HENRI ESTIENNE

l'admonesta de se lever, et recommencea à luy dire les mesmes paroles qu'il luy avoit dittes auparavant, luy promettant qu'il moyeneroit ^' sa paix avec Antipater. Adonc Demostlienes sentant que le poison avoit desjà pris et gaigné sur luy, se desaffubla, et regardant Arciiias fermement au visage, luy dit. « Or joue maintenant quand tu vouldras le roUe de Creon ^^, et fais jetter ce mien corps aux chiens, sans permettre qu'on luy donne sépulture. Quant à moy, ô Sire Neptune, je sors de ton temple estant encore vif, pour ne le prophaner de ma mort; mais Antipater et les Macédoniens n'ont pas espargné ton sanctuaire, qu'ilz ne l'ayent poilu de meurtre ^^. » Ayant proféré ces paroles, il dit que Ion le sousteinst par dessoubz les aixelles ~% pource qu'il commenceoit desjà fort à trembler sur ses pieds, et en cuidanb marcher, ainsi qu'il passoit au long de l'autel de Neptune, il tumba en terre, là où en jettant un souspir il rendit l'esprit.

{Vie de Demosfhenes, XLI, XLII, XLIII.)