Koufa
5 L'Abyssinie et Aden.
tant de centenaires, de milliers victorieux à Tespée, possesseur des champs nommés Papa, PeluteetVisprian et Javarin, et des inexpugnables forteresses de Egrie prins par l'assistance de ma personne Impérialle et de tant d'autres pais qui reposent soubz l'obéissance et justice de moy qui suis Sultan Mehemet, prince et filz de l'Empereur Amourat, fils de l'Empereur Selim, filz de TEmpereur Soliman, fils de l'Empereur Selim, fils de l'Empereur Bayazet, fils de l'Empereur Mehemet, filz de l'Empereur Amourat, par la grâce de Dieu, durant leurs vyes recours des grandz Princes du monde et refuge des honorables Empereurs de la terre.
Au plus glorieux, magnanime et grand Seigneur de la création de Jésus, esleu entre les princes de la nation du Messie, Terminateur des différends qui surviennent entre le peuple chrestien, Seigneur de grandeur, majesté et richesse et glorieux guyde des plus grandz, Henri IIIP, Empereur de France, que la fin de ses jours soit heureuse !
Soubz la rellation qui nous a esté faicte d'Icelluy Empereur de France par l'un de ses plus honnorables et estimés Seigneurs de la créance de Jésus, nommé François Savary S' de Brèves, l'un de ses conseillers et gentilshommes, maintenant son ambassadeur à notre grande Porte, lequel, au nom de Sa dite Majesté, a faict entendre à notre Hautesse le désir qu'elle a de l'antienne amitié que les deffîinctz Empereurs, ses prédécesseurs, ont eue avec les invincibles Hottomans, nos ayeulz, que la grâce et miséricorde de Dieu soit sur eux I
Nous voulions que les ambassadeurs d'Icelluy Roy de France, ses Consulz, Interprètes et autres qui marchent soubz sa banière et protection puissent venir, aller, retourner et sesjourner par les lieux de notre Empire seûerment et sans qu'il leur soit donné fascherie ou empeschement et que ce qui est porté par les capitulations antiennes soit inviolablement gardé et principallement celle qui fut du deffunct Empereur, notre père Sultan Amourat, prince heureux en sa vye et martire en sa mort, que la lumière céleste luyse éternellement sur son tombeau ; et avons commandé avec notre sacrée main que cette capitulation soit escrite de la teneur qui ensuit :
Que des Vénitiens et Anglois en là, les Espagnols Portugais, Ragusois, Genevois (Génois), Anconitans, Florentins et généralement tous les autres qui cheminent soubz la bannière de France parmi noz païs, terres et Seigneuries puissent cy après y cheminer et venir de la mesme façon qu'elles ont faict par le passé, sans qu'à leurs vaisseaux puisse estre faict ou donné aucun empeschement en cas qu'ils se comportent selon l'honnesté, et ne facent chose contraire à ce qui est contenu en ceste suivante capituUation, asseurant que de notre part, noz conventions et promesses seront inviolablement gardées.
De nouveau. Nous commandons que les Vénitiens
et Anglois en là, toutes les autres nations ennemyes
de nostre grande Porte lesquelles n'ont ambassadeur à
icelle, vouUant trafficquer par nos pais, elles ayent d'y
'marcher soubz la bannière de France et voulions que pour jamais, T Ambassadeur d'Angleterre ou autre n'ayent de Tempescher ou contrarier à ce nostre voulloir, soubz couUeur d'alléguer qu'icelles nations ont esté incérées aux capitulations dernières depuis avoir esté escrites et, en cas qu'il se feust donné par cy devant ou qu'il se donnast par cy après commandement contraire à cet article, nous commandons que nonobstant, ceste capitulation soit vallable et observée.
En considération de la bonne et parfaicte amytié qu'iceux Empereurs de France ont eue avec les deffunctz Empereurs noz pères et celles qui est maintenant entre noz Majestez, nous voulions que les François qui trafBcquent par nostre Empire, puissent avec leur argent enlever robes de contrebande, assavoir : Cuirs, cordouans, cottons, filz, sans que aucun leur en puissent donner fascherie ou empeschement.
Que les monnoyes qu'ilz aportent de leurs pays par les lieux de nostre Empire ne puissent estre prises de noz trésoriers ni de nos monnoyeurs soubz prétexte d'en vouUoir faire de la monnoye ottomane, ny voulons qu'il s'en prenne aucun droict pour n'estre ainsy l'usaige.
