Heiterdienst, service de cavalier

suffisance aux charges principales d'icelle; et au contraire ung ennemy aguerry luy venant tomber sur les bras, avec une petite armée, mays leste et bien commendée par Sancho d'Àvila S bon cappitaine, joinct que j'avoys descouvert quelques secrets comportemens dud. sr prince d'Orenge, qui ne prendrait pas plaisir à voir descendre led. sr comte en Holande avec oeste force, pour crainte de tirer à luy les cueurs de ce peuple, qui ayme plus ung prince faisant la guerre et hazardant sa personne que celluy qui ne bouge d'ung cabinet, comme je diray en son lieu*.

Je menay led. ministre Gapel par Colongne à Dilembourg, où, après avoir couché et attendu après disner pour le faire ung peu reposer, car il n'avoit pas besoing de grandes journées, j'espérois le mener coucher à Vesseler8, mays s'amusant au pas à lire par les chemins, tant que souvent je le perdois de veue, quelque remonstrance que je luy feisse, il nous feist tomber en la nuict si obscure que, en le laissant venir à sa mode, je prins le devant avec mon homme pour gaigner la porte, affin de la faire tenir ouverte ; et passay à cet effect des torrens, de nuict, que de jour je n'eusse osé regarder, tant ilz estaient enflez. Et ayant trouvé la porte fermée, sans pouvoir obtenir l'ouverture, je repassé le torrent, trouvé mon mi-

1. Don 8anche d'Avila, capitaine espagnol, lieutenant du duc d'Albe, se rendit célèbre dans les Provinces-Unies par la victoire de Mook (14 avril 1574) et par le pillage d'Anvers (4 nov. 1576). IL mourut d'un coup de pied de cheval le 12 décembre 1582 (De Thou, 1740, t. VI, p. 17).

2. Sur cette accusation que rien ne justifie, voyez la note 1 de la page 235.

3. Wesel, ville forte à l'embouchure de la Lippe sur le Rhin.

nistre m' attendant au devant, pensant estre perdu et coucher là tout seul. Et après luy avoir faict une bonne réprimende, je le menay coucher sur la paille, en ung village auprès, où il souppa et dormit de mesmes, se plaignant toute nuict comme une femme grosse, pendant que je faisois panser mes chevaux et mangeois du lard et beuf qu'il ne vouloit regarder. Et ce.feut la seconde fascherie en laquelle il me mist, dont je me servy le lendemain et le fei trotter pour arriver à bonne heure à Francford, où il se meist à communiquer avec ses frères, en sorte que je ne l'en pouvois retirer. Et finalement je le mys dedans Heydelberg, à la fin de mars, en lad. année 1574, bien heureux d'estre dépesché de telle conduite.

Led. sr électeur et duc Casimir, que je fei incontinent advertir de nostre arrivée, me voulurent ouyr, le premier tant sur ma charge pour ce qui touchoit l'armée dud. sr duc Ghristofle que pour la charge de France. Et cependant led. ministre Gapel, qui se sentoit offensé de cela, pour la prééminence du prince qui Tenvoyoit, s'adressoit au ministre Beaumont1, aussy grand home d'Estat que luy, pour presser son audience, et se faisoient des presches l'ung à l'aultre sur l'affaire qui l'avoit amené. Et vouloient que je feusse de la partye, mays ceux qui m'envoy oient ne governoient poinct leurs affaires par ministres qu'ilz congneussent incapables d'aultre chose que de leur charge, bien qu'au contraire ilz soustinssent que leur

1. Beaumont, ministre protestant, exerçait ses fonctions à Orléans en 1569 (Aubigné, Hùt. univ., 1626, col. 416). Il fat honoré de la protection de Renée de France et entretint une correspondance avec elle (Haag, La France protest., art. Beaumont).

charge les rendoit non seulement idoines1, roays aussy nécessaires en toutes sortes d'affaires. Et ce nonobstant il n'y gaigna rien et s'en plaignit en vain.

En mon audience je rendy comte de la charge que j'avois aud. sr électeur, pour le faict de l'armée dont je venois, et luy fei toucher au doigt le péril auquel estoit led. sr duc Christofle, son filz, et le besoing qu'il avoit de le retirer, n'estant obligé oultre les six sepmaines, à quoy, s'il ne pourveoyoit, ceste armée estant grant et la cavalerye sans armes, fors les maisons desd. s* duc et comte, et l'infanterie peu aguerrie, contraincte sur le dessein dud. sr comte de faire de grandes traictes et se harasser pour soustenir à l'improviste ung ennemy aguerry, fraiz et descendant la Meuse par batteau pour son rafraîchissement, il estoit sans doubte que la première nouvelle qu'il en auroit ne luy seroit pas agréable ; que pour ce il estoit expédient de me dépescher et avec moy homme qui congneust led. sr duc. Sur quoy voulant prendre advis de son conseil, aulcuns, et entre aultres Zuleger2, l'en desconseillèrent, luy faisans entendre que le régiment de Cratz3, conduit par le sr Dich, s'advançoit et, joinct, rendrait l'armée forte et supérieure à celle des Espaignolz. Ce qui m'ayant esté remonstré par led. Zuleger, je respondiz que, s'il estoit vray