HENRI VIII, ROI D'ANGLETERRE, À MARGUERITE D'AUTRICHE

Il la prie d'envoyer des troupes à Térouane pour la brûler et détruire, afin que les Français n'en fassent plus leur repaire. ( Original.)

28 novembre, à Windsor.

Très-haulte, etc. Nous entendons que les François sont délibérez de, en toute dilligence, faire refortiffier et mettre en estât nostre ville et cité de Therouenne \ qui pourra faire grant destourbier en l'advenir aux subjects de nostre cousin et beau-frere le prince de Castille vostre neveu , ainsi que bien l'entendez. Et pour ce que les gens qui sont du tout mis à vostre ordonnance et commandement pour estre aux gaiges et soulde de nostre très-honnouré frère et cousin l'empereur vostre père et de nous, ont esté et sont ordonnez et appoinctez, non pas seulement pour préserver, garder et delfendre les pays et subgectz de nostredit cousin et beau-frere le prince, mais de faire tout l'ennuy et desplaisir à eux possibles, à noz ennemys et

1 Dans une lettre datée du 3o août, le que nous portons à nostre très-hounouré

même Henri VIII, écrivant à Marguerite, frère et cousin l'empereur, et à nostredit

s'exprimait ainsi au sujet de Térouane: cousin le prince de Castille, etc., avons

«Laquelle ville et cité nous pouvions, à esté et summes très-contents que les

bonne et juste cause et tiltre, retenir entre murailles, tours et boulleverts de ladite

nos mains, et d'icelle faire, ordonner et ville soient du tout et entièrement

disposer à nostre bon plaisir et vouloir. démolis, rasés, desemparés, et les fossés

Neantmoins , pour le très - singulier de- remplis en manière qu'il n'y ail jamais

sir, amour, zelle et très-grande affection ville fermée.»

adverssaires les François, vous prions très-cordialement, très-haulte et excellente princesse, nostre très-chere et très-amée seur, cousine et bonne commère, d'envoyer audit lieu de Therouenne, lesdits gens de guerre, affin de les destourber de leur propos. Et si vous advisez que besoing soit, pour plus grande sceurté en l'advenir, de faire iceulx gens de guerre mectre le feu et brûler entièrement ladite ville1, affin que lesdits François n'y facent plus leur repaire ne demeure, ainsi qu'ilz ont fait et font encoires journellement dempuis notre département, en remectant le surplus de ceste matière à vostre bonne discrection. Escript en notre chasteau de Wyndesore, le xxvme jour de novembre l'an xvcxui.

Vostre très-cordial frère, cousin et compère,

Henry.

MERCLRIN DE GATTINÀRE À MARGUERITE D'AUTRICHE.

Résolution des étals de Bourgogne concernant la neutralité de ce comté. Mainlevée des terres de Charolais, Châtel-Chinon, Chaucin et la Périerre. Assemblée des Suisses sans résultat. Entreprise sur le château de Joux. Arrestation du coupable. Passage de divers courriers. Incertitude de la paix ou de la guerre. Apparition de trois soleils et de trois lunes. Conjectures à ce sujet. Bruit d'un accommodement avec les Vénitiens. Instances du pape pour la délivrance du président de Dijon , retenu comme otage par les Suisses. Haine des Milanais pour le duc. Défaite de la flotte française. Délivrance du bailli de Dijon. Assemblée de gens d'armes au duché de Bourgogne. ( Original. )

1 2 février , à Dôle.

Madame, despuys mes dernières lettres ay receu deux des vostres, lune escripte à Malines, du vne de janvier, et l'aultre de Bruxelles.