El parce qu'aucuns subjectz de France navîgans sur vaisseaux estrangers pour exercer la marchandise, sont faictz le plus souvent esclaves et leurs marchandises prises, par ce. Nous commandons que d'icy en avant ilz ne puissent estre faictz esclaves sinon qu'ilz soient pris sur vaisseaux de course, et commandons que ceux qui ont esté pris autrement soient faictz libres, leurs
marchandises et robes restituées sans aucune contradiction.
Que les marchandises qui seront chargées à noUis sur les vaisseaux François apartenantes aux ennemis de nostre grande Porte ne puissent estre prises soubz couleur de dire qu'elles sont d'ennemys, puisqu'ainsy est nostre vouloir.
Que les marchandises qui sont apportées des mar* chands François en noz eschelles, havres et portz ou celles qu'ilz enlèvent d'iceux ne puissent paier, avoir commerce ny estre estimées à plus haut qu'à celles de Tantienne coustume.
Et d'autant que les corsaires de Barbarie allant par les portz et havres de la France y ^ont caressés, secouruz et aydez à leur besoing comme de poudres, plomb et autres choses nécessaires à leur navigation et que, néantmoins, ilz ne laissent, trouvant des vaisseaux Fran* çois à leur advantage, de les piller et saccager en faisant les personnes esclaves contre nostre vouloir et celluy de l'Empereur Amourat nostre père, lequel pour faire cesser leurs vioUances et déprédations avoit diverses fois envoyé les puissans ordres et commandé par iceux de mètre en liberté les François détenuz et restituer leurs facultez sans que pour cela ils ayent discontinué leurs actes d'hostilitez, Nous, pour y remédier, voulions et commandons avec ceste nostre capitulation Impérialle que les François pris sur la foy publicque soient faictz libres et leurs facultés restituées : déclarant qu'en cas que lesdits corsaires continuent leurs brigan-
dages, qu'au premier ressentiment qui nous en sera faict de l'Empereur de France, les vice Rois Gouverneurs des païs desquelz les voleurs et corsaires dépendront, seront obligez de paier les dommaiges et pertes qu'auront faict les François, et seront privés de leurs charges, promettans de donner croyance et adjouster £07 aux lettres qui nous en seront envoyées dudit Empereur.
Que les interprètes qui servent les ambassadeurs d'Icelluy Empereur soient libres de tous subsides et impostz.
Que tous ceux qui chargent les vaisseaux François qui trafficquent soubz la bannière de France ayent de paier le drolct des ambassadeurs et consulz sans se pouvoir opposer au contraire.
Que survenant quelque menotre ou autre inconvénient parmy les François, les Ambassadeurs et Consuls puissent, suivant leurs loys et coustumes, y faire justice sans qu'aucun de nos officiers en prenne cognoissance et l'en empesche. Que, quels consuls François qui sont establis par les lieux de nostre Empire pour avoir soing du repos et seureté des François ne puissent estre faictz prisonniers ny leurs maisons baillées, vouUans que s'il s'en prétend quelque chose d'eux, la cognoissance en soit renvoyée à nostre grande Porte et Divan publicq.
Nous entendons, voulions et commandons que tous les pointz cy dessus cotez et escritz soient inviolablement observez, et que les commandemens qui, par cy devant, ont esté donnez ou se donneront pour l'ad venir, au contraire d'iceux ne soit vallables ny observez.
Et parce qu'Icelluy Empereur de France est, entre tous les autres Roys et princes, le plus noble et de plus haute famille, le plus parfaict amy que noz ayeulz ayent jamais eu, comme il est veu par les effectz de sa fermeté et persévérance, nous voulions et commandons que son Amibassadeur qui réside à nostre heureuse Porte, venant à nostre grand et superbe Divan ou allant au pallais de noz grandz Vice Roys ou autres de noz conseillers, chemine devant et précedde l'Ambassadeur du Roy d'Espaigne et ceux des autres Roys et Princes, conformément à la coustume antienne.
Que les François qui viennent avec leurs vaisseaux et marchandises par les eschelles, havres et portz de nos pais puissent, durant nostre vye, venir seurement et soubz la foy publicque, et, arrivant que la fortune ou tempeste jetast aucun d'iceux ayant besoing de noz gallaires ou de quelques autres de noz vaisseaux, nous voulions et commandons qu'ilz soient incontinant aydez et que les cappitaines et lieutenantz d'iceux vaisseaux soyent respectez et caressés, et soient pourveus avec leur argent de toutes commoditez nécessaires à leur vivre.
