CONTRE LE CONTENU DES LETTRES PRECEDENTES

( Cop te a u th entiq ne. ) 21 octobre.

Phelippe, par la grâce de Dieu, roy de Castille, de Léon, de Grenade, etc. etc. faisons, par ces présentes, assavoir à tous que nous avons cejourd'huy, date de cestes, expressément ordonné et commandé à nostre très-chier et féal chevalier et chancelier le sieur de Maigny, de faire sceller de nostre grant scel, et par nostre audiencier

maistre Philippe Haneton, faire signer certaines noz lettres patentes , que, pour éviter la guerre et la perdicion de noz royaulmes de Castille, de Léon, de Grenade, etc. avons, par noz ambassadeurs, fait consentir et accorder à nostre frère et cousin le roy de France, contre toute équité et raison , et aussi l'advis et conseil de nostredit chancelier, dont luy avons ordonné et commandé, ordonnons el commandons par cestes faire en nostre nom , par-devant notaire et tesmoings , protestacions deues, en déclarant que n'entendons ne voulons que à nostredit chevalier l'on en puist cy-après aucune chose quereler, imputer ou demander. En tesmoing desquelles choses nous avons ces présentes signées de nostre main, et fait signer par ledit maistre Philippe Haneton, nostre audiencier, ce xxie d'octobre, l'an mil cinq cens et cinq. Ainsi signé : Philippe; et plus bas : Haneton.