ARTOIS

( Minute. ) 23 août.

C'est en effectla response faicte par le roy, ce jourd'hui xxme d'aoust l'an xvc et cincq, à monseigneur le conte de Nevers, monsieur l'evesque de Paris, et autres messieurs les ambassadeurs du roy trèschrestien ensemble de ce que s'en est enssuy.

• Monseigneur, et vous, messieurs, le roy a ouy et entendu par le rapport de ses députez les communications que ont esté entre vous

ENTRE LA FRANCE ET L'AUTRICHE. — 1505. 93 et eulx, et ce sur quoy finablement vous vous estes arrestez; il a, comme la raison veult, de tout adverty le roy son père.

«Et a, au surplus, sur tout bien pensé, et, par l'advis dudit seigneur roy son père, et aussi par délibération de son conseil, tant de plusieurs chevaliers de son ordre et autres de son conseil bien assemblez et en grant nombre, vous fait dire, pour la généralité, qu'il n'a jamais voluntairement ne à son essyant cuiclié ne aucunement penssé de faire ou actempter aucune chose constre ne au préjudice des traictiés de paix de Senlis, de Paris, la feaulté et hommaige, ne autres choses par lui faictes et promises en la cité d'Arras, à la reddicion des trois villes d'Artois.

« Ayant aussi ferme espoir que le roy très-chrestien ne lui vouldroit tollir ne diminuer son droit.

« Vous savez aussi les grandes fraternitez, amistiez, aliance et intelligence que par mariage ou autrement ont desjà esté pieçà promises et solempnellement jurées entre ledit seigneur roy très-chrestien et le roy, lequel les a tousjours deuement entretenues non pas de parolles, mais par effect, au regret de plusieurs, et tient et croit certaiment que ledit seigneur roy très-chrestien ne l'a mis en oubly , et qu'il en a bonne souvenance ; aussi , certes , icelui seigneur roy très-chrestien a jusquez ores tenu au roy sy bons termes de toute bonne amistiér qu'il ne s'en scet assez louer et dont encoires très-affectueusement il le mercye, et sur toutes choses du monde désire en icelles amistiez et intelligence continuer, supliant audit seigneur roy de sa part vouloir fere le semblable.

« Présupposé aussi que de parler de semblables ditferens touchant les entrefaictes prétendues contre le ressort et souveraineté dudit seigneur roy, n'est pas chose nouvelle; car il est apparu au roy que, dès longtemps et depuis le grant traictié de paix d'Arras fait l'an mic xxxv, plusieurs grans differens ont esté entre feux de très-dignes mémoires, le roy Charles vne et monseigneur le bon duc Philippe , tant touchant pluiseurs choses que ledit seigneur roy pretendoit avoir esté faictes et actemptées contre le ressort et souveraineté , que autres choses.

Oi NÉGOCIATIONS DIPLOMATIQUES

« Sur quoy furent premièrement tenues les conventions de Chalons et de Paris, et depuis, en Tan imc lviii, au lieu de Montbrison où estoient devers le roy les ambassadeurs de feu mondit seigneur le duc Philippe, icellui seigneur roy fist proposer par son procureur gênerai plusieurs choses à la charge de mondit seigneur le duc, tant touchant lesdits ressorts et souveraineté que autres. Et, certain temps après, mondit seigneur le duc Philippe envoya ses ambassadeurs devers icellui seigneur roy à Vendosme, où il le fit humblement supplier «M requérir que son plaisir feust lui faire baillier par escript les articles dont l'on l'avoit ou vouldroit charger, afin d'y respondre à fappaisement et contentement du roy; lesquelz articles, incontinent après ledil seigneur roy lui envoya par lors monsieur l'evesque de Constance1 et autres notables grans et saiges personnaiges ayant aussi charge de plusieurs autres grandes matières.

« Dont s'en est enssuy que, par ambassades et journées amiables, les matières, tant d'une part que d'autre, ont à loisir et sans précipitation esté debatues.

« Et les aucunes abolyes , les autres esclarchées et les autres demeurées en difficulté sans estre vuydées, comme de toutes ces choses apport par les coppies des propositions et autres escrips du temps de lors, qu'est moult belle chose à veoir.

« Aussi depuis le trespas dudit feu roy Charles, et mesmement en l'an xvc, certaines journées ont esté tenues et dressées pour la wydange et terminacion desdits articles qui auparavant n'avoient esté despeschées, mais estoient demourées en difficulté, comme dit est, lesquelles journées sont depuis demourées interrumptes.

