TRADUCTION FRANÇAISE

du Frère Pierre Ferget, docteur en théologie de l'ordre

des Augustins du couvent de Lyon.

Cy commence le procès Bellia (sic), etc. : fin. p. 364 r°. — Imprimé a Lyon sur le Rosne par honnorable Mathis Husz l'an de grâce mil cccclxxxiiii (1484), et le XX» jour de Mars a esté finy ce présent livre. — (B. de l'Arsenal, B. 4. 18, 260 in-fol., p. 331, dernière ligne.) - (Autre édition, B. Nat. Réserve, Y^ 277.) — Comment la Vierge Marie prie pour tous pécheurs.

Comparez le texte du Jutgamen gênerai rouergat, f. 233.

La glorieuse Vierge Marie toute droicte se leva en faisant honneur a celuy qui est son père et son filz, son Dieu et son créateur, et lui dist : « Mon filz, je te veulx demander une petite requeste, en toy priant que tu ne faces confusion en moy refusant devant ceste grande compagnie. > — Respondit le roy : • Ma mère, demandés ce qu'il vous plaira, car il n'est pas licite que je destourne ma face de devers vous. » — Adoncques, doulcement elle luy dist : « Mon chier filz, toy qui es Dieu et homme, je, ta povre servante, t'ay alecté de ma mamelle pleine de lait celestial, et ay conversé avecques toy croissant au monde, j'ay veu que jamais tu ne as destourné ta face des pécheurs, mais as beu, mengé et conversé avecques eulx, laquelle chose les Juifz te ont improperé, et tu leur as respondu que tu n'es pas venu appeller les justes, mais les pécheurs, c'est a dire que tu ne es pas venu au monde pour les justes, mais pour les pécheurs. Et iceulx mauvais crestiens grandement contre toy ont péché, mais encores plus grandement ont péché tes frères, les Juifz, lesquels te ont crucifié et blasphémé. Toutesfois, tu estant en l'arbre de la croix, tu leur pardonnas et si prias ton père en disant : « Pater ignosce eis quia nesciunt quid Jaciunt. » Par plus forte raison, tu dois pardonner a tes povres crestiens, lesquels tousjours ont eu douleur de ta passion, et si me ont honnoré pour honneur de toy, et sy ont accompli les œuvres de miséricorde en faisant jeusnes, aulmosnes et oraisons; et ainsi comme ilz ont fait miséricorde en terre, je te prye que tu leur faces miséricorde au ciel. Item, je te prie que, s'il te plaist, tu retournes Lucifer et toute la ruyne des anges en la grâce de ton père, car le povre Lucifer et ses compaignons grandement désirent avoir grâce et miséricorde. » — Respondra le roy et dira a sa mère : « Pourquoy, mère, demandez vous pour Lucifer et la ruyne des anges la grâce de mon père, lequel ilz ont voulu defrauder et usurper de son royaulme par leur

orgueil et maintenant quierent semblablement de me expellir de mon règne et seigneurie ? »