NÉGOC. DIPLOM.VT. I

ANDRÉ DE BURGO À MARGUERITE D'AUTRICHE

Entretien avec le roi au sujet des aides d'Artois. Le roi se plaint de ce qu'on a laissé passer par la Flandre trois mille Allemands pour le service de l'Angleterre, et qu'on y levait des munitions de guerre contre la France. Justification de ces faits par André de Burgo. Entretien avec le chancelier. ( Original. )

18 avril, à Blois.

Madame, hier, incontinant après que vous eus expédiée la poste pour vous advertir des nouvelles survenues, survint la poste venant de vous avec deux vos lectres du xme et xme de ce mois. Ce jourd'huy suis esté devers le roy, qui, jà sont aucuns jours, est aux champs, à la chasse, etluy ay parlé substancialement de voz affaires, suyvant que m'escripvez contre les difficultez et delays que m'avoient interposés ces jours passez les gens de son conseil, et luy ay prié que osté lesdites difficultez et delays contre toute raison, le traité de Cambray fust observé. Il m'a respondu qu'il n'entendoit point ces matières, et qu'il s'en rapportoit à son chancellier, et, en ma présence, donna charge à ung sien varlet de chambre aler devers ledit chancellier, afin que favorablement il entendit à vosdites affaires, en observant ledit traicté de Cambray.

Madame, quant à l'octroy que demandez pour lever les aydes extraordinaires dernièrement accordées par ceulx d'Artois , j'en ay aussi parlé au roy de la meilleure sorte et manière qu'il m'a esté possible, et m'a respondu, premièrement luy avoir monstre et déclaré l'acte de l'accord fait par ceulx des trois estas dudit Artois, qu'il creoit bien ledit acte estre véritable , mais qu'il sçavoit que tous ceulx du pays n'en estoient point contans, et n'estoit de leur consentement. A quoy je luy respondis qu'il apparissoit du contraire par ledit acte; et si aucuns estoient non consentans audit accord fait par lesdits des trois estas, ce povoient estre quelque malvaisc gens, et que pour ce ne devoit reffuser ledit octroy ; car il y estoit tenu par le traicté de Cam-

bray. Il me dit estre bien vray , mais que aussi, du cousté de delà, se devroit faire ainsi qu'il appartient envers luy; et me parla comme il estoit adverty que aviez laissé passer par votre pays trois mille Alemans pour aller au service du roy d'Angleterre, et, avec ce, tous les jours souffriez bailler et lever, au pays de monsieur vostre nepveu, artillerye, pouldre, arnoys et toutes autres choses servans à la guerre, et pour aler à l'encontre de luy; ce qu'il ne povoit entendre, qu'il sçavoit non estre du consentement de l'empereur vostre père; me disant après que, si à ce vuilliez persister, et que par delà l'on voulsist aler en ceste sorte de luy vouloir faire mal et estre contraire, comme ces choses le demonstrent , que l'argent levé du pays deppendant de sa couronne seroit bien mal employé, et que vrayment laisser passer gens et faire les choses dessusdites est un cas à quoy, madame, devez bien pourveoir, suyvant la confederacion et bonne amytié qu'est entre l'empereur vostredit père, luy, vous et mondit seigneur vostre nepveu. A quoy, madame, je luy respondis, ainsi qu'il appartenoit, plusieurs choses et, entre autres, qu'il n'estoit point guerre ouverte entre luy et ledit roy d'Angleterre, et que ledit roy d'Angleterre se pourroit lamanter que estant en confédération , aliance et parentelle à vostre maison , l'on luy deffendit les choses dessusdites pour munition et garde de son pays, et pourroit estre contre les Escoussois, selon qu'en estoit le bruit. Item, que l'on sçavoit bien que le pays de Flandres est de telle qualité qu'il est force que il vive de marchandise, et que, si le roy en veuU avoir, il en aura semblablement. Et, quant aux piétons, je luy respondis ce que vous m'avez respondu, et que, plus au long, m'a escript maistre Loys vostre secrétaire, sur la lamentacion que m'en avoit faicte monsieur le trésorier Robertet, et luy remonstris que sa majesté estoit mal informée du nombre de trois mille , car ilz n'estoient plus de quatre cent. Il me respondit que tout estoient excuses, et que l'on sçavoit bien que tout l'apareil que fait le roy d'Angleterre n'est que pour luy faire la guerre. Et, quant auxdits piétons, qu'il sçavoit bien que une partye estoit au service du duc de Gueldres, mais que une autre grant partie estoient

