CXXXVIII
JEAN LE VEAU À MARGUERITE D'AUTRICHE
Il mande quelles sont les charges que l'ambassadeur a laissées à remplir. Surséance du procès de Nevers. Oclroi pour lever 7,000 francs en Artois. Renvoi au parlement de Paris de la cause qui concerne l'évêché d'Arras. Démarches faites sur ces trois objets Nouvelles démonstrations de guerre de la part des Suisses. Préparatifs militaires du pape. Réponse du roi d'Aragon sur sa ligue avec Jules II. Il se plaint qu'on arrête ses courriers en France. Mort du cardinal de Cosenza. Peu d'espoir de paix. L'empereur est disposé à un accommodement avec le pape et les Vénitiens. Vérone est dépourvue dé garnison impériale. La maladie du duc de Terme va mettre obstacle aux vues de la ligue. Situation des forces du roi d'Aragon à Naples. Délivrance du cardinal d'Auch. Il paraît que l'ambassadeur d'Aragon est mieux accueilli du roi de France. ( Original. )
3 décembre , à Blois.
Madame, monsieur l'ambassadeur mon maistre, à son partement, que fut mardi dernier passé, me laissa charge de poursuyr et solliciter les choses qui restoient à expédier à sondit partement : assavoir la surceance de Nevers , le mandement d'octroy pour lever les vnm francs accordez en Artois , et aussi le renvoy en la court de parlement à Paris, de la cause touchant l'evesché d'Arras qui estoit icy evocquée au grant conseil, pour le tout vous envoyer. Et oultre m'a laissé icy avec ung autre syen secrétaire italien qui escript en latin ,
1 Jean le Veau, pour les affaires de Marguerite d'Autriche, et Paul de Laude, pour celles de l'empereur.
pour poursuyr toutes choses qui nous seroient mandées , tant de la part de l'empereur que vostre, et aussi pour vous advertyr bien et à plain pendant son absence de toutes nouvelles qui occurroient.
Madame , despuis ledit partement de mondit sieur l'ambassadeur, votre procureur de Charrolois et moy avons poursuy et sollicité les expedicions dessusdites; et, quelque diligence que ayons sceu faire, n'avons riens peu avoir jusques à hoires, que avons obtenu le renvoy touchant Arras, dont vous envoyé une copie. Et aussi M. le trésorier Robertet nous a dit qu'il avoit expédié, touchant la surceance de Nevers, lettres du roy à la court de parlement à Paris, credenciales sur monsieur de Paris, lequel le roy envoyoit tout expretz à ladite court pour ceste matière, et qu'il n'y auroit point de faulte. Mondit sieur de Paris partit hier, et a laissé icy ung homme pour actendre lesdites lettres afin de les luy pourter et avec ce d'autres lettres que fit escripre M. le chance] lier à ladite court pour cestedite matière, et partira demain ledit homme.
Madame, l'advis de vostredit de Charrelois est, et me samble aussi estre bon, que devez envoyer incontinant ung tel qu'il vous plaira devers mondit sieur de Paris, pour le solliciter à faire passer ladite surceance selon qu'il en a charge du roy, et croyons que sans plus de difficulté à ceste fois la chose se fera, comme nous a derechief dit mondit sieur Robertet.
Quant au mandement d'octroy, nous en avons fait notre povoir, vostredit procureur et moy; et en la fin mondit sieur le trésorier Robertet nous a dit que le feissions mectre en forme selon le dernier ouctroy, et qu'il estoit besoing en avoir la minute, car il n'avoit fait les ouctroys precedans, ou que nous informissions ung secrétaire pour en faire une minute et la faire grosser, ce qu'avons fait; et sera demain expédié pour mectre au seau. Ne reste qu'il fault argent pour celluy qui l'a fait et ne demeure pour autre chose. Quant à moy, madame, je n'en ay point pour y fournir et mains vostredit procureur de Charrelois, comme il dit. Par quoy, madame, sera besoing d'adviser comme le recouvrer et me mander sur ce vostre bon plaisir.
