il se faut comporter pour garder une place forte et même pour la prendre. La manière dont elle s'empara du château d'Usson , et dont elle s'y maintint pendant dix-neuf ans, fait beaucoup d'honneur à son habileté. (Voyez Brantôme, Dames illustres, éloge de Marguerite.}

délibéra de me voir le plus longtemps qu'il pourroit, et de m'accompagner tant que je serois en Flandres; et pour cet efTect demanda congé à son maistre de venir avec moy jusques à Namur, où dom Jean d'Âustriche m'attendoit , disant quMl desiroit de voir les triomphes de cette réception. Ce Flament espagnolisé, fust neantmoins si mal advisé de le luy permettre. Pendant ce voyage; qui dura dix ou douze jours , il me parla le plus souvent qu'il pouvoit^ monstrant ouvertement qu'il avoit le cœur tout François , et qu'il ne respiroit que l'heur d'avoir un si brave prince que mon frère pour maistre et seigneur^ mesprisant la subjection et domination de son evesque, qui, bien qu'il fust son souverain^ n'estoitque gentil-homme comme luy, mais beaucoup son inférieur aux qualitez et grâces de l'esprit et, du corps.

Partant de Cambray, j*allay coucher à Valencîennes, terre de Flandres , où monsieur le comte de Ijalain % monsieur de Montigny * son frère, et plusieurs aultres seigneurs et gentils-hommes jusques au nombre de deux ou trois cens vindrent au devant de moy pour me recepvoir au sortir des terres de Cambresys, jusques où l'evesque de Cambray m'avolt conduicte. Estant arrivée à Valenciennes ; ville qui cède en force h Cambray, et non en l'ornement des belles places et belles églises, où les fontaines et les horloges, avec industrie propre

* Philippe, comte de Lalain, baron d'Escornaix, grand -bailii de Hainaut.

* Eminannel de Lalain, baron de Montigny, chevalier de la Toison d'Or, marié à Anne de Croy, marquise de Renty et de Chièvres.

aux Allemands , ne donnoient peu de merveille à nos François , ne leur estant commun de voir des horloges représenter une agréable musique de voix, avec aultant de sortes de personnages que le petit chasteau que l'on alloit voir pour chose rare au faulxbourg Sainct>-Ger* main. Monsieur le comte de Lialain y ceste ville estant de son gouvernement, fist festin aux seigneurs et gentils-hommes de ma trouppe, remettant à Mons à traicter les dames, où sa femme, sa beile-sœur madame d'Aurec % et toutes les plus apparentes et galantes dames de ce pays-là m'attendoient pour me recepvoir, où le comte et toute sa trouppe me conduisit le lendemain. Il se disoit estre parent du Roy mon mary, et estoit personne de grande authorité et de grands moyens, auquel la domination de TEspaignol avoit tousjours esté odieuse, en estant tres-ofiensé depuis la mort du comte d'Egmont ' , qui luy estoit proche parent. Et bien qu'il eust maintenu son gouvernement sans estre entré en la ligue du prince d'Orange ny des huguenots, estant seigneur tres-catholique, il n'avoit neantmoins jamais voulu voir dom Jean, ny permettre que luy ny aulcun de la part de l'Espagnol entrast en son gouvernement; dom Jean ne l'ayant osé forcer de faire au contraire, craignant, s'il l'attaquoit, de faire joindre la ligue des catholiques de Flandre , que l'on nomme la ligue des Estats , à celle du prince d'Orange et des huguenots ,

' Diane de Dompmartin , marqaise dUavrec ou d'Havre. * Lamoral, comte d'Ef^mond , prince de Gavre , exécuté à Bruxelles le 4 juin i568.

prévoyant bien que cela luy donneroit aultant de peine, comme depuis ceux qui ont esté pour le roy d'Espaigne l'ont esprouvé.

Le comte de Lalain estant tel^ ne pouvoit assez faire de démonstration de Taise qa il avoit de me voir là ; et quand son prince naturel y eut esté , il ne Teust peu recepvoir avec plus d'honneur et de démonstration de bien veuillance et d'affection. Arrivant à Mons à la maison du comte de Lalain, où il me fist loger, je trouvay à la cour la comtesse de Lalain * , sa femme , avec bien quatre vingts ou cent dames du pais ou de la ville, de qui je fus receue, non comme princesse estrangere , mais comme si j'eusse esté leur naturelle dame, le naturel des Flamandes estant d'estre privées^ familières et joyeuses. La comtesse de Lalain tenant de ce naturel , mais ayant d'avantage un esprit grand et eslevé , de quoy elle ne ressemblpit moins à vostre cousine que du visage et de la façon , cela me donna soudain asseurance qu'il me seroit aisé de faire amitié estroicte avec elle, ce qui pourroit apporter de l'utilité à l'avancement du dessein de mon frère , cette bonneste femme possédant du tout son mary. Passant cette journée à entretenir toutes ces dames, je me rends principalement familière de la comtesse de Lalain , et le jour mesme nous contractons une estroicte amitié.

L'heure du soupper venue, nous allons au festin et au bal , que le comte de Lalain continua tant que je

' Marguerite de Ligne , femme de Philippe, comte de Lalain.

fus à Mons; qui fut plus que je ne pensois, estimant debvoir partir des le lendemain. Mais cette houneste femme me contraingnist de passer une sepmaine avec eux y ce que je ne voulois faire , craingnant de les incommoder. Mais il ne me feust jamais possible de le persuader à son mary ny h elle y qui encore à toute force me laissèrent partir au bout de huict jours. Vivant avec telle privante avec elle, elle demeura à mon coucher fort tard^ et y eust demeuré davantage , mais elle faisoit chose peu commune à personnes de telle qualité, qui toutesfois tesmoingne une nature accompagnée d'une grande bonté. Elle nourrissoit son petit fils de son lait; de sorte qu'estant le lendemain au festin, assise tout auprès de moy à la table, qui est le lieu où ceux de ce païs-là se communiquent avec plus de franchise, n'ayant l'esprit bandé qu'à mon but, qui n'estoit que d'advancer le dessein de mon frère, elle parée et toute couverte de pierreries et de broderies , avec une robille à l'espagnole de toille d'or noire, avec des bandes de broderie de canetille d'or et d'argent, et un pourpoint de toille d'argent blanche en broderie d'or, avec des gros boutons de diamant ( habit approprié à l'office de nourrice), l'on luy apporta à la table son petit fils , emmaillotté aussi richement qu'estoit vestue la nourrice , pour luy donner à taicter. Elle le met entre nous deux sur la table, et librement se desboutonne, baillant son tetin à son petit, ce qui eust esté tenu à incivilité à quelque autre; mais elle le faisoit avec tant de grâce et de naïfveté, comme toutes ses actions en estoient accompaignées.

[1577] DE Marguerite de valois. 97

qu elle en reoeust autant de louanges que la compagnie de plaisir.

Les tables levées ^ le bal commença en la salle mesme où nous estions ^ qui estoit grande et belle ^ où estants assises l'une auprès de l'aultre , je luy dis : qu'encore que le contentement que je recepvois lors en cette compagnie se peust mettre au nombre de ceux qui m'en avoient plus faict ressentir^ qae je souhait* tois presque ne l'avoir point receu , pour le desplaisir que je recepvrois partant d'avec elle^ et voyant que la fortune nous tiendroit pour jamais privez du plaisir de nous voir ensemble ; que je tenois pour un des malheurs de ma vie, que le ciel ne nous eust faict naistre elle et moy d'une mesme patrie : ce que je disois ' pour la faire entrer aux discours qui pouvoient servir au dessein de mon frère. Elle me respondit : (c Ce pais a esté aultresfois de France , et à cette cause , l'on y plaide encor en françois, et cette affection naturelle n'est pas encore sortie du cœur de la pluspart de nous. Pour moy, je n'ay plus aultre chose en l'ame , depuis avoir eu cet honneur de vous voir. Ce païs a esté aultresfois tres-affectionné à la maison d'Âustriche; mais cette affection nous a esté arrachée en la mort du comte d'Egmont , de monsieur de Horne ' , de monsieur de Montigny % et des aultres seigneurs qui furent lors desfaicts , qui estoient noz proches parens, et appartenans à la pluspart de la noblesse de ce pays. Nous n'avons rien de plus odieux que la domination

' Philippe de Montmorency, comte de Horncs, mort en i566. " Florisde Montmorency, baron de Montigny, mort en 1570.

de ces Espaignols» et ne souhaitions rien tant que de nous délivrer de leur tyrannie; et ne sçaurions toutesfois comme y procéder, pource que ce pais est divisé à cause des difièrentes religions. Que si nous estions tous biens unis , nous aurions bientost jette l'Espagnol dehors ; mais cette division nous rend trop foibles. Que pleust à Dieu qu'il prist envie au roy de France 9 vostre frère , de r'acquerir ce pais, qui est sien d'ancienneté! Nous luy tendrions tous les bras. » Elle ne me disoit cecy à l'improviste , mais premeditement , pour trouver par mon moyen , du costé de la France, quelque remède à leurs maulx. Moy, me voyant le chemin ouvert à ce que je desirois , je luy respondis : (c Le roy de France mon frère n'est d'humeur pour entreprendre des guerres estrangeres, mesmes ayant en son royaume le party des huguenots, qui est si fort , que cela l'empeschera tousjours de rien entreprendre dehors; maismonfrere, monsieur d'AIençon , qui ne dôibt rien en valeur, prudence et bonté , aux roys mes père et frères , entendroit bien à cette entreprise, et n'auroit moins de moiens que le roy de France mon frère de vous y secourir. U est nourry aux armes, et estimé un des meilleurs cappitaines de nostre temps; estant mesme à cette heure commandant l'armée du Roy contre les huguenots, avec laquelle il a pris , depuis que je suis partie , sur eux , une tres-forte ville nommée Issoire', et quelques aultres. Vous ne sçauriez appeller prince de qui le

