MÉMOIRES [1Ô7B

frère et tous ses principaux serviteurs prisonniers. S'il fust imprudemment délibéré, il fust encor plus indiscrettement exécuté; carie Roy soudain, prenant sa robe de nuict, s'en alla trouver la Royne ma mère, tout esmeu, comme en une allarme publique où l'ennemy eust esté à la porte , luy disant : ce Gomment , madame, que pensez-vous m'avoir demandé de laisser aller mon frère? Ne voyez-vous pas, s'il s'en va , le danger où vous mettez mou estât? Sans doubte soubs cette chasse il y a quelque dangereuse entreprise. Je m'en vays me saisir de luy et de tous ses gens , et feray chercher dans ses coffres : je m'asseure que nous descouvrirons de grandes choses. » Et en mesme temps, ayant avec luy le sieur de Losse ' capitaine des gardes et quelques archers e^cossois, la Royne ma mère, craingnant qu'en cette précipitation il iist quelque tort à la vie de mon frère, lepriequ'elle aille avec luy, et toute deshabillée comme elle estoit, s'accommodant comme elle peust avec son manteau de nuict, le suit montant à la chambre de mon frère; où le Roy frappe rudement, criant que l'on luy ouvrist, que c'estoit luy. Mon frère se resveille en sursaut, et sçachant bien qu'il n'avoit rien faict qui luy deust donner crainte, dicta Cangé son valet de chambre qu'il luy ouvrist la porte. Le Roy entrant en cette furie, commença à le gourmander, et luy dire qu'il ne cesseroit jamais d'entreprendre contre son estât, et qu'il luy apprendroit que c'est que de s'at^ taquer à son roy. Sur cela il commande a ses archers

*' Jean de Losses, qui s^intitule, daas une quittance de iSôg, « chevalier de l'ordt*e du Roy et cappitaine de sa garde escossoise. »

d'emporter ses cofTres hors de là y et de tirer ses valets de chambre hors de la chambre. 11 fouille luy-mesme le lictde son frère, pour voir s'il y trouveroit quelques papiers* Mon firere, ayant une lettre de madame de Sauve, qu'il avoit receue ce soir-là, la prend à la main pour empescher que l'on ne la vist. Le Roy s'efibree de la luy oster. Luy y résistant , et le priant à mains jointes de ne la voir point , cela en donne plus d'envie au Roy, croyant que ce papier seroit assez suffisant pour faire le procez à mon frère. Enfin, l'ayant ouverte en la présence de la Royne ma mère, ib restèrent aussi confus que Caton^ quand ayant contrainct Gesar dans le Sénat de monstrer le papier qui luy avoit esté apporté , disant que c'estoit chose qui importoit au bien de la republique, il luy fist voir que c'estoit une lettre d'amour de la sœur du mesme Caton , adressant à César. La honte de cette tromperie augmentant plustost, par le despit, la colère du Roy que la diminuant, sans vouloir escouter mon frère, lequel demandoit sans cesse de quoy on l'accusoit, et pourquoy l'on le traietoit ainsy , il le commet à la garde de Monsieur de Losse et des Escossois, leur commandant de ne le laisser parler à personne. Cela se fist une heure environ après minuict. Mon frère demeure de cette façon, estant plus en peine de moy que de luy, croyant bien que Ton m'en avoit faict aultant, et ne croyant pas qu'un si violent et si injuste commencement pust avoir aultre qu'une sinistre fin; et voyant que monsieur de Losse avoit la larme à l'œil, de regret de voir passer les choses en cette sorte, et que toutesfois, à cause des ar-

chers qui estoient là, il ne iuy osoit parler librement, il Iuy demande seulement ce qui estoit de moy . Monsieur de Losse respond que Ton ne m'avoit encor rien demandé. Mon frère Iuy respond : « Cela soulage beaucoup ma peine de sçavoir ma sœur libre; mais encore qu'elle soit eir cet estât ^ je m'asseure qu'elle m'aime tant, qu elle aimera mieux se captiver avec moy que de vivre libre sans moy; » et le pria d'aller supplier la Royne ma mère qu'elle obtint du Roy que je demeurasse en sa captivité avec Iuy ; ce qui Iuy fast accordé. Cette ferme créance qu'il eust de la grandeur et fermeté de mon amitié me fust une obligation si particulière , bien que par ses bons offices il en eust acquis plusieurs grandes sur moy, que j'ay tousjours mis celle-là au premier rang. Soudain qu'il eust cette per* mission, qui fust sur le poinct du jour, il pria monsieur de Losse de m'envoyer un des archers escossois qui estoit là, pour m'annoncer cette triste nouvelle, et me faire venir en sa chambre. Cet archer, entrant en la mienne, trouve que je dormois encore sans avoir rien sçeu de tout ce qui s'estoit passé. Il ouvre mon rideau, et, en langage propre auxEscossois, médit : 'x Bonjour, madame , monsieur vostre frère vous prie de le venir voir. » Je regarde cet homme , presque toute endormie, pensant resver, et le recognoissant, je Iuy demande s'il n'estoit pas un Escossois de la garde. Il me dit qu ouy ; et je Iuy replicquay : « Et qu'est-ce donc? Mon frère n'a-t'il point d'autre messager que vous pour m'envoyer? » Il me dit que non, que ses gens Iuy avoient esté ostez, et me conta en son langage ce qui

