II
LE PREMIER
Se je penssoie qu'accusé fusse, Je vous occiroie touz .11., A qui qu'en deust estre li deulz , Ne le meschief , ne le courroux.
LE SECOND
Ains qu'ocis aiez nulz de nous Vous abatroie cy mort tout cov.
Se plus dites ne ce ne quov.
Et sy arez ce cob premier, En férant.
Et cest autre pour abessicr Vostre jeu et voslre bobance.
LE TIERS
Pas ne veul que face ventence Que le premier content raéu Aiez sanz en avoir eu Ta déserte selon le cas.
Or tien! or tien î et ne di pas Que l'en te cresme ne ne doubte.
M'espée ou corps ly metray toute Puis (]u'il a esmeu ceste feste , Ou je li pourfendray la teste Ce m'espée ne ploie ou brise.
Or tien en despit de l'amprise Que maintenant ycy fait as.
LE PREMIER
Fouir m'en fault plus que le pas Ou tout maintenant je suis mort.
DE NOTRE SEIGNEUR. S^l
LE SECOND
Suivons-le, frapons à efort En quelque lieu où il aille.
LE TIERS
Je ferray d'estoc et de taille De mespce sur lui tous jours Sanz y faire plus de séjour.
En frapant l'un sur l'autre et en eulz fuiant.
MAGDELAINE
Mez suers, faisons nostre alée Sanz plus faire de demorée, Et faire d'entre nous chascune Tant cheminer par voie aucune Aux plaisir du vray Dieu le père Que le prophète nous apère.
Par cy m'en yray droite voie En .1. jardin, c'on ne me voie Plorer et regreter en plains La douleur dont mon cuer est plains.
Quant ce prophète n'ay trouvé Ou sépulcre où il fut posé, Vraiement moult m'en est grief.
SALOMÉE.
Magdelaine, le terme est brief Qu'en Galilée le devons querre ; Veuillez en voz pleurs Dieu requerre Que trouver le vous doint par grâce.
Cy vous atendrons bonne espasse Jusquezà tant que vous venrez.
JACOBEE.
Tout au plus tost que vous pourrez, Magdelaine, venez à nous Cv endroit; car estre sanz vous Pour certain ne vouions mie.
MAGDELAINE
Marie Jacobée, amie, Ne vous esnoy de ma demeure :
Talant n'ay que sanz vous demeure.
Longuement, de voir, ce sachiez ; Cilz qui guérir puet tout péchiez Ay sy au cuer par souvenance, Qu'en pleurs convient ma contenance Et en regrez qu'en aore, eslre.
Ou iardin où a secret estre
M'en voiz plorer sanz plus attendre , En lui regretant de cuer tendre , Piteusement, sanz vanité.
Cy voise ou jardin plorer, puis die à genoux
Hé! vrais Diex, qui d'umanité Vous vcstistes en corps de famme Pour le monde oster de diffamme, Dont en la croix fustes transsis Sy vraiement que surreccis Este, sv Tansfle tesmoli^ne, Par grâce, veulliez sanz csloigne M'amenistrer réfeccion De vostre résurreccion Qui conforte et resjoisse ,
Car rien ne véisse ne n'oisse.
Cy viegne Dieu à elle et entre Tarbre die
Famme qui par cy vas, que quiers, Nulle chose sy volentiersy hl Ne pourquoy pleure ne lamentes ?
Soubz cest arbre cy te garmentc :
Je ay bien ton pleur entendu.
Et tu voiz pour quoy pleure lu, Et sy trez forment et gémiz?
MAGDELÂINE.
Sire, quar je ne scay où mis
Est le corps de mon vray seigneur
Qui pitié ot de moy greigneur,
Que déservy j« ne l'avoie
De pechié me véa la voie
Et deffendy que n'y rentrasse,
Et à ly quar me monstrasse
De sy prèz qu'à sez piez ploray,
Et de mez lermes l'essuay.
Et essuay de mez cheveux;
Sy te prie, sire, se tu veulz,
Se tu scez par nulle ensaignes
Là où il soit, sy le m'ensaigncs :
Certainement querre l'iray.
DIEU
Famme, tout le voir t'en diray :
Raboni soiez et séurc, C'est-à-dire que je t'aseurc Le meslrc suis qui agere
Puis tost ; noly me tangere^ Jusqucs à mon père esté aie ; Mez point ne pleure ne t'esmoie, Et vas à mez frères nuncier Et à chascun qu'en ce vergier Me suis devant toy aparu.
Au monument a bien paru Que surrexit soie et levé, Quant tu ne m'y as pas trouvé :
Tout maintenant ainssy m'en vois.
MAGDELAINE
Jhésus, vrais fîlz de Dieu, g'i vois A chascun nuncier lez recors Que touz viz est d'âme et de corps, Car c'est chose créable et ferme.