' Prise le mercredi 12 juin 1577. (Lestoili, Journal de HenrilII.)

secours tous soit plus utile, pour vous estre si voisin, el avoir un si grand royaume que celuy de France à sa dévotion; duquel il peut tirer hommes et moyens,

et toutes commoditez nécessaires à cette guerre. Et, s'il recepvoit ce bon office de monsieur le comte vostre mary, vous vous pouvez asseurer qu'il auroit telle part à sa fortune qu'il voudroit : mon frère estant d'un naturel doux , non ingrat y qui ne se plaist qu'à recognoistre un service ou un bon office reçeu. Il honnore et chérit les gens d'honneur et de valeur : aussi est-il suivy de tout ce qui est de meilleur en France. Je croys que l'on traictera bientost d'une paix en France avec les huguenots , et qu'à mon retour en France je la pourray trouver faicte ; si monsieur le comte vostre mai*y est en cecy de mesme opinion que vous et de mesme volonté, qu'il advise s'il veult que j'y dispose mon frère , et je m'asseure que ce païs , et vostre maison en particulier, en recepvra toute félicité. Que si mon frère s'establissoit par vostre moien icy, vous pourriez croire que vous m'y reverriez souvent, estant nostre amitié telle qu'il n*y en eust jamais, de frère à sœur, si parfaicte. » Elle reçoit a^vec beaucoup de contentement cette ouverture, et me dit qu'elle ne m'avoit pas parlé de cette façon à l'adventure; mais, voyant l'honneur que je luy faisois de l'aimer, elle avoit bien résolu de ne me laisser partir de là qu'elle ne me descouvrist Testât auquel ils estoient, et qu'ilz ne me requissent de leur apporter du costé de France quelque remède, pour les affranchir de la crainte où ilz vivoient, de se voir en une perpe-

tuelle guerre ^ ou reduicts sous la tyrannie espagnolle; me priant que je trouvasse bon qu'elle descouvrist à son mary tous les propos que nous avions eus, et qu*ilz m'en peussent parler le lendemain tous deux ensemble, ce que je trouvay très -bon. Nous passasmes cette apres-disnée en tels discours, et en tous aultres que je pensois servir à ce dessein ; à quoy je voiois qu'elle prenoit un fort grand plaisir.

Le bal estant finy, nous allasmes ouyr vespres aux chanoinesses, en leur église appelée Sainte-Vaudrud, qui est un ordre de filles de bonne maison , de quoy nous n'avons point en France. Ce sont toutes damoiselles, que l'on y met petites , pour faire profiter leur mariage jusques à ce qu'elles soient en aage de se marier. Elles ne logent pas en dortoirs, mais en maisons séparées, toutesfois toutes dans un enclos, comme lès chanoines; et en chaque maison il y en a trois ou quatre, cinq ou six jeunes avec une vieille, desquelles vieilles il y en a quelque nombre qui ne se marient point, ny aussy l'abbesse. Elles portent seulement l'habit de religion le matin, au service de l'église, et l'apresdisnéë à vespres; et soudain que le service est faict, elles quictent l'habit, et s'habillent comme les aultres filles à marier, allants par les festins et par les bals librement comme les aultres : de sorte qu'elles s'habillent quatre fois le jour. Elles se trouvèrent tous les jours au festin et au bal, et y dansèrent d'ordinaire.

Il tardoit à la comtesse de Lalain que le soir ne fust venu, pour faire entendre à son mary le bon commencement qu'elle a\oit donné à leurs aflfaires. Ce

[1577] DE MARGUERITE DE VALOIS. lOf

qu'ayant faict la nuict suivante, le lendemain elle m amené son mary, qui, me faisant un grand discours des justes occasions qu'il aToit de désirer de s'affranchir de la tyrannie de l'Espaignol (en quoy il ne pensoit point entreprendre contre son prince naturel y scachant que la souveraineté de Flandre appartenoit au roy de France) , me représente les moiens qu'il avoit d'establir mon frère en Flandre, ayant tout le Haynault à sa dévotion, qui s'estendoit jusques bien près de Bruxelles. Il n'estoit en peine que du Cambresis, qui estoit entre la Flandre et le Haynault, me disoit qu'il seroit bon de gaigner monsieur d'Inchy, qui estoit encore là avec moy. Je ne luy voulus descouvrir la parole que j'en avois; mais luy dis que je le priois luy-mesme de s'y emploier, ce qu'il pourroit mieux faire que moy, estant son voisin et amy; et lui ayant asseuré de Testât qu'il pouvoit faire de l'amitié et bienvueillance de mon frère, à la fortune duquel il participeroit aultant de grandeur et d'auctorité, que meritoit un si grand et si signalé service reçeu de personne de sa qualité, nous resolusmes qu'à mon retour je m'arresterois chez moy, à La Fere, où mou frère viendroit, et que là monsieur de Montigny, frère du comte de Lalain, viendix>it traicter avec mon frère de cette affaire.

Fendant que je fus là, je le confirmay et fortifiay tousjours en cette volonté, à quoy sa femme apportoit non moins d'affection que moy. Et le jour venu qu'il me falloit partir de cette belle compagnie de Mens, ce nefust sans réciproque regret, el de toutes

ces dames flamandes et de moy, et sur tout de la comtesse de Lalain , pour l'amitié très-grande qu'elle m'avoit vouée ; et me fit promettre qu'à mon retour je passerois par la. Je luy donnay un carquan de pierreries , et à son mary , un cordon et enseigne de pierreries , qui furent estimez de grande valeur^ mais beaucoup chéris d'eux, pour partir de la main d'une personne qu'ilz aimoient comme moy. Toutes les dames demeurèrent là, fors madame de Havrech, qui vint à Namur, où j'allois coucher ce jour-là , où son mary et son beau^frere, monsieur le duc d'Ârscot% estoient : y ayants tousjours demeuré depuis la paix entre le roy d'Espaigiie et les estats de Flandre; car bien qu'ilz feussent du party des estats y estant le duc d'Arscot un vieil courtisan, des plus galands qui fussent de la cour du roy Philippe , du temps qu'il estoit en Flandre et en Angleterre, se plaisoit tousjours à la cour auprès des grands.

Le comte de Lalain, avec toute la noblesse, me conduisit le plus avant qu'il peust, bien deux lieues hors de son gouvernement, et jusques à tant que l'on vit paroistre la trouppe de dom Juan. Lors il print congé de moy, pour ce, comme j'ay dit, qu'ilz ne se voyoient point. Monsieur d'Inchy seulement vinst avec moy , pour estre son maistre, l'evesque de Cambray, du party d'Espaigne. Cette belle et grande troupe s'en estant retournée, ayant faict peu de chemin , je trouvay dom Juan d'Austriche accompagné de force estaffiers, mais

* Philippe III, sire de Croy, duc d'Arschot, prince de Chirnav, etc., né en iS^Ô, et mort en iSqS.

[ 1577 ] DE Marguerite de valois. los

seulement de vingt ou trente ckevaulx , ayant avec luy de seigneurs : le duc d'Arscot, monsieur d'Havrech ^, le marquis de Varembon *, et le jeune Balançon ^ , gouverneur pour le' roy d'Espagne du comté de Bourgongne, qui , galands et honnestes hommes , estoient venus en poste pour se trouver là à mon passage. Des domestiques de dom Juan^ n'y en avoit de nom ny d'apparence qn'un Ludovic de Gonzague^ qui se disoit parent du duc de Mantoue ^. Le reste estoit de petites gens de mauvaise mine, n'y ayant nulle noblesse de Flandre. Il mit pied à terre pour me saluer dans ma littiere, qui estoit relevée et toute ouverte : je le saluay à la franooise, luy, le duc d'Arscot, et monsieur d'Havrech. Apres quelques honnestes paroles , il remonta à cheval , parlant tousjours à moy jusques à la ville , où nous ne peusmes arriver qu'il ne feust soir, pour ne m'avoir les dames de M ons permis de partir que le plus tard qu'elles peurent; mesmes m'ayants amusée dans ma iittiere plus d'une heure à la considérer, prenants un extrême plaisir à se faire donner l'intelligence des devises. L'ordre toutesfois fust si beau à Namur (comme les Espagnols sont excellens en cela), et la ville si esclairée, que les fenestres et boutiques estans pleines de lumières, l'on voioit luire un nouveau jour.

' Charles-Philippe de Croy, marquis d'Havrech, fils de Philippe II, sire de Croy^ dac d'Arschot.

* Marc de Rye, marqais de Varembon, qui fut plus tard chevalier de la Toison d'Or et gouverneur général d'Artois.

' Philibert de Rye, comte de Yaraix, baron de Balançon.

