Le prince de Condé, le héros de La Huguerye

eust lors veu une grande diligence et ung beau combat. Et led. s' de Bouillon ne disoit mot, et n'avoit soing que d'estre bien logé et trouver à manger, pour sa maison et ses chevaux. Et ne congneu jaraays en luy, durant toute ceste armée, ung seul bouillon de générosité. L'ennemy, nous voyant logez sur le bord, garda de son costé les deux moulins qui défendoient le passage de la rivière et se logea à la haye*, nous monstrant le chemyn de ce que nous debvions faire. Mays led. s' de Bouillon voulut loger dans le cliasteau d'Acraigne et mons' le comte de La Mark, son frère, avec toute la cavalerye françoyse et le régiment dud. s' de Mouy, dans le village ^ sauf quelques maisons aux advenues d'icelluy, réservées pour le logis du régiment de landsquenetz ; lequel , leur monstrant le chemin, logea à la haye.

Et fut led. s' baron, contre son ad vis, renvoyé avec tous ses régiments de cavalerie loger à Puligny et Cintray, où ilz arrivèrent fort tard, avec promesse de les advertir la nuict, à toutes heures, de ce qu'ilz auroient à faire, et d'envoyer, en diligence, vers les Suisses et Villeneufve, pour les faire partir dès la nuict, après s'estre ung peu rafraischiz, affin d'arriver