prins aillieurs, comme il en estoit bien informé particulièrement, et que ung serviteur de monsieur de Bergues, nommé Guyot, estoit celluy qui les avoit conduit. Et quant oires ne fussent que quatre , les faveurs qui se donnent au roy d'Angleterre avec déclaration indirecte n'estoit pas petite chose1. Je luy respondis à tout, ainsi qu'il appartenoit, et, en particulier, que plus grande déclaration estoit faicte en faveur de sa majesté, ayant messire Robert de la Marche conduit mil et cinq cens Alemans par le pays de mondit sieur vostre nepveu de la façon que vous m'avez escript. Il me respondit que ledit messire Robert l'avoit fait de sa teste, et non point par commission de sa majesté, et qu'il soit vray, il vous certifïie qu'il ne leur donnera point d'argent, et est bien contant que vous n'en laissiez passer aucuns. Je luy remonstris aussi que encoires plus grande déclaration et faveur luy estoit faicte par l'empereur en Ytalye , de avoir permis que soient alez à son service cinq mille lanskuenecz, qui sont esté cause du recouvremant de Bresse et de la victoire de ceste bataille; et combien soit esté à sa soulde, touteffois n'est petit service qu'a fait l'empereur pour luy; de quoy tous les autres s'en sont bien plainctz contre l'empereur. Il me respondit estre vray, et qu'il en est tenu à l'empereur, combien son impériale majesté, par le traicté de Blovs, soit obligée non-seulement à cela, mais de faire à sa propre despence , à l'encontre du pape , au temporel et spirituel par moyen du concilie, s'il ne retournoit au traictié de Cambray ou vray, s'il ne constraignoit les Venissiens à faire une paix satisfactive à l'empereur vostredit père et à luy. Et, après aucunes devises sur ces matières, lui repplicquant qu'il devoit commander l'expedicion dudit octroy, il me dit que j'en parlisse à. monsieur le chancellier; mais qu'il m'avoit bien voulu dire franche niant les choses dessusdites, comme il a

Déjà, le 1 7 lévrier, Jean le Veau écri- des Flamengs et autres pavs de monsieur

vait de Blois : u La nouvelle de la descente vostre nepveu, voisins desdits Anglois, que

des Anglois continue toujours icy, qui es- l'on dit estre consentons de ladite descente,

pouvenle beaucoup ceulx de par-deçà, et et que, sans avoir quelque pratique, ils

a 1 on tout plain de mauvaise suspicion ne l'oseroient entreprendre. «

accoustumé de faire et comme il appartient entre bons frères et alliez, et que semblablement je devoye parler audit chancellier de voz autres affaires. J'en ay parlé par deux fois audit chancellier, lequel m'a prié non voulloir prandre à mal qu'il m'a délayé jusques à ceste heure pour les grans affaires qu'il a de présent entre les mains, me promectant que, sans faute aujourd'uy ou demain, nous serions ensamble et verroit le tout; je solliciteray tousjours, tant qu'il me sera possible , et pareillement pour avoir l'octroy de l'ayde ordinaire dont m'escripvez.

Quant au fait d'Arras, l'homme de monsieur l'esleu, qui est party d'icy, me dit qu'il feroit entendre à l'empereur, et à vous particulièrement, en quel estât estoit la chose; pour quoy je ne vous en ay ne escrips riens; mais je vous promectz, madame, que j'en ay fait tout mon possible et austant comme s'il y fut aie tout le patrimoine de l'empereur.