[1578] DE Marguerite de valois. 139

luy estoit advenu la nuict, et que mon frère avoit obtenu permission pour moy de demeurer avec luy durant sa captivité. Et voyant que je m'affligeoîs fort, il s'approcha de moy et me dit tout bas : « Ne vous faschez point : j*ay moien de sauver m^onsieur vostre frere^ et leferay, n'en doubtez point; mais il faudra que je m'en aille avec luy. » Je l'asseuray de toute la recompense qu'il pouvoit espérer de nous , et me hastant de m'habiller, je m'en allay avec luy toute seule à la chambre de mon frère. Il mefalloit traverser toute la court, toute pleine de gens qui avoient accoustumé d'accourir pour me voir et honnorer. Lors chacun voyant, comme courtisans , comme la fortune me tournoit visage, et eux aussi ne firent pas semblant de m'appercevoir. Entrant en la chambre de mon frère, je le trouve avec une si grande constance, qu'il n'avoit rien changé de sa façon ny de sa tranquillité ordinaire. Me voyant, il me dit, m'embrassant avec un visage plds joyeux que triste : « Ma Royne, cessez je vous prie vos larmes. En la condition que je suis, vostre ennuyest la seule chose qui me pourroit affliger; car mon innocence et la droicte intention que j'ay eue m'empeschen t de craindre toutes les accusations de mes ennemis. Que si injustement l'on veut faire tort à ma vie, ceux qui feront cette cruauté se feront plus de tort qu'à moy , qui ay assez de courage et de resolution pour mespriser une injuste mort. Aussy n'est-ce ce que je redoubte le plus, ma vie ayant esté jusques icy accompagnée de tant de traverses et de peines , que ne sçacbant que c'est des félicitez de ce monde, je ne doibs avoir regret de le&

abandonner. La seule appréhension que j'ay, est, que ne me pouvant faire justement mourir. Ton me vueille faire languir en la solitude d'une longue prison , où encore je mespriseray leur tyrannie, pourveu que vous me vouliez tant obliger de m'assister de vostre présence. »

Ces paroles, au lieu d'arrester mes larmes, me pensèrent faire verser toute l'humeur de ma vue *. Je luy responds en sanglottant : que ma vie et ma fortune estoient attachées à la sienne; qu'il n'estoit en la puissance que de Dieu seul d'empescher que je l'assistasse, en quelque condition qu'il peust estre; que si on l'emmenoit de là , et que l'on ne me permit d'estre avec luy, je me tuerois en sa présence. Passants en ces discours quelques heures et recherchants ensemble l'occasion qui avoit convié le Roy de prendre une si cruelle et injuste aigreur contre luy, et ne nous la pouvants imaginer , l'heure vint de l'ouverture de la porte du chasteau; où un jeune homme indiscret^ qui estoità Bussy , estant recongneu par les gardes et arresté , ils luy demandèrent où il alloit. Luy, estonné et surpris, leur respond qu'il alloit trouver son maistre. Cette parole rapportée au Roy , l'on soubzçonne qu'il est dans le Louvre, où l'apres-disnée, revenant de Saint- Germain, mon frère Tavoit faict entrer parmy la trouppe, pour conférer avec luy des affaires de l'armée qu'il faisoit pour Flandre , ne pensant pas lors debvoir partir si tost de la cour, comme depuis inopinément il se résolut.

' On lit dans les manuscrits ma vie.

[1578] DE MARGUERITE DE VALOIS. Hl

Le soir, sur les occasions que j'ay dictes, TArchant % cappitaine des gardes, ayant commandement du Roy de le chercher, et se saisir de luy et de Simier, s'il les pouYoit trouver y faisant cette commission à regret (pour estre amy intime à Bussy , duquel il estoit appelle par alliance son père, et luy le nommoit son fils), il monte à la chambre de Simier, où il se saisit de lay; et se doublant bien que Bussy y estoit caché, il faict une légère recherche, estant bien aise de ne le troaver pas. Mais Bussy, qui estoit sur le lict, et qui Yoioit qu'il demeuroit seul en cette chambre; craingnant que la commission fust donnée à quelque aultre avec lequel il ne seroit en telle seureté; désirant plustost d'estre en la garde de l'Archant, qui estoit honneste homme et son amy ; comme il estoit d'une humeur gaillarde et boulSbnne , à qui les dangers et hazards n'aToient jamais peu faire ressentir la peur; comme l'Archant passoit la porte pour s'en aller, emmenant Simier, il sort la teste du rideau et luy dit ; (( Hé quoy, mon père, comment! tous vous en voulez aller ainsy sans moy ? N'estimez-vous pas ma conduicte plus honnorable que celle de ce pendart de Simier? » L'Archant se tourna et luy dit ; (c Ah, mon fils, pleust a Dieu qu'il m'eust cousté un bras et que vous ne fussiez pas icy. » 11 luy respond : « Mon père» c'est signe que mes affaires se portent bien , » allant tousjours se gaussant de Simier, pour la tremblante peur où il le voyoit. L'Archant les mit en une chambre

* Nicolas deGrémonville l'Archant, capitaine des gardes da corps.

avec gardes, et s'en alla prendre monsieur de La Chastre et le mener à la Bastille.