Madame, mondit seigneur l'ambassadeur mon maistre, à sondit partement, m'a dit qu'il avoit de rechief refreschée la promesse que savez à monsieur le trésorier Robertet pour la cause de Nevers1, comme il me ordonna aussi de faire, quant il auroit expédié les lettres pour ledit affaire, et que vous en devoyt advertir afin que feissiez, ou cas que la chose se passast, que ladite promesse fust accomplye , car mondit sieur le trésorier s'y est bien employé.
Madame, les nouvelles qui sont survenues icy despuis le partemant de mondit seigneur l'ambassadeur mon maistre sont telles que s'ensuyt , assavoir :
Comme aucuns quantons des Suisses persévèrent toujours en demonstracion de faire aucunes entreprises contre le roy; pour laquelle chose les Grisons, autre quanton desdits Suisses, ont envoyé devers les autres afin de les faire désister de ceste dite demonstracion d'entreprinse, et à estre bons amys du roy.
Ledit roy a nouvelle que l'empereur a escript ausdits Suisses qu'ilz n'ayent à faire aucune entreprinse contre sa très-chrestienne majesté, et que, s'ilz font autrement, il luy aydera à leur faire la guerre. De quoy le roy est très-joyeulx et contant de l'empereur, lequel, oultre ce que dessus, a envoyé son ambassadeur pour les fere désister, comme dit est, de leurdite entreprinse.
Ledit roy a aussi nouvelle que les préparations de la guerre, tant du* cousté du pape que du roy d'Arragon , vont bien froidement.
Item, a nouvelle que, le xixejour du mois passé, le cardinal Saint- George chantit la grand messe h Rome, et, icelle chantée, bénit l'estandart du pape qui fut baillié au duc de Terne ( Terme ) , et fut constitué par le pape, lieutenant gênerai de son armée.
L'homme que l'embassadeur du roy d'Arragon avoit envoyé au roy son maistre, pour l'advertir des nouvelles qu'estoient icy venues de la ligue faicte entre le pape, ledit roy d'Arragon et les Veniciens,
1 On lui avait promis mille écus d'or page 36g , une lettre du 1 5 novembre pour faire surseoir à quatre ans la déci- i5io. sion du procès de Nevers. Voyez ci-dessus.
NÉGOC. DIPLOMAT. I. 58
et du maulvais contantemant du roy de France et de tous ceulx de pardeçà, est retourné avec la responce dudit roy d'Arragon, qu'est que il s'excuse qu'il ne s'est mis ne n'a esté faicte ladite ligue\ synon seulement pour le recouvrement des terres appartenais à l'église , ainsi qu'il est tenu de faire comme prince clirestien, et non à aultre fin; et se plainct ledit roy d'Arragon de ce que les François luy ont détenu aucuns de ses courriers venans de Rome et tirant en Espaigne : dont il se donnoit grant merveille , veu qu'il ne s'estoit déclaré ennemi du roy ne des François, et que ce n'estoit bien fait, et n'avoit desservy que l'on luy traictast ainsi ses gens, et que, s'il vouloit faire le semblable en son pays, qu'il le feroit aussi bien que eux; mais il ne le veult faire, car il veult demeurer, et ainsi est son vouloir, en bonne amityé et fraternité avec le roy et ceux de par deçà, priant que d'oires en avant l'on ne vuille plus donner tels empeschementz à sesdits courriers.
Icy est nouvelle que le cardinal de Cousance * est mort de fièvres à Reige, venant au concilie, et que le pape avoit donné ses bénéfices au cardinal d'Arragon, dont le roy d'Arragon n'a esté contant, mais a voulu qu'ilz seroient esté donnez à ung syen nepveu.
Icv, par ce que l'on peult entendre, il y a peu d'espoir à la paix, et est l'on tout délibéré à la guerre, assavoir de soy deffendre. Toutefois j'ay entendu par quelqu'un que le roy avoit deffendu toutellement le combat à ses gens, si n'estoient bien pressez à ce faire-.