^ C'est peut-être Ludovic de Gonzague , surnommé le Bodomoni, seigneur de Sabionctta.

Ce soir dom Juan fist servir et moy et mes gens dans les logis et les chambres , estimant qu'après une longue journée il n'estoit raisonnable de nous, incommoder d'aller à un festin. La maison où il me logea estoit accommodée pour me recepvoir ; où l'on avoit trouvé moien d'y faire une belle et grande salle , et un appar* tement pour moy de chambres et de cabinets , le tout tendu des plus beaux , riches et superbes meubles que je pense jamiais avoir veu: estants toutes les tapisseries de velours ou de satin, avec des grosses colomnes faictes de toiles d'argent, couvertes de broderies de gros cordons et de godrons de broderies d'or, relevez de la plus riche et belle façon qui se peut voir ; et, au milieu de ces colomnes, de grands personnages habillez à l'antique, et faicts de la mesme broderie. Monsieur le cardinal de Lenoncourt, qui avoit l'esprit curieux et délicat ^s'estant rendu familier du duc d'Ârscot, vieil courtisan, comme j'aydict, d'humeur gallante et belle, tout l'honneur certes de la trouppe de dom Juan , considérant, un jour que nous fusmes là , ces magnificences et superbes meubles, luy dict : (c Ces meubles me semblent plustost d'un grand roy, que d'un jeune prince à ma* rier tel qu'est le seigneur dom Juan. » Le duc d'Ârscot luy respondit : « Us ont esté faicts aussi de fortune, non de prevoiance ny d'abondance, les estoffes luy en ayant esté envoiées par un bascha du grand seigneur, duquel, en la notable victoire qu'il eust contre le Turc ', il avoit eu pour prisonniers les enfans; et le seignem*

' Allusion à la célèbre bataille de Lépante, livrée en iSyi.

[1577] t)E MARGUERITE DE VALOIS. 105

dom Juan luy ayant faict courtoisie de les luy renvoier sans rançon , le bascha , pour revenge , luy fist présent d'un grand pombre d'estofies de soye, d'or, et d'argent, qui luy arrivant, estant à Milan, où Ton approprie mieux telle chose, il en fist faire les tapisseries que vous voyez ; et pour la souvenance de la glorieuse façon de quoy il les avoit acquises, il fist faire le lict et la tente de la chambre de la Royne en broderie des batailles navalles, representans la glorieuse victoire de la bataille qu'il avoit gaignée sur les Turcs. »

Le matin estant venu, dom Juan nous fist ouyr une messe à la façon d'Espaigne, avec musicque, violons et cornets; et allans de là au festin de la gi*ande salle, nous disnasmes luy et moy seuls en une table : la table du festin où estoient les dames et seigneurs esloingnée trois pas de la nostre, où madame de Havrech faisoit rhonneur de la maison pour dom Juan ; luy se faisant donner à boire^ à genoux , par Ludovic de Gonzague. Les tables levées , le bal commença , qui dura toute l'apres-dinée. Le soir se passe de cette façon, dom Juan parlant tousjours à moy, et me disant souvent qu'il Toioit en moy la ressemblance de la Royne sa signora ', qui estoit la feue Royne ma sœur, qu'il avoit beaucoup honnorée, me tesmoingnant, par tout l'honneur et courtoisie qu'il pouvoit faire à moy et à toute ma trouppe, qu'il recepvoit très-grand plaisir de me voir là '. Les

' Elisabeth, fille de Henri II, née en i545, troisième femme de Philippe II, roi d'Espagne, morte le 3 octobre i568.

* Ce n'était pas la première fois que le vainqueur de Lcpanlc

batteaux où je debvois aller par la rivière de Meuse jusques à Liège ne pouvants estre si-tost prests , je fus contrainte de séjourner le lendemain^ où, ayants passé toute la matinée comme le jour de devant, Tapres-disnée nous mettants dans un très-beau batteau, sur la rivière y environné d'aultres batteaux pleins de haultsbois, cornets et violons, nous abordasmes en une isle, où dom Juan avoit faict apprester le festin y dans une belle salle faicte exprès de lierre , accommodée de cabinets autour remplis de musicque et haults-bois el autres instruments , qui dura t^ut le long du soupper. Les tables levées, le bal ayant duré quelques heures^ nous nous en retournasmes dans le mesme batteau qui nous avoit conduict jusques-là , et lequel dom Juan m'avoit faict préparer pour mon volage.

Le matin voulant partir, dom Juan m'accompagne jusques dans le batteau, et, après un honneste et courtois à Dieu , il me baille pour m'accompaigner jusques à Huy, où j'allois coucher, première ville de la terre de l'evesque de Liège, monsieur et madame d'Havrech. Dom Juan sorty , monsieur dlnchy, qui demeura là le dernier dans le batteau , et n'avoit congé de son maistre

voyait la reine de Navarre. L'année précédente , il avait passé par la France en se rendant de Milan en Flandre, pour prendre le gouvernement de cette province. U avait paru à la cour, dans une de ces fêtes que la Reine mère aimait tant ; mais, à son grand regret, il y avait paru incognito et travesti en maure. Il avait admiré la rare beauté de Marguerite , qu'il mettait au-dessus de celle des Italiennes et des Espagnoles, ajoutant que , « combien que la beauté de cette Reine fut plus divine qu'humaine, elle était plus pour perdre et damner les hommes que pour les sauver. » (Brartôme , Eloge de Marguerite de France.)

de me conduire plus loing , prend congé de moy avec aultant de regrets que de protestations d'estre à jamais serviteur de mon frère et de moy.

La fortune envieuse et traistre ne pouvant supporter la gloire d'une si heureuse fortune qui m'avoit acoompaignée jusques-là en ce voiage , me donne deux sinistres augures des traverses , que, pour contenter son envie, elle me preparoit à mon retour : dont le premier fust que 9 soudain que le batteau commença à s'esloingner du bord, madamoiselle de Toumon, filie de madame de Tournon, ma dame d'honneur, damoiselle tres-vertueuse, et accompagnée des grâces que j'aymois fort, prend un mal si estrange, que tout soudain il la met aux haults cris pour la violente douleur qu'elle ressentoit, qui provenoit d'un serrement de cœur, qui fust tel, que les médecins n'eurent jamais moien d'empescher que, peu de jours après que je fus arrivée à Liège, la mort ne la ravist. J'en diray la funeste histoire en son lieu, pour estre remarquable. L'aultre est, qu'arrivant à Huy, ville située sur le pendant d'une montaigne, dont les plus bas logis mouilloient le pied dansl'eaue, il s'esmeut un torrent si impétueux, descen-* dant des ravages d'eaues de la moutaigne en la rivière, que la grossissant tout d'un coup, comme nostre batteau abordoit , nous n'eusmes presque loisir de sauter à teri*e , et courants tant que nous peusmes pour gaingner le hault de la montaigne, que la rivière ne fust aussytost que nous à la plus haute rae, auprès de mon logis qui estoit le plus hault; où il nous fallut contenter ce soir là de ce que le maistre de la maison pouvoit

avoir, n'ayant moyen de pouvoir tirer des batteaux ny mes gens , uy mes hardes, ny moins d'aller par la ville, qui estoit comme submergée dans ce déluge, duquel elle ne fust avec moins de merveille délivrée que saisie ; car, au poinct du jour, Teaue estoit toute retirée et remise en son lieu naturel.

Partant de là , monsieur et madame d'Havrech s'en retournèrent à Namur trouver dom Juan ; et moy, je me remis dans mon batteau pour aller ce jour là coucher à Liège, où Fevesque ' , qui en est seigneur souverain, me receust avec tout l'honneur et démonstration de bonne volonté, qu'une personne courtoise et bien affectionnée peut tesmoingner. G'estoit un seigneur accompaigné de beaucoup de vertus, de prudence, de bonté, et qui parloit bien François ; agréable de sa pei^ sonne, honnorable, magnifîcque et de compagnie fort agréable; accompagné d'un chapitre et plusieurs chanoines, tous fils de ducs, comtes, ou grands seigneurs d'AUemaigne, pour ce que cet evesché, qui est un estât souverain de grand revenu, d'assez grande estendue, remply de beaucoup de bonnes villes , s'obtient *par élection, etfault qu'ilz demeurent un an résidants, et qu'ilz soient nobles pour y estre reçeus chanoines. La ville est plus grande que Lion, et est presque en mesme assiete , la rivière de Meuse passant au milieu; tres^bien bastie , n'y ayant maison de chanoine qui ne paroisse un beau palais; les rues grandes et larges; les places belles, accompagnées de très-belles fontaines;

' Gérard de Groesbek, évéquc de Liège en i564) créé cardiDal en 1678, mort en i584.

les églises ornées de tant de marbre ( qui se tire près de là), qu'elles en paroissent toutes; les horologes faic tes avec l'industrie d'AUemaigne, chantans et representans toute sorte de musique et de personnages. L'evesque m'ayant receue sortant de mon batteau, me conduisit en son plus beau palais, tres-magnifique, d'où il s'estoit délogé pour me loger; qui est, pour une maison de Tille , le plus beau et le plus commode qui se puisse voir, accompaigné de très-belles fontaines , et de plusieurs jardins et galleries; le tout tant peiuct que doré, accommodé avec tant de marbre, qu'il n'y a rien de plus magnifique et plus délicieux.

