BOUFFONNERIES DE CHICOT AU ROY DURANT LA LIGUE

a Vous avez esté nourry Huguenot, il est vrai, je le confesse, et depuis vous estez rendu Catholique {ad pias causas). Cella vous a servy. Et depuis, régénéré en huguenoterie, ne reste plus que la palinodie et la banqueroutte au Credo, En quoy il semble que la Roine, vostre défuncte mère, n'avoit reçeu toute la matière qui estoit requise à funder une cervelle ferme, ains qu'elle avoit meslé avec le génital quelque vent de chalumeaux qui la resjouissoyent de leur ton organizé, la nuia de vostre conception : dont Dieu soit loué. »

« Si vous ne bougiez d'une place, vous fairiez plaisir à beaucoupde gens qui ont à faire à vous; car on seroit assuré de vous y trouver. Mais c'est contre vostre naturel qui est sans repos et voltigeant çà et là sans séjour; tellement qu'on m'a priémesmedevousadvertir (et je vous prie, mon bon maistre, de ne le trouver mauvais) que vos courriers ont la neuf-

i5a PIERRE DE L'ESTOILE

vîesme peau du cul toute escorchée, à force de chevaucher pour vous trouver. Et parce que vous courez et allez, comme poix en pot, il n'y a si bon cheval qui ne soit percé jusques aux mcmbrannes intercostales, à force d'esperons qu'ils ont inventé maintenant, acérez comme le bec d'un héron, qu'ils nomment a les espérons liguez ».

<t Pensez-vous pas (disoit-il un jour au Roy) que la charité que vous avez à Tembrassement de vostre Royaume doibt excéder toute charité chrestienne? De moy, je tien pour tout assuré que vous donneriez, en un besoing, les Huguenotz et Papistes aux protenotairesde Lucifer, et que feussiez paisible Roy de France. Aussy bien dit-on que vous aultres Rois n'avez guères de religion qu'en apparence ! »

« On m'a dit aussy que vous auriez bien envie, si vous venez jamais au dessus de vos affaires, de faire chastrer les moines et les prestres, afin qu'ils ne voisent plus chevaucher les femmes de leurs voisins. Mais, pour Dieu! mon bon maistre, nefaictes pas cestuy-là! car s'ils se ruoyent sur vostre maie et celle de vos ministres, que fairiez-vous? Il y en a bon nombre qui ne vous ayment guères, et pour cause. Car il est m^alaisé d'aimer un Roy qui menace d'oster les couillons à ceulx qui en ont à faire ! »

« Je ne me puis tenir de rire (disoit-il, une aultre fois, au Roy) quand je vois en vostre Cour cent ou six vingtz estaffiers, que j'ay, par Dieu ! veu tous savetiers, ou charbonniers, ou maquereaux, ou portefaix, maintenant vestus de velours et bigarrez comme les oisons de Mêle, qui renfrongnent le sourcil et n'ont aultres propos sinon : Je suis au Roy. Le Roy mon maistre m'a commandé telle affaire. Mais ces co^ quins de Ligueurs n'ont point de Roy, Ce sont tous pendart:[, tous fil\ de putains. Le Roy en sqaura bien venir à bout ; il y donnera bon ordre, par la mort^Dieu ! La Ligue n'a plus qi/un mois dans le ventre. Comme si vous aviez à faire à

RECUEILS DIVERS i53

quelques vendeurs de sabotz ou fouaciers de Lerne. Mais Pestœuf se jette plus loing, mon bon petit maistre, je vous en assure, car je le sçay bien. »

Oyant parler, un jour, en la Chambre du Roy et en sa présence, des Allemands et des Suisses, qu^on estoit en termes de faire venir pour opposer aux forces des Espaignolz : c Ce sera doncq à ce coup (va dire Chicot) que Ton orra tonner langage Allemand et Suisse : Hardo^ Hardo, Frim, StistoCy Dasticoty Chelme^ Liquuist, Vuol ring Naagffleb hour\en, Westfling trut. De ma part, je ne sçauroy entendre ce langage, sinon quand ils parlent ivrongne. Car, à Theure, ilz sont éloquentz comme un petit Démosthène de Cappadoce. Aussy je leur respondz bravement. — Et de quelle façon ? dit le Roy. — Tring, tring^ lans, tispouth^ gouet morguen^ tun cap mi her, karou^. C'est là où il leur démange, par ma foy, et où il les fault chatouiller. Mais qui sera celluy de vos princes, mon maistre, qui les chérira à leur veue? N'oubliez, pour Dieu! à les faire boire d'aultant, et ordonner qu'on leur mette des chauderons soubz la table, pour évacuer les superfluitez de la vessie. Mais qu'on ne les fasse pas tant boire, comme on fit le Duc des Deux-Pontz, qui en creva. Je suis content, si le trouvez bon, d'estre Tun des gentilshommes servans. J'ay, grâces à Dieu, le ventre faict en forme de bouteille de cinq loths et roquille. »

