juillet

avoit esté baillé Ayre ^ audit seigneur des Cordes par le seifj^neur d'Escohan % du pays d'Artoys, pour une somme d'argent, lequel la tenoit pour ledit duc d'Autriche et pour le seigneur de Bievrez, son cappitayne, ville très forte, assise en Arthoys, qui aida bien aux Flamens à avancer l'œuvre, car elle est k l'entrée de leur pays. Et combien qu'ilz voulsissent la diminucion de leur prince, si ne l'eussent ilz point voulu à leurs frontières, ne le Roy si très près d'eulx.

Accordées ces choses à Hallons, comme jay dict, vindrent devers le Roy les ambassadeurs de Flandres et Brebant. Mais tout deppendoit de ceulx de Gand, à cause de leur force et qu'ilz avoient les enffans en leurs mains, et aussi les premiers prestz à commencer la noise. Aussi y vindrent aulcuns chevaliers pour le roy des Romains, jeunes comme luy et mal conseillez pour la pacifïîcation de leur pays. Messire Jehan de Berghes-^ en estoit lung, et messire