PHILIPPE, ROI DE CASTILLE, AU CARDINAL D'AMBOISE

Réclamation des biens confisqués sur Louis de Marliano, médecin. {Copie.)

Dernier juin, à Bonavento.

Très-revercnd père en Dieu, très-chier et amé cousin, nous vous tenons bien souvenant de la promesse faietc par nostre frère le rov très-chrestien , et aussi depuis par vous, à Ilagheno, touchant la restitucion de nostre amé et féal conseiller et phisicien, maistre Lovs de Mariano, à tous ses biens à luy detenuz en la duchié de Milan. Vous savez aussi les sollicitations et poursuites que depuis en avons faict faire par lettres, messaiges et autrement. Toutesfois, jusques ores n'avons pu parvenir à nostre intencion; ains avons entendu que iceuls biens ont esté donnez à Loys Daz , et que à mon ambassadeur Courtevdle, en sollicitant ceste affaire, en a nagaires esté donnée response assez froide et doubteuse; dont nous donnons merveilles, veu lesdites promesses. Par quoy, et que avons ceste matière bien à ceur, vous en avons encoires bien voulu escripre ceste foiz , vous requerrant tant affectueusement et acertes que povons que veulliez tenir la main envers ledit seigneur roy, auquel aussi en escripvons présentement, et ailleurs où besoing sera et tant faire de vostre part que icelle sa promesse et la vostre soit accomplie et que ledit maistre Loys soit restitué entièrement à icculx ses biens, sans plus estre délayé et contenté de parolles et de responses doubles et intricales, ainsi qu'il a esté jusques ores. Et se d'aventure quelque chose en soit donné audit Loys Daz ou autres, qu'ils soient recompensez eu autre chose. En quoy faisant, vous promectons que vous ferez chose aussi aggreable comme se c'esloit matière de grant importance. Si veuille/ en ce monstrer l'affection telle envers nous que tousjours en «vous eu l,i confidence, et nous aussi n'en serons point ingrat. Ce

scet Nostre Seigneur auquel prions, très- révérend père en Dieu, très-chier et amé cousin , vous donner ce que vous desirez. A Bonavento , le derrenier jour de juing xvc et six.

J. DE COURTEVILLE AU ROI DE CASTILLE

Bon étal des affaires du roi de Castille, au sujet desquelles on avait fait courir des bruits fâcheux. Sollicitations en faveur du médecin Louis, qui avait été opposé aux intérêts du roi de France dans le Milanais. ( Original. )

Le 2 juillet , à Tours.

Syre , tant et sy très-humblement comme faire puis , me recommande à vostre bonne grasse. Le xxixe jour du moys passé ay reçupt vos lettres du xxve dudit moys , à Bonavento , dont des très-bonnes nouvelles ay bien eu cause de m'en resjoir et d'en louer Dieu , que je pry que de bien en mieulx vous puist advenir.

Des nouvelles escrites en vos lettres en ay averty le roy trèschrestien, qui a très-bien prins le tout. Je luy offris à monstrer che qu'il vous a pieu à moy escrire. Il se tint content de che que luy en avoie dit sans plus avant m'en interroguier.

De ces nouvelles ay ossy adverty monsieur le légat et autres des plus grans. J'ay sceu que on eut bien voullu que je m'en feusse teu. Toutefois, sire, il m'a semblé qu'il devoit estre dit pour tant que on disoit ychy que vos affaires par dellà seroient pires que ne les avés trouvé.

Du fait de messire Loys, vostre lisissien, j'en ay parlé o roy; j'ay seu que de piessà il est mal informé de luy, pourtant qu'il a esté l'un des plus principals de Millan contre ledit roy ; non obstant le roy est content qu'il entre en ses biens, selon le treitiet qui a esté fait. Et autre responsse n'en ai peu avoir, à quoy j'ay fait grant dilligensse non voullentiers acoustée. Se sur ceste condission ledit

mestre Loys en veut avoir lettres, on les me baillera; et m'a dit che jour duy monsieur le légat que en plus parler ne pourfitera, et qu'il peut souffire qu'il ait ses biens, et que la persone quy set estre espert en son art vaut mieulx près de vous que s'il estoit réintégré à Millau.

Il me semble , sire , que es choses qu'il vous plaisra avoir bien conduites par decbà, que ferés bien d'en escrire à mondit sieur le légat; car tout se gouverne soubz luy.

Syrc, au mieulx que j'ay peu jusques à présent ay fait cbe qu'il vous a pieu me ordonner, et encoires feray, à l'ayde de Dieu, que je pry qu'il vous doinst voz très-haus désirs acomplir. Escrit à Tours , le 11e de juillet xvc six.

