EN ITALIE
Venise, 13 may 1548.
Lettres Sire, depuis que les gens de 1 empereur sont entrez dedans Plom-
bin , et qu'ilz ont mis bors le seigneur et sa mère, j'ay songneusement considéré la contenance de ces srs et mis peine d'entendre leurs dis-
ilenri il cours là-dessus. Ils en parlent comme de chose qui leur semble merveilleusement estrange, indigne, et portant grande conséquence; ce (pie les Impériaux ayans préveu et les defliances qui s'en pourroient engendrer, ont eu recours aux inventions avec lesquelles ilz ont accoustumé de colorer telz exploitz, faisant semer par toute Italve que l'empereur, sçachantlespracticquessecrettes que l'on fesoit pour mectre Plombin entre les mains de V. M. pour prévenir cet inconvénient, avoit esté contrainct d'y pourveoir par ceste voye , non à autre intention que pour le repoz d'Italye, et de Testât de ses amiz, comme du duc de Florence. J'ay dict à ces srs en secrette audience que quand à l'exploit de Plombin et la conséquence pour la grandeur de l'empereur et absubjecter l'Italye, je n'en voullois rien dire à ceux qui . pour leur intérest, le doibvent le plus près considérer, mais bien sur la mensonge par les Impériaulx controuvée pour servir de prétexte à leur malfaict, estant la jeunesse et innocence du seig1" trop notoire ; sa mère , vieille et sans povoir de nuire , ayant le père commis son filz et son estât à la protection de l'empr et fait davantaige , car Plombin estoit franc, et ne recongnoissant aulcun à seigneur, se fist vassale d'icelluy empr, pensant mieidx asseurer sa maison. Qu'il a esté en la puissance du feu roy vostre père, lorsque l'armée de mer du G. S.
estoit en Provence, s'en faire seigneur comme de chose n'ayant résistance , et sy avoit lors de grandes raisons qui l'admonestoient de s'impatronir desdits lieux; mais plus vallut envers luy la magnanimité de ne voulloir spolier ung enfant; qu'il est notoire à tous, plus de deux ans a , que le duc de Florence faisoit mener ceste practicqne envers l'empr, offrant argent pour le seigr, à quoy n'ayant voidu entendre la mère,ny aussy lessubjectz, on a usé ceste viollence quechascun sçait. Le prince s'étendist par sa responce sur la réputation que V. M., depuis son advénement à la couronne, avoit acquise par sa vertu, comme de coustume, sans rien estreindre ne toucherparticulièrement. Mais, en leurs privez propoz, ils démonstrent sans dissimulation leur malcontentement, et recongnoissenf bien que, par Plombin et l'Elbe, l'empereur se peult dire seigneur de tous les portz de la mer qvii environnent l'Italye , si ce n'est d'Ancône et Hostye , qui luy seront facilles à occuper, s'il se déclare ouvertement contre le pappe, et crue S. S. n'ayt autre ayde que de ses forces; tellement que ayans tenu pour certain, depuis quatre ou cinq mois, que l'empereur avoit tourné tous ses desseins contre V. M. , commencent à rentrer dans leur première craincte , qu'il veuille, ayant assuré les affaires d'Allemaigne , se fermer en Italye. Sur quoy, le légat de S. S. et moy leur remonstrâmes la ruyne impendente au siège aposlolicque, et si les ministres de l'empereur font continuelles practicques pour sustraire ce qu'il/, pourront de Testât de l'église, le pappe vivant, comme on a tenté de Boulongne , on peut juger ce que adviendra S. S. mourant. 11 sera facile à l'empereur se saisir de Testât de l'église pour la voisinance du royaume de Naples , de Testât de Florence et autres lieux à sa dévotion. Pour tant est besoin se allier plus tost avec S. S. crue laisser ledit estât en proie audit empr, les progrès duquel les estonnent merveilleusement, voyant que, sans aucun respect, il tâche, par touttes voies, s'empatronir de tous les lieux qui mieux luy peuvent asseurer la possession d'Italie. Pour ceste cause craignent-ilz qu'estant Gennes plus important à cet effectque nulle autre ville, il se la veuille asseurer, et que au passage de Maximilian pour aller en Espagne ou du
Prince pour venir en Italie , il mette dedans garnison, laquelle tiendra ladicte ville en subjection, bien que le peuple monstre semblant de ne le voulloir comporter. Et seraient pour se résoudre à une ligue si le pappe ne donnoit audience à autres, soit ses enffans ou ses ministres; et si, quant il tient propoz de prince magnanime, n'aiant le cueur sinon à son debvoir, ne leur venoient d'Allemaigne advis que les ministres de S. S. travaillent par tous moyens de le réconcilier avec l'empereur, luy faisant larges offres et promesses pour le faire condescendre à quelque party. Pour le regard de V. M., ils prisent beaucoup le bon ordre et conduitte de ses affaires, voyanz les fortiflications de voz frontières se continuer en dilligence , ce dépost de deniers maintenant faict àftomme; la puissante armée envoyée au secours d'Escosse; toutes lesquelles choses donnent tesmoignage que n'estes despourveu d'argent, et que le voulez employer à bonzusaiges.