« Les choses dessus dites, premises et présupposées pour condes- '•••ii dre aux cas particuliers dont vous avez parlé, et premièrement touchant les deux commissions despeschées touchant la main mise aux biens de chappitre de Tournay et le temporel de l'evesché scitué ou pays de Flandres, le roy fera main levée ausdits de chappitre et leur

Richard Olivier de Longueil , évêque de Coulances en i453, mort cardinal -évêque de Porto, en 1^70.

baillera joyssance de leursdits biens, selon que ledit seigneur roy lui a pieçà escript, et du surplus sera parlé à la fin de ce propoz.

« Et quant aux autres choses mises en avant par vous, monsieur, et autres messieurs, et la repara cion que, comme vous dictes, le roy veult estre faite en la forme et manière contenue au billet par vous baillié,

« Le roy, pour ce que ces choses ne sont pas de son gibier, en a parlé à son conseil, et a enquis que c'est; et combien que ce sont choses pour la pluspart aucunes à la solicitation et donné à entendre des parties, touteffois, afin que ledit seigneur roy congnoisse que le roy se veult mectre en tout debvoir, il rappelle, révoque, met à néant et declaire nulz et de nulle valeur tous les mandemens de sa part despeschés par son conseil ou fait du doyenné de Saint-Omer, de la prébende de Bethune, du pain par lui donné en l'abbaye de Cerquam, ensemble tous exploiz et appointemens que s'en sont enssuys et touchant le personnaige de Kyele en Flandres, declaire la sentence rendue en son grant conseil estre nulle et non devoir sortir aucun effect, et est content que celle de la court de parlement soit exécutée et y fera baillier assistance. Et semblablement fera baillier assistance à l'execucion de farrest qu'on dist estre obtenu par l'abbé de Corbye, en declairant tous empeschemens y mis nulz et de nulle valeur, sauf au procureur du roy, qui n'est condempné, de se povoir opposer pour son interest.

« Et quant au fait de Rapine , les provisions de la court de parlement ou de la chancellerie de Paris sortiront effect, mais de son emprisonnement le roy et son conseil n'en scevent à parler, et fut fait par le prevost des rnareschaulx, â l'ordonnance et commandement de feu monsieur de Nassou, lors lieutenant gênerai.

« De la reparacion qu'on dist avoir fait fere à ung advocat de Bethune, pour avoir conseillié une femme d'apeller, et aussi du sergent d'Amiens arresté , les officiers de Bethune s'en excusent fort et requièrent qu'on s'en informe à la vérité; et neantmoins, dès maintenant, le roy déclare tout ce que par icelle informacion apperra

avoir esté fait au préjudice de la souveraineté du roy nul et de nulle valeur, et promect le faire deuement reparer.

« Des déclarations dessus dites , le roy vous baillera acte signé de sa main, ou lettres en bonne forme.

« Ne reste plus à respondre , fors à ce que vous avez dit que ledit seigneur roy veult que le roy adnulle et mecte à néant les deux mandemens par luy baillez, touchant le chappitre de Tournay et l'evesché, aussi le fait de Neuve-Eglise et la reparacion contenue audit billet.

« Pour ce que ces choses sont de grande importance, et que d'aucunes dicelles a este pourparlc es journées tenues passé xl ans, sans décision, par quoy, sans estre plus amplement informé, ne sy soudainement ne lui est bonnement possible rendre certaine responce, il s'en fera à toute diligence informer, et, pour sur iceulx points fere responce, aussi pour entendre plus avant en toutes choses l'intencion dudit seigneur roy et lui donner à congnoistre le bon vouloir et intencion dudit roy, il envoyera bien brief devers lui aucuns ses serviteurs feables et secrets, par lesquelz en toutes choses il se mectra en tel debvoir, que ledit seigneur roy devra estre content, et qu'il congnoistra par effect que le roy sur toutes choses veult demourer envers lui bon frère, parent, amy etalyé, et, touchant ce qu'il tient de la couronne, humble vassal.

\ ous prie et requiert prendre ces choses en bonne part, et en fere doulx et gracieux rapport, ainsi que le roy a en vous entière confidence. »

Ces choses ouyes par mesdits sieurs les ambassadeurs, après avoir bien peu de temps parlé ensemble , ont dit au roy qu'ilz n'avoienl autre charge et ne povoicnt adjouster ne diminuer aucune chose audit billet, et autres choses qu'ilz avoient dit et déclaré, et que d'y envoyer, à leur advis, ne seroit de gaircs grant effect, requerans au roy et le sommant de le fere. Et après que sur ce leur a esté dit que le roy esperoit de par ses ambassadeurs contenter ledit seigneur roy, el que jamais n'avoient ses prédécesseurs esté en cas semblable sy

précipitez, mais tousjours par ambassades et journées, avoient esté ouyz, comme dit est cy-dessus, et qu'il n'eust jamais pensé crue ledit seigneur roy l'eust voulu précipiter et piz traictier que n'ont fait ses prédécesseurs. Ceulx du roy l'ont encoires une fois sommé d'accomplir le vouloir dudit seigneur roy, et finablement par la bouche de monsieur de Paris, après remonstrances faictes qu'ilz avoient regret de dire ce qu'ilz vouloient dire, mais qu'il leur falloit obeyr audit seigneur roy, leur seigneur et maistre.