Pendant que toutes ces choses se faisoient, monsieur de Losse f bon homme vieil » qui avoit esté gou-> veraeur du Roy mon mary, et qui m'aymoit comme sa fille, ayant la garde de mon frère, congnoissant l'injustice que l'on luy faisoit, et détestant le mauvais conseil par lequel le Roy se gouvernoit, ayant envie de nous obliger tous deux , se résout de sauver mon frère; et pour me descouvrir son intention, commande aux archers escossois de se tenir sur le degré du dehors de la porte de mon frère , n'en retenant que deux avec soy, de qui il se fioit, et me tirant à part me dit : ce II n'y a bon François a qui le cœur ne saigne de voir ce que nous voions. J'ay esté trop serviteur du Roy vostre père pour ne sacrifier ma vie pour ses enfans. Je croy que j'auray la garde de monsieur vostre frère en quelque lieu que l'on le tienne : asseurez^le qu'au hazard de ma vie je le sauveray; mais afin que l'on ne s'apperçoive de mon intention, ne parlons plus ensemble; mais soyez-en certaine. » Cette espérance me consoloit un peu; et reprenant mes esprits , je dis à mon frère que nous ne debvions point demeurer en cette forme d'inquisition, sans sçavoir ce que nous avions faict; que c'estoit à faire à de^ facquins d'estre tenus ainsy. Je priay monsieur de Losse, puis que le Roy ne vouloit permettre que la Roy ne ma mère montast, qu'il luy pleust nous faire sçavoir par quelqu'un des siens la cause de nosti^e rétention. Monsieur de Com-

ifc.

baat*, qui estoit chef du conseil des jeunes gens, nous fust envoyé y qui, avec sa gravité nalurelle, nous dit qu'il estoit envoyé là pour scavoir ce que nous voulions faire entendre au Roy. Mous luy dismes que nous avions désir de parler h quelqu'un du Roy, pour sçavoir l'occasion de nostre rétention; que nous ne la pouvions imaginer. Il nous respond gravement, qu'il ne falloit demander aux Dieux et aux Roys raison de leurs efiects; qu'ilz faisoient tout à bonne et juste cause. INous luy respondismes que nous n'estions pas personnes pour estre tenues comme ceux que Ton met à l'inquisition , k qui l'on faict deviner ce qu'ilz ont faict. Nous n'en peusmes tirer aultre chose, sinon qu'il s'emploieroit pour nous, et qu'il nous y feroit tous les meilleurs oiBces qu'il pourroit. Mon frère se prend à rire; mais moy, qui estois toute convertie en douleur , pour voir en danger mon frère , que je cherissois plus que moy-mesme , j'eus beaucoup de peine à m'empescher de luy parler comme il meritoit. Pendant qu'il faisoit son rapport au Roy , la Royne ma mère estant en sa chambre, avec l'affliction que l'on peut penser, qui , comme princesse tres-pru* dente, prevoioit bien que cet excez faict sans subject ny raison , pouiToit , si mon frère n'avoit le naturel bon, apporter beaucoup de malheur en ce royaume, envoya quérir tous les vieux du conseil, monsieur le chance* lier^les princes, seigneurs et mareschaulx de France, qui estoient tous merveilleusement scandalisez du mau-

' Robert de Combaud, seigneur d'Arcis-sui^Aabe.

vais conseil que l'on avoit donné au Roy, disants tous à la Royne ma mère qu'elle s'y debvoit opposer, et i^monstrer au Roy le tort qu'il se faisoil; qu'on ne pou- Yoit empescher que ce qui avoit esté faict jusques alors ne fust; mais qu'il falloit r'babiller cela le mieux que l'on pourroit.

La Royne ma mère va soudain trouver le Roy avec tous ces messieurs , qui luy remonstrent de quelle importance estoient ces effects. Le Roy, ayant les yeux desillez du pernicieux conseil de ces jeunes gens y trouve bon ce que ces vieux seigneurs et conseillers, luy représentent, et prie la Royne ma mère de r'habiiler cela , et faire que mon frère oubliast tout ce qui s'estoit passé, et qu'il n'en sceust point mauvais gréa ces jeunes gens ; et que, par mesme moyen, l'accord de Russy et de Quelus fust faict. Cela résolu, toutes les gardes furent soudain ostées à mon frère , et la Royne ma mère le venant trouver en sa chambre, luy dict qu'il debvoit louer Dieu de la grâce qu'il luy avoit faicte, de le délivrer d'un si grand danger; qu'elle avoit veu l'heure qu'elle ne sçavoit qu'espérer de sa vie; que, puis qu'il cognoissoit par cela que le Roy estoit de telle humeur, qu'il s'ofiençoit non seulement des effects, mais des imaginations , et qu'estant résolu en ses opinions, sans s'arrester à aucun advis ni d'elle ni d'autre^ il execntoit tout ce qui luy venoit en fantaisie; pour ne le jetter plus en ces aigreurs , cela le debvoit faire résoudre à s'accommoder du tout à sa volonté, et de venir trouver le Roy, monstrant ne se ressentir point de ce qui s'estoit passé contre sa personne, et ne s'en souve-