Et en cas que lesdicts vaisseaux François donnent contre quelque escueuilz ou en terre et souffrent bris, nous voulions que tout ce qui s'en pourra recouvrer leur soit restitué es mains et mis en pouvoir des marchans, sans que noz Vice Rois, Gouverneurs, Cadis ou autres s'opposent, mais, bien au contraire, ayent de les secourir à leur besoing, vouUans qu'ilz puissent par nostre Empire aller, venir, retourner et sesjourner librement
4o6 MÉMOIRE SUR L'AMBASSADE DE TURQUIE.
s'ilz ne commectent quelque chose contre l'honnesté.
Que d'iceuz François, interprette ou autres à eux appartenans venant en noz pais soit par mer, soit par terre, pour vendre, achepter ou faire marchandise paiant les droictz de nos commerces^ suivant la coustume et celuy des Consulz ne soient molestés eu», leurs vaisseaux et marchandises par noz cappitaines des gallaires, patrons et autres volontaires en venant, séjournant et retournant.
En cas qu'un François se trouve redevable, la debte ne puisse estre demandé à autre qu'à luy ou autre qu'à celluy qui-se sera rendu pleige pour luy.
Et arrivant qu'un François meure, nous voulions et commandons qu'aucun de nos officiers et commissaires n'ayent de veoir à ses robes et facuitez, ains qu'elles soient consignéez sans aucune difficulté à celiuy à qui il les aura laissées par sa dernière volonté, et mourant ab intestat, que avec Tentreprise des Consulz, les facuitez du mort soient consignées au pouvoir d'un de ses compatriez sans que nos commissaires ou autres s'y opposent.
Que les François, leurs Consulz et interprettes ou ceux des lieux qui deppendent d'eux ayent en leurs ventes et achaptz pleigeries et tous autres pointz d'en faire acte devant le Cady, au deffaut de quoy, ceux qui auront quelque prétention contre eux ne le disant apparoir par constract publicq enregistré au lieu de nos
X, Douanes; en turc: GumruÂj du grec xGU(Up» (commercium).
juges vouUans prendre tesmoings, voulions et commandons qu'ils ne soient escoutez, ains soit donné foy aux contracts passés devant noz juges ou, n'y en ayant d'enregistré, que les demandes ne soient adjugées; et se tienne la main qu'il n'arrive chose contre la sacrée justice.
Qu'estant dressé quelque embusche contre les François pour les accuser d'avoir injurié et blasphémé contre nostre S** Religion et produisant des tesmoings faux pour trouver moien de les travailler, nous ordonons qu'il se garde mesmement en semblables occasions que les François ne soient molestez et que rien ne se passe plus avant.
Et estant qu'aucun François soit redevable ou ayant faict quelque mauvais acte s'absente et s'enfuye, nous voulions que les autres François, qui ne seront nullement pleigéz pour luy, n'en puissent estre molestez ny recherchez.
Que se trouvant par nostre Empire des esclaves François estant recongnuz des Ambassadeurs ou Consulz, que les maistres d'iceux ayent à les amener à nostre grande Porte ou les renvoyer avec papiers, affin que justice en prenne cognoissance.
Que les François ou ceux qui deppendent d'eux, mariez en noz pays ou non, exerçant la marchandise ou travaillant de leur art ou autres ne payent aucunes tailles ou subcide.
Qu'au changement et establissement des Consulz François en noz eschelles d'Alexandrie, Tripoly de
4o8 MÉMOIRE SUR L'AMBASSADE DE TURQUIE.
Suiye, Arger et autres, personne des nostres ne s'y oppose.
Et, arrivant que quelqu'un eust quelque différend avec les François, nous voulons qu'il se termine par la justice, mais que le juge n'en prenne cognoissance qu'un interprète de France ne soit présent et estant l'interprète empesché en affaires importans, que la cause soit entretenue jusques qu'ilz comparoissent; toutes fois, que les François ne se rendent difficiles, disant que rinterprette ne se trouve, et ne prolongent leffect de la justice, ains à faire comparoitre ledit interprète.
S'il naist quelque contention ou différend entre deux François, que l'Ambassadeur ou les Consulz ayent de terminer telle controverse sans qu'aucun de noz officiers s'y oppose.
