PAR L'EMPEREUR
Venise, 3 janvier 1549.
Letires Sire, selon quelques advis, envoyez de la court du prince d'Es
de r ■
<!e Morvillier Henri II.
paigne, l'opinion des plus autorisez qui sont en la compagnye d'icel-
luy prince, est que les dessaings de l'empereur tendent à vous faire la guerre ceste année : que jà l'on voit des principaulx chefz consulter entre eulx des moyens plus expédiens, et que ceste fois l'empereur s'efforcera de. retenir tout autre empeschement qui le puisse destourber de contenter son envye. D'après les advis de Flandres, les choses n'estoient encore hors d'espoir que la royne Léonor ne peust moyenner confirmation d'amityé entre vous et l'empereur. Comme ces sr\ pour leur intérest, sont fort soigneulx à enquérir de toutes parts ce que i'empv prétend faire, craignans qu'il tourne visaige en Italye, l'opinion est qu'il pourvoira aux affaires d'Allemagne à ceste diette, tellement qu'il ne craindra, pour le danger d'iceulx, faire entreprise en aultre endroict une partie de l'esté. Les préparatifz et menées qu'il faicl descouvrent assez bien qu'il n'a pas envye de se reposer, dont on faicl conjecture qu'il veuille vous commencer la guerre de plus d'un cousté avec l'intelligence des Anglois. Il y a moins d'apparence qu'il vienne en Italye, parce qu'il engendreroit grande suspicion à tous les potentatz qu'il voulust actenter quelques nouveaultez, et s'il commençoit à en molester aulcuns, consisteroit tous les aultres de s'allier avec V. M. qui ne faiddroit de les recepvoir, quant il n'y auroit nulle commodité pour vous, que d'eslongner guerre de vostre royaume, et tenir empesché par deçà ledit empereur, lequel se tient asseuré que, tournant ses entreprises contre vous, et monstrant au pappe et à ces s'5 ne leur voulloir rien demander, ne se mouveront
point, et seront bien contens de se maintenir en neutralité. Quant aux espérances qu'ilz donnent au pappe, plusieurs ici les estiment caducques, et qu'ilz veulent le retenir de bonnes parolles et promesses, jusqu'à ce qu'ilz voient l'issue de ceste diette l.
1 Henri II, par une lettre du i5 décembre 1 548 , écrite de Saint-Germain en Laye, à M. d'Aramon, informe l'ambassadeurde la présence de l'empereur dans les Pays-Bas, et des mesures défensives que lui-même prendsur tous les points: «L'empereur est toujours à Bruxelles, où il parachève de faire sa diète pour le recouvrement de sa santé , et par ce qui luy vient ordinairement d'Allemagne, il est fort incité et provoqué à y retourner à ce printemps; car l'on voit chaque jour révolter les villes, communautez et potentats, qui depuis son absence ont la pluspart délaissé, méprisé et condamné les décrets et constitutions qu'il leur avoit baillez par son intérim pour le fait de la religion , et sont retournez à leur première façon de vivre, avec menées et praticques qui se font entre eux, pour luy donner peul-estre autant d'affaires qu'auparavant. Ferdinand, roy des Bomains , son frère , ayant ouy le bruit du retour du G. S. à Constantinople, s'estoit refroidy et retiré de l'entreprise qu'il avoit commencé à faire sur les confins neutraux de la Hongrie, et avoit révoqué ses gens de guerre. Toutesfois il semble que maintenant, pour avoir entendu que ledit G. S. n'esloit encores pour revenir, mais hyverner en la Syrie pour continuer son entreprise de Perse l'année prochaine, ledit Ferdinand veuille recommencer son jeu, et faire plus grand effort à ce renouveau du costé de Hongrie, pour donner plus avant s'il peut. Sur quoy il vous sou viendra dece que je vous ay escritpar mon
