S. ÉLEUTHÈRE

Prévost, nous aourons tous trois .1. seul Dieu en triple personne.

FESCENNIN.

Je ne vueil point qu'on me jargonne

De telz fatras ; ilz sont quassez :

J'en ay oy à Romme assez.

Tu , fol viellârt , faulâ garnement

Qui envenimes et enlaces

Les simples gens par tes falaces,

Dy-moy, et garde que diras,

S'a l'emperière obéiras?

Respon de plain et orendroit.

LAROE , famé Lisbie.

Ha! monseigneur, vostre aide en droit !

Ce larron a sv desvoié Mon baron , qu'il a renoié Nostre Dieu souverain , Mercure. De la loy ne de moy n'a cure , Sire, car y vueilliez veillier.

FESCENNIN.

Je n'ay talent de sommeillier.

Or tost alez son mary querre.

LES SERGENS

Sire , nous y alons bonne erre.

Cy voisent à Lisbie.

HUMEBROUET.

Je mez la main à vous, Lisbie,

LISBIE.

Jhésus qui fu né de Marie, Amis, vous vueille convertir !

MENJUMATIN.

Nous voulez-vous jà pervertir, Fauls usuriez?"Vous y mourrez.

LISBIE.

Seigneurs, alons où vous vourrez.

Cy le meinent au Prévost.