\ enise, 28 mai 1548.
Sire, le secrétaire du baille de ces s?8, qui estoit à Zare, est cy venu depuis cinq ou six jours. L'asseurance que l'on me donne de plusieurs endroietz avec la disposition des affaires du Levant, me font croyre que sa venue et son retour ne sont d'aulcun moment pour le regard des choses que l'on disoil il y a troys moys, et vous puis certimer que ces ssrs eussent aultant désiré que nul aultre divertir le G. S. de l'entreprise de Perse. Despuis Pasques on m'advertist chacun jour qu'il \ a gens au guet, en plusieurs lieux entre cy et le pays des Grisons, el faitz continuelle instance à ces sS,s de pourveoir à la seureté des chemins sur leur pays, en quoy ils me promectent toute dilligence et solli citude, et scay bien qu'ils en ont escript et rechargé aux officiers et magistrats sur les lieux. J'estime que ces embûches ont esté et sont principalement pour rencontrer le conte de Pioquendolfe, s'il retourne, ou ceux de Fiesch et autres Genevoys; mais je craindrais merveilleusement que aulcun de vos serviteurs, allans et venans pour vos affaires, encourust aussy en ce danger auquel j'obviens tant
qu'il me sera possible ; néantmoings est-il bien requis qu'ils soient de leur part songneux et advisés. Quant au poinct concernant ces s§is, j'estime qu'il sera plus expédient à l'utilité et réputation de vos affaires ne le tenter poinct que de faire cognoistre la cbose estre suscitée et poursuivye par vos ministres; néantmoings la dextérité de M. d'Aramon et l'opportunité de négocier estant au camp pourra obvier aux inconvéniens.
Il leur desplaît de veoir l'amytié peu asseurée entre vous et leroy d'Angleterre, craignans que voz affaires soient destourbez de cecostélà, et doubtent que si puissante armée de tant de gentilzhommes de qualité ne soyent seulement par vous envoyez pour secourir l'Escosse, mais pour faire entreprise sur l'Angleterre, dont craignent que une guerre s'allume, à laquelle ilz tiennent pour certain que l'empereur stimule et favorise soubz main les Anglois. Mais on leur a satisfait à cella , que vous , sire , ne povez , ne debvez souffrir la ruyne de ce royaume, de laquelle les Anglois, aveuglez et obstinez en leurs passions, n'avoient, par offres ne partis que vous leur eussiez faict, voulu se désister, et que vous n'aviez autre intention que réduire ces deux pays en bonne paix, en laquelle se inclineront d'autant plus les Anglois qu'au lieu d'acquérir un royaume, ilz auront débilité le leur d'hommes et d'argent, et que, s'ilz vous gardoient quelque mauvaise volunté, vous n'en povez mieux empescber les effects maintenant que voz affaires sont de tout autre costez en repoz. Les dernières lettres icy receues de Levant advisentque le G. S. s'advance à grandes journées, et a-on peur qu'il aura faulte de vivres en son camp, mesme d'avoine pour les chevaulx; qu'il est bruict que le sophy est troys journées par deçà Tauris, délibéré d'attendre ledict seigr et faire journée avec iuy en lieu qu'il choisira à son advantage , ayant eslite d'hommes en son exercite, mais non pas comparable en nombre à celui du G. S.
Venise, 5 et 17 juin 1548.