Et, arrivant que quelques frégates de corsaires ou autres vaisseaux allant par la mer facent des François esclaves et les apportent et vendent au païs d'Europpe, Asye, et autres lieux, qu'iceux François trouvés, il se face une gaillarde recherche pour sçavoir de qui ilz ont esté venduz, et que celluy qui les aura acheptéz soit obligé de trouver le vendeur afin qu'estant recongnus les esclaves François pour mal pris, ils soient faictz libres et les corsaires chastiez : et, sy les François esclaves se sont faictz Mousulmans, nous voulions aussy qu'ils soient faictz libres, mais percîstant en leur créance, qu'avec la main de la justice, ils soient mis hors d'esclavitude.
Que les vaisseaux François qui auront faict la recherche en Constantinoble ne soient recherchez autre
part qu'aux chasteaux, ne vouUant qu'il se face la recherche à Tripoly, comme maintenant il se recherche de faire.
Que les gallaires, vaisseaux et armées qui sortent de nos pays, se rencontrant en mer avec ceux dé France, ayent de s'entrecaresser et faire amitié sans s'y procurer dommaige les uns aux autres.
Que tout ce qui est accordé aux Vénitiens par leurs capitulations soit ensemble accordé et confirmé au bénéfice des François, sans que personne y contredie.
Que les vaisseaux François venant en nostre Empire y soient protégez, defFendus, caressez et y puissent avec toute seurté, et soubz la foy publicque, venir, aller, séjourner et retourner; et, arrivant que les marchandises ou robes peussent estre saccagées, qu'il se face une recherche très exacte et, se trouvant, leur soient rendues, et ceux qui auront commis telles méchancetés, chastiez.
Voulions et commandons à tous noz esclaves Vice Rois, Gouverneurs, Lieutenants, Cadis, Cappitaines de gallaires et autres vaisseaux et générallement à tous noz autres officiers, qu'ils aient d'observer le contenu de ceste capitulation sans contredire à aucun d'icelle ny moings à ceux qui sont portez par la capitulation qui en a esté traictée et accordée par nostre deffunct et bienheureux ayeul Soltan Soliman (que la miséricorde de Dieu soit pour jamais sur luy!) protestant qu'en cas que de la part de l'Empereur de France ne soit contrevenu aux poinctz cy dessus escritz, et qu'il demeure ferme et constant en l'observance d'iceux, ou semblablement
acceptant son amityé, je jure par TÉternel Dieu qui a faict le ciel et la terre, et par les âmes de nos ayeux et par celle du deâîinct Empereur nostre ayeul qu'il n'y aura jamais de nostre part aucun manquement et ainsy se sçache et se preste foy à nostre sacrée marque.
Escript en nostre ville Impériale de Constantinople au commencement de la Lune de (Redjeb), en Tannée 1005 qui est 1597, environ le xxv* febvrier.
Lettre du Sultan Mehemet III A Henri IV.
Au plus glorieux, magnanime, et grand seigneur de la croyance de Jésus-Christ, élevé entre les princes de la nation du Messie, terminateur des differens qui surviennent entre les peuples chrestiens. Seigneur de Majesté, grandeur et richesses et clair Guide des plus grands, Henry IIII Empereur de France, que la fin de ses jours soit heureuse et tranquille !
Depuis l'arrivée de nostre Impériale marque, il sera pour avis à vostre Majesté, que par cy devant, vostre ambassadeur qui réside en nostre Souveraine Porte nous fit entendre que les Anglois sous prétexte d'estre nos confederez viennent par les mers de nostre Empire
y prenans et dépredans vos subjects, ceux de la République de Venise et autre marchans qui navigent sous vostre bannière.
S'estant aussi plaint que les coursaires de nostre pays de Barbarie font le semblable, sans avoir égard à l'ancienne amitié qui se conserve entre nos Majestez. Pour cette cause, nous écrivimes une lettre à la Reyne d'Angleterre, de laquelle nous vous fismes part, comme aussi des commandemens que nous avions faict à nos esclaves de Barbarie. Depuis, est arrivé à nostre Sublime Porte, un des vostres avec vos lettres, par les quelles nous avons recogneu que les nostres ne vous avoient encore esté rendues, et la continuation des coursaires Anglois et de Barbarie sur vos subjects. Ayant bien considéré le contenu : nous désirons que vous ne doutiez nullement que c'est contre nostre intention que ceux qui dépendent de nostre obeyssance, molestent les subjects de vostre Majesté, en s'unissant avec les pirates Anglois pour participer à leurs butins et larcins.