Madame, despuis le partement de mondit sieur l'ambassadeur, est venue la poste de l'empereur, et par icelle n'escript autre synon qu'il actend mondit sieur l'ambassadeur et pour entendre ce qu'il porte. En oultre, escript qu'il a receue la copie de la ligue dessusdite que mondit sieur l'ambassadeur luy a envoyée, et par avant en avoit heut une autre de Rome, où il y avoit ung article dadventage qu'en icelle dudit sieur ambassadeur; assavoir que les Veniciens sont obligez par ladite ligue à donner, pour l'expedicion d'icelle, mille bommes d'ar-
1 Ce doit être le cardinal évêquedeCo- moteurs du concile de Pise , qui mourut senza, François Bor<ria, l'un des cinq pro- effectivement en i5i 1.
mes, neuf mille piétons, trois mille chevaulx legiers et une bande d'artillerye , pour le tout joindre aux onze navires que doit donner le roy d'Arragon, et qu'il ne sçait laquelle copie soit plus véritable, ou la syenne ou celle dudit ambassadeur mon maistre.
Item, par ladite poste escrit l'empereur à l'ambassadeur d'Escosse estant icy, en responce de ses lettres qu'il luy avoit escriptes de Rome , l'advertissant de sa venue en France pour faire et traicter la paix entre le pape et le roy très-chrestien. A quoy l'empereur luy respond que, quant à luy, il est toujours prest d'entendre à ladite paix, et par luy ne fauldra, pourveu que le pape et les Veniciens vuille venir et eulx condescendre à appoinctement raisonnable.
Le trésorier Robertet a dit au secrétaire de mondit sieur l'ambassadeur mon maistre, que Veronne estoit mal pourveut de vivres, et que les gens de l'empereur se retiroient peu à peu dudit Veronne et l'avoient quasi tous abandonné, et n'y estoit demeuré que les gens du roy; que n'estoit bien fait, disant qu'il deust escripre à l'empereur afin d'y faire mectre provision, tant desdits vivres que d'autres choses, et que inconveniant ne s'en ensuyvit.
L'on a icy nouvelle par lettres données à Florance, le xxme du mois passé, comme ledit duc de Terne est fort malade à Rome, que empeschera grandemant l'exécution de l'entreprinse de ladite ligue , et que desjà luy estoit esté baillié l'argent pour la despence de deux mois de la guerre et encoires n'avoit esté riens fait.
Item , l'on a nouvelles par lettres du xxme que le pape estoit à Cividad-Veiche.
L'on dit icy que les gens du roy d'Arragon ont fait leur monstre à Naples , qu'estoit ladite monstre de cinq mille piétons assez mal accoustrez et sans argent, et de sept à huit cents lances assez bien accoustrées, et, avec ce, de six à sept cent chevaulx legiers.
Item, l'on a nouvelle comme le cardinal d'Aux, qui a esté prisonnier à Rome l, vient icy et a son congié du pape. Les aucuns dient
1 Voyez ci-dessus, p. 352.
qu'il est envoyé de par ledit pape; les autres, qu'il vient pour changer son aer. Il a laissé à Rome, pour hostaige, son frère.
Il samble que l'ambassadeur d'Arragon, puis peu de jours en çà, soit mieulx voulu du roy de France qui n'a esté par cy-devant despuis ladite ligue faicte, et fait samblant ledit ambassadeur de mener quelque pratique avec ledit roy de France; et, l'autre jour à mynuyt, lit partir ung de ses serviteurs pour aller en diligence devers le roy son maistre '.
Madame, ce jourd'huy sont venues lettres de mondit seigneur l'ambassadeur mon maistre, données à Lyon le xxixe jour du mois passé, et escript qu'il arriva audit Lyon ledit jour à neuf heures du matin, et en partit à trois heures après midi; oultre escript qu'il fait diligence d'aler, et qu'il cuydoit estre audit Lyon plus tost d'un jour qu'il n'a esté, mais y treuve tel malvais chemin que c'est une pityé.
Madame,- ce sont les nouvelles despuis le partement de monsieur l'ambassadeur mon maistre, survenues comme dit est. De tout ce qui surviendra cy-après en serez par moy incontinant advertye.