Et en obéissant protestèrent devant notaires et tesmoings, qui estoient derrière eulx tous prestz , le roy estre encouru es paines escheues en tel cas, et qu'il ne se debvoit mescontenter, se ledit seigneur roy les vouldra mectre à execucion, veu sondit reffuz , soy departant au surplus de tous traictiez et amistiez faites entre eulx, et que c'est à sa cause , et non pas de celle dudit seigneur roy trèschrestien.

De ces choses le roy, estant moult esbahy et desplaisant, leur dist qu'il faisoit toutes protestations contraires, et qu'il s'estoit mis et vouloit mectre en tout debvoir, et que si legierement ne se vouloit départir desdits traictiez et amistiez, mais envoyeroit devers ledit seigneur roy et esperoit de le contenter de la raison.

Et après avoir ung peu parlé ensemble, vindrent prendre congié, en disant qu'ilz feroient le plus doulx et gracieulx rapport au roy qu'ilz pourroient, et s'employeroient au radoubement des matières, et que elles ne tombent en plus grant aigreur de leur povoir, dont le roy les a mercyéet prié de le vouloir ainsi fere, et sur ce partirent le lendemain.

NÉGOC. MPLOMAT. — I. l*

MÉMOIRE

X JEHAN DE FLOYON BAILLI D'AYESNES, DE CE QUE DE LA PART DU ROI NOSTRE SIRE, IL AURA À D1P.E AU ROY DE NAVARRE1.

Deux copies du temps.

12 octobre, à Anvers.

Premiers luy fera les affectueuses recommandacions du roy nostre sire , luy présentera ses lettres contenant credence , et pour l'exposition d'icelle luy dira :

Que le roy nostre sire est bien records de la peyne qu'il print et du dangier auquel il se meist et exposa pour luy venir au-devant, lorsqu'il alla en Castille, et de ses offres de lors, et de ce que depuis il luy a fait dire et aussi escript.

Luy dira que le roy nostre sire n'en veult estre ingrat, ains pour recompense desdites offres et soubz entière confidence que, icelluy seigneur roy de Navarre les entretiendra, après avoir entendu que, soubz couleur de l'aliance de mariage que l'on dit estre traictié entre le roy d'Arragon et la damoiselle de Foix 2, l'en vouldroit débouter icellui seigneur roy de Navarre de son royaulme, et à icelluy ayder le seigneur de Foix. Que le roy nostre sire luy fait savoir qu'il

1 Ces instructions, dans lesquelles le roi de Casliile exprime le désir d'unir une de ses fdles à Henri d'Albret, alors âgé de trois ans, sont très-curieuses en ce qu'elles révèlent une adroite combinaison de Philippe le Beau, pour déjouer les projets de son beau-père et de la maison de Foix sur la Navarre. Elles ne font pas hors d' œuvre dans notre recueil, puisque Louis \II était vivement intéressé à ce mariage de sa nièce, Germaine de Foix,

avec Ferdinand le Catholique, contre lequel il avait soutenu jusqu'alors une guerre assez malheureuse.

2 Le traité de paix, confédération et alliance entre Louis XII et Ferdinand , et de mariage de Germaine de Foix avec ledit roi Ferdinand, fut conclu à Blois le î 2 octobre i5o5, et ratifié par le roi d'Aragon, à Ségovie, le 16 du même mois.

Voyez Dumont, t. IV, part, i™, p. 72.

est délibéré et résolu luy aydier, à son besoing, à la conservation de son bon droit; mais que, pour le povoir tant mieulx faire , le roy nostredit sire le requiert et luy conseille bien traictier et entretenir son connestable le conte de Lerme, et, par son moyen, prendre bon entendement et alliance avec le duc de Najarra, bon parent, leal serviteur et subgect du roy nostre sire, et à icellui duc de Najarra adjouster foy selon les lettres que le roy nostredit sire luy a jà escript de credence sur icellui duc, le tout affin de ladite alliance et intelligence. Et à ce propoz pourra ledit bailly d'Avesnes honnestement et humblement demander audit seigneur roy de Navarre s'il a point receu lesdites lettres.

Dira ledit bailly au roy de Navarre comme le roy nostre sire jusques ores s'est toujours conduit envers le roy d'Arragon, ainsy que bon beau-fils doit faire envers son bon beau-pere, et a voulenté de continuer, soubz ferme espoir que ledit seigneur roy d'Arragon doye faire le semblable. Dira oultre comme le roy nostre sire ayt journellement des nouvelles de la conduite du roy d'Arragon, tout au dehors de ce qu'il en esperoit et ne scet qu'il en doye croyre.