1 Marguerite avait prévenu les désirs de fortifier Therouane, il semble à aucuns

du roi d'Angleterre ; dès le 22 elle écrivait qu'il seroit bon de parbruler ce qui estde-

a Laurent de Gorrevod : a Pour ce qu'on meure de ladite ville; et si cest advis vou*

murmure fort que les François se vantent semble bon, le pourrez faire exécuter. »

ENTRE LA FRANCE ET L'AUTRICHE. — 1513. 559 le xxime, par lesquelles ay cogneu que n'aviez encoures receu les aultres lettres que vous avoye escriptes, tant par monsieur le trésorier Glannet que par Hans , vostre messagier. Et certes je cuydoie que ledit Glannet, celon qu'il m'havoit promis, deust partir incontinent quant luy delivray mes lettres; car sans cela j'eusse envoyé homme exprès, et ay esté bien marry du long retardement qu'il a faict à Besançon sans m'en advertir, et encoures plus de ce qu'il ha retenu Hans, qui apportoit mes dernières lettres pour vous advertir du besogner de Salins; car, si j'eusse pensé dudit retardement, j'eusse baillé mes lettres à l'homme du capitaine Beauregard. Toutteffois de ceste heure je tiendz qu'estes adverty de toutes chosses.

Madame, par voz lettres du vu, me faictes responce touchant mon voaagie, lequel ne vous est aggreable; et combien que en mon veut, n'y ait eu aulcune condicion de le remettre soubz vostre bon plaisir, touteffoysne tendz à icelluy contrarier ny fere chosses que vous doie desplaisire ; et puys que les afferes sont tielz que désirés ma demeure pour ceste heure, je suys prest obeyr à vous commandemants, espérant touteffoys que en aultre temps plus propice me pourrés accorder ledit congié pour accomplir personnellement ce que j'ay promis, celon que je désire. Et neantmeyns, pour obvier à toutz dangiers, puys qu'il vous plet d'escripre pour la dispence, me semble, madame, qu'il souffira que vous en escripvez à monsieur de Gurce ou à monsieur le conte de Carpy, pour fere despechier ladite dispence, celon la mémoire et supplicacion que j'envoye cy enclouse. Et faisant tenir icelle dispence es mains de quelque banquier par dezà, soit à Lyon ou à Genève, je poyeray ce qu'ilz escripront qu'elle soit coustée, ou que ce soit simple dispence ou commutacion ou suspension.

Madame, en ensuyvant les lettres communes qu'il vous pleust escripre à madame la princesse1, monsieur le mareschal2 et moy,

1 Philiberte de Luxembourg, princesse comté de Bourgogne, seigneur de Saintdouairière d'Orange, veuve de Jean de Dizier, Champiite, Autrey, etc., mort en Châlon, morte en mai i53q. i 520

! Guillaume de Vergy, maréchal du

icelle dame princesse, puys qu'elle eust vehu vosdites lettres, m'escripvit que je me deusse trouver au lieu de Salins le Ve de ce moys, • m seroit monsieur le mareschal, ensemble les députez de troys estas, et qu'elle s'itroveroit,s'il estoit possible, pour advisersur le contenu en vozdites lettres et y fere le mieulx pour le bien du pays. Et combien que toute l'assemblée se trovist cedit jour audit lieu de Salins, neantmeyns icelle dame princesse, pour estre mal disposée d'unne grosse rume et doleur de dentz, ne s'i trouva, ayns s'envoya excuser et envoya aulcun de sa part pour y estre, priant la compagnie vouloir adviser et pourveoir le tout non obstant son absence, et quelle auroit agréable tout ce que seroit advisé. Touteffoys nous advisasmes que, pour la sehurté des afferes et pour le bien du pays, il estoit mieulx aller devers elle à Noseroy1, pour illeques en sa présence conclure toutes choses nécessaires; ce que fismes par ung trèsmaulvays temps de negies, de bise et de froydure. Et avons esté constrainctz illec demeurer depuys le mardy dernier jusques au vendredy, tant par l'indisposicion du temps et habondance de grosses negies, que aussy pour bien despechier toutes choses, tiellemant que seulement hier au soir fusmes de retour en ceste ville. Et pour ce que moy, estre icy arrivé, ay entendu que monsieur le prieur des Jacopins de Polligny, maistre Estienne Marionis, présent pointeur, s'en venoit pardelà pour preschier devant vous ceste quaresme, et que le congnoys homme de bien, m'a semblé vous escripre par luy, en attendant le parlement de monsieur le lieutenant d'Amont.