uir point. Nous luy respondismes : que nous avions grandement à louer Dieu de la grâce qu'il nous avoit faicte» de nous guarantir de l'injustice que l'on nous preparoit^ de quoy, après Dieu, nous recognoissions luy en avoir^ à elle, tonte l'obligation; mais que la qualité de mon frère ne permet toit pas que l'on le peust mettre en prison sans subject, et l'en tirer sans formalité de justiffication et satisfaction. La Royne l'espond : que les choses faictes. Dieu mesme ne pouvoit faire qu'elles ne fussent; mais que Ton r'habille* roit le desordre qui avoit esté à sa prise , en faisant sa délivrance avec tout l'honneur et satisfaction qu'il

pourroit désirer; q'aussy qu'il falloit qu'il contentast •

le Roy en tout , luy parlant avec tel respect et de telle i

affection à son service qu'il en demeurast content; et qu'il fist oultre cela que Bussy et Quelus s'accordas* sent 9 de sorte qu'il ne restast rien qui les peust brouil-- 1er : advouant bien que le principal motif qui avoit produict ce mauvais conseil et ces mauvais effects, avoit esté la crainte que l'on avoit eu du combat que le vieil Bussy, digne père d'un si digne fils, avoit demandé) suppliant le Roy trouver bon qu'il secondast son fils le brave Bussy , et que monsieur de Quelus fust secondé du sien ; qu'eux quatre finiroient cette querelle, sans brouiller la cour comme elle avoit esté pour cette querelle, ny mettre tant de gens en peine. Mon frère luy promist que Bussy, voyant qu'il n'y avoit point d'espérance de se battre, feroit pour sor-» tir de prison ce qu'elle commanderont. La Royne ma mère redescendant, elle fist trouver bon au Roy de

lO

146 MÉMOIRES [t578]

faire sa délivrance avec honneur. Et pour cet eflèct, il vint en la chambre de la Roy ne ma mère, avec tons les princes, seigneurs, et aultres conseillers de son conseil , et nous envoia quérir mon frère et moy par monsieur de Villequier; où, comme nous allions trouver sa majesté, passants par les salles et chambres, nous les trouvasmes toutes pleines de gens qui nous regardoient la larme à l'œil , louans Dieu de nous voir hors de danger. Entrants dans la chambre de la Royne ma mère, nous trouvasmes le Roy avec cette compagnie que j'ay dict, qui voyant mon frère luy dit : qu'il le prioit de ne point trouver estrange et ne s'offenser point de ce qu'il avoit faict, poussé du zèle qu'il avoit au repos de son estât, et qu'il creust que ce n'avoit point esté avec intention de luy faire nul desplaisir. Mon frère luy respond : qu'il debvoit et avoit voué tant de service à sa majesté qu'il trouveroit tousjours bon tout ce qu'il luy plairoit; mais qu'il le supplioit tres-humblement considérer que la dévotion et fidélité qu'il luy avoit tesmoingnée ne meritoit pas un tel traictement; toutesfois qu'il n'en accusoit que son malheur, et restoit assez satisfaict si le Roy recognoissoit son innocence. Le Roy luy respondit qu'ouy, qu'il n'en estoit point en doubte, et qu'il le prioit de faire aultant d'estat de son amitié qu'il avoit jamais faict. Sur cela , la Royne ma mère les prit tous deux et les fist embrasser.

Soudain le Roy commanda que l'on fist venir Bussy pour l'accorder avec Quelus, et que l'on mist en liberté Siraier et monsieur de La Chastre. Bussy entrant en la

chambrei avec cette belle façon qui luy estoît naturelle, le Roy luy dict qu'il vouloit qu il s'accordast avec Quelusy et qu'il ne se parlast plus de leur querelle , et luy couiinaiida d'embrasser Quelns. Bussy luy respond : « Et non que cela , sire ? s'il vous plais t que je le baise, j y suis tout disposé; » et, accommodant les gestes avec la parole, luy 6st une embrassade à la Pantalonne ' ; de quoy toute la compagnie , bien qu'encore estonnée et saisie de ce qui s'estoit passé, ne se peust empescher de lii^e. Les plus ad visez jugèrent que cette légère satisfaction, que recevoit mon frère, n'estoit appareil suffisant à un si grand mal. Cela faict, le Roy et la Royne ma mère s'approchants de moy, me dirent qu'il falloit que je tinsse la main à ce que mon frère ne conservast nulle souvenance qui le peust esloigner de l'obéissance et affection qu'il debvoit au Roy. Je luy respondis : que mon frère estoit si prudent et avoit tant de devo* tion à son service, qu'il n'avoit besoin d'yestre sollicité ny par moy ny par aultre ; mais qu'il n'avoit receu et ne recepvroit jamais aultre conseil de moy que ce qui seroit conforme à leur volonté et son debvoir.

Estant lors trois heures après midy, que personne n'avoit encores disné , la Royne ma mère voulut que nous disnassions tous ensemble ; puis commanda à mon frère et à moy d'aller changer noz habits, qui estoient convenables a la triste condition d'où nous estions présentement sortis , et nous aller parer pour nous trouver au souper du Roy et au bal. Elle y fust obeie

' Cesl-à-dire une embrassade de théâtre. Pantalon est un des masques de la comédie italienne.

