PRÉFACE. XLVII

de la vit Monseigneur saint Martin, et que tous joueurs se rendissent au moustier du dit Seurre. Incontinent le monde se retira aux eschaffaulx, les dits joueurs aussi où ils debvoient,- et puis furent mys en ordre, par le dit maistre Andrieu selon le registre, et marchoient avant à sons* de trompetes, clerons, bussines, orgues, harpes, tabou rins et aultres bas et haulx instrumens, jouans de tous costez, jusques sur le dit parc, faisant leur tour comme en tel cas est requis, qui estoit une si gorrine et si très sumptueuse besongne , qu'il n'est pas possible à entendement d'omme de le savoir eseripre, tant estoit la chose belle et magniffique. Ce faict chacun se retira à son enseigne ; et commancèrent les deux messagiers à ouvrir le jeu ainsi que au devant de ce présent registre est escript ; puis après commença à parler Luciffer, pendant lequel parlement celuy qui jouoit le personnaige de Sathan ainsi qu'il volut sortir de son secret par dessoubz terre, le feu se prist à son habit autour des fesses, tellement qu'il fut fort bruslé ; mais il fut si soubdaynement secouru, devestu et rabillé, que sans faire semblant de rien, vint jouer son personnaige ; puis se retira en sa maison. De ceste chose furent moult fort espoventez les dits joueurs ; car ils pensoyent que puisque au commencement incontinent les assailloit, que la fin s'enensuivroit. Toutefois moyennant l'ayde de mondit seigneur saint Martin, qui prist la conduyte de la matière en ses mains , les choses allèrent trop mieulx cent foys que Ton ne pensoit. Après ces choses le père, la mère saint Martin avecques leurs gens marchèrent oudit parc, et firent ung commancement si très veyf, que tout le monde tant les joueurs que les assistans furent moult esbahis et défait. En abolissant la cremeur devant dicte, lesdit joueurs prindrent une telle hardiesse et audasse en eulx, qu'onques lyon en sa taynyère ne meurtrier en un boys ne furent jamais plus fiers ne mieulx assurez qu'ils estoient quant Hz jouoient.

On commença ceste matinée entre sept et huit heures du matin, et finist-on entre unze et douze. Pour le commencement de l'après dis-

née, qui fut à une heure, le dit Sathan revint jouer son personnage, et pour son excuse dist à Luciffer :

Malle mort te puisse avorter, Paillart, fils de putain cognu, Pour à mal faire t'en orter Je me suis tout brûlé le cul.

et puis parfist son parsonnage pour celle clause et les autres joueurs, ' ensuivant chascun selon son office. Puis firent pau?e pour aller