HUET
425 Qui est ce la que plaindre escout?
.- L'uis vueil ouvrir pour le veoir. loy a
Que demandez vous? dites voir.
Venez vous pour bien ou pour mal?
Qui estes vous sur ce cheval, 480 Ou homme ou dame?
La fille Chier ami, Je sui une femme.
Esgarée en ce bois me sui, Si requier le couvert maishuy Par charité.
HuET 435 Sachiez, m'amie, en vérité,
De ceens ne sui que vallet; Mais or attendez un tantet, Et g'yray mon seigneur prier Que Postel vous vueille ottrier 440 Sanz long demour.
La fille Voire, amis, pour la Dieu amour, Sanz plus maishuit.
L'ennemi Père, mais qu'il ne vous ennuit.
Entendez ce que je vueil dire :
445 La hors est une femme, sire,
La plus belle du monde née, A cheval, qui s'est esgarée, Si requiert pour le roy celestre Que maishuy puist berbergie estre
450 Avecques nous.
Jehan Et conment, Huet, amis doulx,
La pourray j'hui mais herbergîer?
Nous n'avons que pain a mengier,
Ce ne li sera pas délit.
Et si scez bien je n'ay qu'un lit 455
Sanz couste, purement de fain,
Ou gys quant de dormir ay fain.
Te dy je voir?
L'ennemi Sire, oil, mais ne peut chaloir :
De tretout cecy vous passez. 460
loy b S'elle a le couvert, c'est assez
A grant foison.
Jehan Fai la donc entrer en maison :
Va, il me plaist.
L'ennemi Dame, descendez a court plait : 465
Mon seigneur a vostre personne Son hostel de cuer habandonne.
Je vous dy voir.
La fille Dieu li en vueille gré savoir !
Et je li promet bien sanz faille 470
Geste bonté, s'il chiet a taille, A double rendre.
L'ennemi Ce cheval vueil en cure prendre :
Laissiez le moy.
La fille Si fas je, mon ami, par foy : 475
Faites en a vostre plaisir.
D'entrer ceens ay grant désir :
Je m'i vueil mettre.
Jehan Dame, bien vegniez en cest eslre.
480 Je croy bien n'avez pas apris
A estre en si povre pourpris Ne si désert.
Sire, puis que j'ay le couvert, Il me souffist tresgrandement ; 483 Et si vous merci humblement
Quant hostellée m'y avez.
Je croy bien que vous ne savez Qui je sui, mais vous le sarez Quant garde ne vous en donrrez, 490 Je vous promet.
Jehan Mais que venu soit mon vallet, M'amie, nous vous aiserons De tout ce qu'aisier vous pourrons, Et je tien bien que vous serez loj c
495 Celle qui en gré prenderez
Ce que vous pourrons pourveoir.
Plaise vous un po ci seoir Tant qu'il venra.
La fille Je ferai ce qu'il vous plaira 5oo Voulentiers, sire.
Le premier veneur Mon seigneur, je vous puis bien dire, Tout le quartier qu'empris avoye Ay cerchié, mais ne val ne voie Je ne truys d'elle.
Deuxiesme chevalier 5o5 Aussi n'en puis j'oir nouvelle,
Si l'ay j'en plus de cent arpens De bois quise, si com je pens, Mon chier ami.
Le premier veneur Je voy Gençon qui vient ici, Ne scé se trouvée l'ara. 5io
Au mains ce qu'a fait nous dira, S'il lui agrée.
Deuxiesme chevalier Gençon, dy : l'as tu point trouvée?
Ne nous mens pas.
Deuxiesme veneur Nanil, voir. J'ay gasté mes pas, 5i5
Ce m'est avis.
Deuxiesme chevalier Escoutez. Vezcy mon devis.
Il est nuit; vous le veez bien.
Maishuy ne ferions nous rien.
Devers mon seigneur en yrons , 520
Et la vérité li dirons.
S'il veult, nous revenrons demain Pour la quérir dès le bien main ; Si vaulra miex.
Le deuxiesme veneur Vous dites voir, si m'aist Diex. 525
Partons de cy.
loy d Deuxiesme chevalier
C'est du miex.
Sire, il est ainsi Que nous trois d'errer ne finasmes Par le bois depuis qu'y alasmes.
N'avons trouvé homme ne femme ; 53o
N'en pouons plus faire, par m'ame, Qu'en avons fait.