Leseaues deSpa n'estants qu'à trois ou quatre lieues de là 9 n'y ayant auprès qu'un petit village de trois ou quatre meschantes petites maisons , madame la princesse de La Roche-sur- Yon fust conseillée par les médecins de demeurer à Liège , et d'y faire apporter son eaue, l'asseurant qu'elle auroit aultant de force et de vertu estant portée la nuict , avant que le soleil fust levé. De quoy je fus fort ayse, pour faire nostre séjour en lieu plus commode et en si bonne compagnie; car onltre celle de Sa Grâce (ainsy appelle-t-on l'evesque de Liage, comme on appelle un roy Sa Majesté, et un prince Son Altesse), le bruit ayant couru que je passois par là , plusieurs seigneurs et dames d'AUemaigne y estoient venus pour me voir, et entre aultres madame la comtesse d'Aremberg ' ( qui est celle qui a voit eu l'hon-

■ Marguerite de La Marck, veuve de Jean de Ligne, comtesse souveraÎDe d'Aremberg.

neur de conduire la royne Elizabeth ' h ses nopces à Mezieresy lors qu'elle yint. espouser le roy Charles mon frère, et ma sœur aisnée au roy d'Espaigne son mary), femme qui estoit tenue en grande estime de l'impératrice y de l'empereur^ et de tous les princes chrestiens ; sa sœur madame la Lantgravine *y madame d'Aremberg sa fille ' y monsieur le comte d'Aremberg son filz ^ , tres-honneste et gallant homme, vive image de son père, qui amenant le secours d'Espaigne au roy Charles mon frère, s'en retourna avec beaucoup d'honneur et de réputation.

Cette arrivée, toute pleine d'honneur et de joye, eust esté encor plus agréable, sans le malheur qui arriva de la mort de madamoiselle de Tournon ; de qui l'histoire estant si remarquable , je ne puis obmettre à la raconter, faisant cette digression à mon discours. Madame de Tournon , qui estoit lors ma dame d'honneur, avoit plusieurs filles, desquelles l'aisnée^ avoit espousé monsieur de Balançon , gouverneur pour le Roy d'Espaigne au comté de Bourgongne; et s'en allant à son mesnage , pria sa mere^ madame de Tournon, de luy bailler sa sœur, madamoiselle de Tournon , pour la nourrir avec elle, et luy tenir compagnie en ce païs y où elle estoit esloingnée de tous ses parens. Sa

' Elisabeth d'Autriche, qui épousa, en i5']0y le roi Charles IX.

* Mahand de La Marck, femme de Loais-Henri, landgrave de Leachtemberg.

' Anne de Croy, duchesse d'Arschot, femme de Charles de Ligne.

* Charles de Ligne, comte d'Aremberg, moi*t en i6i6.

* Claude de Tournon.

mere luy accorde ; et y ayant demeuré quelques années en se faisant agréable et aimable (car elle Festoit plus que belle » sa principale beauté estant la vertu et la grâce) 9 monsieur le marquis de Varembon, de qui j'ay parlé cy-devant, lequel estoit lors destiné à estre d'^lise^ demeurant avec son frère monsieur de Balançon en mesme maison , devint y par l'ordinaire fréquentation qu'il avoit avec madamoiselle de Tournon, fort amoureux d'elle ; et, n'estant point obligé à l'église, il désire l'espouser. Il en parle aux parens d'elle et de luy. Ceux du costé d'elle le trouvèrent bon ; mais son frère monsieur de Balançon , estimant plus utile qu'il fust d'église , faict tant qu'il empesche cela , s'opiniastrant k luy faire prendre la robbe longue. Madame de Toumon , tre&-sage et tres-prudente femme, s'ofFensant de cela, osta sa fille, madamoiselle de Tournon , d'avec sa sœur madame de Balançon , et la reprend avec elle; et, comme elle estoit femme un peu terrible et rude , sans avoir esgard que cette fille estoit grande et meritoit un plus doux traictement, elle la gourmande et crie sans cesse , ne luy laissant presque jamais l'œil sec, bien qu'elle ne fist nulle action qui ne fut tres-louable ; mais c'estoit la sévérité naturelle de sa mere. Elle, ne souhaittant que de se voir hors de cette tyrannie, receust une extrême joye quand elle vid que j'allois en Flandres, pensant bien que le marquis de Varembon s'y trouveroit, comme il fist, et qu'estant lors en estât de se marier, ayant du tout quicté la robbe longue, il la demanderoit a sa mere, et que par le moien de ce mariage elle se trouveroit délivrée des

rigueurs de sa mère. A Namur, le marquis de Varembon et le jeune Balançon son frère s'y trouvèrent ^ comme j'ay dit. Le jeune de Balançon , qui u'estoit pas de beaucoup si agréable que l'aultre , acoste cette fille 9 la recherche ; et le marquis de Yarembon , tant que nous fusmes à Namur, ne faict pas seulement semblant de la congnoistre. Le despit, le regret, Fennuy luy serre tellement le cœur (elle s'estant contrainte de faire bonne mine tant qu'il fust présent , sans monstrer s'en soucier) , que, soudain qu'ilz furent hors du batteau où il nous dirent à Dieu, elle se trouve telle* ment saisie, qu'elle ne peust plus respirer qu'en criant et avec des douleurs mortelles. N'ayant nulle aultre cause de son mal, la jeunesse combat huict ou dix jours la mort, qui, armée de despit, se rend enfin victorieuse, la ravissant à sa mère et à moy, qui n'en fismes moins de deuil l'une que l'aultre; car sa mère, bien qu'elle fust fort rude, l'aymoit uniquement.

Ses funérailles estans commandées les plus honnorables qu'il se pouvoit faire, pour estre de grande mai-* son comme elle estoit, mesme appartenant à la Royne ma mère; le jour venu de son enterrement, l'on oiv donne quatre gentils-hommes des miens, pour porter le corps ; l'un desquels estoit la Boessiere ', qui l'a voit durant sa vie passionnément adorée sans le luy avoir osé descouvrir, pour la vertu qu'il congnoissoit en elle et pour l'inégalité; qui lors alloit portant ce mortel faix, et mourant autant de fois de sa mort, qu'il estoit mort de son amour. Ce funeste convoy estant au

• Bussière.

milieu de la rue qui alloit à la grande église f le marquis de Varembon^ coupable de ce triste accident^ quel-^ qucs jours après mon partement de Mamur, s'es tant repenty de sa cruauté, et son ancienne flame s'estant de nouveau rallumée (ô estrange faict I ) par Tabsence, qui, par la présence, n'a voit peu estre esmeue, se resoult de la venir demander à sa mère; se confiant, que je crois, en la bonne fortune qui laccompaigne d'estre aymé de toutes celles qu'il recherche, conmie il a paru depuis peu en une grande ', qu'il a espousée contre la volonté de ses parents; et se promettant que sa faute luy seroit aisément pardonnée de sa maistresse , répétant souvent ces mots italiens en soy-mesme : Cke lajorza (Tamore non risguarda al delitto , prie dom Juan luy donner une commission vers moy» et venant en diligence, i 1 arr ive j ustemen t sur le poinc t que ce corps, aussi malheureux qu'innocent et glorieux en sa virginité, estoit au milieu de cette rue. La presse de cette pompe l'empesche de passer. Il regarde que c'est. Il advise de loin, au milieu d'une grande et triste trouppe de personnes en deuil , drap blanc couvert de chappeaux de fleurs. Il demande que c'est : quelqu'un de la ville luy respond que c'estoit un enterrement. Luy, trop curieux, s'advance jusques aux premiers du convoy, et importunement les presse du luy dire de qui c'est. 0 mortelle response ! L'amour, ainsi vengeur de l'ingrate inconstance, veut faire esprouver à son ame, ce que par son desdaigneux oubly il a faict souffrir au corps de

' Dorothée, fille de François, duc de Lorraine, veuve d'Eric, duc de Bninswick, mort sans enfans en i584<

sa maifttresse, les Iraîts de la mort. Cet ignorant, qu'il pressoity lui respond que c'estoit madamoiselle de Tournon. A ce mol, il se pasme et tombe de cheval. Il le fault emporter en un logis comme mort , Toulant plus justement, en cette extrémité, Iny rendre union en la mort, que trop tard en la vie il luy avoit accordée. Son ame, que je croîs, allant dans le tombeau requérir pardon à celle que son desdaigneux oubly y avoit mise, le laissa quelque temps sans aulcune apparence de vie ; d'où estant revenu , l'anima de nouveau pour luy faire espit)uver la mort qui , d'une seule fois , n'eust assez puny son ingratitude.