Syre, par autres poste vos ay envoiet lettre du roy très-chrestien , responsse aux lettres que parchy devant luy avés escrittes.

Le tout vostre très-humble et très-obeissant subget et serviteur.

J. de Courte ville.

J. DE COURTEVILLE AU ROI DE CASTILLE

Arrivée inquiétante d'un ambassadeur de Ferdinand, roi d'Aragon. Louis XII vient de dépêcher un héraut en Danemark ; on suppose qu'il est question de négocier un mariage. Nécessité d'écrire au légat (Georges d'Amboise) pour le maintenir dans ses bonnes dispositions et contrebalancer l'influence du nouvel ambassadeur d'Aragon. (Original. )

5 juillet, à Tours.

Syre, tant et sy très-humblement, comme faire puis, me recommande à vostre bonne grasse. Par la précédente poste vous ay escrit que j'ay avertv le roy très-crestien de che que vous estes trouvé aveque le roy d'Arragon vostre biau-pere, et de la manière comment ainsy qu'elle vous a pieu moy faire sçavoir.

ENTRE LA FRANCE ET L'AUTRICHE. — 1506. 153 Depuis, et hier o soyr, est arrivé en ceste ville le capitaine du castiau de Perpignan, accompagniet de envyron vingt cbevaulx, lequel est envoiet dudit seigneur roy d'Arragon vers ledit roy trèscrestien pour son ambassadeur1. « Et semble plus qu'il soit venu pour nuyre à voz affaires que autrement, car on ne s'est gueres resjoy par deçà quant on a sceu ladite obéissance que vous font voz subjectz par dellà. Il vous plaise de vostre grâce moy mander comment il vous plaise que je me conduysse avec ledit ambassadeur, et quel honneur et révérence je luy doys porter; car je ne me trouveray avec luy jusques tant que vous m'en manderez vostre bon plaisir.

« *Sire, je me suis enquis que peut aller faire Monjoye le herault vers le roy de Denemarque ; je trouve que le roy de France luy a envoyé pour veoir le filz dudit roy, lequel est à marier2 et les embouchiei que s'il veult demander femme par deçà, que on y entendra voulentiers , soit de mademoiselle d'Angoulesme ou de la seur de monsieur de Bourbon, et faire avec ledit roy de Denemarque une grande alliance au content (contempt) de celle que avez faicte avec le roy d'Engleterre, pour ce que d'anchien temps les Daynois ont esté ennemis des Anglois. L'on tient ceste matière secrète tant que la chose sera achevée; dont je vous advertis. Sire, s'il est, comme je croy, que voz affaires se portent de bien en mieulx , en ensuyant ce que derrenierement m'avez escript, vous ferez bien d'escripre au roi trèscrestien que avez receu ses lettres que nagaires il vous a escrites, et aussy l'advertir de voz nouvelles depuis vostre arrivée à Benavento. Il en sera tant plus enclin de vous escripre une autre foiz. Et aussi ce pourra empeschier l'ambassadeur du roy vostre beau-pere , s'il donne autre chose à entendre que la vérité.

« Je suys aucunement adverty qu'il semble à monsieur le légat que l'avez prins en malle grâce, pour ce que, passé demi an, ne luy avez escrit comme faiziez auparavant. Par quoi, sire, pour en- Tout ce qui est imprimé entre guille- 2 Christiern, né en i48i, épousa, le mets est en chiffres dans l'original. 12 août i5i5, Isabelle d'Autriche.

NÉGOC. DIPLOMAT. I. îo

m NEGOCIATION DIPLOMATIQUES

tretenir les choses o mieulx, se c'est voslre plaisir, luy escripvrez de voz nouvelles, lesquelles pourroient venir à bon propoz à l'encontre du pourchaz que pourra faire ledit ambassadeur dudit seigneur roy vostre beau-pere , lequel a ce jourduy fait la révérence audit seigneur roy Irès-crestien , après s'est retiré à part avec monsieur le légat pour declairer sa charge. •>

Je j)iy à Dieu, syre, qui vous doinst vos très - haux et nobles désirs acomplir. Escrit à Tours, le ve jour de juillet, anno xvc six.

Sire, à l'eure que je despessoie ceste poste, environ onze heures de la nuvt,ay reçupt voz lettres escrites à Bonavento , le derrenier jour du moys passé , où j'ay veu tant de bonnes nouvelles que j'en loue Dieu de tout mon coeur. Demain de matin yray vers le roy très-crestien , luy presenteray voz lettres et feray en tout che qu'il vous plaira me commander. Je vous merchy très-humblement que vous plet prendre en gré che que par chy devant vous ay escrit. Je prendrai peine de tout mon pouvoir à vous bien et leallement servir.

Le tout vostre très-humble et très-obeissant subget et serviteur,

J. de Courte ville.