Madame, pour resolution, ha esté conclud, audit Noseroy, d'envoyer devers messeigneurs de Bourbon2 et de la Trimoille3, monsieur de Rye4, maistre Anthoine Saline5 et le trésorier de Salins, tant pour leur présenter voz lettres, sçavoir leur intencion touchant la

Petite ville de Franche-Comté, rési- 3 Louis de la Trémouille, tué à la ba-

donce ordinaire de la princesse d'Orange. taille de Pavie.

Charles, duc de Bourbon, depuis con- " Simon de Rye, chevalier d'honneur

nétable, transfuge du service de France, du parlement de Dôle.

lue au siège de Home, en 1527. 5 Conseiller au parlement de Dôle.

ENTRE LA FRANCE ET L'AUTRICHE.— 1513. 561 neultralité, que pour poursuyvir la mainlevée de voz terres et segneuries de Charreloys, Chastel-Chinon, Chaulcin et la Perrière , et aussy des deniers des greniers à sel, et leur ay faict despechier leurs instructions en bonne forme; desquelles le lieutenant d'Amont, qui viendra bientost devers vous, ayant aussy chargie des afferes du pays, vous appourtera le double avec les mémoires de toutes aultres chosses que seront à fere, tant devers l'empereur que de vostre cousté, pour la préservation du pays. Et avec ce ba esté despecbié un gentilhomme qui, ensemble maistre Jehan Botecbou, s'en vont aussy devers l'empereur avec semblables mémoires et instructions que vous appourtera ledit lieutenant d'Amont, afin que sa majesté soit plus encline à préserver ce pays en paix. Et pour ce de toutz ces afferes, à fin d'éviter redicte et prolixité, me remetz à la venue dudit lieutenant, par lequel aussy vous advertiray de ce que surviendra cependant.

Madame, pour vous advertir des novelles occurantes, je vous advise que, touchant les Suizes, il n'y ha encoures nulle conclusion de ce qu'ilz entendent fere; et despuys le partement de monsieur de Rye et de maistre Anthoine Saline ont tout jour procédé par continuacion de journée en journée sans rien conclure, et est remise icelle journée à la Sainct-Valentin prouchain pour lors adviser et conclure surtout. Et y ha des grosses practiques de toutz coustez ; et de ce qu'en pourray sçavoir vous advertiray per homme feable, vous advertissant qu'il y ha ung noveau prisonier à Joulx, que j'ay faict prendre pour luy fere deschiffrer quelques lettres qu'il envoyoit par pays; car c'est le père d'ung qui ha esté mis à execucion pour l'entreprise de Joux , et vous advertiray de tout.

Madame, le xxvm jour de janvier passa icy ung aultre courrier du roy d'Aragon alant devers l'empereur, et estoit passé par Bloys et esté en court du roy de France, et disoit s'en aller avec lettres adressantes au secrétaire Quintana; et luy demanday si du cousté d'Espagne estoit novelles de guerre ou de paix. Il me dict qu'il estoit plus apparance de paix que de guerre, et que le roy son maistre ne tendoit à aultre chosse. Le jour de la Purificacion de Nostre