autre dépesche, pour faire instance louchant l<- préparatif et équipement de l'armée de mer du G. S. et pour cependant envoyer jusqu'à cinquante ou soixante gallères bien équipées, es endroits et poulies causes que je vous ay fait sçavoir, lesquelles, sous la faveur de mes forces de mer, qui sont telles que vous avez en tendu, pourronl faire un grand exploit et effect pour le commun bien des affaires d'entre nous, au préjudice et dommage des infracteurs et violateurs du traité de la trefve. Je suis venu en ce lieu pour, durant cet hiver, regarder avec mon conseil les capitaines et gens notables de mon royaume, à tout ce qui est requis et néces saire de faire pour la conduite de mon estât en l'année prochaine, et y pourvoir et donner tout le meilleur ordre qu'il me sera possible : à quoy je ne veux rien oublier, vous advisant, monsieur d'Aramon, qu'il y a deux ou trois jours que l'ambassadeur dudit empereur m'est venu trouver, et m'a monstre une lettre que luy écripvoil ledit roy des Romains pour tenir la main envers moy, à ce qu'à sa prière et requestej es crivisse audit G. S. et à vous, pour luy en faire instance de ma part, de délivrer et mettre hors de prison un nommé Eslienne May lad, beau-frère de Thomas de Nadase, juge de la cour et souverain capitaine dudit roy des Bomains, me priant ledit ambassadeur de vouloir accorder lesdites lettres, lesquelles je ne luy ai voulu bailler, mais bien je luy ay dit que je vous en escrirois, encore que je me doute bien que
s NÉGOCIATIONS DU LEVANT
On croit que les empeschemens es quels s'est enveloppé le G. S. contre le sophy, rendront l'empereur plus hardy à entreprendre, s'assurant n'avoir de ceste année, 'par terre ni par mer, destourbier notable de ce costé-là. A quoy se conforme l'advis commung de ceux que l'on estime icy plus cognoistre es affaires d'yceluy s?1, et qui les désireroient en bon estât, pour réfréner l'ambition de l'empr tenant tous pour chose certaine que, quant il seroit maintenant de retour à Constantinople , et sans aucun empescbement, il se laisserait assaillir iusques en ses confins qu'il ne romprait de sa part avec fempr d'ung an. Plusieurs et divers adviz conviennent en ce que le G. S. estoit en Alleppo, où il debvoit hyverner, et avoit envoyé quérir à Constantinople grand nombre de pièces d'artillerye , oultre celles qu'il avoit par avant mandé faire conduyre es partyes où il est; avoit oultre mandé à ses ministres luy faire grosse provision d'argent, d'hommes et de chevaulx, et du tout le secourir promptement. Aulcuns desdits advis interprètent la cause des provisions que dessus pour renouveller à ceste première saison la guerre contre le sophy; autres que ledict s? se trouve fort molesté d'icelluy sophy et en grande nécessité de toutes choses. Il estoit bruict aussi que ledict s& s'en rctournoit à grande haste, et jà estoit avec partye de son exercitë en une province dite Massye, distant de Constantinople seullcment vingt journées, mais on n'y adjousle poinct de foy, pareillement que les Sophiens par
ce soit par adventure une subtilité dont veut user à mon endroit ledit roy des Romains pour mettre ledit G. S. en défiance de moy, lui voulant faire croire par ce moyen qu'il y a de nouveau entre nous, c'est à sçavoir ledit Ferdinand , l'empereur et moy, plus grande et estroite amitié et intelligence qu'il y avoit auparavant, puisque je me mesle de prendre en main et de recommander les affaires de leurs serviteurs et subjets. Ce que je ne voudrois pas que ledit G. S. pensast, aussi n'en estil rien, et sont les choses d'entre nous aux
mesmes termes qu'elles estoient,et comme de coustume , sans qu'il y ait aucune mutation ny changement. Sur quoy, si vous connoissez que telles recommandations dudit Maylad fust désagréable audit G. S. ou pour nie mettre en tant soit peu que ce soit de défiance et soupçon envers luy, vous ne vous en mettrez point en peine, quelque instance que l'on vous en fasse de ma part , donnant à ceux qui vous en parleront les meilleures paroles pour défaites dont vous vous pourrez adviser. » (Ribier, t. II, p. 176.)
