RÉPONSE DE L'EMPEREUR

AUX AMBASSADEURS DE FRANCE, QUI SE PLAIGNAIENT DE CE QU'IL AVAIT LIVRÉ PASSAGE AUX SUISSES SUR LES TERRES DE L'EMPEREUR, POUR ALLER EN ITALIE.

( Copie du temps. ) Mai ou juin.

Sur ce que les ambassadeurs de France ont dit à l'empereur de la part du roy leur maistre, leur a esté respondu, par ledit seigneur empereur, ce qui s'ensuit :

Premier, quant à ce qu'ilz ont dit que l'empereur avoit donné le passaige aux Suyches \ ledit seigneur empereur leur a sur ce donné responce que, par l'alliance qu'il a avec les Suyches, il a esté à ce constrainct, et que par icelle il est tenu de les favoriser contre leurs ennemys; aussi que ce n'est point contre le traictié de Cambray et de Bloys, veu que audit traictié les anciennes alliances sont réservées, et que ledit traictié n'est fait seullement que contre les Venissiens et leurs adherens qui les vouldroient favoriser contre icellui traictié de Cambray.

En oultre que lesdits Suyches avoient sommé l'empereur du passaige de leurs gens qu'ilz envoyent au secours du pape, et pour le recouvrement de Boulongne et autres pays appartenant à l'Eglise, et pour aussi leurs propres querelles et celles pour lesquelles ilz sont allé la première fois ou vouaige de Corne.

Et de ce que le roy leur maistre dit que l'empereur luy a fait

1 L'empereur avait laissé passer les situm Pessimorum (les Suisses) per Triden-

Suisses par le Trentin. Une lettre de Paul tum, et non confklunt amplius de eo. » A

de Laude, du 5 juin, infofme Marguerite la même époque, les Suisses passaient par

du mécontentement de Louis XII au sujet le comté de Bourgogne pour entrer en

de cette faveur accordée à ses ennemis : France. Voir Correspond de Maximilien,

«Hic reputant Dulcis (l'empereur) decla- II, 3. ratum contra Dubius (Louis XII) ob tran-

NÉGOC. DIPLOMAT. 1 . Q \

dire, par messire André de Burgo, beaucoup d'autres choses et bonnes parolles qui servent à la bonne amitié de entre eulx deux tout au contraire de cest affaire.

Sur ce respond ledit seigneur empereur qu'il ne peut sçavoir que ledit messire André a peu dire audit roy leur maistre; mais sa majesté ouffre de monstrer l'article sur ce point de l'instruction dudit messire André , lequel en substance et au plus près est tel, que ledit seigneur empereur se complainct au roy mesme du grant tort qu'il semble à sadite majesté que ledit roy luy fait, de tant assister messire Charles d'Egmond, et qu'il luy pleust de asceurer icellui seigneur empereur qu'il ne feroit plus d'assistence directement ou indirectement audit messire Charles, car en faisant autrement l'empereur auroit cause de non tant le favoriser es Ylales, veu que pour ce il y avoit assez d'apparance que, quant ledit roy auroit tout son désir et la fin es Ytales, il courroit après sus audit seigneur empereur et monsieur l'archiduc son fdz, et assisteroit ledit messire Charles.

Item, que quant le roy leur maistre a entendu que ledit seigneur empereur avoit esté fort mal content de la. subite retraicte du sieur de la Palisse, par laquelle retraicte sa majesté avoit perdu tout ce qu'il avoit gangnyé sur les Veniciens , et par avant par deuz armées l'une après l'autre, par la faulte à sçavoir, la première armée, du gouverneur feu monsieur le grant maistre , et l'autre , dudit sieur de la Palice devant Padoue , ou èsdites trois faultes , ledit seigneur empereur a adez reperdu ce qu'il avoit gaingnyé sur iceulx Venissiens, ensemble son argent et despence, qui, pour entretenir et continuer ladite guerre et armer desdites trois armées, a monté, tant en or, argent que autrement, à ung inextimable trésor.

Ledit roy a envoyé devers l'empereur en poste ledit messire André , luy présentant par luy de faire et contenter ledit seigneur empereur, de tout ce qu'il luy vouldroit demander, moyennant qu'il voulsist tenir bonne amytié avec luy contre la ligue, et qu'il le voulsist toujours assister des gens de guerre à pied (La suite

manque.