NÉGOC. DULOMAT. 1. 7«

Dame, arriva icy un aultre courier venant semblablement d'Espagne et allant devers l'empereur, et avoit faict le chemin que l'autre, et en parlant à luy, me dict de mesme comme le procédant. Deux jours après, qu'estoit quatriesme de ce moys, bien matin, arriva icy Quintana accompagné de deulx aultres courriers et d'ung serviteur de clomp Pedro d'Urrea, qui me vindrent requérir de leur fere délivrer des cbevaulx , ce que je fiz; et en devisant audit Quintana, qui me dict avoir laissé l'empereur à Yspruch, luy dis que puys qu'il s'en retournoit, j'esperoye qu'il auroit dressé quelque bon moyen de paix, et me dict que aulcuns la desiroient bien, mais que les matières n'estoient pas disposées pour ce fere et qu'il avoit plus preparatives pour la guerre que pour la paix. Et à son parler j'entendiz bien qu'il ne s'en retournoit pas fort joyeux et qu'il n avoit pas faict tout ce pour quov il estoit allé. Et combien que je tiens que vous entendez assés tout ce que l'bon traicte, neantmeyns, pour mon debvoir, vous advertiz volontiers de tout, sans avoir esgard que ce vous soient nouvelles de bouquan.

Mais, madame, il y ha bien des novelles plus estranges, que sont toutes véritables ; car mon beau-filz m'ha escript et envoyé homme exprès qui ha vehu que en Piedmont, au lieu de Thurin et aultres lieux circumvoisins, le mardy dixième jour du mois de janvier, ung petit après midy fusrent venus troys soleils1 : assçavoir le soleil naturel bien replandissant et deux aultres : l'ung d'un cousté et l'aultre d'aultre cousté en assez bonne distance, non pas si reluisans, et y avoit troys doubles arcz tournantz les doz l'ung contre l'aultre, dont le plus grand arc partoit des deux soleils , et durèrent en tiel estât

1 Cette description d'un parhélie et d'une même hauteur que l'astre lui-même. Les

parasélène concorde bien avec la défini- faces de chaque image tournées vers l'astre

tion scientifique de ces deux phénomè- présentent les couleurs de l'arc-en-ciel ,

nés. Le parhélie consiste dans l'apparition tandis que les faces opposées et les cercles

simultanée de plusieurs soleils ; la pa- sur lesquels reposent les images restent

raselene dans l'apparition simultanée de blancs. (Note de M. le professeur Delezenne,

plusieurs lunes. Ces images, unies par un notre confrère à la Société royale des sciences

cercle blanc horizontal, sont toujours à la de Lille.)

jusques au soleil couchant; et sur le soir, à l'heure acoustumée , se leva la lune, à son heure, avec une grande croix traversant ladite lune et ung rondeau de couleur estrange qui environoit ladite lune et croix. Et y avoit de deux coustés deux aultres lunes rendant grande clarté, et durèrent tant que la croix, environ troys heures, sans changier, et après ladite croix et rondeau avec lesdites deux lunes se perdirent, et demeura la lune naturelle merevilleusement rouge. Dont tout le monde ha esté fort esbahi, et pour ce que Thon treuve assés par escript que aultres foys ont esté vehuz troys soleils et troys lunes en semblable forme avec la croix, si voulez sçavoir la signification d'iceulx, y pourrés fere estudier maistre Loys de Marrillan et maistre Pierre Piquot l pour vous en dire la vérité; tant y ha que en Piedmont ilz en sont fort estonnez, et hy en ha aulcuns qui disent que signifie discension et scisme, tant en l'élection du pape que de l'empereur, et grosse guerre et grande effusion de sang et mutacion de seigneuries, et que finablement le tout reviendra à une monarchie, comme fu faict du temps de Julius César. Je vous escrips volontiers cecy, car l'hon m'en ha adverty pour vérité.

Madame, l'hon dict que l'appoinctement de l'empereur et des Veniciens est faict; mais je n'en sçay riens à la vérité et tiens que vous le debvés mieulx sçavoir. L'hon dict aussy qu'il doibt passer pardezà les montz une bande des Espagnolz qui sont en Italie pour se joindre avec les Suizes; ce que ne puys croire, et mesmes que l'hon murmure de la continuacion de la treuve, combien qu'il n'y ha riens certain, et ne sçay penser cornant se pourroit bien fere au contentement de toutz et sans se trop declairer pour me fere jngier prophète.