pour les choses qui se pouvoient devestir ou remettre; mais pour le \isage ^ qui est la vive image de Tame , la passion du juste mescontentement que nous avions s'y lisoit, aussy apparente qu'elle y avoit esté imprimée, avec la force et violence du despit et juste desdain que nous ressentions par Tefiect de tous les actes de cette tragicomedie. Laquelle estant finie de cette façon , le chevalier de Seure % que la Royne ma mère avott baillé à mon frère pour coucher en sa chambre, et qu'elle prenoit plaisir d'ouyr quelquesfois causer, pour estre d'humeur libre, et qui disoit de bonne grâce ce qu'il vouloit, tenant un peu de l'humeur d'un philosophe cynique, se trouvant devant elle, elle luy demande : (c Et bien , monsieur de Seure , que dictes vous de tout cecy? — C'est trop peu, dict-il, pour faire à bon escient, et trop pour se jouer. » Et se tournant vers moy^ sans qu'elle le peust entendre, me dit : « Je ne croy pas que ce soit icy le dernier acte de ce jeu; nostre homme (voulant parler de mon frère) me tromperoit bien, s'il en demeuroit là. »

Cette journée estant passée de cette façon , le mal ayant seulement esté addoucy par le dehors et non par le dedans, les jeunes gens qui possedoient le Roy, jugeants le naturel de mon frère par le leur, et leur jugement peu expérimenté ne permettant pas qu'ils peussent juger ce que peult le debvoir et l'amour de la patrie sur un prince si grand et si bien né qu'il estoit, persuadent au Roy, pour tousjours joindre leur cause

' Michel de Seure, chevalier, gratid prieur de Champagne. 11 s*îatitulait ainsi dans uqe quittance de iSyà,

à la sienne, que mon frère n*oiibiieroît jamais l'affront publie qu'il avoit receu, et s'en voudroit venger. Le Roy^ sans se souvenir de l'erreur que luy avoient faict commettre ces jeunes gens, reçoit soudain cette seconde impression , et commande aux cappitaines des gardes, que l'on prist soigneusement garde aux portes que mon frère ne sortist point , et que, tous les soirs « Ion fist sortir tous les gens de mon frère hors du Louvre, luy laissant seulement ce qui couchoit d'ordinaire dans sa chambre ou dans sa garde-robbe. Mon frère, se voiant traie té de cette façon et estre à la miséricorde de ces jeunes cervelles , qui , sans respect ny jugement, faisoient disposer de luy au Roy comme il leur venoit en fantaisie, craingnant qu'il ne luy advint pis, ayant l'exemple trop récent de ce qui, sans occasion ny raison, luy avoit esté faict, ayant supporté trois jours l'appréhension de ce danger, se résolut de s'oster de là, pour se retirer chez luy, et ne revenir plus à la cour, mais advancer ses affaires le plus promptement qu'il pourroit pour s'en aller en Flandre. Il me communique cette volonté; et voyant que c'estoit sa seureté, et que le Roy ny cet estât n'y pouvoient recepvoir de préjudice , je l'approuvay ; et en cherchant les moyens (voyant qu'il ne pouvoit sortir par les portes du Louvre, qui estoient si curieusement gardées, que mesme l'on regardoit tous ceux qui passoient au visage) , il ne s'en trouve point d'aultre que de sortir par la fenestre de ma chambre , qui regardoit dans le fossé ^ et estoit au second estage. Il me prie, pour cet effect, faire provision d'un qable fort et bon,

et de la longueur nécessaire. A quoy je pourvois soudain, faisant emporter )e jour mesme, par un garçon qui m'estoit fidel f une maUe de luth qui estoit rompue, comme pour la faire racoustrer; et, a quelques heures de là la rapportant , il y mist le cable qui nous estolt nécessaire.

L'heure du souper estant yenue, qui estoit un jour maigre, que le Roy ne soupoit point, la Royne ma mère soupa seule en sa petite salle, et moy avec elle. Mon frère , bien qu'il feust assez patient et discret en toutes ses actions, sollicité de la souvenance de l'affront qu'il avoit receu et du danger qui le menaçoit, impatient de sortir, s'y trouve comme je me levé de table, et me dit à l'oreille qu'il me prioit de me haster, et de venir tost à ma chambre où il se trouveroit. Monsieur de Matignon ' , qui n'estoit encore mareschal, un dangereux et fin Normand, qui n'aimoit point mon frère , en estant adverty par quelqu'un qui peut-estre n'avoit pas bien tenu sa langue , ou le conjecturant sur la façon de quoy m'avoit parlé mon frère, dict à la Royne ma mère, comme elle entroit en sa chambre (ce que j'entrouïs presque, estant assez près d'elle et y prenant garde, et observant curieusement tout ce qui se passoit, comme font ceux qui se trouvent en pareil estât, et sur le point de leur délivrance sont agitez de crainte et d'espérance), que sans doubte mon frère s'en vouloit aller; que demain il ne seroit plus là; qu'il le sçavoit très-bien; qu'elle y mist ordre. Je vis qu'elle se troubla à cette nouvelle; ce qui me

' Odet de Matignon , comte de Thorigny.