Ce triste office estant achevé, me voyant eu une compagnie estrangere, je ne voulois l'ennuyer de la tristesse que je ressentois de la perte d'une si honneste fille; et estant conviée ou par l'evesque (dit Sa Grâce) , ou par ses chanoines d'aller en festin en diverses maisons et divers jardins (comme il y en a dans la ville et dehors de très-beaux) , j'y allay tous les jours, accompagnée de l'evesque et de dames et seigneurs estrangers, comme j'ay dict; lesquels venoient tous les matins en ma chambre, pour m'accompagnerau jardin, où j'allois pour prendre mon eaue ; car il iaut la prendre en pourmenant. Et bien que le médecin qui me l'avoit ordonnée estoit mon frère , elle ne laissa toutesfois de me faire bien , ayant depuis demeuré six ou sept ans sans me sentir de l'eresipele de mon bras. Partant de là, nous passions la journée ensemble, allants disner ,à quelque festin, ou, api^es le bal, nous allions à vespres en quelque religion ; et l'apres-soupper se passoit de

raesme au bal ou dessus l'eau, a^ec musique. Six sepmaines s'escoulerent de la façon , qui est le temps or-* dinaire que Ton a accoustumé de prendre des eaues, et qui estoit oixlonnéà madame la princesse de La Rochesur- Yon.

Voulant partir pour retourner en France , madame d'Havrech arriva, qui s'en alloit retrouver son mary en Lorraine , qui nous dist l'estrange changement qui estoit advenu à Namur et en tout ce pays-là, depuis mon passage ; que le jour mesme que je partis de Namur, dom Juan, sortant de mon batteau et montant à cheval, prenant prétexte de vouloir aller à la chasse, passa devant la porte du cbasteau de Namur, lequel il ne tenoit encore; et feingnant par occasion , s'estant trouvé devant la porte, de vouloir entrer pour le voir, s'en estoit saisy, et en avoit tiré le cappîtaine que les Estats y tenoient , contre la convention qu'il avoit avec les Estats, et oultre ce s'estoit saisi du duc d'Arscot, de monsieur d'Havrech et d'elle ; que toutesfois , après plusieurs remonstrances et prières, il avoit laissé aller son beau frère et son mary, la retenant, elle, jusques alors pour luy servir d'ostage de leurs déportements; que tout le pais estoit en feu et en armes. Il y avoit trois partis : celuy des Estats, qui estoient des catholiques de Flandre; celuy du prince d'Orange et des huguenots 9 qui n'estoient qu'un, et celuy d'Espaigne, où ccmunandoit dom Juan. Me voyant tellement embarquée qu'il falloit que je passasse entre les mains des uns et des aultres, et mon frère m'ayant envoyé un genlil-homme nommé Lescar, par lequel il m'escrip-

Aie MÉMOIRES tl57'7]

voit que, depuis mon parlement de la cour, Dieu luy avoit faict la grâce de si bien servir le Roy en sa charge de l'armée qui luy avoit esté commise, qu'il avoit pris toutes les villes qu'il luy avoit commandé d'attaquer, et chassé tous les huguenots de toutes les provinces pour lesquelles son armée estoit destinée ; qu'il estoit revenu à la cour à Poictiers, où le Roy estoit pendant le siège de Brouage , pour estre plus près pour secourir l'armée de monsieur de Mayenne de ce qui lui seroit nécessaire ; que comme la cour est un Prothée qui change de forme à toute heure, y arrivant tous les jours des nouvelletez, qu'il l'avoit trouvée toute changée; que l'un avoit faict si peu d'estat de luy que s'il n'eust rien faict pour le service du Roy ; que Bussy, à qui le Roy faisoit bonne chère avant que partir, et qui avoit servy le Roy en cette guerre de sa personne et de ses amis, jusques à y avoir perdu son frère à l'assault d'Issoire , estoit aussy desfavorisé et persécuté de l'envie qu'il avoit esté du temips du Guast ; que l'on leur faisoit tous les jours, à l'un et à l'aultre, des indignitez ; que les mignons ', qui estoient auprès du Roy, a voient

■ Ce fut en 1676 , dit Lestoile, que a le nom de mignons commença à trotter par la bouche du peuple, auquel ils estoient fort odieux, tant pour leurs façons de faire, qui estoient badines et hautaines, que pour leurs fards et accoustremens efféminés et impudiques, mais surtout

pour les dons immenses et libéralités que leur faisoit le Roy Ces

beaux mignons portoient leurs cheveux ongués, frisés et refrisés par artifices, remontans par dessus leurs petis bonnets de velours.......

et leurs fraises de chemises de toiles d'atour empezées et longues de demi-pied, de façon qu'à voir leur teste dessus leur fraize, il sembloit que^ fust le chef saint Jean dans un plat.... Leurs exercices

vstoient de jouer, blasphémer, sauter, danser, volter, quereller et

faict pralicquer quatre ou cinq des plus lioiuiestes hommes qu' il eust, qui estoient Maugiron ' , La Valette *, MauleoD ' y Livarrot^ et quelques auti*es , pour quicter soo serrice et se mettre à celuy du Roy; qu'il avoit sçeu de bon lieu que le Roy se rapentoit fort de m'avoir permis de faire ce voyage de Flandres , et que l'on taschoit, à mon retour^ de me faire faire quelque mauvais tour^ en haine de luy, ou par les Espagnols (les ayant advertis de ce que je traictois en Flandre pour luy), ou par les huguenots^ pour se venger du mal qu'ils avoient reçeu de luy, leur ayant faict la guerre après l'avoir assisté.

Tout ce que dessus considéré ne me donnoit peu à penser, voyant que non pas seulement il falloit que je passasse ou entre les uns ou entre les aultres, mais que mesmes les principaux de ma compagnie estoient affectionnez ou aux Espagnols ou aux huguenots , monsieur le cardinal de Lenoncourt ayant aultrefois esté soubsconné de favoriser le party des huguenots; et monsieur d'Escarts % duquel monsieur l'evesque de Lisieux ^ estoit frère, ayant aussi esté quelquefois suspect d'avoir le cœur espagnol. En ces doubtes pleins de coutrarietez , je ne m'en peus communiquer qu'à madame la princesse de La Roche-sur- Yon et à madame de

paillarder, et suivre le Roy partout et en toutes compagnies, ne faire, ne dire rien que pour lui plaire , etc. » {Journal de Henri III, 1576. ) " Louis de Maugiron » fils de Laurent de Maugiron , baron d'Am^r puis, lieutenant général en Dauphiné.

* Jean- Louis de Nogaret, de La Valette, duc d'Épernon en i58i. ' Giraud de Mauléon, seigneur de Gourdan , mort en i5g5.

* Jacques de Pérusse, seigneur d'Escars, Juillac et Ségur.

* Anne d^Escars, évêque de Lisicux, cardinal de Givry.

Tournon^qui, congnoissans le danger où nous estions» et Yoyans qu'il nous falloit faire cinq ou six journées jusques à la Fere, passant tousjours à la miséricorde des uns ou des aultres, me respondent la larme à l'œil : que Dieu seul nous pouvoit sauver de ce danger; que je me recommandasse bien à luy, et puis que je fisse ce qu'il m'inspireroit ; que pour elles, qu'encore que l'une fust malade et l'aultre vieille » que je ne craingnisse à faire de longues traictes ; elles s'accommoderoient à tout pour me tirer de ce hasard. J'en parlay à l'evesque de Liège, qui me servit certes de père, et me bailla son grand maistre avec ses chevaulx, pour me conduire si loing que je voudrois. Et comme il nous estoit nécessaire d'avoir un passeport du prince d'Orange, j'y en* voiay Montdoucet, qui luy estoit confident, et se sentoit un peu de cette religion. Il ne revient point : je l'attends deux ou trois jours, et croys que, si je l'eusse attendu, j'y fusse encore. Estant tousjours conseillée de monsieur le cardinal de Lenoncourt et du chevalier Salviati ', mon premier escuyer, qui estoient d'une mesme caballe, de ne partir point sans avoir passeport, je me doubtay qu'au lieu de passeport, on me dresseroit quelque aultre chose de bien contraire. Je me résolus de partir le lendemain matin. Eux voyans que, sur ce prétexte, ils ne me pouvoient plus arrester ; le chevalier Salviati, intelligent avec mon trésorier, qui estoit aussi couvertement huguenot, luy faict dire qu'il n'avoit poinct d'argent pour payer les hostes ( chose qui estoit

' François Salviati , grand-maitre de Tordre de Saint-Lazare , chef du conseil de la reine de Navarre, son premier écayer, et chambellan da duc d'Anjou.

entièrement faulse ; car estant arrivée à La Fere , je voulus voir le compte , et se trouva de l'argent, que l'on âvoit pris pour faire le voiage , de reste encore pour faire aller ma maison plus de six sepmaines ) , et faict que l'on retint mes chevaux , me faisant avec le danger cet affront public. Madame la princesse de La Rodie-sur^Yon, ne pouvant supporter cette indignité, et voyant le hazardoù l'on me mettoit, preste l'argent qui estoit nécessaire ; et eux demeurans confus, je passe, après avoir faict présent à monsieur l'evesque de Liège d*un diamant de trois mille escus ^ et à tous ses servi* teurs de chaisnes d'or ou de bagues, et vins coucher a Huy, n'ayant pour passeport que l'espérance que j'avois en Dieu.