Dira oultre, que le roy nostre sire est délibéré de tousjours se mectre en ses devoirs et mectre le bon droit de sa part. Et neantmoins, que s'il treuve que ledit seigneur roy d'Arragon n'y veuille entendre, ains se quiere faire roy de Castille, ou du moins en retenir l'administration, comme le bruyt en court, que, en ce cas, le roy nostredit sire est bien délibère de sievyr, et recouvrer le droit que à luy et à la royne sa compaigne est escheu par le tresj>as de feue la royne , que Dieu absoille , leur bonne mère , et que le roy nostredit sire a bon espoir, voire se tient pour tout asseuré que lors icellui seigneur roy de Navarre, sy requis en est, lui fera service et assistence, selon et en ensuyvant ses offres et présentations. Et sur ce point contendra ledit bailly d'entendre l'intencion dudit seigneur roy de Navarre , sans toutesfois demonstrer signe ou tenir termes de difïidence aucune.

Si le roy de Navarre declaire et afferme ouvertement qu'il soit

JOO NÉGOCIATIONS DIPLOMATIQUES

delibcré aidier le roy nostre sire en ses affaires, et es siens désire l'assistance du roy nostre sire, ou si, pour quelque double ou crainte de quoy que ce feust, il mettoit difficulté à s'en deelairer, en ces cas et chacun d'eulx, ledit bailly, après luy avoir touebié que jamais le roy nostre sire ne failly de sa promesse, et que l'en se puist bien et doye confier de luy; luy dira que, en chemin, pensant à sa charge, il ait en soy-meismes conceu quelque moien par lequel, s'il estoit conduit, et le roy nostre sire, et le roy de Navarre se pourroient et deveroient bien entre-asseurer l'ung de faultre, sans pour lors faire ouverture dudit moien. Et si le roy de Navarre presse d'entendre ledit moien, en ce cas et autrement non, ledit bailly fera du renchiery de le dire, et ne le dira, n'est qu'il plaise audit sieur roy de Navarre lui accorder et l'asseurer que jamais jl ne révélera que icelle ouverture luy viengne dudit bailly. En ce cas, icelui bailly luy dira qu'il ait considéré que le roy nostre sire ait trois filles, et que seroit bonne, grande et honnourable alliance pour monsieur le prince de N;i\arre. Et plus avant luy pourra dire, comme par grant secret, que autresfois il en ait oy deviser à monsieur le prince de Chimay son maistre, en son privé, comme celui qui monstroit semblant de désirer que la chose advint1.

« Dira que si ceste alliance se conduisoit, dira que le roy nostre sire seroit tenu et vouldroit garder et deffendre luy roy et la royne de Navarre, comme père et mère, et le royaume dudit Navarre, comme le futur héritage de madame sa fille, et ainsi que soy-meismes et le sien propre.

« Et à ce mesme moien, le roy nostre sire, lequel jà se tient pour bien asseuré de luy roy de Navarre, auroit matière de s'en tenir plus que seùr. Et oultre pourra dire ledit bailly qu'il ne luy semble point que si le roy de Navarre envoyast ses ambassadeurs chargiez de ceste matière vers le roy nostre sire, que par le moien de monsieur le prince et de messieurs ses parens et amis, qui tous ont bonne

Ce paragraphe et les trois qui suivent ne se trouvent que dans Tune des deux copiea que nous avons sous les yeux.

auctorité vers icelui seigneur roy, qu'il n'en euist une bonne response.

« Si le roy de Navarre y mettoit difficulté, de doubte du reffus et de crainte de haste, en ce cas, ledit bailly luy dira qu'il pourra envoyer ses gens chargiez de ceste matière et de quelque auhre pour faire leur entrée, et qu'il les pourra chargier de taire ceste matière, tant que monsieur le prince, comme de soy-mesme ait sentu si le roy nostre sire y vouldroit entendre, pour selon ce soy régler; en réitérant ledit bailly à ce propos que, eu regard à l'affection qu'il scet que le roy nostre sire porte à luy roy de Navarre et à la bonne adresse de monsieur le prince et des siens, il ait ferme espoir que lesdits ambassadeurs chargiés de ceste matière seront les très-bien venuz et en rapporteront bonne response, en y adjoustant que monsieur le prince ayme bien tant luy roy de Navarre, que jamais il ne conseilleroit à ses ambassadeurs mettre en avant chose dont icelui seigneur ny eulx puissent avoir reboutement ou regret. »

Sur toutes lesquelles choses leditbaillyd'Avesnes sollicitera et poursuyrasa response, eticelle eue, s'en retournera à la plus grant diligence qu'il pourra. Fait en Anvers, le xnc jour d'octobre, l'an xvc et six1 (cinq).