LE SECOND CHEVALIER
Or tost , alarme ! qu'est-ce là ?
Quel ha hay est-ce que vous faites/ Nous est emblez ce fault prophètes!
Lessiez-moy regarder le lieu.
Il est emblez, par le grant Dieu; Certainement enchentez sommes.
LE TIERS CHEVALIER
Sanz double s'ont fait cez faiilz homes (}ui l'ont tost adèz poursui.
Mal nous endormismes huy, Paine et honte nous en vendra.
Au maistre de la loy laura Que tantost leur aillons dire.
LE PREMIER
Vous ne vous povez escondiie < )ue ce ne soit h vostre tort :
Vous VOUS endormistes sy fort Touz .111. que point vous n'entendiez Au monument que vous gardiez ; Je le voy bien^ c'est chose apperle.
LE SECOND
Plus de honte avez en la perle Du prophète que nous grant some; Car tant dormiez à forte somme Qu'en vérité ce fut mal fait.
LE TIERS
Tout .III. somes partant du tait :
Ce mal en vient, je n'en puis mez ; Mez plus ne seray cy huy mez Que ysnellement je ne m'en voise.
LE PREMIER
Se vous fiiites plus plait ne noise Au maistres et ne le celez , Traïstez serez apelez A touz jours mez et à tous temps.
LE SECOND
Gériez jà pour vostre compens Au maistres ne le seleray, Mez vérité leur en diray Que qu'il en doie avenir.
LE TIERS
Du dire ne vous doit souvenir, Car par le corps vous ferroie Ceste espée se je véoie Que mal ne péril en eusse.