Cette ville estoit, comme j'ay dict, des terres de Tevesque de Liège, mais toutesfois, tumultueuse et mutine (comme tous ces peuples-là se sentoient de la re* volte générale des Pays-Bas) , ne recognoissoit plus son evesque, à cause qu'il vivoit neutre, et elle tenoit le party des Estats. De sorte que , sans recognoistre le grand maistre de l'evesque de Liège , qui estoit avec moi , ayans l'allarme que dom Juan s'estoit saisy du chasteau de Namur sur mon passage , soudain que nous fusmes logez, ils commencent à sonner le tocsin et Iraisner l'artillerie par les rues , et la bracquer contre mon logis ; tendans les chaisnes , afin que nous ne pussions joindre ensemble, nous tenant toute la nuict en ces altères, sans avoir moyen de parler à aulcun d'eulx, estant tout petit peuple, gens brutaulx et sans raison. Le matin ils nous laissèrent sortir, ayants bordé toute

la rue de gens ai*mez. Nous allasmes de là coucher à Dinan, où par malheur ils avoient faict^ ce jour mesme, les bourguemaistres, qui sont comme consuls en Gascongne el eschevins en France. Touty estoit ce jour-là en desbauche; tout le monde yvre; poinct de magistrats cogneus; bref un Tray chaos de confusion. Et pour y empirer d'avantage nostre condition, le grand maistre de l'evesque de Liège leur avoit faict aultresfois la guerre, et estoit tenu d'eulx pour mortel ennemy. Cette ville y quand ils sont en leurs sens rassis, tenoit pour les Estats ; mais lors, Bacchus y dominant, ils ne tenoient pas seulement pour eulx-mesmes et ne congnoissoient personne. Soudain qu'ils nous voyent approcher les faubourgs, avec une trouppe grande comme estoit la mienne, les voilà allarmez. Us quictent les verres pour courir aux armes, et tout en tumulte, au lieu de nous ouvrir, ils ferment la barrière. J'avois envoyé un gentil-homme devant, avec les fom*riers et mareschal des logis , pour les prier de nous donner passage; mais je les trouvay tous arrestez là, qui crioient sans pouvoir estre entendus. Enfin je me levé debout dans ma lictiere, et, pstant mon masque ' , je fais signe au plus apparent que je veux parler à luy; et estant venu à moy, je le priay de faire faire silence, afin que je peusse estre entendue. Ce qu'estant faict avec toute peine, je leur représente qui j'estois, et l'occasion de mon voyage; que tant s'en faut que je

' On sait qa'aa temps de Louis XIY, les femmes portaient encore des masques à la campagne et même à la ville, pour préserver leur teint du haie.

lear voulusse apporter du mal par ma venue, que je ne leur vouldrois pas seulement donner de soubçon; que je les priois de me laisser entrer, moy et mes femmes et si peu de mes gens, dans la ville, qu'ils vouidroient pour cette nuict , et que le reste ils le laissassent dans le faubourg. Ils se contentent de cette proposition , et me raccordent.

Âinsy j'entray dans leur ville avec les plus apparents de ma trouppe, du nombre desquels fust le grand maistre de Tevesque de Liège; qui , par malheur, fust recongneu comme j'entrois en mon logis, accompagnée de tout ce peuple yvre et armé. Lors commencent à luy crier injures et à vouloir charger ce bon homme , qui estoit un vieillard vénérable de quatre-vingts ans, ayant la barbe blanche jusques à la ceinture. Je le fis entrer dedans mon logis, où ces yvrongnes faisoient pleuvoir les harquebusades contre les murailles, qui n'estoient que de terre. Voyant ce tumulte, je demande si rhoste de la maison n'estoit point là-dedans. Il s'y trouve de bonne fortune. Je le prie quil se mette à la fenestre, et qu'il me fasse parler aux plus apparents, ce qu'à toute peine il veut faire. Enfin ayant assez crié par les fenestres , les bourguemaistres viennent parler à moy, si saouls qu'ils ne sçavoient ce qu'ils disoient. £nfin leur asseurant que je n'avois point sçeu que ce grand maistre leur feust ennemy, leur remonstrant de quelle importance leur estoit d'offenser une personne de ma qualité, qui estoit amie de tous les principaux seigneurs des Estais, et que je m'asseurois que monsieur le comte de Lalain et tous les autres chefs trou-

veroieni forl mauvais la réception qu'ils m'avoient faicte; oyans nommer monsieur de Lalain, ils se changèrent tous y et luy portèrent tous plus de respect qu à tous les roys à qui j'appartenois. Le plus vieil d'entre eulx me demande, en se sousriant et beguaiant, si j'estois donc amye de monsieur le comte de Lalain ; et moy, voyant que sa parenté me servoit plus que celle de tous les potentats de la chrestienté, je luy responds : (c Ouy, je suis son amie et sa parente aussi. » Lors ils me fout la révérence et me baisent la main , et m'offrent autant de courtoisie comme ils m'avoient faict d'insolence, me priants de les excuser, et me promettants qu'ils ne demanderoient rien à ce bon homme de grand maistre, et qu'ils le laisseroient sortir avec moy.

Le matin venu, comme je voulois aller à la messe, l'agent que le Roy tenoit auprès de dom Juan , nommé Du Bois, lequel estoit fort Espaignol, an^ve, me disant qu'il avoit des lettres du Roy pour me venir trouver et me conduire seurement à mon retour; qu'à cette cause, il avoit prié dom Juan de luy bailler Barlenoiont avec une trouppe de cavallerie , pour me faire escorte et me mener seurement à Namur, et qu'il falloit que je priasse ceux de la ville de laisser entrer monsieur de fiarlemont, qui estoit seigneur du pais, et sa trouppe, afin qu'il me peust conduire ; ce qu'ils faisoient à double fin : l'une, pour se saisir de la ville pour dom Juan, et l'autre pour me faire tomber entre les mains de TE»paignol. Je me trouvay lors en fort grande peine. Le communiquant à monsieur le cardinal de Lenoncourt, qui n'avoitpas envie de tomber entre les mains de l'Es-

paignol non plus que moy, nous advisasmes qu'il falloit sçaToir de ceux de la ville s'il y avoit poinct quelque chemin , par lequel je peusse éviter cette trouppe de monsieur de Barlemont; et baillant ce petit agent, nommé Du Bois, à amuser à monsieur de Lenoncourt, je passe en une aultre chambi^e, où je fais venir ceux de la ville y où je leur fais cognoistre que, s'ils laissoient entrer la trouppe de monsieur de Barlemont, ils esioient perdus; qu'ils se saisiroient de la ville pour dom Juan ; que je les conseillois de s'armer, et se tenir prests à leur porte , monstrans contenance de gens advertis , et qui ne se veulent laisser surprendre; qu'ils laissassent entrer seulement monsieur de Barlemont, et rien d*avantage.

Leur vin du jour précèdent estant passé, ils prirent bien mes raisons et me creurent, m'ofFrants d'employer leurs vies pour mon service , et me baillants un guide, pour me mener par un chemin auquel je mettrois la rivière entre les trouppes de dom Juan et moy, et les laisserois si loing qu'ils ne me ponrroient plus atteindre, allant tousjours par maisons ou villes tenants le pariy des Estats. Ayant pris cette resolution avec eux, je les envoyé faire entrer monsieur de Barlemont tout seul, lequel, estant entré, leur veut persuader de laisser entrer sa trouppe. Mais oyans cela , ils se mutinent de sorte que peu s'en fallust qu'ils ne le massacrassent, lay disant que, s'ils ne la faisoit retirer hors de la veue de leur ville, qu'ils y feroient tirer l'artillerie; ce qu'ils fiaisoient afin de me donner temps de passer l'eaue, avant que cette trouppe me peust atteindre. Monsieur de

Barlemont estant entré, luy et l'agent Du Bois/ont ce qu'ils peuvent pour me persuader d'aller à Namur où dom Juan m'attendoit. Je monstre de vouloir faire ce qu'on me conseilleroit, et, après avoir ouy la messe et faict un disner court, je sors de mon logis accompagnée de deux ou trois cens de la ville en armes , et parlant tousjours à monsieur de Barlemont , et à l'agent Du Bois , je prens mon chemin droict à la porte de la rivière , qui estoit au contraire du chemin de Namur, sur lequel estoit la trouppe de monsieur de Barlemont. Eux s'en advisans, me dirent que je n'allois pas bien , et moy, les menant tousjours de paroles, j'arrivay à la porte de la ville; de laquelle sortant, accompagnée d'une bonne partie de ceux de la ville , je double le pas vers la rivière et monte dans le batteau, y faisant promptement entrer tous les miens ; monsieur de Barlemont et l'agent Du Bois me criants tousjours du bord de l'eaue que je ne faisois pas bien; que ce n'estoit poinct l'intention du Roy, qui vouloit que je passasse par Namur. Nonobstant leurs crieries, nous passons promptement l'eaue, et pendant que l'on passoit, à deux ou trois voyages, nos lictieres et nos chevaux, ceux de la ville , exprès pour me donner temps , amusent par mille crieries et mille plainctes monsieur de Barlemont et l'agent Du Bois, les arraisonnans en leur patois sur le tort que dom Juan avoit, d'avoir faulsé sa foy aux Estats et rompu la paix, et sur les vieilles querelles de la mort du comte d'Egmont , et le menaçant tousjours que si sa trouppe paroissoit auprès de la ville, qu'ils feroient tirer l'artillerie. Us me donnèrent

temps de m'esloingner^ en telle sorte que je n'avois plus à craindre cette trouppe, guidée de Dieu et de rfaomme qu'ils m'avoient baillé.

