SELON LA SENTENCE DU PHILOSOPHE ARISTOTE

Les quatre requestes de Nostre Dame a Jésus.

(Bib. Nat. Ms. fr. 968 f. 10 r. à 11 r»; 969 f. 12 v° à 1320.— Nous reproduirons le texte de la Passion... hystoriée, 1490 (B. Nat. Réserve, H 1106 fol. b. iij r°) entièrement conforme pour ce passage aux manuscrits précités).

« Mon tresdoulz filz, tu scèz ' que tu as prins chair humainne en moy pour racheter l'umain lignaige, et ce ne vueil je pas eropescher. Mais je te prie que une petite demande me vueilles octroyer. Tu scèz que veez cy le ventre qui t'a porté, veez cy les mamelles qui t'ont alaicté. Veez cy la femme qui t'a en ton enfance si soigneusement gardé et a toy garder a moult labouré. Tu scèz que corporellement - avec toy m'en fuys en Egypte. Et pour la paour du roy Herode, nous nous despartismes, et que j'ay tousjours esté participante de ta joye et de ta tristesse. Et pourtant doncques, je te requier, mon très doulx enfant, que tu me octroyés l'une de ces demandes. C'est assavoir que tu faces tant que sans mourir tu rachetés l'umain lignaige. Ou, s'il est ainsi que tu vueilles mourir, que ta mort ne soit si cruelle ne de si grant peine. Ou que tu me faces mourir devant que je te voye ainsi mourir. Ou, s'il est ainsi qu'il conviengne que je te voye mourir, que je n'aye ne sens ne entendement non plus que une pierre, affin que je ne puisse sentir ta grande et inestimable douleur, ou aultrement je mourray a grant martire. »

L'enfant en très grande révérence respondit a sa très doulce mère en ceste manière : « Mère très chiere, ge concède très bien que toutes ces choses cy que tu m'as demandées, si elles m'estoyent possibles, très voulentiers et de bon cueur le feroye. Mais pour certain, ce ne seroit chose convenable a moy de le te octroyer. Et tant que a la première demande, c'est certain que je dois souffrir mort. Car ainsi estoit ordonné avant que je devenisse homme. Après tous les prophètes ont dit que je devoye mort souffrir; et ce n'est pas chose raisonnable que je voyse a

1. Les Ms. et l'imprimé donnent tous : tu scèz, au lieu de je scay, comme la Passion de 1398.

2. Ms. 968. fol. 10 vo, « que corporellement avec toy je fu en Egypte quand pour la paour du roy Herode .... »

262 LA PASsiox

rencontre dos escriptures. Carlsaye^ si a dit que je dois estre mené au maist-au pour estre occis et estre mis a mort comme une brebis et que je ne dois dire mot non plus que ung aignel. Et en après, tant que a la seconde demande, c'est chose convenable que je souffre mort 1res angoisseuse. Car, comme qu'il soit ainsi que ung chascun par son péché aye desservi peyne et mort, moy qui vueil soutTrir mort non pas pour le péché d'ung, ne de deux, mais pour le péché de tous, c'est chose convenable que ma mort pardessus toutes les aultres mors soit douloureuse et de grant peyne. En après, quant a la tierce demande, saches, dame, que ce n'est pas raison que lu meures devant moy. Mais je doy entrer le premier en ma gloire pour l'Escripture acomplir. Et, tantost que je soi'ay vpim avec mon père, je appareilleray ton lieu a ma dextre, et seras eslevee au trosne de Dieu. Et tant comme a la quarte demande, dame, ce n'est pas raison que une si digne créature comme vous estes, que je luy oste les perfections de son ame, c'est assavoir son sens et son entendement. Mais sachez, mère, que se en ma mort vous souffres aucune douleur et peyne, que a la vostre, elle vous sera rémunérée, car vous n'y souffrerés pas douleur comme les aultres. »

Et ainsi le benoist Ihesus saulveur de tout le monde reconforta sa benoisle et doulce mère.

Comment les Juifz cuydoient que Ihesus s'en fust fouy, pour tant que il ne alla pa-i le mercredi a Iherusalem.

I. (-ette citation d'Isaye, lui, -j : Sicut ovis ad occisionem ducetar, manque dans le texte de 1398 et est pourtant donnée par Greban, p. ai5, v. i6554, mais elle est extrêmement commune, et il a pu la trouver partout, à la différence de la première citation, Hos filios emitrivi, expliquée plus haut, p, 25i.