S. PIERRE, S. POL , S. JEHAN, S. DENIS

Doulz Jhésucrist, dévotement

Vous en prions et supplions.

JHÉSUS

Levez suz, nous ly pctroions Cen qu'à présent veult demander , Et ly entendons à mander Par noslre archange Gabriel.

nostre-dame et les sains , à coûtes et à genous. Gloire à vous, doulz Emmanuel!

Lors se lièvent et voisent soer.

JHÉSUS

Tu Gabriel, liève sus, liève.

Va tost, sy diz à Geneviève Que j'ay oyc sa réqueste.

S. GABRIEL

Sire Diex, g'y voiz à grant feste.

Cy voise et quant il sera veau sy die :

Geneviève, en Dieu te conforte ; Par toy salut au pueple aporte.

Enorte lez de Dieu ourer Et de leurs grans péchiez plourer Par quoy Dieu à tourment les livre ; Désormez prenent à bien vivre. Dy-leur qu'ilz ne bougent leurs biens, Car Paris n'ara mal en riens , Maiz lez lieuz où ilz ont fiance Seront par péchié à meschance:

A Dieu soiez, je m'en revoiz.

Lors sans fevoise sans chanter.

SAINTE GENEVIÈVE , à jointes mains et à genous. Très doulz Dieu, de cuer et de voiz Grâces vous rend tant com je puis Dez biens que me faites , et puis Qu'à cest fait vous plaist cy m'eslire, Vueilliez-moy garder et conduire.

Lors se liève en estant et die au pueple d'environ.

Doulces gens, oyies avez Les tribulàcions du monde, Et la cause est, vous le savez , L'iniquité qui y abonde.

Pour Dieu , chascun nétoie et monde Sez meurs , s'âme , sa conscience, Sy par vie nete et munde Puisse eschivoir tel pestilence.

Par espécial vous , mez dames , .

Contre ceste turbacion , Contre ces hontes et diffames , En jeûnes, en afflictions , En lermes et en oroison Espandez devant Dieu voz âmes , Comme firent en leur saison Judith, Hester, .11. saintes famés, Et sy dites à vos maris Qu'ilz ne muent point domicile Ne qu'il ne bougent de Paris Leur richeces ne leur famille, Car Dieu sy gardera la ville ; Mais lez fors seront amenliz ,

( DE SAINTE GENEVIÈVE. 2o3

Prins et abandonnez à pille , Où cuident estre garentis.