Aussi ayant appris par vos lettres que nostre vice- Roi de Thunis, Mustapha-Bassa estoit de ceux qui s'entendoient avec lesdits Anglois, nous l'avons priué de son gouvernement, avec commandement exprès de venir rendre compte de ses actions, et nous avons étably en son lieu un autre vice-roy, auquel nous avons expressément commandé d'empêcher qu'en aucune façon vos subjects trafiquans par les lieux de nostre obeyssance soient molestez. Nous avons aussi privé Solyman-Bassa nostre vice-Roy d'Alger de son office.
4ia MEMOIRE SUR L'AMBASSADE DE TURQUIE.
pour les mècontentemens qu'il a donnez à vostre Majesté et commandé qu'il ayt aussi à venir rendre compte de ses déportemens, ayant mis en son lieu un autre vice-Roy fort practic qui sçait et recognoit le respect qui se doit à l'ancienne amitié de nos Majestez, nommé TAlbanois Moussy, duquel Dieu augmente la dignité !
Nous avons aussi ordonné que Cerdan-Bassa cj devant nostre vice-Roy, ayt à venir devant le tribunal de nostre Justice, pour s'en estre plaint il y a quelque temps vostre ambassadeur, et très expressément commandé à Tamiral de nos mers Sinan-Bassa de nous faire amener les uns et les autres.
Quant à ce qui regarde le particulier des Anglois, il ne nous a pas semblé honneste devoir écrire au nouveau Roy d'Angleterre avant qu'il nous ayt écrit et envoyé un ambassadeur au serrail de nostre heureuse Porte, pour renouveller les capitulations que la Reyne defuncte avoit avec nostre Hautesse. Nous nous sommes contentez de commander à nostre prudent et valeureux vesir Assan-Bassa, d'écrire audit Roy d'Angleterre en nostre nom, qu'en cas qu'il désire nostre amitié, il est nécessaire qu'il retienne et empêche que ses subjects ne fassent plus de courses sur nos mers ; après la protestation qui luy sera faicte, s'il entend qu'aucuns de ses subjects commettent acte d'hostilité sur ceux qui se trouveront par les lieux de nostre Empire, seront retenus avec leurs vaisseaux et facultez qui seront distribuées à ceux qui auront receu quelque dommage d'eux.
et seront chastiez pour retenir les autres de mal faire, nous estant plus aisé d'en user ainsi. Toutesfois ayant remis Teffect de ceste nostre résolution aux réponses qui nous seront faictes par les attendans. Accompaignez, si vous, le considérez à propos, celle de nostre grand Vizir au Roy d'Angleterre de Tune des vostres.
Nous vous envoyons aussi nostre lettre Impériale pour le Roy de Fez, afin qu'en considération de nostre amitié, il empêche que ses subjects n'achètent les François, et de mettre en liberté ceux qui se trouveront par les lieux de son obeyssance, afin qu'il soit cogneu à chacun le cas que nous faisons de l'amitié de vostre Majesté.
Nous avons, de plus, selon vostre prière, pour arrester le cours des voleries et pyrateries des Anglois, renvoyé exprès commandement à tous les Gouverneurs de nos havres et ports, pour faire exacte recherche de tous les vaisseaux et des nations chrestiennes qui arrivoient es lieux de leurs Gouvememens, de voir notamment quelles marchandises ils apportent, et en quels lieux ils auront chargé, les obligeans de faire paroistre par tesmoins quel est leur déportement et au cas qu'il soit contraire à la preuve qu'ils produiront, se trouvans malfaicteurs, et que les marchandises qu'ils portent ayent esté prises es courses, qu'ils soient retenus avec leurs vaisseaux et de ce qui se trouvera dedans qu'il en soit donné avis à nostre grande Porte. Nous avons commandé à nosdits Gouverneurs ce qu'ils doivent faire pour faire chastier ceux qui, sous ombre de marchandise, font les Cour-
saires. Nous avons aussi ordonné à nos Vice^Rojs de Barbarie, et aatfes nos subjects et officiers qu'ils se gardent de permettre à qui que ce soit d'aller en course, sans prendre bonnes et suffisantes cautions d'eux, afin qu'ils ne commettent acte contre la foy publique, au dommage de vos subjects et, pour plus de facilité, que les pleiges ayent à estre responsables et tenus de représenter leurs malfaicteurs.