Mer Majeure avoient faict courses jusques à douze journées de Constantinople , rapporté de grand butin et faict infinys dommaiges où estoient entrez. Mais ceux qui ont congnoissance de ces pays-là, qui sçavent les confins et les advenues, ne trouvent apparence de vérité; bien pourroient, disent-ils, les Sopbyens s'estre conjoinctz avec les Géorgians, et par leur intelligence avoir faict quelques courses es confins dudict s"r. Le bassa gouverneur de Constantinople avoit faict audict lieu feste de joye pour démonstrer publicquement la prospérité des affaires dudict ssr, et lever la contraire opinion. On faisoit retourner à Constantinople la soltane et la femme de Rostan bassa , qui esloient à Andrinople.
Venise , 7 février I 540.
Lettre le M.
nnétable.
,Ie Montmorency
M. de Cambray m'escrit qu'il estoit arrivé là ung capigy du G. S. dépesebé exprès pour apporter commandement de faire grande so- <k. M |( lennité et démonstration de joye publicque pour la santé, prospérité et bon succès dudit s^ en ceste sienne dernière entreprise ; ayant ebassé son ennemy, comme il clisoit, conquesté grand pays et pris Van, chasteau de bien grande importance, oultre les bonnes nouvelles qu'il avoit de Elcas, frère du sopby, lequel avoit donné advis qu'il estoit entré fort avant dedans le pays de Perse, prenant plusieurs places, et ayant trouvé en l'une d'icelles la femme d'ung autre sien frère, et autres personnes d'importance, espérant molester tant ledict sopby qu'il le contraindroit de se venir ranger à sa mercy, ou luy abbandonner le pays totalement. Toutes personnes, tant privées que publicques, avoient faict festes troys jours dînant, usant chascune en icelle , par ordonnance du bassa, gouverneur de Constantinople, de la plus grande despense qu'il a esté possible, et entre aultres l'ambr du roy des Romains a monstre grande largesse , qui , oultre la despence de la table, qu'il faut tenir à tous venans lesdits trois jours, et aultres enjeux, sonneries et semblables choses, a despencé plus de xxv ou xxx robes en divers prix, qu'il a fait courir pu-
bliquement à la bague et à la quintaine , chevauk, barques etfustes, et faict présent audict capigi , comme aussy a faict le bayle de la seigne, suivant la coustume de ses prédécesseurs, qui en tel, cas ont ordinairement vin cens ducas pour cest effect. Et m'escript en onltre que le xxue dudit mois estoit là arrivé un chaoux du G. S. dépesché pour venir se congratuler avec ces sSra. Au surplus, aulcuns estimoient ce retour dudict G. S. devoir estre sur ce printemps, ce qu'on ne croit pas icy ny aussy à Constantinople , où Ton voyoit continuer les provisions ordonnées à envoyer an camp. Davantaige lettres escriptes en Allepo, contiennent que le sopby tenoit encores les champs, ne se monstrant vaincu ne recreu; et j'estime toutes ces festes et feux de joye publicqs, solemnisez à Constantinople, estre plus pour démonstrer et colorer leurs choses telles qu'ils veullent qu'on les croye, affin de maintenir leur réputation. Et quant à moy, ainsi comme je n'estime les calamités et dommaiges avoir esté si grands à l'endroict du Turcq et de son camp comme aulcuns les ont divulguées, je ne croy pas aussy ces victoires telles comme il nous les faict maintenant prescher.
Venise, 23 février 1540.