Monsieur le chancellier n'est encoires party à cause de ses grosses nouvelles qui sont survenues, je luy ay parlé derechief ce que m'escripvez de l'affaire de Nevers; il m'a respondu ce que par autres vous ay escript; et autres choses je n'en puis avoir. Et, puisque monsieur de Nevers estoit délivré hors de prison sans constraindre luy et sa mère à faire le consentement dont m'escripvez , je n'ay pas grant espoir à l'advenir ; mais monsieur le chancellier se parforce plus à me vouloir persuader que la surceance sera en effect comme elle a esté promise à monsieur de Gurce ; mais je luy respondis que je ne la sçay entendre, car l'euvre est au contraire.

Madame, il vous plaira, etc. A Bloys, ce xvnie jour d'avril. Madame, combien ceste lettre soit du xvin , ne l'ay peu expédier ne faire plus tost pour ces affaires et nouvelles survenues. J'ay monstre l'article contenuz en voz lettres à monsieur le trésorier Robertet. Il m'a dit que le diable emporte l'obstination de madame de Nevers et des autres, et en est aussi mal contant que vous.

Vostre, etc. Andréa da Borgo.

ANDRÉ DE BURGO À MARGUERITE D'AUTRICHE

Mandement d'octroi pour les aides d'Artois. Le chancelier se montre sévère pour les affaires de la princesse. André de Burgo est en grande nécessité d'argent. Il a reçu ordre de l'empereur de se rendre sans délai auprès de l'évêque de Gurce, soit à Trente, soit à Inspruck, ce qui augmente ses embarras pécuniaires et lui cause un véritable désespoir. Le roi est étonné du départ subit de cet ambassadeur. Il craint qu'on n'en conclue une rupture entre les deux couronnes. ( Original. )

15 et 1G mai, à Blois.

Madame, j'ay reçu voz lectres du xne de ce mois, et veu le contenu, suyvant lesquelles j'ay derechief sollicité monsieur le chancelier si pourroyt avoir aucune bonne expédition touchant voz affaires; mais, quelque chose que j'ay peu faire, n'ay peu avoir aultres expédierions que celles que vous envoyé par ceste poste, que sont les mandemens d'octroy, tant des aydes ordinaires que extraordinaires d'Artois , le don des mille livres viennoises , le fait du sel et la commission pour examiner les lettres de la chambre des comptes à Dijon, et une lettre adressant ausdits des comptes, pour informer et advertyr le roy de la reddicion des comptes des grenetiers de Charrelois; et m'a dit ledit chancellier qu'il ne me soit autre expediction faire pour le présent mesmement quant à ladite reddicion des comptes desdits grenetiers, à quoy l'on ne seroit donner provision sans que premièrement le roy soit adverty de la vérité. Quant aux mandemens de garde et debitis, en cas de nouvelleté, qu'il n'en sçauroit faire aultre chose, et que le deusse tenir de ce en paix; car vous n'aviez cause de vous plaindre de riens. Et vêla ce, madame, que jay peu obtenir de toutes les poursuites que j'ay sceu ou peu faire; et m'a dit oultre ledit chancellier que, en ces petites choses, l'on ne vuille faire semblant de les y constraindre, ainsi que l'on fait1.

1 La mort du chancelier Jean de Gan- de mai , mit un nouvel obstacle à l'expenay, arrivée à Blois le 27 de ce même mois dition des affaires dont il est ici ques-

Madame, vous sçavez ce que vous ay escript par cy-devant de ma nécessité , et que la provision que l'on m'a faicte n'est pas pour satisfaire mes créditeurs, ne me povoir entretenir. Par quoy, madame, je vous supplie derecbief faire que soye payé et satisfait du demeurant des six mois dont l'empereur m'avoit ordonné la provizion. Et du demeurant que oultre m'est deu, que monte, madame, à plus de quatre mille et cinq cent livres, que soye assigné sur ses aydes d'Artois, dont vous envoyé lesdites expedicions; ce que, madame, facilement pourrez faire et n'auray cause de si souvent vous ennoyer, fastidier ne rompre la teste, et aussi ne feray si grande despence à envoyer poursuyr madite provision, comme il m'est force de jour en jour, ne demeurer en la honte où je suis, comme plus à plain vous dira mon homme estant par delà.

