AMBROSINE DE POLIGNAC À MARGUERITE D'AUTRICHE

Elle rédame les bons offices de la princesse pour faire modérer la rançon exigée de M. de Bussy d'Amboise, prisonnier à la bataille de Guinegate. (Original.)

21 novembre, à Varax.

Madame, dernièrement au ravitailler Terrouenne fust prins le filz de M. de Bussi d'Amboyse *, et suys esté advertie qu'il est es pays de mes très-redouptez et souverains seigneurs messeigneurs voz nepveux, et que l'on luy demande si grand somme d'argent pour sa renson qui ne luy est possible en fasson du monde la finer; car, comme i'escripts à mon filz , M. le gouverneur de Bresse, il n'a pas tant de biens que l'on pourroit bien pancer, et, si vous plaist, par luy pourrez estre advertye de son estât; car je luy en escript bien au long, vous suppliant, madame, tant et si très-humblement que fere puys, vostre plaisir soit fere qui soit mis à raenson raisonnable; et, celon sa puissance et à l'ayde de ses amys, la payera le plus brief que fere ce pourra.

Madame, je vous supplie moy pardonner la presumcion que ce m'est vous escripre de ce propoz, mais la pitié que je vous cognois avec mon debvoir, comme pour le mary de la fille de ma fille, me contraignent de ce fere ; aussi que aultre fois vous a pieu moy commander me retirer devers vostre bonne grâce, si aulcung affere me

' Jacques d'Amboise, seigneur de Bussy, tué en i5i 5 , à la bataille de Marignan.

survenoit, ne me sçay encoyres tenir vous supplier estre cause que ce poure gentilhomme ne soit destruyt, et qui vous plaise , etc. A Varax, ce xxie jour de novembre.

Vostre très-humble et très-obeissante subjecte et servante,

Ambrosyne de Polignac.