PASSION FRANÇAISE DE

(B. DE l'Arsenal, 2038, fol. 16, r", etc., voir p. 256). Les quatre jrequestes de Nostre Dame a Jésus. ^

Cf. Greban, p. 213-215, v. 16423-16638.

Mercredi demoura Jhesus en Bethanie en celle maison de Marthe avecque sa tendre mère, si comme le jour devant promis lui avoit en la consolant et reconfortant sur le mistere de sa glorieuse passion. Et croiez que celui jour ilz dirent l'un a l'autre moult de douces et piteuses paroles que l'en ne treuve pas escriptes. Touttesfois entre les autres l'en treuve escriptes aucunes paroUes et requestes que la Vierge Marie dist celui jour a son tresdoulz et amé filz, disant en ceste manière :

(( Beau filz, je sçay que la tin pour quoy tu as en moy prins char humainne ce a esté pour racheter humainne lignée, et je ne vueilpas ce empescher, comme autresfois je l'ay dit et aussi tu le scés bien, qui le secret de tous cueurs congnois clerement. Mais considère que vecy le ventre qui t'a porté ; vecy la poitrine dont tu as esté alaicté. Vecy la mère quy pour toy garder, tant en l'aler et retourner d'Egipte pour le temps que l'ange me commanda de fuir la fureur de Herode comme depuis, a souffert tant de labours, de paours et de doullours qu'il te plaise de moy octroier à tout le moins l'une des quatre choses que ie te vueil humblement requerre.

La première chose est que ce rachat qu'i[l] te plaist a faire de l'umain lignage tu le faces sans mort souffrir et endurer, considéré que lu le peulx faire. La seconde chose que je te requier si est, se autrement ne peult estre qu'il ne te conviengne mort et passion souffrir, au moins que celle mort soit sans douUeur et affliction. La tierce chose si est, se tu ne veulx ce fere. que ne seuffres mort douloureuse, fay moy ceste grâce que je meure avant que je voye ta mort. La quarte si est, se tout [ce] ne me veulx octroyer, ne aucune des choses dessus dictes, a tout le moins fay pour celui temps que je soye insensible comme une pierre, et que je n'aye connaissance ne aucun sentiment de ta mort et passion. He ! mon tresdoulx enffant, je n'ay pas desservi, s'il te plest, que au moings je n'aye par ta bonne grâce et pitié l'une de ces quatre choses ou demandes qui toutes te sont possibles ».

Respondit son doulx filz Jhesu très humblement et lui dist : « Ma très