donna encore plus d'appréhension que nous fussions descouverts. Nous entrants en son cabinet, elle me tira à part^ et me dit : u Avez-vous veu ce que Matignon m'a dict? » Je luy dis : (c Je ne l'ay pas entendu, madame I mais j'ay veu que c*estoit chose qui vous donnoit peine. — Ouy, ce dit-elle , bien fort ; car vous scavez que j'ay respondu au Roy que vostre frère ne s'en iroit point; et Matignon me vient de dire qu'il sçavoit très-bien qu'il ne sera demain icy. » Lors me trouvant entre ces deux extremitez^ on de manquer à la fidélité que jedebvois à mon frère, et mettre sa vie en danger, ou de jurer contre la vérité (chose que je n'eusse voulu pour éviter mille morts) , je me trouvay en si grande perplexité, que si Dieu ne m'eust assistée, Qia façon eust assez tesmoingné, sans parler, ce que je craingnois qui fust descouvert. Mais comme Dieu assiste les bonnes intentions, et sa divine bonté operoit en cette œuvre pour sauver mon frère , je composay tellement mon visage et mes paroles, qu'elle ne peust rien congnoistre que ce que je voulois, et que je n'offensay mon ame ni ma conscience par aulcun faulx serment. Je luy dis donc si elle ne cognoissoit pas bien la haine que monsieur de Matignon portoit à mon frère ; que c'estoit un brouillon malicieux , qui avoit regret de nous voir tous d'accord ; que lors que mon frère s en iroit, que j'en voulois respondre de ma vie; que je m'asseurois bien que ne m'ayant jamais rien celé , qu'il m'eust communicqué son dessein, s'il eust eu cette volonté; que, lors que cela seroit, je luy abandonnerois ma vie : ce que je disois, m'asseurant bien que

mon frère estant sauvé ^ Ton ne m'eus t osé faire desplaisir ; et, au pis aller, quand nous eussions esté descouverts, j'aymois trop mieux engager ma vie que d'offenser mon ame par un faulx serment , et mettre la vie de mon frère en hazard. Elle, ne recherchant pas de près le sens de mes paroles, me dit : Pensée bien à ce que vous dictes : vous m'en serez caution ; vous m'en i^espondrez sur vostre vie. » Je luy dis en me sousriant que c'estoit ce que je voulois; et luy donnant le bon soir, je m'en allay en ma chambre , où me deshabillant en diligence , et me mettant au lict pour me desfaire de mes dames et filles, estant restée seule avec mes femmes de chambre , mon frère vient avec Simier et Cangé; et me relevant, nous accommodasmes là corde avec un baston , et ayants regardé dans le fossé s'il y avoit personne, estant seulement aydée de trois de mes femmes qui couchoient en ma chambre, et du garçon de la chambre qui m'avoit apporté la corde, nous descendons premièrement mon frère, qui rioit et gaussoit sans avoir aulcune appréhension, bien qu'il y eust une très-grande haulteur, puis Simier, qui, pasle et tremblant, ne se pouvoit presque tenir de peur> puis Gange, son valet de chambre. Dieu conduisit si heu-* reusement mon frère sans estre descouvert , qu'il se rendistàSaincteGeneviefve, où Bussy Tattendoit, qui, du consentement de l'abbé % avoit faict un trou à la muraille de la ville par lequel il sortist; et trouvant là des chevaulx tousprests, il se retira a Angers sans aulcune

* Cet abhé était Joseph Foulon , conoa par les conférences qui so tinrent plus taixY dans son abbaye, pendant le siège de Paris,

infortune ' . Comme nous descendions Cangé le dernier , il se levé un homme du fonds du fossé, qui commence a courir vers le logis qui est auprès du jeu de paulme, qui est le chemin où Ton va vers le corps de garde. Moy^ qui en tout ce hazard n'avois jamais appréhendé ce qui estoit de mon particulier, mais seulement la seureté ou le danger de mon frère, demeure demy pasmée de peur, croyant que ce fust quelqu'un qui ^ suivant l'advis de monsieur de Matignon, eust esté mis là pour nous guetter. Estimant que mon frère fust pris, j'en trois en un desespoir qui ne se peult représenter que par l'essay de choses semblables.

Estant en ces altères, mes femmes plus curieuses que moy de ma seureté et de la leur, prennent la corde et la mettent au feu, afin qu'elle ne feust trouvée, si le malheur estoit si grand que cet homme qui s'estoit levé du fossé y eust esté mis pour guetter. Cette corde, estant fort longue^ faict une si grande flamme que le feu se met dans la cheminée; de façon que sortant par dessus le couvert, et estant apperceu des archers qui estoient cette nuict-là de garde, ils viennent fraper effroyablement a ma porte, disants que l'on ouvrist promptement. Ix}rs, bien que je pensasse à ce coup-là que mon frère fust pris, et que nous fussions tous deux perdus; ayant tousjours neantmoins espérance

* Le vendredi 1 4 de ce mois (janvier iSjS), sur les sept heures du soir, Monsieur s'en estant allé à l'abbaie Sainte-Geneviève et faisant semblant de venir faire collation avec Tabbé , s'en va en certain endroit de ladite abbaie, à ce destiné et ordonné, et, par dessus les murailles de la ville, se fait descendre avec une corde dans le fossé. (LuToiLK, Journal de Henri ///.)