Prenez donc croyance que c'est contre nostre volonté que vos subjects sont maltraictez par les lieux de nostre obeyssance. Quant à ce que desirez qu'il se fasse une repressaille sur les marchans Anglois pour payer les dommages que vos subjects ont receu de cette nation, il m'a semblé nécessaire d'attendre la response du Roy d'Angleterre, lequel tardant d'envoyer un Ambassadeur au seuil de nostre heureuse Porte pour renouveller l'amitié commune avec son Royaume, et manquant an semblable de se rendre soigneux d'empescher que ses subjects ne commettent plus tant de méfaicts, et ne fassent des courses par les lieux de nostre obeyssance, selon la promesse que nous avons cjrdevant faicte à vostre Majesté, nous ferons retenir tous les Anglois qui se trouveront par nostre Empire, ikisans represaille sur eux pour l'entière valeur de ce qui aura esté voUé et dépredé à vos subjects, les faisans chastier comme séparez du nombre de ceux qui sont confederez auec nostre Hautesse.
Vostre Majesté, de sa part, trouvera bon à l'imitation des Empereurs sc$ ayeuls de faire cas de nostre amitié.
et la conserver chèrement, empêchant qu'aucun de vos subjects n'ait à servir nos communs enneiûis, ayans appris que beaucoup d'iceux, contre le devoir qui se doit à nostre ditte amitié, vont au service du Roy de Vienne. Tels ne me font pas seulement deservice, mais si vous le considérez, vont au service des ennemis de vostre Grandeur. C'est pourquoy vous vous devez peiner d'empêcher leurs allées, et arrivant que quelqu'un y aille contre vostre commandement, vous devez faire confisquer ses biens, et retournant au lieu de vostre obeyssance, le faire chastier afin de faire servir d'exemple aux autres desobeyssans.
Escrit au commencement de la lune Reboulevel.
C'est le quinziesme d'Aoust (1603).
Capitulations de 1604.
Au nom de Dieu.
L'Empereur Amat, fils de l'Empereur Mehemef, toujours victorieux.
Marque de la haute famille des Monarques Otthomans, avec la beauté grandeur et splendeur de laquelle tant de pays sont conquis et gouvernez.
Moy, qui suis par les infinies grâces du Juste, Grand
4i6 MÉMOIRE SUR L'AMBASSADE DE TURQUIE.
et tout- puissant Créateur et par rabondance des miracles da chef de ses prophètes, Empereur des victorieux Empereurs, distributeur des couronnes aux plus grands Princes de la terre, serviteur des deux très-sacrées villes, la Mecque et Médine, Protecteur et Gouverneur de la Saincte Hierusalem, Seigneur de la plus grande partie de l'Europe, Asie et Afrique, conquise avec nostre victorieuse espée, et espouvantable lance, à sçavoir des pais et royaumes de la Grèce, de Themiswar, de Bosnie, de Seghevar, et des pais et Royaumes de TAsie et de la Natolie, deXaramanie, d'Egypte, et de tous les pais des Parthes, des Curdes, Géorgiens, de la Porte de fer, de Tiflis, du Seruan, et du pais du Prince des Tartares, nommé Qerim, et de la campagne nommée Cipulac *, de Cypre, de Diarbekr, d'Alep, d'Erzerum, de Damas, de Babylone demeure des Princes des croyants, de Basera, d'Egypte, de FArabie heureuse, d'Abes, d'Aden, de Thunis, la Goulet*, Tripoly de Barbarie, et de tant d'autres pais, isles, destroits, passages, peuples, familles, générations, et de tant de cent millions de victorieux gens de guerre qui reposent sous Tobéissance et justice de Moy qui suis l'Empereur Amurat, fils de l'Empereur Selim, fils de l'Empereur Solyman, fils de l'empereur Selim : Et ce, par la grâce de Dieu, Recours des grands Princes du monde, Refuge des honorables Empereurs.
Au plus glorieux, magnanime, et grand Seigneur de
I* Kiptchak. «
la croyance de Jesus*Christ, esleu entre les Princes de la nation du Messie, Médiateur des différents qui surviennent entre le peuple Chrestien, Seigneur de Grandeur, Majesté et Richesse, glorieuse Guide des plus grands, Henry IIII, Empereur de France, que la fin de ses jours soit heureuse.