Vous me manderés, etc. Escript à Dole, ce xne de feuvrier 1 5 1 4- Despuys mes lettres escriptes, ay entendu par ung homme venant de Suizes que le pape ha escript ung brief auxdits Suizes, les admonestant de rendre le président du duchié2 et d'apoincter et fere paix

1 Louis de Marliano et Pierre Picot 2 Le président du parlement de Dijon

étaient les deux médecins principaux, du était retenu en otage par les Suisses pour prince Charles et de sa tante Marguerite. la garantie du traité qu'ils avaient conclu

aux Françoys, leur ouffrant de fere entretenir le traictié faict devant Dijon ; et est à doubter, actendu les grandes prolongacions de leur conclusion, qu'il n'y ayt de la fringhe. L'hon dict que le duc de Milan est fort hay de ses subjectz et qu'il s'est retiré dedans la roque de Milan. L'hon ha aussy cuydé ravitailler le chasteau neuf de Gennes ; mais les navires des François ont esté ruez juz par les Genenovs. Le capitaine de Chastillon sur Marchie ha délivré le bailly de Dijon à ranson de imm escuz, et dict havoir congié pour ce fere tant de l'empereur que des Suizes. Dieu veulle que ainsy soit et que nous n'en ayons point d'aultre inconveniant. L'hon garnist fort les frontières du duchié de gens d'armes; je ne sçay que ce sera.

Vostre, etc. Mercurin de Gattinare.

GLXXXIII.

MARGUERITE D'AUTRICHE À L'EMPEREUR MAXIMILIEN

Elle essaye de détourner son père du traité de paix avec la France, que négociait auprès de lui Quintana, ambassadeur du roi d'Aragon à la cour de Louis XII et auprès de l'empereur. ( Copie. )

14 février.

Monseigneur, il me semble par la lettre que m'avés desnierement escripte, toute de la main de maistre Hans Renner, que désirés savoir mon advis et de ceulx de vostre privé conseil et leaulx serviteurs sur le besoigne de Quintana. Et pour ce que à présent ceulx à quy désirés que especialement je communique cest affere ( ne sont pas ici); aussy que ne sçay encoires bien comprendre la matière, suis délibérée actendre la venue du commandeur Loys Gillabert1; mais,

avec Louis XII, le i3 septembre précé- ' Envoyé de l'empereur vers Marguerite

dent. d'Autriche.

ENTRE LA FRANCE ET L'AUTRICHE.— 1513. 565 monseigneur, cependant ne me seroie abstenir vous escripre mon petit advis en cest affere, non pas par forme d'advis ny de conseil , mais de quelque petite remonstrance pour rendre mon devoir comme j'ay tousjours fait, ainsi que très-humble fille doit fere.

C'est, monseigneur, que le party que vous dictes que l'on met en avant me semble si sommeire, tant à ce qui vous touche et à monsieur votre filz \ qu'il me semble n'estre que chose faincte en intencion de vous amuzer tous trois à l'occasion de cest appointement, affin de gaigner temps et tant fere que l'un ou les deux de vous trois2 délaisse de fere ses appresles, comme vous estes tenuz par les traictés, sur espoir d'appoinctement , et vous fere perdre temps comme il a fet l'année passé à cause de la trêve.

D'autre part, monseigneur, quant il3 offriroit bien ung appoinctement qui fust tout raisonable et à l'aventaige de vous trois, je ne sçay si, après l'avoir conclut pour eschapper de ceste fortune, se tiendroit bien ce qu'il avoit juré ou promis, comme l'on est asseuré qui se feroit de notre cousté, comme freschement par le traicté de Cambray 4 et touchant le fet de Gheldres, et en plussieurs autres traictés par cy-devant faiz entre vous et luy, avés peu veoir et expérimenter. Par quoy povés mieulx juger de la foy et leaulté des François que nul autre.

