HYPOCRISIE

Quant à cette nouvelle vertu de feinctise et dissimulation, qui est à cette heure si fort en crédit, je la hais capitalement ; et de touts les vices, je n'en treuve aulcun qui tesmoigne tant de lascheté et bassesse de cœur. C'est une humeur couarde et servile de s'aller desguiser et cacher soubs un masque, et de n'oser se faire veoir tel qu'on est ; par là nos hommes se dressent à la perfidie ; estants duicts à produire des paroles faulses, ils ne font pas conscience

d'y manquer. Un cœur généreux ne doibt point desmentir ses pensées ; il se veult faire veoir jusques au dedans ; tout y est bon, ou au moins, tout y est humain.