Ma très-redoubtée et souveraine dame, etc. A Bloys, ce me de décembre à x heures de nuyt.
Votre, etc.
Jehan le Veau.
1 En effet, Louis XII, averti de l'accord Henri VIII conclurent, le 20 décembre, à conclu entre l'empereur et les Vénitiens, Burgos , un traité d'alliance, dont le monégocia secrètement de son côté avec l'am- tif, au moins apparent, était la défense bassadeur du roi d'Aragon. (Lettres de du pape et du saint-siége contre les atta- LouisXII, III , 120.) Nonobstant ces pour- ques de la France. Voyez Dumont, Corps parlers clandestins, dont il sera encore diplom. IV, ire partie, 187; Rymer, ^cequestion ci-après, p. 465, Ferdinand et dera , XIII , 3 1 1 .
JEAN LE VEAU À MARGUERITE D'AUTRICHE
Le roi se montre satisfait des explications données parla princesse sur les plaintes qu'on avait faites. Descente des Suisses dans le duché de Milan. Ordre donné à M. de Nemours pour leur résister. On suppose que les Suisses voudraient aussi faire une tentative sur la Bourgogne. Du reste, on paraît croire que l'empereur s'entend avec eux. Nouvelles du concile de Pise. Réception des cardinaux à Milan. Le pape cherche à mutiner les Génois. Un capitaine romain est venu à Bologne se mettre au service du roi. Le roi et son conseil temporisent jusqu'au moment où l'empereur aura répondu aux demandes dont A. de Burgo est porteur. Dangers qu'a courus cet ambassadeur.
( Original. ) 1 1 décembre , à Blois.
Madame, j'ay receu, despuis le partemant de monsieur l'ambassadeur mon maistre, deuz vos lettres s'adressant à luy lesquelles j'ay ouvertes ainsi qu'il m'avoit ordonné de faire à sondit partemant, et donné charge comme je m'y devroit conduire.
Madame, quant à la première de vosdites lettres qui est datée du xxvie du mois passé, et contient responce aux querelles et doléances qui furent baillées dernièrement par le chancellier procureur et advocat du roy à Paris, à mondit sieur l'ambassadeur, pour vous envoyer, je me suis tiré incontinant devers ledit chancellier pour la luy communiquer, ainsi qu'il me sambloit estre nécessaire, et comme je luy eusse monstre vostredite lettre et veant qu'elle estoit fort grande, me dit que lui en feisse copie afin de la povoir veoir plus amplement; ce que je feis et la luy pourtis; ce fait, me dit qu'il la verroit. Je Fay toujours sollicité de ce faire, mais, pour les grandes affaires de cest guerre , en quoy il est continuellement embesoigné , il n'a peu, comme il m'a dit, encoires entendre à veoir ladite copie; mais il m'a dit que ce jourd'huy, sans nulle faulte, il la verroit et demain m'en donroit responce. J'eusse actendu de expédier ceste poste jusque avoir heue ladite responce, mais il est nécessaire à l'autre secrétaire, que mondit maistre a icy laissé, de expédier la poste à l'empereur pour ces
nouvelles qui sont survenues, et lesquelles entendrez par ces présentes.