Monseigneur, je suis seure que le sçavés mieulx que moy, parquoy est folie à moy de le vous escripre; mais les autres princes sont plus loings de leurs ennemys que nous, et y a montaignes et mer entre deux; avec ce, ilz sont plus riches pour résister à leur ennemy que ceste poure maison de Bourgoigne. Par quoy fait ceste affere ung peu plus à noter de nostre part que des autres; car, quant maintenant l'on nous rendroit bien ce qui nous appartient, si est-il à craindre que dedans deux ou trois ans, quant l'on verroit son point, qu'on ne

1 Charles d'Autriche , petit-fils de Maxi- 3 //, le roi Louis XII. milien. 4 De i5o8.

2 L'empereur, le roi d'Aragon et le roi d'Angleterre.

le nous ostat et reprint, veu que aujord'uy prendre et demein reperdre ce seroit plus grant honte et deshonneur que auparavant.

Vous savez, monseigneur, qu'il? ont en leur main la loy salique et aultres points de ceste souveraineté 1 qu'ilz prétendent, par lesquelz ilz trouveront tousjours occasion , quant ilz verront leur point, de reprendre sur nous ce que bon leur semblera.

Monseigneur, si le roy catolique est celluy de vous trois qui plus facilement s'encline à ceste paix et y vouldroit induire les autres, ce n'est pas merveille; car il a ce qu'il demande; mais vous ny le rov d'Angleterre ne l'avés pas. Touteffois, par le traicté, il est abstrainct de vous aydier à tous deux et vous à luy; et s'il vous conseille la paix et vous la voulés, il fauldroit que, la faisant par son moien, il vous aidât à garder et deffendre voz pays qui sont les plus dangereux, s'il advenoit que cy-après les choses retumbassent à leur premier estre; car puisque chescun veoit et est apparent que maintenant est l'heure ou jamais que vous, monseigneur, et ceste maison, à l'ayde de voz amys et alliez, pourrés venir au-dessus de voz communs ennemys; par quoy pourrons tous avoir, avec l'ayde de Dieu, ce qui nous appartient, que seroit notre grant honneur et prouffit. Et si , par ladvis dudit seigneur roy catolique, les choses prenoit ung aultre chemin et qu'il ne nous en advint si bien comme de exécuter notre première entreprinse, ne fauldroit laisser ledit seigneur roy sans grande obligation.

Et s'il venoit à traicter, monseigneur, avec le duché de Bourgogne ne fauldroit obmetre les contés d'Auxerrois, Masconnois et Bar-sur- Saine, et aussy d'oster ceste souveraineté, au meins pour ung temps, comme fust fait du temps de monsieur le duc Charles; car cella est tousjours une ouverture pour rompre; et aussy de mectre en seurté le fait de Gheldres, autrement, monseigneur, ce seroit tousjours à recommancer.

Quant au fait qui touche le roy d'Angleterre, je tiens, monseigneur,

Souveraineté sur la Flandre, qui était une pairie du royaume.

qu'il n'a nul pansemant de faire appoinctement; et que jusques icy ne l'a eu, et j'en suis seure1; mais je croy trop bien que, s'il s'aperçoit ou il puisse soupeçonner que l'on vueille échanger aucune conclusion de ce que a esté traicté avec luy, que cella le pourra faire penser ce que jamais n'a pensé; et est la chose bien dangereuse, car il peult tousjours avoir ung bon appoinctement et grant; et s'il le veult faire seul, il est apparent que le peult faire meilleur que l'on ne le luy sçaura fere.

D'aultre part en le desjoindant de nous, est à craindre que qui en auroit afFere l'on ne le pourroit recouvrer si aysement ; par quoy, monseigneur, penserés sur le tout.

De moy, monseigneur, je désire austant la paix que personne vivant, moyennant qu'elle puisse estre bonne et seure; mais, autrement, ce sera la perdition et destruction de ceste maison pour l'advenir, que Dieu ne veuille.

Monseigneur, je vous supplie prendre de bonne part ceste petite remonstrance et comme de celle qui le dit de bonne affection.