Ayant nostre Hautesse esté priée du sieur de Brèves, au nom de TEmpereur de France son Seigneur comme son Conseiller d'Estat et son Ambassadeur ordinaire en nostre Porte, de trouver bon que nos traitez de paix et Capitulations qui sont de longue mémoire entre nostre Empire et celuy de son Seigneur fussent renouvellées et jurées de nostre Hautesse : sous cette considération, et pour rinclination que nous avons à la conservation d'icelle ancienne amitié, avons commandé que cette Capitulation soit escrite de la teneur qui s'ensuit:
I. Que les Ambassadeurs qui seront envoyez de la part de Ça Majesté à nostre Porte, les marchans ses subjects qui vont et viennent par iceux havres, les Consuls qui sont nommez d'elle pour résider à nos havres et autres lieux de nostre Empire, et ses Interprètes ne soient inquiétez en quelque façon que ce soit : mais, au contraire, receus et honorez avec tout le soin qui se doit à la foy publique.
IL Voulons de plus qu'outre l'observation de cette
nostre Capitulation, que celle qui fut donnée et accordée
de nostre defunct père l'Empereur Mahomet, heureux
en sa vie et martyre en sa mort, soit inviolablement
accordée, et de bonne foy.
4i8 MEMOIRE SUR L'AMBASSADE DE TURQUIE.
III. Que les Vénitiens et Anglais en la leur, les Espagnols, Portugais, Catalans, Ragousins, Genevois, Napolitains, Florentins, et généralement toutes autres nations, telles qu'elles soient, puissent librement venir trafiquer par nos pays sous Tadveu et seuretè de la bannière de France, laquelle ils porteront comme leur sauvegarde; et, de cette façon, ils pourront aller et venir trafiquer par les lieux de nostre Empire, comme ils y sont venus d'ancienneté, obéyssans aux Consuls François, qui demeurent et résident en nos havres et estapes; voulons et entendons qu'en usant ainsi, ils puissent tratiquer avec leurs vaisseaux et galions sans estre inquiétez, seulement tant que ledit Empereur de France conservera nostre amitié, et ne contreviendra à celle qu'il nous a promise.
IV. Voulons et commandons aussi que les subjects dudit Empereur de France et ceux des Princes ses amis alliez, puissent visiter les saincts lieux de Hierusalem sans qu'il leur soit mis ou donné aucun empeschement, ny faict tort.
V. De plus, pour Thonneur et amitié d'iceluy Empereur, nous voulons que les Religieux qui demeurent en Hierusalem et servent l'Église * de Comame y puissent demeurer, aller et venir sans aucun trouble et empêchement, ains soient bien receus, protégez, aydez, et secourus en la considération susdite.
I. KilissiéU kyâmèh y l'Eglise de la Résurrectioii ou du Saint- Sépulcre. Les Turcs ont substitué au mot Kyâmèh (résurrection) celui de koumâmèh (ordures, immondices).
VI. Derechef, nous voulons et commandons que les Vénitiens et Anglois en cela, et toutes les autres nations aliénées de l'amitié de nostre grande Porte, lesquelles n^ tiennent Ambassadeur, voulans trafiquer par nos pays, ayent à y venir sous la bannière et protection de France, sans que TAmbassadeur d'Angleterre, ou autres ayent à les empescher sous couleur que cette capitulation a esté insérée dans les capitulations données de nos pères après avoir esté escrites.
VII. Ordonnons et voulons que tous commandemens qui se sont donnez ou qui se pourroient donner par mesgarde contre cet article susdit, ne soient observez, ains que cette capitulation le soit inviolablement.
VIIL Qu'il soit permis aux marchans François, en considération de la bonne et parfaite amitié que leur Prince conserve avec nostre Porte, d'enlever des cuirs, cordouans, cires, cottons, cottons filez, jaçoit (bien que) qu'ils soient marchandise prohibée et défendue d'enlever : ratifians la permission que nostre bisayeul Sultan Selim et nostre défunct Père Sultan Mahomet en ont donné.
IX. Nous voulons aussi que ce qui est porté par cette nostre capitulation, pour la seureté des François, soit dit et entendu en faveur des nations estrangères qui viennent par nos pays, estats et seigneuries sous la bannière de France, laquelle bannière elles porteront et arboreront pour leur seureté, et marque de leur protection, comme dit est cy dessus.
