I. Titre ajouté par 1 éditeur

doalce et tendre mère, il est vray que chascune des quatre demandes m'est possible, mais ne te doyt troubler se ne te les vueil octroyer, car il n'y a aucunes d'icelles qui n'enclouent ^ en leur octroy aucun inconvénient, ou, a tout le moins, ce n'est pas chose convenable. Ma doulce mère, tu scés bien que, toutes les escriptures escriptes parlans de la mort de l'Aignel et [de] autres choses qui ont esté dictes de moy, que il fault qu'elles soient en moy acomplies. C'est aussi chose convenable que moy qui suis vraye vye doye souffrir une mort, affin que humainne lignée soit de moy rachetée. Le second n'affîert- a octroyer, car ainssi comme depuis Adam ont tous péché, aussi appartient il que moy, qui dois porter la peine du péché pour homme saulver, soye pugnis en tous mes membres et tous mes os, et, autant comme il y a des os en mon corps d'omme, autant me convient il souffrir de playes principalles pour faire satisfacion. Le tiers ne loist'' à octroier, car, ma tendre mère, je ne te garderoye pas l'onneur naturelle'*, car si tu mouroies avant ma mort, il fauldroit ton ame desscndre ou limbe avec les âmes des patriarches et sains pères pour atendre mon assension ou ciel, avant que tu peusses entrer ou royaume de paradis, ce que je ne vueil souffrir ; ains, ma tresdoulce mère, quant l'eure de ton trespas sera venue, je vienderay prendre ton ame et la remecteray en ton précieux corps et, ainsy ressuscitee, je t'emporterai avec grant multitude de mes angelz laissus en mon royaume et te mecteray a ma dextre, royne pardurablement couronnée.

Ne le quart ne doy [ge] octroyer, car que toy qui es mère tant amoureuse et sur moi piteuse, ne doyes partir a mes doulleurs, ce ne seroit pas droicture de nature, mais, en ce prens reconfort, car ceste douUeur que tu avras de ma mort et passion te sera récompensée en la tienne, tu ne sentiras ne mal ne douUeur, néant plus que une personne qui s'endort paisiblement. »

Et en icelles semblables paroUes occupperent celuy mercredy, car celuy mercredi Jhesu se tint avec sa mère douleureuse, comme promis lui avoit et ne ala point ou temple de Iherusalem, comme il avoit fait les autres jours de par avant. Les princes des faulx prestres doubterent que Ihesus ne s'en voulsist aller en autres contrées; par la doubte d'iceulx, Juifs s'en assemblèrent celui mercredi et firent le tiers conseil qui fut moult grant et gênerai.