Je logeay ce soir-là en un chasteau fort , nommé Flenrines, qui estoit à un gentil-homme qui tenoit le party des Estats, et lequel j'avois veu avec le comte de Lalain. Le malheur fut tel que ledit gentil-homme ne s'y trouva point , et n'y avoit que sa femme. Et comme nous fusmes entrez dans la basse-court , la trouvant toute ouverte , elle prist l'allarme et s'enfuit dans son dongeon, levant le pont, résolue, quoy qu^nous luy pussions dire, de ne nous point laisser entrer. Cependant une compagnie de trois cens hommes de pied, que dom Juan avoit envoyez pour nous couper chemin , et pour se saisir dudict chasteau de Fleurines , sçachans que j'y allois loger, paroissent sur un petit hault à mille pas de là ; et, estimants que nous fussions entrez dans le dongeon, ayants peu cognoistre de là que nous estions tous entrez dans la court , firent alte , et se logèrent à un village là auprès, esperans de m'attrapper le lendemain matin.

Comme nous estions en ces altères , pour ne nous^ ▼oîr que dedans la court, qui n'estoit fermée que d'une meschante muraille, et d'une meschante porte qui eust esté bien aisée à forcer , disputants tousjours avec la dame du chasteau inexorable à nos prières. Dieu nous fist cette grâce que son mary, monsieur de Fleurines, y arriva à nuict fermante ; lequel soudain nous fist entrer dans son chasteau, se courrouçant fort à sa femme de rindiscrette incivilité qu'elle avoit monstrée. Ledict

sieur de Fleurines nous venoit trouver de la part du comte de Lalain, pour me faire seurement passer par les villes des Estats, ne pouvant quicter Tarraée des Estats^ de laquelle il estoit chef, pour me venir accompaigner. Ce bon rencontre fust si heureux que , le maistre de la maison s'offrant de m'accompagner jusques en France ^ nous ne passasmes plus par aulcunes villes où je ne fusse honnorablement et paisiblement receue ^ pource que c'estoit païs des Estats ; y recepvant ce seul desplaisir que je ne pouvois repasser à Mons , comme j'avois prpmis à la comtesse de Lalain, et n'en appro* chois pas plus près que de Nivelles , qui estoit à sept grandes lieues de là ; qui fust cause , la guerre estant si forte comme elle estoit, que nous ne nous peusmes voir elle et moy, ny aussy peu monsieur le comte de Lalain, qui estoit, comme j'ay dict, en l'armée des Estats vers Anvers. Je luy escrivis seulement de là par un homme de ce gentil-homme qui me conduisoit. Elle soudain , me scachant là , m'envoye deux des gentilshommes plus apparens qui fussent demeurez là , pour me conduire jusques à la frontière de France (car j'avois à passer tout le Gambresis, qui estoit my^party pour l'Espagnol et pour les Estats); avec lesquels j'ailay loger au Chasteau Cambresis, d'où eux s'en retoumans, je luy envoyay, pour se souvenir de moy, une robbe des miennes, que je luy a vois ouy fort estimer quand je la portois à Mons , qui estoit de satin noir toute couverte de broderie de canon , qui avoit cousté douze cens escus.

Arrivant au Chasteau Cambresis, j'eus ad vis que

qaelques trouppes huguenotes avoient dessein de m'attaquer entre la frontière de Flandre et de France; ce que n^ayant communicqué qu'à peu de personnes , une heure avant le jour je fus preste. Envoyant quérir nos lictieres et chevaulx pour partir, le chevalier Salviati faisoit le long y comme il avoit faict à Liège. Ce que cognoissant qu'il faisoit à dessein, je laisse là ma lictiere, et montant à cheval , ceux qui feurent les premiers prests me suivirent; de sorte que je fus au Chastelet à dix heures du matin , ayant , par la seule grâce de Dieu , eschappé toutes les embusches et aguets de me& ennemys. De là allant chez moy à La Fere, pour y séjourner jusques à tant que je sçaurois la paix estime faicte 9 J'y trouvay arrivé devant moy un courrier de mon frère, qui avoit charge de m'attendre là pour, soudain que je serois arrivée > retourner en poste et l'en advertir. Il escrivoit par luy que la paix estoit faicte, et que le Roy s'en retournoit à Paris; que pour luy, sa condition alloit tousjours en empirant, n'y ayant sorte de desfaveurs et indignitez que l'on ne fist tons les jours esprouver et à luy et aux siens, et que ce n'estoit tous les jours que querelles nouvelles , que l'on suscitoit à Bussy et aux honnestes gens qui estoient avec luy; ce qui luy faisoit attendre avec exlresme impatience mon retour à La Fere, pour m'y venir trouver. Je luy redepesche soudain son homme, par lequel, adverty de mon retour, il envoya soudain Bussy avec toute sa maison à Angers ; et prenant seulement quinze ou vingt hommes des siens, s'en vinst

eu poste me trouver chez moy à La Fere % qui fust un des grands contentemens que j'aye jamais receu, de voir personne chez moy que j'aimois et honorois tant; où je mis peine de luy donner tous les plaisirs que je pensois luy pouvoir rendre ce séjour agréable : ce qui estoit si bien receu de luy; qu'il eust volontiers dict comme saint Pierre : ce Faisons icy nos tabernacles, » si le courage tout royal qu'il avoit et la générosité de son ame ne l'eussent appelle à choses plus grandes. La tranquillité de nostre cour^ au prix de l'agitation de l'aultre d'où il partoit, luy rendoit tous les plaisirs qu'il y recepvoit si doux, qu'à toute heure il ne se pouvoit empescher de me dire : « 01 ma Royne, qu'il faict bon avec vous ! Mon Dieu , cette compagnie est un paradis comblé de toutes sortes de délices, et celle d'où je suis party, un enfer remply de toutes sortes de furies et tourmens. »

Nous passasmes près de deux mois, qui ne nous feurent que deux petits jours , en cet heureux estât ; duramt lequel, luy ayant rendu compte de ce que j'avois faict pour luy en mon voyage de Flandre, et des termes où j'avôis mis ses afiàires, il trouve fort bon que monsieur le comte de Montigny, frère du comte de Lalain, vinst resouldre avec luy des moyens qu'il y falloit tenir, et pour, prendre aussy asseurance de leur volonté, et eux de la sienne.

' « Monsieur, frère du Roy, arriva à Paris...., d^où il partit le sa* inedi la (octobre 1577), pour aller à La Fère, en Picardie, veoir la roîne de Navarre, sa seur. » (Lbstgile, Journal de Henri III.)

U y vint accompagné de quatre ou cinq des plus principaux du Haynault, l'un desquels avoit lettre et charge de monsieur dlnchy d'offrir son service à mon frère, et Tasseurer de la citadelle de Cambray. Monsieur de Montigny lui portoit parole ^ de la part de son frère le comte de Lalain , de luy remettre entre ses mains tout le Haynault et l'Ârthois , où il y a plusieurs bonnes villes. Ces offres et ces asseurances receues de mon frère, il les renvoya avec presens, et leur donna des medalles d'or, où la figure de luy et de moy estoit , et asseurant les accroissemens et bienfaicts qu'ils pourroient espérer de luy ; de sorte que s'en retournans , ils préparèrent toutes choses pour la venue de mon fi^ere, qui, se délibérant d'avoir ses forces prestes dans peu de temps pour y aller, s'en retourne à la cour, pour tascher de tirer des commoditez du Roy pour fournir à cette entreprise. Moy, voulant faire mon voyage de Gascongne , et ayant préparé toutes choses pour cet eifect, je m'en retourne à Paris, où arrivant, mon frère me vint trouver à une journée de Paris ; où le Roy et la Royne ma mère , et la royne Louyse , avec toute la cour, me firent cet honneur de venir au devant de moy jusques a Sainct-Denis , qui estoit ma disnée, où ils me receurent avec beaucoup d'honneur et de bonne cbere, se plaisants à me faire raconter les honneurs et magnificences de mon voyage et séjour de Liège, et les aventures de mon retour. En ces agréables entretiens , estans tous dans le chariot de la Royne ma mère, nous aiTivasmes à Paris, où après avoir souppé et le bal estant finy, le Roy et la Royne

ma mère estante ensemble, je m'approche d'eux, et leur dis que je les suppliois ne trouver mauvais si je les requerois avoir agréable que j'allasse trouver le Roy mon mary; que la paix estant faicte, c'estoit chose qui ne leur pou voit estre suspecte, et qu'à moy , me seroit pi*ejudiciable et mal séant, si je demeutx)is davantage à y aller. Ils monstrent tous deux de le tix>uver tres-bon , et de louer la volonté que j'en avois ; et la Royne ma mère me dit qu'elle vouloit m'y accompagner, estant aussy son voiage nécessaire en ce païs-*là pour le service du Roy, auquel elle dit aussy qu'il falloit qu'il me baillast des moyens pour mon voiage ; ce que le Roy librement m'accorda. Et moy, ne voulant rien laisser en arrière qui me peust faire •revenir à la oour (ne m'y pouvant plus plaire lors que mon frère en seroit dehors, que je voyois se préparer pour s'en aller bientost en son entreprise de Flandre) , je suppliay la Royne ma mei*e de se. convenir de ce qu'elle m'a voit promis, à la paix faicte avec mon frère : qu'advenant que je partisse pour m'en aller en Gas~ congne, ellemeferoit bailler des terres pour l'assignat de mon dot. Elle s'en ressouvient, et le Roy le trouve tres-raisonnable , et me promet qu'il seroit faict. Je le supplie que ce soit promptement, pour ce que je desirois partir, s'il luy plaisoit, pour le commencement du mois pi*ochain : ce qui fust ainsi arresté, mais à la façon de la cour ; car au lieu de me depescher, bien que tous les jours je les en sollicitasse, ils me firent traisner cinq ou six mois , et mon frère de mesme, qui pressoit aussy son voiage de Flandre,

présentant au Roy : que c'estoit l'honneur et l'accroissement de la France; que ce seroit une invention pour empescher la guerre civile , tous les esprits remuaus et désireux de nouveauté ayants moyen d'aller en Flandre passer leur fumée et se saouler de la guen*e ; que cette entreprise serviroit aussi j comme le Piedmont, d'escole à la noblesse de France pour s'exercer aux armes ^ et y faire revivre des Montlucs ' et Brissacs *, des TeiTnes ^ et des Bellegardes 4, tels que ces grands mareschaux^ qui, s'estans façonnez aux guerres du Piedmont, avoient depuis si glorieusement et heureusement servy le Roy et leur patrie.