Madame, vous verrez les nouvelles occurrantes par ce que j'escrips à vostre secrétaire, maistre Loys. A tant, je prie, etc. A Bloys, ce XVe jour de may.

Madame, despuis cestes escriptes, j'ay receu lectres de l'empereur par lesquelles il m'escript me partir soubdain d'icy, et me tirer incontinant devers monsieur de Gurce ou à Trante ou à Hisprouc. pour aller avec luy à Rome pour faire, si Dieu plait, une bonne paix universelle. A quoy mectray toute la peine qu'il me sera possible; mais vous povez penser, madame, en quel estât à ceste heure je me treuve, sans argent, sans provision; et si suis constrainct partir sans povoir satisfaire mes créditeurs qui me redonde à ung grant honte, et non-seulement cela, mais qu'il me fault faire ung emprunt d'un cinq cens escuz pour povoir faire mon voiage, et pour ce, mectre le demeurant de mes meubles en gaige; et suis esbay, madame, que jà a si long temps mon homme est poursuyvant par delà, et que l'on ne m'ayt peu faire la provision pour les six mois, comme l'em-

tion. Paul de Laucle annonça celte mort lavit. Laboravit febri continua peslilentiali

dans les termes suivants :« Hodie circa ho- quatuor aut quinque dies et non magis :

ram sextam et dimidiam post meridiem , sed pressura laborum et negociorum ipsum

D. Cancellarius vitam cum morte commu- interfecit; de quo multi suntmolesti. »

pereur voslre père l'a escript; qui m'est donner couraige, madame, de quasi me désespérer, parce qu'il me convient journellement vendre muletz et chevaulx (s'il me convient vivre) voué à mespris, et encoires cela m'est bien petite chose. Pour quoy, madame, je vous supplie si très-humblement que faire puis y vouloir avoir regard, et combien il me soit impossible d'actendre ma provision, car, comme dit est, l'empereur me mande partir sans delay, il vous plaise faire et ordonner tellemant que quelque bonne provision me soit faicte incontinant jusques à ladite somme de cinq cens escuz, pour povoir rendre et restituer à icelluy de qui je feray l'emprunt, comme mondii homme plus à plain vous parlera, auquel j'escripray ce que feray pardecà. ^ ous supplie derechief, madame, le vouloir briefvemant expédier.

Madame, je suis esté ce vespre devers le roy pour luy faire entendre ce .que l'empereur vostre père m'a escript pour mon partemant, et a esté bien desplaisant d'estre si soubdain, disant qu'il ne savoit que penser, et que je devoye actendre jusques à la venue de l'autre ambassadeur que l'empereur a escript qu'il envoyeroit icy pour y demeurer jusques à mon retour. Toutesfois je l'ay tiellement remonstré les bonnes raisons que l'empereur vostre père m'a escriptes, que l'ay reduict par bonnes paroles, et est demeuré satisfaict, et m'a prié que vuille laisser icy mon secrétaire jusques que le nouveau ambassadeur soit venu pour escripre cependant, et afin qu'il ne samble que mon partement soit à cause de rupture1. Et ainsi je le faiz, combien il me desplaise, car j'en avoye nécessairement affaire. Madame, je suis délibéré de me partyr après-demain, et avant vous despescheray une autre poste.

Madame, il vous plaira, etc. A Bloys, ce xvie jour de may.

Vostre, etc.

Andréa da Burgo.

Le 19 mai, A. de Burgo insistait en- la cour de France son départ inopine, core sur le mauvais effet que produisait à (Lettres de Louis XII, III, 2 52.)

GLV.