Madame , quant à vostre autre lettre datée du xxc du mois passé , contenant responce à ce que mondit seigneur l'ambassadeur vous avoit cy-devant escript , touchant les divises que heu le roy avec luy d'aucuns rappors qui luy avoient esté faitz de vous, je me suis tiré devers monsieur le trésorier Rohertet pour la luy monstrer, et en faire le rapport au roy; il leut au long vostredite et la trova trèsbonne, et me dit que ledit seigneur roy en seroit bien joyeulx et contant, et qu'il convenoit que moy-mesme, le joursuyvant, la deusse monstrer au roy, et qu'il me presenteroit pour ce faire à sa magesté ledit jour suivant. Après que ledit seigneur roy eust dyne, me trouvis en sa chambre, et incontinant que mondit sieur le trésorier Rohertet me vit, me fit venir parler audit seigneur roy, auquel je feis voz humbles recommandacions, et après luy avoir dit la charge de mondit sieur l'ambassadeur mon maistre, lui dis au long la substance de vosdites lettres, qu'il oyt très-voluntiers, et me dit ces paroles : « Escripvez à ma bonne cousine que je luy remercye ses bonnes lettres, et que je congnois qu'elle dit vérité et jamais n'ay creu autrement de ce qu'elle escript, et la prye à vouloir continuer en sa bonne affection envers nous, et tenir toujours la main à la bonne amityé d'entre l'empereur et moy. »
Madame, les nouvelles qui sont survenues despuis la dernière poste qui vous fut par moy expédiée sont telles que s'ensuyt :
Assavoir que le roy a heu nouvelle certaine comme les Suysses, jusques au nombre de six mille, sont descenduz en la duché de Millan, et sont desjà entrez bien avant et jusques à ung gros villaige appelle Varese qui est prouchain de la cité de Millan vingt petites lieues de ce pays , et que plus est en vient ung autre grant nombre après eux , qui sont bien tous ensamble, par commune extimacion, vingt-cinq mille qui desjà sont au pied de la montaigne, suyvant les premiers et menant avec eulx artillerye, eschielles et autres instruments de guerre à prandre villes et chasteaulx.
Le roy, pour y résister, a mandé à diligence à monsieur de Nemours son nepveu, qui estoit allé à Parme pour résister au pape, de venir audevant et à l'encontre desdits Suysses, et conduyre avec six cens lances, les nc gentilz hommes et deux cens archiers du roy, et qu'il face incontinant mectre sur pied six mille piétons pour mener contre lesdits Suysses; et monstrent le roy et ceulx de pardeçà n'y faire guerres de compte encoires qu'ilz gastassent le pays ; mais a ordonné ledit seigneur roy que , incontinant qu'ilz seront au plain , qu'ilz soient receus et combatus, et que l'on les face retirer par quelque moyen que ce soit.
L'on dit encoires icy que lesdits Suysses vuillent faire quelque nouvelletez du cousté de Bourgogne , mais l'on ne le tient pas pour chose certaine.
L'on dit encoires que lesdits Suysses qui sont entrez en ladite duché de Millan ne demandent rien à personne du pays, et payent paisiblement tout ce qu'ilz preignent et qu'ils ne demandent [fors] passaige.
Madame , icy est bruyt que l'empereur vostre père a envoyé procuration à Rome pour faire appointement avec les Veniciens, moyennant le pape qu'il a ad ce induict. Touteffois le roy dit ne le povoir croyre et pareillement ceulx de son conseil ; « toutesfoiz ilz ont tout plain de suspection, touchant ces Suisses, que l'empereur n'ait quelque intelligence avec eulx ] . »
Il est venu icy ung serviteur du cardinal Saincte-Croix, pour venir rappourter au roy ce que ont fait les cardinaulx et autres prelatz à ce concilie de Pise, et ce qu'a esté délibéré de faire à Millan touchant ledit concilie , et demonstrent ledit serviteur de Saincte-Croix son maistre, et lesdits autres cardinaulx n'estre bien contans de ce que l'empereur n'a envoyé les prelatz d'Allemaigne audit concilie.
L'on a heu nouvelle que ledit cardinal Saincte-Croix, ensamble
1 H est certain que dès le \k octobre, les Suisses. Voyez-en les conditions dans ou même auparavant, Maximilien avait la Correspondance de Maximilien et de conclu un Iraité héritable d'alliance avec Marguerite, I, 43£.
des autres ses compaignons, avoient esté receuz processionalemenl audit Millan, et devoit ledit cardinal Saincte-Croix chanter solempnellement la grant messe , et en pontificat au domo dudit Millan pour absoldre, comme prière dudit concilie, ledit Millan, Bouloingne et autres villes, de l'interdict du pape1.
L'on dit par deçà que les Veniciens ont recouvré une grant partye du Tyrol, et ne font semblant de tirer à Veronne.
Les gens que le roy d'Arragon donne pour ayde au pape, ont fait leur monstre à Naples, comme je vous ay escript par l'autre poste, et sont encoires au pays de Gayete et ne veulle marcher avant qu Hz ne soient payez pour trois mois.
