RESPONSE
Nostre fer faict si peu de bresche Au chef de ce grand Roy vainqueur, Que ce n'est rien d'avoir La Flesche, Si nous n'avons aussy le cœur.
t Tous les Rois de France vont en Enfer, disoit Grillon un jour au Roy, en boufFonnant, et vous irez aussy comme eux, n^en doublez point ; mais, par Dieu ! mon bon maistre, j^y veux aller avec vous et y porter une bonne paire de gan-
teletZy pour me bourrer avec Lucifer, afin que, pendant que nous serons aux prises, luy et moy, vous y puissiez prendre la meilleure place. »
Quatrain rencontré dans les Centuries de N.-Damus^ sur le siège de Sedan par le Roy. (On dit que la Maison de Sedan vient de Roben-le-Diable. )
Lorsqu'un Siron gouvernera la France Du vent de Su l'impétueux effort Battra la Tour pour Toster de la dance.
Garde le heurt^ le Diable n'est pas mort!
€ Voila un beau chemin, à ceste heure, pour vous mener droict en Grève », dit, tout à la bonne foy et sans y penser, un Président de la Cour de Parlement de Paris, à un seigneur qui lui monstroit les beaux retranchementz qu^il avoit fait faire à*son Arsenal.
A l'entrevue qui se fit, aux premiers troubles de Tan 1 562, près Boyjancy, de la Roine-mère et du Prince de Condé, ladite Dame, se voyant entourée de tant de cazaques blanches, demanda en riant audit Prince : « Que c^est qu'il vouloit faire de tous ces meuniers-là ?» — « C'est pour charger vos asnes, Madame », luy répartist sur le champ Monsieur le Prince de Condé.
Le Lieutenant-civil et le Lieutenant-criminel, estans entrez en grande contestation Tun contre l'aultre^ à la Porte Saint Anthoine, pour une potence que le Roy avoit commandé d'y dresser afin de réprimer les insolences de Saint- Maurice, prétendans l'un et l'aultre que cella luy appanenoit; le Chevalier du Guet, s'y estant rencontré, pour appaiser ce différend, leur dit qu'au lieu d'une potence, il en ialloit dresser deux : qu'il y en auroit une pour l'un, et l'aultre pour l'aultre.
Un prestre de Venise ayant esté condamné, par la Seigneurie, de laquelle il estoit subject, à estre pendu et estranglé»
i5o PIERRE DE L'ESTOILE
pource que, nonobstant leur commandement, il s^estoit rendu refractaire et opiniastre à ne point célébrer la messe en ladite ville, à cause des censures et excommunications du Pape qu^il craignoit; un prestre, son compaignon, qui jusques alors estoit demeuré ferme en son opinion de ne la dire non plus que l'aultre, voyant qu'il n'y avoit moyen d'éviter un pareil supplice que par la rétractation, se ravisant bien à point, va déclarer qu'il aimoit mieux estre excommunié deux ans, que d'estre pendu une heure.
Comme les Garnisons espaignolles et walonnes sortans de Paris, le jour de la Réduction, saluoyent Sa Majesté qui les regardoit passer, le Roy, leur faisant signe de la teste : « Allez, leur dit-il, et me recommandez bien à vostre Maistre, mais n'y revenez plus ! »
Le Roy, après avoir pris St-Denys, prenant plaisir à se faire monstrer le Thrésor de la grande Église, entr'aultres précieuses reliques et joyaux qui y sont, ayant voulu voir la couronne, à laquelle manquoyent les principales pièces et pierreries qu'on en avoit osté, demanda qu'estoyent devenues tant de belles pierres qui y estoyent ? Auquel le moine, qui luy monstroit, fit response : Que le Duc de Mayenne les avoit pris. — « C'est assez, dit le Roy : il a la pierre, et moy, la terre. »
«Faites-le court, je vous prie, dit le Roy à un gentilhomme qui venoit d'Italie et s'estoit fort préparé pour luy faire une harangue; je sçay bien que vous venez du pays des belles parolles. »
Fol comme un jeune oison. — En petit ventre, gros cœur. — Plus a le Diable, et plus veult avoir.
Trois choses faciles à croire : femme grosse , nef rompue , homme mort.
RECUEILS DIVERS i5i
Trois choses qu'on cherche, et qu'on voudroit toutefois ne point trouver : Ses talons deschirés, le privé embrené, la femme qui se fait chevaucher.
Quatre ^choses dificiles à faire : cuire un œuf; faire la litière à un chien; monstrer à un Florentin; servir àunVénitian.
Quatre bonnes choses : œuf d'une heure, pain d'un jour, chair d'une année, poisson de dix.
Dieu nous garde de cinq E : Faim, Fleuve, Femme, Fumée, Frère.
De sept choses Dieu nous garde : De maison neuve, hoste nouveau^ vieille putain, vin de haye , pain de fenestre , bois de liasse, vin de flascon.
