CHANSON

A l'admirée

Las ! je jugeois par tes beaux yeux Qu'Amour me seroit gracieux,

Me décevant moy-mesme.

Mais, las ! je les sens furieux

Par ta rigueur extresme.

Helasîj'ay fait ce que j'ay peu Guidant faire amortir le feu

De l'amoureuse flame ; Mais c'est en vain, car je n'ay sçeu.

Tant forte elle m'enflame.

Je me suis feint, en vers, heureux, Flattant le souci langoureux

De ma triste détresse; Mais ce malheur tant malheureux

Pour cela ne me lesse.

Cuydant appaiser ce tourment, Je me suis feint trop faussement

Cueillir de ta bouchette Maint baiser sucré doucement.

Sur ta le-\Te mollette.

Souvent j'ay menti les esbatz Des nuicts, t' ayant entre mes bras

Folastre toute nue, Mais telle jouissance, helas!

M'est-encore incongnue.

DE JACQUES TAHUREAU 91

Pensant contenter mes espriz, J'ay souvent rempli mes escritz

De mignardes fcintises, De jeux coutrefaicts, de soubsris,

De feintes mignardises.

Me promettant par fiction La réciproque affection

De celle que j'adore, ePay trop couvert la passion

Du mal qui me dévore.

Las! je pensoy qu'en déguisant L'Amour qui va tj'rannisant

Mon ame langoureuse, J'irois par ce point apaisant

Sa playe rigoureuse.

Mais je voy bien que ce trompeur, Cet Amour qui blessa mon cœur,

Bien qu'il soit plein de songes, Ne veut adoucir sa rigueur

Pour des vaines mensonges;

Car tousjours ce cruel depuis, Redoublant mes tristes ennuis

Et sa rigueur trop dure, De plus en plus m'engouffre aux nuicts

De sa prison obscure.

Et sans avoir de moy pitié Ny de ma constante amitié,

Ma maistresse trop belle Plus qu'au premier jour la moitié

Main S"nant m'est rebelle.

De soi'te, helas! que si je veux Me vanter du nombre de ceux

Que l'Amour favorise, Il faut que mon heur, malheureux,

En papier je desguise.

Mais, ô pauvre soulagement A mon pitoyable tourment!

O pauvre récompense, Bu mal que tant injustement

Je reçoy sans offence î