en Dieu^ qui me conservoit le jugement entier (grâce qu'il a pieu à sa divine bonté me faire en tous les dangers que je me suis trouvée)^, vopnt que la corde n'estoit pas que demy-bruslée ^ je dis à mes femmes qu'elles allassent tout bellement à la porte demander ce qu'ils vouloient , parlant bas comme si j'eusse dormy : ce qu'elles font, et les archers leur dirent que c'estoit le feu qui estoit à ma cheminée , et qu'ils t&noient pour l'esteindre. Mes femmes leur dirent que ce n'estoit rien , et qu'elles Testeiiidroient bien , et qu'ils se gardassent bien de m'esyeiller. Us s'en revont. Cette alarme passée, à deux heures de là , Toicy monsieur de Losse qui me vient quérir pour aller trouver le Roy et la Royne ma mère , pour leur rendre raison de la sortie de mon frère, en ayant esté advertis par l'abbé de Saincte Geneviefve, qui, pour n'en estre embrouillé , et du consentement mesme de mon frère, lors qu'il vist qu'il estoit assez loing pour ne pouvoir estre attrapé , en vint advertir le Roy, disant qu'il l'avoit surprins en sa maison , et que , l'ayant tenu enfeiTné jusques à ce qu'ils eussent faict leur trou, qu'il n'avoit peu plustost en venir advertir le Roy.

Il me trouva au lict, car c'estoit la nuict, et me levant soudain avec mon manteau de nuict, une de mes femmes, indiscrette et effrayée, se prend à mon manteau en criant et pleurant , disant que je n'en reviendrois jamais. Monsieur de Losse la repoussant , me dict tout bas : k Si cette femme avoit faict ce traict devant une personne qui ne vous fust serviteur comme je suis, cela vous mettroit en peine; mais ne craignez

rien, et louez Dieu; car monsieur Tostre frère est sauvé. » Ces paroles me furent un secours bien nécessaire pour me fortifier contre les menaces et intimidations que j'avois à souffrir du Roy, que je trouvay assis au chevet du lict de la Royne ma mère , en une telle oolere , cjue je croy qu'il me Teust fait ressentir, si la crainte de Tabsence de mon fre;*e et la présence de la Royne ma mère ne l'en eussent empesché. Ils me dirent tous deux ensemble que je leur avois dict que mon frerc ne s'en iroit point ^ et que je leur en avois re^>ondu. Je leur dis qu ouy , mais qu'il m'avoit trompe en cela comme eux; que toutesfois je leurrespondois, à peine de ma vie, que son partement n'ap-* porteroit aucune altération au service du Roy, et qu'il s'en alloit seulement chez luy, pour donner ordre à ce qui luy estoit nécessaire pour son entreprise de Flandres. Gela adoucit un peu le Roy, et me laissa retourner en ma chambre.

Il eust bien tost nouvelles de mon frère, qui l'asseuroient de sa volonté, telle comme je luy avois dict; ce qui fist cesser la plainte, non le mescontentement, monstrant en apparence d'y vouloir ayder, mais en c:lfèct traversant soubs main les apprests de son armée pour Flandre.

Le temps s estant passé de cette façon , moy pressant à toute heure le Roy me vouloir permettre d'aller trouver le Roy mon mary, luy voyant qu'il ne me le pouvoit plus refuser, et ne voulant que je partisse mal satisfaite de luy; désirant oultre cela infiniment me séparer de l'amitié de mon frère, il m'oblige par

toutes sortes de bienfaits : me donnant, suivant la promesse que la Royne ma mère m'en avoit faicte à la paix de Sens, l'assignat de mon dot en terres, et oultre cela la nomination des offices et bénéfices. Et oultre la pension qu'il me donnoit, telle que les filles de France ont accoustumé d'avoir, il m'en donna encore une de l'argent de ses coffres, prenant la peine de me venir voir tous les matins, et me représentant combien son amitié me pouvoit estre utile ; que celle de mon frère me causeroit enfin ma ruine, et que la sienne me pouvoit faire vivre bien heureuse, et mille aultres raisons tendantes à cette fin. En quoy jamais il ne peust esbranler la fidélité que j'avois vouée à mon frère, ne pouvant tii*er aultre chose de moy, sinon que mon plus grand désir estoit de voir mon frère en sa bonne grâce; qu'il me sembloit qu'il n'avoit pas mérité d'en estre esloingné, et que je m'asseurois qu'il s'effbrceroit de s'en rendre digne par toute sorte d'obéissance et de tres*humble service ; que pour moy, je me ressentois d'estre obligée à luy de tant d'honneur et de biens qu'il me faisoit; qu'il se pouvoit bien asseurer qu'estant auprès du Roy mon mary, jene manquerois nullement aux commandemens qu'il luy plairoit me faire, et que je ne travaillerois à aultre chose qu'à maintenir le Roy mon mary en son obéissance.

Mon frère estant lors sur son partement de Flandre, la Royne ma mère le voulust aller voira Alençon avant qu'il partist. Je suppliay le Roy de trouver bon que je l'accompaignasse pour luy dire à Dieu, ce qu'il me permit, bien qu'à regret. Revenus que nous fusmes

d'Alençoii , ayant toutes choses prestes pour mon parlement ^ je suppliay encore le Roy de me laisser aller. Lors la Royne ma mère, qui avoit aussi un voiage a faire en Gascongne pour le service du Roy (ce paiVla ayant besoin de luy ou d'elle )y elle se résolut que je n'iroîs pas sans elle '• Et partants de Paris, le Roy nous mena à son d'Olin ville *, où, après nou$ avoir traictez quelques jours , nous prinsmes congé de luy ^^ et dans peu de temps nous fusmes en Guyenne , où, des que uotts entrasmes dans le gouvernement du Roy mon mary, l'on me fist entrée par tout. 11 vint au devant de la Royne ma mère jusques à La Reolle , ville que ceux de la religion tenoient : la desfiance qui estoit encor alors ( la paix n'estant encore bien establie) » ne lay ayant peu permettre de venir plus oultre. 11 y estoit très-bien accompaigné de tous les seigneurs et

