nilLIPPE DE COMMINËS

il est digne de grant louenge ; veu qu'ilz sont plus enclins en toutes choses volontaires que aultres hommes, tant pour la nourriture et petit chastoy * que ilz ont eu en leur jeunesse, que pour ce que, venans en l'eage d'homme, la plu spart des gens taschent a leur complaire, et a leurs co mplexions et conditions.

Et pour ce que je ne vouldroye point mentir, se pourroit faire que en quelque endroict de cest escript se pourroit trouver quelque chose qui du tout ne seroit a sa louenge ; mais j'ay espérance que ceulx qui le liront considéreront les raisons dessusdictes. Et tant ose je bien dire de luy, a son loz 2, qu'il ne me semble pas que jamais j'aye congncu nul prince ou il y eust moins de vices que en luy, a regarderie tout. Si ay je eu autant de congnoissance de grans princes, et autant de communication avec eulx, que nul homme qui ait esté en France de mon temps, tant de ceulx qui ont régné en ce royaulme, que en Bretaigne et en ces parties de Flandres, en Allemaigne, Angleterre, Espaigne^ Portingal et Italie, tant seigneurs temporelz que spirituelz, que de plusieurs dont je n'ay eu la veue, mais congnoissance par communications de leurs ambassades, par lettres et par leurs instructions, par quoy on peult assez avoir d'informations de leur nature et condition.

Sur Tambition et la mort des grands.

Or voiez vous la mort de tant de grans hommes, en si peu de temps, qui tant ont travaillé pour s'acroistre et pour avoir gloire et tant en ont souffert de passions et de peynes, et abrégé leurs vies, et par adventure leurs âmes en pourront souffrir... De nostre roy, j'ay espérance (comme j'ay dit) que Nostre Sv%neur ait eu miséricorde de luy, et aura il des autres, s'il luy plaist.