Quand et, eu même temps que, avec

S. Et la tint embrassée.

4. Accueil. Recueil avait alors le double sens de collection et d'accueil.

AMYOT. 'il

l'endu le plus effroyable, faisant veoir à moy mon fllz, et à celle cy son mary , assiégeant les murailles de son propre païs, tellement que ce qui est à toutes autres le souvei'ain réconfort en leurs adversitez, de prier et invoquer les dieux à leur secours, c'est ce qui nous met en plus grande perplexité, pource que nous ne leur sçaurions demander en noz prières victoire à nostre païs et préservation de ta vie tout ensemble, ains toutes les plus griefves malédictions que sçauroit imaginer contre nous un ennemy sont nécessairement encloses en noz oraisons, pource qu'il est force' à ta femme et à tes enfans qu'ilz soient privez de l'un des deux, ou de toy, ou de leurs païs : car quant à moy, ie ne suis pas délibérée- d'attendre que la fortune, moy vivante, décide l'issue de ceste guerre : car si ie ne te puis persuader que tu vueilles plus tost bien faire à toutes les deux parties -^ que d'en ruiner et destruire l'une, en préférant amitié et concorde aux misères et calamitez de la guerre, ie veux bien que tu saches et le tienes pour asseuré que tu n'iras iamais assaillir ny combattre ton païs que premièrement tu ne passes par dessus le corps de celle qui t'a mis en ce monde, et ne doy ' point différer iusques à veoir le iour, ou que mon fllz prisonnier soit mené en triumphe par ses citoieus, ou que luy mesme triumphe de son païs.

« Or, si ainsi estoit que ie te requisse de sauver ton païs en destruisant les Volsques, ce te seroit certainement une délibération trop malaisée à résoudre : car, comme il n'est point licite de ruiner ton païs, aussi n'est-il point iuste de trahir ceulx qui se sont flez en toy. Mais ce que ie te demande est une délivrance de maulx, laquelle est également profitable et salutaire à l'un et à l'autre peuple, mais plus honorable aux Volsques, pource qu'il semblera qu'aians la victoire en la main, ilz nous auront de grâce donné deux souverains biens, la paix et l'amitié, encore qu'ilz n'en prennent pas moins pour eulx, duquel bien tu seras principal autlieur, s'il se fait; et, s'il ne se fait, tu en auras seul le reproche et le blasme total envers l'une et l'autre des