Ces remonstrances estoient belles et véritables; mais elles n'avoient tant de poids qu'elles peussent emporter en la balance l'envie que l'on portoit à l'accroissement de la fortune de mon frère y auquel l'on donna tous les jours nouveaux empeschemens, pour le retarder d'assembler ses forces et les moyens qui luy estoient nécessaires pour aller en Flandre; lui faisant cependant à luy, à Bussy et à .ses aultres serviteurs , mille indignitez, et faisant attaquer plusieurs querelles à Bussy, tantost par Quelus , tantost par Grammont, de jour, de nuict et à toutes heures, estimants qu'à quelqu'une de ces allarmes mon frère s'y precipiieroit : ce qui se faisoit sans le sceu du Roy. Mais Maugiron qui le possedoit lors, et qui , ayant quicté

' Biaise de Lasseran , seigoenr de Montluc.

* Charles de Cossé, comte de Brissac.

' Paal de La Barthe , seigneur de Termes.

^ Roger de Saînt-Larj, seigneur de Bellegarde.

le service de mon frère , croyoit qu'il s'en deust ressentir (ainsy qu'il est ordinaire que qui offense ne pardonne jamais), haioit mon frère d'une telle haine, qu'il conjuroit sa ruine en toutes façons, le bravant et mesprisant sans respect: comme l'imprudence d'une folle jeunesse 9 enflée de la faveur du Roy, le poussoit à faire toutes insolences , s'estant ligué avec Quelus , Saint-Luc, Saint-Maigrin, Grammont, Maiileon, Livarrot, et quelques aultres jeunes gens que le Roy favorisoit; qui, suivis de toute la cour, à la façon des courtisans qui ne suivent que la faveur, entreprenoicnt toutes choses qui leur venoient en fantaisie, quelles qu'elles feussent. De sorte qu'il ne se passoit jour qu'il n'y eust nouvelle querelle enlr'eux et Bussy, de qui le courage ne pouvoit cedder à nul. Mon frère, considérant que ces choses n'estoient pas pour advancer son voyage de Flandre , désirant plustost addoucir le Roy que l'aigrir, pour l'avoir favorable en son entreprise, estimant aussy que Bussy estant dehors advanceroit davantage de dresser les trouppes nécessaires pour son armée, il l^envoye par ses terres pour y donner ordre. Mais Bussy estant party, la persécution de mon frère ne cessa pour cela, et congneust-on alors qu'encore que les belles qualitez qu'il a voit apportassent beaucoup de jalousie a Maugiron et à ces aultres jeunes gens qui estoient près du Roy, que la principale cause de leur haine contre Bussy estoit qu'il estoit serviteur de mon frère; car, depuis qu'il fust party, ils bravent et morguent mon frère avec tant de mespris et si apparemment, que tout le monde le congnoissoit.

encore que mon frère fost fort prudent et ires-patient de son naturel , et qu'il eust résolu souffrir toutes choses pour faire ses af&ires en son entreprise de Flandre y espérant par ce moyen en sortir bientost^ et ne s'y revoir jamais plus subject.

Cette persécution et ces indignitez lui feurent toutesfois fort ennuyeuses et honteuses , mesmes voyant qu'en haine de luy Ton taschoit à nuire en toutes façons à ses serviteurs ; ayants depuis peu de jours faict perdre un grand procez à monsieur de La Chastre*, pour ce que depuis peu il s'estoit rendu serviteur de mon frère : le Roy s'estant tellement laissé emporter aux persuasions de Maugiron et de Saint-Luc, qui estoient amys de madame de Senetaire% qu'il avoit luy-mesme esté solliciter ce procez pour elle contre monsieur de La Ghastre , qui estoit lors auprès de mon frère; qui , s'en sentant offensé ^ comme l'on peut pen** ser^ faisoit participer mon frère à sa juste douleur.

En ces jours la, le mariage de saint Luc^ se fist, auquel mon frère né voulant assister, me pria aussi d'en faire de mesme ; et la Royne ma mère, qui nese plaisoit guère à la desbordée oultrecuidance de ces jeunes gens, craingnant aussi que tout ce jour seroit en joye et en desbauche, et que, mon frère n'ayant voulu estre de la partie, l'on luy en dressast quelqu'une qui lui fust prer

' Ëdme, marquis de La Châtre.

' Jeanne de Laval, dame de Senetaire , dame douée d'une singulière beauté et encore d'un plus bel esprit, que le Roi aima. (Lestoilk, Journal de Henri III, i586.)

' Avec Anne de Cessé, fille du maréchal de Brissac.

judiciable, fist trouver, bon au Roy qu'elle allast le jour des nopces disner à Saint Maur, et nous y mena mon frère et moy ; c'estoît le lundy gras ' . Nous revinsmes le soîr, la Royne ma mère ayant tellement prescbé mon frère qu'elle le fist consentir de paroistre et se trouver au bal pour complaire au Roy; mais au lieu que cela amendast ses aflfàires, elles s'en empirèrent : car y estant Maugiron et aultres de sa caballe, ils commencèrent à le gausser avec des paroles si picquanies qu'un moindre qae luy s'en fust ofiènsé ; Iny disans qu'il avoit bien perdu sa peine de s'estre rhabillé; que l'on ne l'avoit point trouvé à dire l'apres-disnée ; qu'il estoit venu à l'heure des ténèbres, parce qu'elles luy estoieut propres ; et l'attaquans de sa laideur et petite taille. Tout cela se disant à la nouvelle mariée, qui estoit auprès de luy, si hault qu'il se pouvoit entendre, mon frère, congnoissant que cela se faisoit exprès pour le faire respondre , et le brouiller par ce moyen avec le Roy, s'oste de là, si plein de despit et de colère qu'il n'en pouvoit plus; lequel, après en avoir conféré avec monsieur de La Chastre, se résolus t de s'en aller pour quelques jours à la chasse , pensant par son ab^ sence attiédir l'animosité de ces jeunes gens contre luy, et en faire plus aisément ses affaires avec le Roy, pour la préparation de l'armée qui luy estoit neces-*

' Le dimanche gras 9 febvrier, Monsiear, frère du Roy, accompagné de la Roine, sa mère, et de la roine de Navarre, sa sœur, s'en alla dès le matin pronmenér au bois de Yincennes et à Saint-Maurlès-Fossés, tout exprès, afin de n'assister aux nopces qui ce jour furent faites de Saint-Luc et de la damoisellc de Brissac. (Lestoile^ Journal de Henri III.)

saire pour aller en Flandre. Il s*en va trouver la Royne ma mère qui se deshabîlloit , luy dist ce qui s'estoit passé au bal , de quoy elle fust tres-marrie , et luy faict entendre la résolution que là-dessus il avoit prise, qu'elle trouve très-bonne , et luy promet de la faire agréer au Roy, et, en son absence, de le solliciter de luy fournir promptement ce qu'il luy avoit promis pour son entreprise de Flandre ; et monsieur de Vil* lequier estant là, elle luy commande d'aller faire en-tendre au Roy le désir que mon frère avoit d'aller pour quelques jours à la chasse, ce qui luy sembloit qu'il ne seroit que bon , pour appaiser toutes les brouilleries qui estoient entre luy et ces jeunes gens, Maugiron , Saint Luc, Quelus, et les aultres.

Mon frère se retirant en sa chambre , tenant son congé pour obtenu, commande à tous ses gens d'estre le lendemain prests pour aller à la chasse à Saint Germain, où il vouloit demeurer quelques jours à courre le oerf , ordonne à son grand veneur d'y faire trouver les chiens, et se couche en cette intention de se lever le lendemain matin, pour aller à la chasse soulager et divertir un peu son esprit des brouilleries de la cour. Monsieur de Villequier cependant estoit allé, par le commandement de la Royne ma mère, demander son congé au Roy, qui d'abord lui accorda. Mais demeuré seul en son cabinet avec le conseil de Jéroboam , de cinq à six jeunes hommes , ils luy rendent ce partement fort suspect, et le mettent en telle appréhension, qu'ils luy font faire une des plus grandes folies qui se soit faicte de nostre temps, qui fust de prendre mon