Le roy Je croy bien. Or vous pri de fait Que demain, dès qu'il sera jour.
Ne vous mettez point en séjour 535
Que derrechief ne Talez querre.
Le cuer pour lui de dueil me serre. Certes jamais joie n'aray Ne leesce, si la verray 540 Avecques moy.
Le premier veneur Mon chier seigneur, en bonne foy Si ferons nous.
L'ennemi Or ça, je vien. Que faites vous?
Savoir le vueil.
La fille 545 Sire, de chevauchier me dueil.
Se ne vous cuidoie empeschier, Voulentiers yrôye couchier Et repos prendre.
Jehan M'amie, il vous convient attendre 55o Que Huet ait fait vostre lit
Pour miex reposer par délit.
Huet, vaz li tost et ysnel Faire li son lit bien et bel, Car bien le vault.
L'ennemi 555 II vous sera fait sanz deffault,
Biau père, je le vous promet. /
Or ça, puis que je m'entremet Du lit, je me vueil entremettre De ce viellart en pechié mettre ; 56o Onques mais i^y poy advenir,
Mais a ce cop le cuit tenir io8 a
Et si mener que mien sera.
Alez couchier quant vous plaira
XXX SAINT JEHAN LE PAULU n3
Maizhuy : c'est fait. Alez, dame, puis quil a fait; 565
Reposez vous.
La fille Je vous convenans, sire doulx, Qu'il a plus d'un an tout entier Que n'en oy aussi grant mestier.
A Dieu, chier sire ! 570
Jehan Huet.
L'ennemi Sire, que voulez dire?
Jehan Il ne me vient pointa plaisir Que je voise ea mon lit jesir, Car se j'y vois en vérité J'ay grant double d'estre tempté 573
Et que pechié ne me surprengne, Laquelle chose ja n'aviengne !
Si me convient il repos prendre Et dormir sanz gaires attendre, Car il n'est pas, se dit on, homme 58o
Qui ne dort et qui ne prent somme.
Le someil m'abat : que feray?
En mon lit dormir pas n'yray Puis qu'î a femme.
L'ennemi Est nature en vous si grant dame? 585
Haro ! bien vous en garderez.
Mais tant vous dy je, folz serez Se pour doubte de tel délit Vous ne gisez en vostre lit, Puis qu'avez de repos besoing ; 590
Si vous couchiez d'elle au plus loing Que pourrez, et clinez les yex T. V «
Et VOUS endormez : c'est le miex
Que puissez faire. loS b
Jehan 595 C'est bien m'entente de moy taire,
Quant la seray, mon amy chier.
Cest nient ; aler me fault couchier :
Sanz dormir ne puis ci plus estre.
Je te conmans au roy celestre !
600 Vaz te couchier.
L'ennemi Assez tost yray, père chier, Ne vous soussiez point de moy.
Puis que son cuer en doubte voy, Je ne tien point qu'il soit si ferme
60 5 Que je ne li face en brief terme
Perdre touz les biens c'onques fist.
Ce qu'en ay veu me souffist :
Tempter le voys par tel desroy Qu'a Lucifer nostre grant roy
6 1 o Sera acquis, se je ne fail ;
Sa sainte ne vaulra un ail, Se puis, bien brief.
Jehan De soyf sui a si grant meschief Que de ci me fault lever, voire, 61 5 Pour aler un trait d'yaue boire ;
Autrement dormir ne pourray.
Ma cote sanz plus vestiray.
C'est fait, g'y vois.
L'enemi Vous avez bien fait voz degoiz, 620 Père, ennuit de celle pucelle.
Osté ii avez la plus belle Chose qu'elle en son corps eust Et dont miex priser se deust :
X5CX SAINT JEHAN LE PAULU ll5
C'est pucelage.
Jehan Huet, je te tien pour lunage 625
De ceci dire;
L'ennemy Ne le me reniez pas, sire, io8 c Car je scé trop bien tout le fait ; Et si vous dy ce qu'avez fait Vous fera le corps desmembrer, 63o
Se le roy s'en peut remembrer,
Ne qu'il le sache.
Jehan Ne t'anuit ja s'a moy te sache,
Huet : pour quoy?
L'ennemy Pour ce que c'est la fille au roy, 635
De qui avez le pucellage; Mais combien que soie po sage, Se vous voulez mon conseil croire.
