LE PREMIER BOURGOYS
Biaulz seigneurs, nous sommes trais.
Il est venu en cest pais Une sorcière, une béguine, Qui prophétise, qui devine , Qui dit que Paris n'ara garde.
LE SECOND
Et qui est ore ceste oustarde Qui dist les choses à venir?
Ysaye ne puet tenir Que nulz les sache nullement Fors le devin entendement, Se Dieu par inspiracion N'en fait édification.
De quoy se va-elle entremette »
Qui de clergie ne scet letre , Ou se lez letres lit et conte Sy ne scet-elle à quoy ce monte?
S'un frère cordier ly a dite La vie sainte Marguerite , Scet-elle pourtant toute science ; Je vous en diray ma sentence :
Soit jetée et noiée en Saine !
LE TIERS
Ce seroit trop legière paine :
Soit lapidée à grosses pierres , Car, par la foy que doy saint Pierres , De telz merdes trop enduron;
2o4 LES MIRACLES
Ou s'el a maison ne buron ,
Je conseille que là soit mise
Trestoute nue en la chemièc ,
Liée â cordes fort et ferme,
Puis boutons sans mètre autre terme
Le feu en tour et environ.
LE PREMIER
Seigneurs, ces chemins pas n'ijron :
Le prince tantost le saroit Qui à amende nous trairoit.' Vecy, faisons faire une fosse En my un champ de pois en cosse , Puis par aucun blandissement La menon là tout covement :
Sy l'enfouirons toute viye.
trotemenu , en monstrant l'archidiacre.
Vecy un seigneur qui arrive Qui vousist bien parler à vous.
l'archediacre d'aucerre.
Diex vous gart, mes seigneurs , trestous !
LEZ BOURGOÏS.
Vous soiez le bienvenu , sire.
l'archediacre.
Seigneurs , je me suis lessié dire Que vous traitiez de Genevote, Damoysele sainte et dévote, De quel mort la pourrez tuer.
Pour Jhésucrit vueilliez muer Vostre propos qui trop forvoie ; Car vrayement présens cstoie
DE SAINTE GENEVIÈVE. 2o5
Quant bien près decy, à Nanterre,
Monseigneur saint Germain d'Aucerre
Enmy le pueple de la ville
La vierge vit , qui jeune fille
Estoit adonc , et l'apela.
Le Saint-Espérit ly révéla *
Que lez anges sollennité
Firent en sa nativité , '
Et qu'elle estoit de Dieu eslite
Vierge sainte et de grant mérite ,
Et que mainte maise personne
Par sa bonté devendroit bonne,
Et que malade et enferme
Par elle seroit fort et ferme.
Il ly donna sa benéiçon
Et ly bailla une liçon
Que la vierge a bien retenue ;
Car elle c'est tousjours tenue
En vraye foy, en charité,
Et en humble virginité.
Sans joliveté, sans coiiïtise,
Songneusement hanté l'église
A jour ouvrable,- à jour de feste.
Conversation mai ne honneste ,
En aumosnes, en oroison,
En jeûnent, en toutes saisons ,
En pein d'orge et en yaue froide.
Qui a le cuer sy dur, sy roide ,
Que de telle dame il mesdie?
Pour le pueple adèz pleure et prie ,
2o6 LES MIRACLES
Miracles fait sy en apert, Sy inerveillielz que bien apert Qu'elle est et vraye et bonne et pure Et que Dieu l'a prinse en sa cure; Car nui ne pourroit faire certes , Vertus sy nobles, sy appertes, Sans Potroy 5 faveur et aidence De Dieu qui a toute puissance.
Monseigneur saint Remy de Reiqs , Saint Lou de Troies, plusieurs sains Et mainte autre bonne personne La tiennent à merveillez bonne Et de sy excellente vie Qu'el a l'espcrit de prophécie.
Saint Germain l'amoit tendrement Qui savoit son contenement , Qui par moy maint salut ly mende Et grandement se recommande En sez oroisons et prières ; Syque, mes seigneurs débonnaires.
Pour Jhésucrist vueilliez cesser , Vous repentir et confesser, Car il vous en pourroit mal prendre.
LE PREMIER
Sire, Diex le vous vueille rendre !
Nous nous cesserons volentiers.
Nous alions lez maulz sentiers Se Dieu ne vous eust amené.
LE SECOND
Dieu vous a à nous assené;
Car, certes perdue Fussions , Et après ce perdus fussions ; Mais je voy bien que Dieu l'a chière, Et que Diex en mainte manière Seult deffendre et garder lez siens.
LE TIERS
Vous l'avez rescouce dez chiens, Chier sire, et partant je croy bien Que c'est une famé de bien.
Diex la vueiile es cielx couronner, Qui nous vueiile tout pardonner.
Sire, nous ly obéiron Et son vouloir acompliron Puisque vous le nous conseilliez.
l'archediacre.
Loé soit Dieu! j'en suis bien liez; A Dieu, seigneurs.
LES BOURGOIS
Adieu, chier sire ; Venez boire.
