CONCERNANT RORERT DE LA MARCK

» (Minute signée.)

Sans date.

Claude de Silly l dira aussi au roy de France que jà pieçà il a escript au roy et à monseigneur qu'il avoit donné congié à messire

1 Claude de Cilly a été successivement chargé de missions diplomatiques auprès de Louis XII et de Ferdinand, roi d'Ara<ron.

Robert de la Marche et l'avoit desappoincté de toutes choses pour ce que, sans son ordonnance, il estoit allé servir le conte palatin contre le roy.

Que depuis nagaires mondit seigneur a entendu que ledit seigneur roy de France l'a reprins en sa grâce et en son service , et qu'il lui a rendu tout ce qu'il lui avoit osté.

Ce que mondit seigneur ne peut bonnement croire, veu mesmement ce que dit est, et que ledit messire Robert fait journellement pracliquer mondit seigneur pour le retenir en son service ; ce qu'il a délayé de l'aire, mesmement jusques à ce qu'il seroit averty de la vérité de ce que dit est et de l'intencion dudit seigneur roy de France.

Sy lui suppliera de par mondit seigneur qu'il lui plaise lui mander comment il en est à la vérité.

Et s'il est ainsi qu'il l'ait retiré en sondit service, lui suppliera lui vouloir expressément commander, et à telle peine que le cas le requiert, que directement ou indirectement ne face ou entreprengne chose en Gheldres ni ailleurs de la place de Montfort, ni autrement que puist estre au préjudice de mondit seigneur, ses pays et subgets.

Et s'il n'est ou service dudit seigneur roy, et il persiste d'avoir celui de mondit seigneur, suppliera audit seigneur roy que son plaisir soit sur ce lui mander son bon advis et intencion; car mondit seigneur n'y vouldroit entendre au regret dudit seigneur roy.

Dont ledit de Silly advertira mondit seigneur à diligence.

Philippe.