Lettres Sire, le prince d'Espagne, allant de Mantoue à Trente , logea sut
' M les domaines de ces srs, lesquels, depuiz sa venue en Italie , ont tenuz
', | ,,!!,,, iT tontes leurs villes prochaines du duché de Milan en très songneusc garde, et jusques à ce que luy et toute sa suite ayent esté hors de leurs confins n'ont pas faict moindre guet que si les ennemys, avec puissante armée, en eussent esté prochains. De quoy le duc d'Albe et aulcuns autres seigneurs ont monstre semblant de trouver estrange ces signes d'une défiance trop grande entre si bons amis, mesme que ledit prince passoit sur leur domaine tout désarmé, et sans entrer dedans leur ville. Mais on respond que les exemples récens de Plaisance , Plombin et Sienne admonestent de se défier beaucoup plus de telz amis que d'ennemis ouverts. On pense icy que les commencemens des esmotions qui apparaissent en Allemagne ne sont pour troubler
les affaires de l'empereur, s'ilz ne les veulent contraindre par force à l'observation de Yinterim; en quo\ l'on croit, s'il a autre desseing, qu'il se gouvernera comme il verra pouvoir plus profiter à ses affaires particuliers. Ces srs disent que à Constantinople il y avoit diverses et contraires opinions sur le retour du seigneur. La pluspart n'estiment pas qu'il doibve revenir à ce printemps pour beaucoup de raisons, mesmes se retrouvoit, disoit-on , en campagne, ne se monstrant pas vaincu ny recreu; de sorte qu'on estime tous ces feux de joye faits à Constantinople , et la venue de ce chaoux ici pour s'allégrer avec ces s?rs, eslre ung artifice pour adombrer et collorer mieulx ce qu'ilz veulent qu'on croye de leurs affaires, affin de maintenir leur réputation. Au surplus, ayant ouy murmurer que l'empereur avoit envoyé unghomme de nouveau devers le G. S. je me suis efforcé d'en sçavoir la vérité, mais je n'ai peu sçavoir seullement les autbeurs de ceste nouvelle, ny la qualité du personnage envoyé, le lieu d'où il est party, ny le chemin qu'il tient. Bien m'a-on dicl la cause, que l'on va murmurant estre pour assurer le G. S. que I'empr veult sincèrement observer les pactions de la trefve accordée entre eidx, pensant que ceste seureté, donnée par homme exprès, avoit plus de foy que si elle estoit faicte parl'ambr ordinaire de Ferdinand : dad vanta ige pour remonstrer et vérifier audict s?r le contraire de beaucoup de choses qu'on luy a voulu faire entendre dudict empr et du roy des Romains, son frère, finablement aussy pour lui remonstrer plusieurs choses à vostre préjudice , affin que, s'il prend les armes, le G. S. n'estime qu'il ayt pour tant violé ny enfrainct ladite tresve. De quoy, bien que je n'y voye encore fondement, j'advertiray vos ministres qui sont de delà.
Sire, m'estant bien diligemment informé sur ce qu'on disoit avoir esté divulgué par deçà que l'empr avoit envoyé un personnage vers le G. S. j'ay trouvé qu'encores n'y a dépesché personne, mais qu'à ceste fin il a mandé venir vers luy Nicolo Secco, cappitayne de la justice de Millan , qui aullrefoys a esté ambr vers le G. S. pour le roy des Romains, soubz le nom duquel il le veult renvoyer derechef. La cause plus commune que l'on en dict est pour justiffier ce que icelluy roy
des Romains a faict sur Agria, pour respondre là-dessus aux plaintes de la royne de Transilvanye et aultres qu'on a faicts d'aucunes choses intervenues sur les confins de- Hongrye. A quoy faire, ledit Secco a semblé estre plus ydoine que nul aultre, pour avoir desjà l'expérience acquise des choses de delà; oultre ce qu'il est homme d'espent dextre, propre à négotier et faire praticque. Aulcuns rendent aultre cause que je vous ay cy-devant escripte concernant les affaires de l'empereur, lequel a le plus communément uzé de ceste ruse, mesme autraicté de ceste dernière trefve, de n'envoyer pas les ministres qui vont en ceste part là négotier à son promet soubz son nom, mais seullëment soubz celuy du roy des Romains. Et d'aultant que ledict Secco est de la qualité que dessus , introduict premièrement au service de l'empr par M. d'Arras, qui l'a favorisé grandement, comme aussy font le cardinal de Trente et Granvelle , jusques à l'avoir eslevé à Testât oii il est, on discourt qu'on ne le renvoiroit de delà sans grandes et importantes causes, lesquelles chascun va imaginant selon sa fantasie. Ces ssrs hier receurent advis de Constantinople , du xve janvier, que le G. S. estoit en Allepo, avoit distribué son exercite es lieux plus commodes pour les vivres et pour la seureté de ses frontières, on pensoit qu'il ne s'eslongneroit de ces quartiers-là tout cest esté prochain. Codignac estoit arrivé le XVe janvier à Constantinople , et en debvoit partir de là dans troys ou quatre jours, ce qu'il m'a semble vous debvoir faire entendre.
\ enise, 4 mars 154'.>.