* Ce voyage se fit, à ce qu'il paraît, aax dépens du clergé, ou du moins on se servil de ce prétexte pour le rançonner. Voici ce qu'on lit à ce sujet dans Lestoile : « Sur la fin de ce mois (juillet 1578 } , le Roy demanda au cierge de France une décime et demie d'extraordinaire , oultre les moiennes décimes ordinaires , soubs prétexte des frais qu'il convenoit faire pour renvoier la roine de Navarre, sa seur, au roi de Navarre son mari, dont tout le clergé murmura foit. » (Journal de Henri III, iSjS.)

* OllainviUe est aujourd'hui un petit village de Seine-et-Oise. Henri III y possédait une maison de plaisance.

' Le samedi 2 aoust , la roine de Navarre partit du chasteau d'Olinville pour prendre le chemin de Gascongne, vers le Roy son mari , et l'accompagnent la Roine sa mère, le cardinal de Bourbon, le doc de Montpensièr, et messire Gui du Faur, sieur de Pybrac , président de la cour. (Lxstoilb, Journal de Henri III , 1578.) — Après les mots : le Roy son mari, Lestoile avait ajouté , dit l'éditeur, la ligne suivante , qu'il a postérieurement effacée : « à son grand i*egret et corps défendant , selon le bruit tout commun. »

gentiis-hommes de la religion de Gascongne, et de quelques catholiques. La Royne ma mère pensoit y demeurer peu de temps; mais il survinst tant d'aocidens 9 et du costé des huguenots et du costé des catholiques, qu'elle fust contraincte d'y demeurer dix-huict mois; et en estant faschée, elle vouloit quelquesfoîs attribuer que /;ela se faisoit artificieusement pour voir plus long-temps ses filles, pour ce que le Roy mon mary estoit devenu fort amoureux de Dayelle ' , et monsieur de Thurene de La Vergne*; ce qui n'empe»choit pas que je ne receusse beaucoup d'honneur et d'amitié du Roy, qui m'en tesmoingnoit aultant que j'en eusse peu désirer, m'ayant, des le premier jour que nous arrivasmes, conté tous les artifices que Ton luy avoit faicts pendant qu'il estoit à la cour pour nous mettre mal ensemble; ce qu'il recognoissoit bien avoir esté faict seulement pour rompre l'amitié de mon frère et de luy, et pour nous ruiner tous trois; monstrant avoir beaucoup de contentement que nous fussions ensemble.

Nous demeurasmes en cette heureuse condition tant que la Royne ma mère fust en Gascongne; laquelle, après avoir estably la paix, changé de lieutenant de Roy à la prière du Roy mon mary, ostant monsieur

' Elle était Grecque de naissance, et s'était sauvée du sac de Chypre en 1571 ; elle éponsa depuis Jean d'Hémerits, gentilhomme normand. Il ne faut pas la confondre avec Victoire d'Ayelle ( Ajala), fille d'honneur de la reine Catherine. Celle-ci était d'une famille illustre d'Espagne, et éponsa, en i58o, Camille de Fera, seigneur originaire de Mantoue.

> Voyez Castklnau, t. I, p. 328, où on lit : Mademoiselle de La Vernay.

le marquis de Viilars ' pour y mettre monsieur le mareschaJ de Biron; elle passant en Languedoc, nous la conduisismes jusquesà Castelnaudarry, où prenants congé d'elle , nous nous en i^vinsmes h Pau en Bëam, où, n'y ayant nul exercice de la religion catholique , Ton me permit seulement de faire dire la messe en une petite chapelle qui n'avoit que trois ou quatre pas de long, qui, estant fort estroicte, estoit pleine quand nous y estions sept ou huict.

A rheure que l'on irouloit dire la messe, l'on levoit le pont du chastean, de peur que les catholiques du pais , qui n'avoient nul exercice de religion , l'ouïssent; car ils estoient infiniment désireux de pouvoir assister au saint sacrifice, de quoy ils estoient depui» plusieurs années privez; et poussez de ce sainct et juste (iesir^ les habitans de Pau trouvèrent moyen le jour de la Pentecoste, avant que l'on levast le pont, d'en-* trer dans le chasteau , se glissants dans la chapelle , où ils n'avoient point esté descouverts, jusques sur la fin de la messe, qu'entrouvrants la porte, pour laisser entier quelqu'un de mes gens , quelque huguenot espiant à la porte les apperceust, et l'alla dire au Pin, secrétaire du Roy mon mary *, lequel possedoit infiniment son maistre, et avoit grande anctorité

' André de Braocas.

' L^ambassadenr d^ Angleterre écriTait en 1674 à la Reine régente : « Il est arryvé icy d* Alternai gne un g Françoys, qa^on m'a dict s'appeler de son propre surnom Poutrin , mais il se faict nommer Dupin ^ lequel a esté négocier en ceste court. >» — Cet agent des protestants de France ne serait-il pas le même que le Pin ou Dupin dont il est ici question ? ( Correspondance diplomatique de Bertrand de Saiignac de La Mothe Fe'nehn , publiée par M. A. Tevlht.)