Jamais il ne sera mémoire
De ce fait ci. 640
Jehan Huet, je te requier mercy :
Conseille moy que j'en feray.
Je te promet j'en ouvreray
Tout a ton vueil.
L'ennemy Et vezcy que je vous conseil : 645
Tandis qu'elle en ce lit se dort, Alez la ferir si qu'a mort De touz poins le corps en mettez Et en ce puis la le jettez ; Par ce point délivre en serez, 65 o
Que jamais parler n'en orrez
Ne po ne grant.
1 l6 MIRACLE DE XXX
Jehan Huet, du faire ay cuer engrant :
Par ton conseil en vueil ouvrer.
655 Le pais en voys délivrer.
C'est fait, mais lever ne la puis, Pour la apporter en ce puis, S'ayde n'ay.
L'ennemy A cela bien vous ayderay :
660 Alons la querre,
Jehan Soit, amis. Ho ! sanz mettre a terre 108 d En ce puis la jettons ensemble.
C'est du miex, si comme il me semble:
Or, vaz la, vaz.
L'ennemy 665 Or vous tien je pris en mes laz,
Murtrier, mauvais, non pas hermittes, Mais luxurieux ypocrites :
Joyeux m'en vois.
Jehan E ! dame des cieulx, en ce bois 670 Cuiday faire mon sauvement,
Mais g'y ay fait mon dampnement En ame et en corps pardurable, Se vous ne m'estes secourable, Vierge, par qui grâce j'espoir.
675 A po que ne me desespoir
Cy endroit certes d'une corde.
Quant de mon pechié me recorde.
Faulx ennemy, bien m'as detrait, Quant a pechié m'as ainsi trait, 680 Qu'en moy je ne scé conseil mettre
Fors que de grant douleur plain estre Et plaindre de jours et de nuiz ^ Les paines sanz fin, les annuiz
Que j'ay par mon fait encoru, Se de Dieu ne sui secoru, 685
Qui me prengne a miséricorde.
Mais pour ce qu'a li me racorde Et qu'il me soit doulx et propice, A toy, Vierge, en quoy onques vice Ne fu, mais parfaite bonté, 690
Confesse mon iniquité, Afin que tu la me defaces Et qu'ami de Dieu tu me faces.
A toy afui, a toy aqueurs; Dame, ayde moy et sequeurs. 695
Autre refui que toy n'ay mais:
Des laz me defîen du mauvais Qui si m'a pris par traison, lop a Et je vous promet ma maison
Arderay, vierge, en son despit. 700
Mettre y vois le feu sanz respit.
Maison, puis que vous voy ardoir,
Ma robe aussi arderay voir :
Jamais mon corps ne vestira
Robe, n'en hostel ne jerra. 7o3
Encore un autre veu feray,
Doulce vierge, que je tenray
Pour vostre amour toute ma vie,
Pour l'anemi plus faire envie :
Que jamais ma vie durant, 710
Se je ne le vois pasturant
Aussi conme cerf ou con pois,
N'enterra viande en mon corps ;
Ne jamais ne quier, c'est la somme,
A femme parler ny a homme. 71 5
Dès maintenant vueil conmencier
Ce que jamais ne quier laissier,
C'est aler men aval ce boys
A quatre piez. Sire, qui vois
1 l8 MIRACLE DE XXX
720 Les cuers et congnois les pensées
Avant qu"'elles soient pensées, Lais moy telle penance emprendre Qu'en la fin je te puisse rendre L'ame de pechié pure et monde,
725 Père, qui de nient tout le monde
Feis, je te lo et gracy
De ce que trouver me fais cy
Un grant arbre dont le creux font
Jusques en terre bien parfont.
780 M'abitacion en feray
Ne point d'autre maison n'aray ; Bouter m'y veul.
La femme Robert, biau frère, trop me deul Par les costez et par les rains. ■ 735 Par amour, alez me querre, ains
Que je face ne brait ne cry, La ventrière, je vous em pri ; Ma chamberiére demourra, log b
Que je ne scé qu'il m'avenra.
740 Tant sçay je bien, selon mon sens,
Que les maux d'avoir enfans sens.
Faites bonne erre.
Le mari Volentiers. Je la vous vois querre, Ma suer, ne vous corrouciez pas.
745 Gertrus, venez ysnel le pas
A ma compaigne.