Sire, Mr de Cambray m'a rescript, et aussi Mr Codignac m'a parle, de l'estroicte intelligence qui est entre le baille de ces sS* et l'ambr du roy des Romains, et m'en a touché particulièrement quelques poinetz, desquelz il informera plus amplement V. M. Voyant telles façons de faire continuer, il semble que une honneste remonstrance faicte là-dessus à ces s?" ne pourroit sinon proffiter, en ramenant ce premier maulvays office faict par leur baille, quand vous eûtes ré-
duict entre vos mains le marquisat de Saluée , puys la continuation des stdjséquens; leur faisant pareillement entendre vostre intention n'estre d'empescher qu'ilz n'usent selon raison de l'amityé qu'ilz ont avec les aultres princes, mais bien les admonester et pryer de ne rien faire au préjudice de celle qu'ils vous doibvent, plus grande que à nul aultre; et, se formalisant ainsi ledict baille avec les ministres du roy des Romains, croy qu'il ne seroit hors de propos leur toucher en passant que les ministres mesmes du G. S. trouvent estrange ceste faconde faire, attendu qu'en toutes choses qui les concernent n'avez leur proufhct et advantaige en moindre considération que le vostre propre. Car j'estime expédient de sonder le fond des étroictes pratiques entre ledict baille et amb1' du roy des Romains; si cesdils seigrs les entendent et approuvent, les en desmouvoyr pour l'advenu s'ils ne sont du tout incapables de raison; à tout le moings les reffréner qu'ilz soyent cy-après plus respectueux à parler de ce qui vous touche, comme ils seront, quand ils verront que les mauvays déportemens de leurs ministres ne vous sont pas celiez de ceux du G. S. qui les entendent et voyent. Je suis adverty que Nicolo Secco s'en va droict vers le roy des Romains qui le dépeschera en Levant, sans parler autrement à l'empereur. Toutesfois ne vouldrois-je affirmer la vérité de cest advis. Icelluy Secco est Bressan, et fust banny de ces domaines pour ung homicide par luy commis, qui a esté cause de sa bonne fortune. Il n'a pas moings, mais plus de dextérité et de moyens pour se domestiquer avec ledict baille que son compagnon, et allant là comme l'on pense pour confirmer et à l'advenlure prolonger la trefve, il est bien vrayseniblable qu'il taschera de gagner ledit baille pour adstipuler à tout ce qu'il dira des affaires de la chrestienté , et aux promesses qu'il fera de l'intention de l'empr et roy des Romains, en quoy ledit baille, se laissant transporter de passion ou séduyre de fausses persuasions, peult, comme ministre de prince neutre, beaucoup préjudiciel- à vos affaires et servir à ceux de l'empr. Il est bien à ce propos de considérer que presque tout le trafficq de marchandises des gentilshommes de ceste ville se faict en Levant, et pour entrete-
nir la liberté de traffiquer, d'où vient leur gaing, ils ne veulent pas la guerre entre le Turcq et l'empereur, craignans de perdre ceste seureté par beaucoup d'accidens, qui pourroient lors intervenir; même que le Turcq recbercberoit ces sS" de ligue ou d'autre ayde, en quoy ne veullent entrer, et tascberont, tant qu'ils pourront, éviter d'en estre seuilement requis. De cella doibl-on conjecturer que tous ceux qui font faict de marchandise de ce costé-là, favorisent à l'entretenement de la trefve pour leur intbérest particulier; or est le baille de sa première institution, ordonné à Constantinople comme protecteur des marchands vénitiens affm de deffendre leurs droicts à la Porte, quant on leur a faict quelque tort, dont il reçoit proffict; et bien qu'il luy soit deffendu., pour la dignité de Testât, faire Irafficq de marchandises, toutesfoys j'entends que, soubz son authorité, il a de grans moyens de s'enrichir, et la pluspart ne les laissent en arrière, usant du nom d'aultruy, où il voyt le gaing apparent. Telles causes induisenl souvent les hommes a favoriser le party d'où ils espèrent gaing particulier, qui leur faict oblier le debvoir publicq. Néantmoings tous en général désirent que l'empereur et le Turcq demeurassent en deffiance l'ung de l'aultre, sans ouverture de guerre, et que le Turcq feust en Gonstantinople pour tenir l'aultre en craincte.