Sire, ces s§rs ont receu advis de Constantinople, du vne may, que
les Géorgiens, lesquels sont chrestiens et subjects du sophy, avoient envoyé ambr au G. S., supplians de les accepter et recepvolr sous son obéissance, chose que l'on estime là advantageuse pour le succez de l'entreprise d'icelluy seigr. M. d'Aramon estoit party pour le suivre. Ces s&rs, voyans qu'aucuns coursayres comme Drogout-Reys , soubz umbre de s'advouer au G. S., infestoient merveilleusement ces mers de deçà, et chascun jour faisoient prise de navires et marchandises sur leurs gentilshommes et autres habitans de cette ville. firent par leur baile remonstrer audict sSr et ses ministres les dommaigesque faisoient lesdits coursayres, et que le seul respect de ne faire chose dont S. H. se peult tenir offencée avoit jusques icy gardé que la seigneurye n'en avoit faict la pugnition telle quilz mériloienl, prianl pour ceste cause, ou réprouver l'insolence de tels pirates, ou, s'ils continuoient leurs maléfices, que le ssr et ses ministres ne fussent malcontentz si ceste seigrie les faisoient chastier et tenir la mer en seureté, allin que librement les marchands peussent exercer leur trafficq de marchandises. Il fut respondu au baile que le G. S. ne voulloit advoueràsoy pirates ne vagabondz, par quoy povoit ceste seig"?, sans le respect qu'elle disoit avoir, faire pugnir tels manières de gens comme bon luv semblerait. Depuis, ung cappitainé de mer de ceste seign"0 a rencontré une fuste de Drogout-Reys, laquelle il a prise et faict pendre les principaulx de ceux qui estoient dedans, dont semble que les ministres du G. S. demeurez au gouvernement de Conslantinople et des provinces de deçà ont faict démonstration au baille d'en estre malcontens ; maintenant ledict Drogout est avec xxn voilles continuellement en course, faisant plusieurs dommaiges contre tous ceulx qu'il trouve foybles. mais spécialement sur les subjects de ces sS". Depuis deux mois ils font beaucoup de mal et dommaige, menassant de pis qu'il pourra pour se venger de l'injure receue en la prise de sa luste , et, s'estant rencontré quatre de leurs gallères avec celles dudict Drogout no sçavent encores nouvelles qu'elles soient devenues, dont ils sont en peyne. Mais dadvantaige sont-ils en leur couraige merveilleusement travaillez qu'ayant de tout temps leur réputation eu son prin-
cipal fondement sur leur puissance de mer, comme encores ilz y sont aussy puissans cpie nul autre prince, de tant que se peult juger la force en apparence, soyt de nombre de gallères et autres vaisseaulx, comme d'armes, artillerye , munitions et tout équippage de mer, ils se voyent néantmoings à présent mesprisez, endommagez et menacez d'ung petit corsaire, ce qu'ils ne peuvent souffrir sans grande diminution de leur estime et réputation envers les hommes, jugeans bien que cette patience sera de cbascun tirée en argument de pusillanimité. Mais ont-ils d'autres respects qui les retiennent, voyans que soubz main icelluy Drogout est favorisé des ministres du s^, et j'estime que ces événemens servent à leur faire appercepvoir que le long repoz sans donner preuve de sa valleur faict décbeoir la réputation.
Venise, 27 juin 1548
Sire, j'ay remonstré à ces s^, pour tousjours les exciter, (pie bien que l'empereur trouve en Allemagne résistance à la plupart de ses voluntez, l'empesebement n'est pas si grand ne si ferme qu'il ne voyse tousjours avec le temps accommodant ses affaires, et se faisant à la fin accorder par moyens obliques ce qu'on lui reiïuse directement. Ores que les contributions de l'empire soient accordéespour certaines causes il est à craindre, si l'empereur peult gaignier ce poinct de faire livrer les deniers et les depposer en quelque lieu, qu'il ne mecte les mains dessus, et en usera après à sa discrétion, faisant ennemy et rebelle de l'empire qui bon lui semblera. Quant a la publication des articles concernans le faict de la religion, il est venu icy nouvelle à diverses fois que ne les Allemans catholiques ny les protestans n approuvoientle contenu de cet intérim, et on s en est assez esjouy, comme de chose tournant à l'empereur tout au rebours de son intention. Car cuydant par ce moyen esclarcir ses affaires et gratimer à l'une et l'autre part, il les a plus embrouillés, et offensé les deux parties. Mais j'ay remonstré à ces s*" qu'il a, ce faisant, ouvert la porte qui introduit désunions et scysme en la chrestienté, et descouvre son
ambition n'estre moindre à usurper l'autorité spirituelle que les choses temporelles, donnant ung signe trop évident qu'il mesure la religion, le droict et la raison par son intérest particulier.