Cy voise à sez conpaignes et leur die :
Fammes, je vous diz et aferme Le vray prophète crucifix Est tout vivant et surrexis ; Aparu c'est en cest jardin A moy qui trouva sulz .i. pin Pour luy plorant, et sy m'a dit Que je voise sanz contredit Anuncer sa résurreccion Par certaine afirmacion :
Je le vous diz en vérité.
SALOMÉE.
Lasse moy ! que j'ay de pitié De ce qu'avec vous n'alasmes Ou jardin quant cy demorasmcs!
Sy l'eussions veu nous .11. aussy. Jacobée partons de cy ; Sans nul délay, sy le quérons Et faisons que le trouverons :
Je vous dy que nous ferons sanz.
JACOBÉE.
Magdelaine, qui lez a sanz, Savez là où à vous parla :
Se vous penssez où il ala , Mains jointes, de cuer vous en pry, Que nous y menez sans destry; Appertement sy le verrons.
MAGDELMNE.
Suivez-moy, et tant le querrons Que trouvé Tarons sy ly plaist.
Cy voisent entour le champ, et quant ilz seront de costé le pin, die :
MAGDELAINE
Véez cy le pin, mez point n'y est ; .Te croy qu'à son père alez soit :
Bien l'entendi qui le disoit Quant me dist qu'à luy n'atouchassc.
Je m'en tins que ne l'aprochasse Sy tost qu'il m'en ot fait deffence ; Mèz je croy bien que sanz offence Le povons quérir loing et prèz, Sanz mesprendre, tant que plus préz Tant cheminer qu'à lui soions.
SALOMÉE.
Du désir ay que le véons Suis moult esprisc.
JACOBÉE.
De querre avons fait emprise; Sy vous prie n'arrestons pas.
DIEU
Cez .111. famés pas tout de ce pas Alcz ensamble moy quérant :
D'elles me vueil faire apparant; Vers moy ont cucr pileus et doulz.
Cy voise à eulxet die :
\ous .111. famés, que quérez vous?
Dictez le moy ; suis-je celui ?
MVGDELAINE.
Joignons lez mains toutes à lui, Que c'est celui certainement Qui parla à moi doulcement.
Saluer le vueil la première.
A genous :
MAGDELAINE
Filz de Dieu et vraie lumière, Loée soit ta sainte gioii'e!
Tu ez celui qui sanz recoire Et nuit et jour partout quérons.
SALOMÉE.
Roys Jhésus, nous te requérons Pardon et grâce et mercy Quant à nous t'esaparuz cv.
Ta resurreccion très sainte Fait bien h exaucier sanz faintc.
Loée soit et aourée Ta puissance bien éurée,
Sanz point âe dcfincmenî; !
JACOBÉE.
Vrais pères, qui divinement , As la prophécie acomplie, Jointes mains^ de cucr te supplie, Sv voir com je te croy Diex estrc, Que pour nous sauver daignas estre, Que tu nous veulles pardonner Nos péchiez et mercv donner, Car je voy bien que tu ez cilz Qui après mort est surrexis Et joie as au monde aportéc.
De ta grâce reconfortée, Je te prie or nous réconforte.
DIEU
Famé, jh ne te desconforte,
Car je vous doins à toutes .m.
Pardon et veul de niez ottrois
Que de moy soiez absolues.
Et de mez grâces estandues
Soient en voz cuers fermement.
Or alez par afermemcnt
Révéler de cucr provéu
Partout, quarvous m'avez véu.
Ce de mez apostres trouvez,
Séurement lez aprouvez
Qu'en Galilée orront nouvelles
De moy qui moult leur seront belles,
Et je vous doint ma benéiçon
Et sy voiz hors de soppeçon
Oster Pierre qui pour moy pleure En une fosse où il demeure ; Mais ma mère conforteray Ainçois et revisiteray En penssée et en espérance.
Plus ne feray cy demorance :
Partez vous en que je m'en part Et m'en vois tout droit celle part Là où conté et dit vous ay.
MAGDELAINE
Sire, jamez ne cesseray De vostre nom certefier, Exaucier, glorifier, Certainement tant com pourray.
SALOMÉE.
Tout ainssy faire le vouray De cuer, de voiz et d'espérance Et garic m'as mon espérance, Et mise hors de grant destresse.
JACOBÉE.
Sa puissance, saintisme hauUesse, Exauceray de cuer dévost Et ce qu'a nous monstrer ce vost Et pardon de noz péchiez faire; Car en plus gloriex afaire Pour vérité aler ne puis.
MAGDELEINE
Toutes .111. .sanz faindre depuis Qu'il le nous a ainssy chargié Yrons, quant c'est par son congié ,
Sa résurreccion anunssant
En général et exaussant;
Et vous prie que pour l'exellance
De sa loenge , sanz cillance,
Nous esmovons sanz tarder plus,
Chantant : « Te Deuiii laudamus. »
EXPLIClï, EXPLIXIT.