« Je m'estonne, disoit-il une aultre fois au Roy, comme (tous les diables) vos Conseillers d'Estat vous rompent tant la teste de leurs affaires d'Estat, veu que je n'ay ouy parler en vostre cabinet, depuis trois ans, à ces Messieurs-là, que de l'Estat, le moyen de le conserver, de l'accroistre, faire un coup d'Estat, servir à l'Estat. Car, bien que je n'aye pas estudié des mieulx, si ay-je eu plus de sept cens nouante et unze coups de fouet, au Collège de Reims, pour mordre à la grappe et apprendre le Tu autem^ lesquelles j'ay à la fin rendues claires comme un bassin fourby de neuf. Et n'eust

i54 PIERRE DE L»ESTOILE

esté que par certaine inclination je tournoy tousjours le nez à la fumée des pastissiers et rostisseurs, j^eusse emporté la malette de PUniversité, en laquelle comme en un magazin estoient encloses les plus belles piecesdu harnois de mémoire, etPeusse enfermée dedans la gibecièrede ma cervelle. Quant à la théologie, je n^y ay jamais peu mordre. Aussy ne m^appartient-ilpas, vertu de ma vie! Cest à faire à Messieurs vos Ministres, qui en font les livres, et qui allongent le sens de FEscriture et le raccourcissent, comme je fay mes estrivières quand je veulx aller sur un trottier ou sur une bested^amble. (Le Seigneur soit avecq nous, toutesfois !) J^ay envie de vous entretenir de cest affaire, une demie once d^heure seulement. Ce sera à vostre commodité et loisir, mais je ne sçay quand ce pourra estre. »

« Chassez comme peste (disoit-il, une aultre fois, au Roy) ce beau Concile de Trente, si vous voulez tourner TEstat à vostre poste, et en faictes un de Trente-et-Un, pour gaigner le jeu. Car, si une fois vous meslez un tas de Conciles généraulx en vos papiers, vos affaires demeureront confuses. De ,moy je me donneray tousjours corps et ame, tripes et boyaux, comme aussy faira vostre Noblesse avec ses harnois et chevaulx, à tous les Diables d^Enfer, pour vous faire Prince universel de la Monarchie françoise, en despit des influences des astres, des éclipses ^ des conversions des constellations et des entreprises suprêmes, moyennes et inférieures, voire quand la Terre devroit péter de graisse, comme fit le grand père de La Trimouille. Aussy bien qu'avez-vous affaire, si on chante Kyrie Eleyson ou Père éternel qui nous ordonnes^ ou en hébrieu Hel Ky Chy Chinorf ou en allemand Goth^ Goth lord y my Goth ? Par Dieu ! il vous fairoit beau voir, à vous qui estes Roy, vous rompre la teste, si chacun n'a la foy semblable à vous. N'avez-vous pas ottroyé à chacun liberté de conscience? »

« Je me suis advisé d'un expédient (dit-il un jour au Roy)

RECUEILS DIVERS i55

pour attraper la Ligue et renverser leur équipage, dont je sçay bien que tu te moqueras, mais je ne lairray pas de te le dire, car il est bon. C'est de tuer tous Espaignols, et de la doubleure du fonds de leurs chausses en faire de beaux escus au soleil ; mettre chacun escu à cent sols, pour avoir des Lansquenetz à cheval, et mettre chacun Lansquenet sur une arbaleste à jalet. Et le tout bien payé à la monstre, suivant vos ordonnances, sinon en escus, saltem en beaux saluts et bonadiez. Car vous n'avez point plus beau moyen de vous en désengager. Puis les Reistres viendront pour renfort, garnis de plus de 22 mil cent septante et onze manteaux à manche, garnis jusques au collet, sans compter vos Suisses : les pères desquels estoyent saucisses, comme je Pouys dire un jour à un grand docteur, qu'un Théorelet ou Théodoret, Père ancien, Tavoit dit. Je m'en suis tousjours souvenu depuis. »