LES DEMI-SAVANTS

Des esprits simples, moins curieux et moinsinstruicts,ils'enfaictde bons chrestiens, qui, par révérence et obéissance, croyent simplement, et se maintiennent soubs les loix.

Lesgrands esprits, plus rassis et clairvoyants, font un aultre genre de biencroyants; lesquels, par longue et religieuse investigation, pénètrent une plus profonde et abstruse lumière ez Escriptures, et sentent le mystérieux et divin secret de nostre police ecclésiastique.

Les païsans simples sont honnestes gents ; et honnestes gents, les philosophes, ou, selon que

nostre temps les nomme, des natures fortes et claires, enrichies d'une large instruction de sciences utiles.

Les mestis, qui ont desdaigné le premier siège de l'ignorance des lettres, et n'ont peu joindre l'aultre (le cul entre deux selles), sont dangereux, ineptes, importuns; ceulx cy troublent le monde.