Correctioa — 2 Louange

QUINZIEME SIECLE. iW

Mais, a parler naturellement (comme homme qui n'a grant sens naturel ne acquis, mais quelque peu d'esperience), ne luy eust il point myeulx vallu et a tous autres princes et honnies de moyen estât, qui ont vescu soubz ces grans, et vivront soubz ceulx qui régnent, eslire le moyen chemyn en ces choses? C'est assavoir moins se soucier et moins se travailler, et entreprendre moins de choses : plus craindre a offenser Dieu, et a persécuter le peuple et leurs voisins, par tant de voyes cruelles que assez ay desclairées par cy devant, et prendre des aises et plaisirs honnestes! Leurs vies en seroient plus longues; les malladies en viendroient plus tard ; et leur mort en seroit plus regrettée et de plus de gens, et moins désirée; et auroient moins de doubte ^ de la mort.

Pourroit l'on veoir de plus beaux exemples pour congnoistre que c'est peu de chose que de l'homme, et que ceste vie est misérable et briefve, et que ce n'est riens des grans ne des petiz dés ce qu'ilz sont mors : que tout homme en a le corps en horreur et en vitupère ', et qu'il fault que l'ame, sur l'heure qu'elle se sépare d'eulx, aille recevoir son jugement. Et ja ^ la sentence est donnée selon les œuvres et mérites du corps.