Les gens du pays ne se bougent , et n'en est nouvelle , synon d'aucun petit nombre qu'est à Favence, qui font quelque courre.
Aucuns nous ont dit que le pape a envoyé aux confins de Gennes quelque pcrsonnaige pour mener pratique avec les Genevois, pour les faire mutiner et faire émotion, et que ledit pape a toutellemant cœur à cela et plus qu'en autre chose.
L'embassadeur d'Arragon a despeché une poste à dilligence au roy son maistre, pour la responce que luy a fait le roy de France, qu'il ne veult aucunement que les courriers dudit roy d'Arragon
1 Jean Hannart, dans une lettre écrite de Parme, le 17 novembre, à Marguerite d'Autriche, s'exprime ainsi : « MM. les cardinaulx assistans le concilie , ensemble les prélats de l'Eglise de Germanie et gallicane estans aveceulx, après qu'ils ont eu tenu la 111e cession dudit concilie, se sont, puis brief jours , partis de Pize et s'en vont à Milan, délibérez d'illec tenir encores aucunes cessions , et si ont advisé et conclud envoyer quatre notables personnages deversnostresaint-pere lepape,affm qu'il choisisse l'une des dix citez cy- nommées , assavoir : Versay, Thurin , Cazal , Veronne, Constance, Genève, Avignon, Lyon, Be-
sançon et Metz, pour y tenir et parfaire ledit concilie, ou que S. S. dénomme dix autres citez pour en estre choisy une ...» Jean Hannart tenait ces nouvelles du duc de Nemours lui-même, qui était alors à Rome. Plus tard, c'est-à-dire le 21 décembre , il écrivait de Milan : n Le pape n'a voulu donner sauf-conduit aux députez dudit concilie qui estoient ordonnez pour aller vers luy, à celle fin qu'il choisist , de dix cités que l'on luy denommoit , une pour y parfaire et tenir ledit concilie, ou qu'il denommast aultres dix citez, et ceulx du concilie en choisiroient une. »
ENTRE LA FRANCE ET L'AUTRICHE. — 1511. 465 passent pendant ces dissensions par ses pays de Gennes alant à Rome ne autre part que ce soit en Italye.
L'on a nouvelle que ung gentilhomme romain appelle Troyllus Sabello, nepveu du sieur Silvio Sabello, s'est venu rendre au roy, en la cité de Boulongne, et a esté par cy-devant toujours capitaine en Tannée du pape et des Veniciens.
Madame, « le roy et ceulx de son conseil entretiennent le plus qu'ilz peulent ces ambassadeurs , tant du roy d'Arragon que du roy d'Angleterre, jusques à tant qu'ilz aient responce de l'empereur à ce que porte l'ambassadeur mon maistre, pour, selon icelle, eulx régir et conduire et faire leur prouffit où ilz pourront, et dient ne sçavoir quelles provisions faire à toutes ces choses jusques à ce qu'ilz aient ladite responce. »
Madame, nous avons heues lettres de monsieur l'ambassadeur notre maistre, escriptes à la Noveleise l le 1111e jour de ce mois, par lesquelles il nous signifioit que celle nuyt il avoit passé le mont Seint (Cenis) avec si grant dangier que , pour l'impétueux vent qu'il fesoit et la grant naige, il tumbitbien dix fois de son cheval entre lesdites naiges, et ne fut esté la compagnie des gens à pied qu'il conduisoit avec luy, il fut esté en péril d'y demeurer, mais Dieu mercy il n'avoit heu nul mal ; escript oultre qu'il avoit laissé plusieurs de chevaulx par chemin qui estoient gastez; qu'il esperoit estre ce jour mesme à Turyn, et deans deux jours après à Millan.
Madame, il vous plaira, etc. A Bloys, ce xie de décembre.
Yostre, etc.
J. le Veau.
Novalèse ou Novalaise, abbaye de l'ordre de Saint-Benoît en Piémont, au pied du Mont-Cenis , au midi de Suse.
NEGOC. DIPLOMAT. I.