Je vous ay escript le desplaisir que avoient ces s^5 d'aulcunes prises l'aides par Drogout-Reys. Despuis il n'est rien advenu davantaige; ils ont mandé seullement à leur provéditeur de mer faire assembler leurs gallères séparées en divers lieux pour avoir plus de forces unies à tenir les goulfes et plus dangereux passages de ceste mer en seureté, leur deffendant néantmoings de ne rompre avec ledict Drogout, s'ils n'y sont forcez; et semble maintenant que la crainte de faire chose qui engendre trouble au repos de leurs affaires les a inclinez à ce conseil d'appaiser les choses intervenues, les passans soubz dissimulation, plustost que monstrer de s'en voulloir venger.
CessS" ont sceu par lettres de Constantinople du xxmic de may que le sophy se retirait : pour tant espéroit-on que l'entreprise du s?r serait facille et briefve. Ces advis contiennent que ungchaoux venant de la part du G. S. , disoit que le sophy estoit venu jusques sur les conlins du pays d'icelluy s^, avec grosse et puissante armée, bien fourny d'artillerye, délibéré, comme l'on estimoit, de faire journée. Le seigneur aussy s'advance de marcher avec toutes ses forces. Il y a d'aultres advis contraires, que le sophy se retire; ceux qui cognoissent les humeurs du pays n'adjoustent pas grande foya ce qui vient de Constantinople. En l'absence du seigneur, sultan Sélim avoit faicl son entrée à Andrinople; la sultane sa mère et la femme de Roslan- Bassa y debvoient bientost venir. Dedans la fuste de Drogout-Reys prise par l'ung des cappilaines de mer de ces s&\ y avoit un frère ou parent prochain dudict Drogout, lequel fut tué au conflit ou depuis mis à mort, qui est la principale raison pour laquelle ledit Drogout menace tant de se venger ; et d'ailleurs le bassa demeuré à Constantinople en a fait une querelle avec rigoureuses parolles au baillio de ces seigneurs, lesquelz, pour appaiser tout ce malcontentement, démonstrent vouloir bien chastier celluy qui a faict ladicte prise, et l'ont envoyé quérir prisonnier pour respondre de cest exploict.
Venise, 15 et 27 juillet 1548.
Sire, ces s8f5 congnoissent bien quelles conséquences porte la résolution certaine de l'empereur de faire passer de çà le prince d'Espaigne, qu'il ne tasche sinon à le faire continuer en la succession de l'empire, luy mectre le gouvernement entre les mains durant sa vie, affin de le rendre congneu et révéré de ses subjectz et des cappitaines et gens de guerre tant en Allemagne que Italye; ce que faisant, ilz n'auront plus qu'espérer en la mort de l'empereur; car ledit prince, avec peu de fortune et vertu, mainctiendra et accroistra facilement la grandeur du père, qui l'aura introduit, durant sa vie, comme en possession de ses pays et de ses forces, oultre lesquels il aura la jeunesse qui se commect plus hardiment au hasard et est appétante de gloire. El sy n'aura pas à rencontre de soy tant de haine et de malveillance que ledit empereur, lequel a, le premier, opprimé la liberté d'Allemagne et usurpé ce qu'il a pu sur ses voisins. Il semble à ces s's que le pappe . si griefvement offensé qu'il l'a esté en son sang et en sa dignité, spolié du principal bien de sa maison , debvoit avoir présenté la carte blanche aux autres princes pour les tirer à son aide avec tous les partis qu'il leur pourroil offrir. Ains voit-on des apparences en sa conduite qui engendrent deffiance de soy joindre avec luy, si il y avoil moyen de réconciliation. Celuy qui avoil pris la fuste de Drogout-
xReys s'est sauvé se sentant coulpable, car on a trouvé, après inquisition faicle de la vérité, que ayant pris ladicte fuste , il garda ceux
• qui estoient dedans deux jours, et puys les fist mourir par cupidité. Or, par les traictez de paix, si les hommes de cesl estât prennent quelque corsayre , ils le doibvent envoyer à la Porte pont en faire justice. Hz ont député ung secrétaire pour aller jusques au camp dudit sSr faire excuse de cest exploict, affin de luy lever toute suspicion qu'en ces empeschemens et absences lointaines ils voulussent moings fidellement observer l'amityé commune que quand il est à Constantinople en repos.
CORRESPONDANCE DE TURQUIE
IRRIVEE DE M. D'ARAMON AU CAMP DE SOLIMAN II. INCIDENTS DE LA CUERRE DE PERSE.
VOYAGE DE HENRI II EN PIEMONT. — CONVENTION SECRÈTE AVEC DRAC.IJT POUR ENLEVER
