XL1IL

J. DE COfJRTEVILLE AU ROI DE CASTILLE.

Le roi Louis XII se fait lire par Courteville le traité conclu entre le roi de Castille et le roi d'Aragon son beau - père. Entrevue avec l'ambassadeur du roi Ferdinand. Louis XII consent à la restitution des biens de Louis de Marliano, mais il ne veut pas que ce médecin retourne à Milan. Charles de Gueldre se vante de recevoir des secours du roi de France qui s'en défend avec force, mais qui avoue ne pas vouloir la perte dudit Charles de Gueldre. Louis, du reste, se plaint des alliances du roi de Castille. Apologie de la conduite du roi de Castille à l'égard de la France. ( Original.)

10 juillet, à Tours.

Syre, tant et sy très-humblement, comme faire puis, me recommande a vostre bonne grasse.

J'ay reçupt voz lettres de Bonevente du derrenier jour du moys passé, et celles que avez escrites au roy très-chrestien que luy ay présentées dimenche derrenier, que lors il ne estoit de nulz costés adverty dutreitié que avés fait aveq le roy d'Arragon vostre beaupere. Après qu'il eut lut lesdites lestres, il me dist qu'il estoit trèsjoieux que estiés d'accort ensamble , et que c'estoit che que toujours il avoit désiré. Je luy dis que j'avoie la copie dudit treitiet que m'aviés envoiet pour luy monstrer; il désira bien de le voir et pour entendre le contenu, le me fist lyre devant luy où estoit monsieur le légat présent et peu d'autres. Après m'en demanda la copie que tost après luy baillay, et incontinent fut mandé venir en court l'ambassadeur du roy vostre dit beau-pere que ne sçavoit riens de ces nouvelles dont monsieur le légat l'averty. Che jour mesmes que j'alloie en court, rancontray ledit ambassadeur, lequel estoit venu le jour devant, comme le vous ay escrit. Nous fismes reverensse l'un à l'autre; à peu de parolles luy dis de vostredit acort fait, il me respondy qu'il en estoit bien joieux, et qu'il esperoit avoir ossy brief nouvelles du roy son maistre. Depuis ne me suis trouvé avecque luy, ne feray se je puis, jusques à tant que de vostre grasse m'arés mandé comment il vous plest que je me conduise vers luy; car il est ychy venu pour y séjourner.

Syre, en lisant ledit treitiet o roy, je connus bien qu'il pensa sur che que y est escrit amys d'amys, anemys d'anemys, sans exepssion de personne quelconque, et aussy il se esmerveilla assés du treitié fait pour la reyne vostre compaigne. Venant au fait de mestre Loys vostre medechin, le roy m'a respondu, mondit sieur le légat présent, que dès la première fois que en avez escrit, il a mandé à monsieur le grant maistre, gouverneur de Millan, que on lesse ledit mestre Loys ou ses commis paisiblement joïr de che que luy appartient; mais de luy acorder que de sa personne il puist retorner à Millan, nullement il ne le permettra, pour tant qu'il set que ce fut le premier homme quy fist retorner Millan; et dist que se ledit mestre Loys se trouvoit audit Millan, quy n'y seroit pas ung jour

qu'il ne fust tué. Par quoy il luy doit souffire de joïr de ses biens et oy tenir près de vous et vous bien servir; que luy viendra à plus de pourfit que autrement.

Syre , mardy derrenier, reçus lettres de monsieur vostre lieutenant gênerai et de vostre cbanssellier; leursdites lettres escrittes à Louvain le me de cbe moys, qui me escrivent comment messire Cbarles de Gueldres continue toujours en son mouvays pourpos, et que nomellemcnt il a retenu pour soy servir huit cens Allemans qui ont servy en Franse, et que icbeluy seigneur a escrit lettres à l'escoutette de Zutellem \ et ung surnommé de Broncunse contenant comment ung sien serviteur estoit retorné de Fransse par devers luy, icbeluy serviteur nommé Heyda , qui luy avoit raporté comment le roy de Francbe luy faisoit seavoir que il luy envoioit puissansse de gens d'armes de cbeval et de piet et ossy argent assez pour s'en ayder en son affaire, dont il advertissoit icbeux pour leur resjoissement, affin aussi qu'il en avertissent ses amys. Icbelles lettres ont esté prinses et le mes a envoiet vostredit lieutenant, avecque aussy mine copie traslatée en franssois pour la monstrer au roy, cbe que j'ay fait; et luy monstre le sine de mondit seigneur de Gueldres qu'il a très-bien conut, et ossy il lut tout au long ladite copie translatée. A quoy le roy me respondy que mondit seigneur de Gueldres pouvoit escrire cbe que bon luy sambloit, mais qu'il ne luy faisoit pas faire et qu'il se donnoit merveille que la guerre y estoit, veu que le bastart de Gueldres , qui nagaires avoit esté vers luy, luy avoit certefiet que ledit messire Cbarles tenoit le treitiet, et qu'il falloit que on eust commenebé de vostre costé, et qu'il me avoit bien toujours dit que se on couroit sus audit monseigneur de Gueldres, qu'il trouveroit des gens pour soy defïèndre jusqu'à dix mille combatans, soit de Liégeois ou autres. Je dis o roy que la guerre avoit esté commenebée par ledit messire Cbarles, par la prinse de la ville de Groll , qu'il avoit avoué ladite prinse comme de piessà

Zutphen.

l'avoie adverty; ossy luy dis que ledit messire Charles ne saroit payer ses gens se autruy ne luy envoioit argent. Lors il me dist que, au partement dudit bastart, il avoit despessé la pension quy donne à mondit seigneur de Gueldres ; se ledit bastart a fait finanche des descharges que on luy avoit baillet, il peut estre; mays ne luy les avoit pas délivré à cette fin que che fut pour le emploier à faire la guerre à vos païs. Je requis au roy comme de moy-mesmes que son pleisir fut voulloir escrire à ceux de Nymegue, ZutefPen et Remunde, qu'ilz ne crussent les abus que leur donnoit mondit seigneur de Gueldres. En ensievant che que toujours il m'avoit dit que le fait de Gueldre ne lui touchoit, il me respondy qu'il n'escriroit jamès telles lettres que seroit pour descorager ceux qui doivent servir et deffendre leur seigneur, mays que voullentiers il escriroit à ung gentilhomme qu'il a nourry de jeunesse, nommé Tilligny, quy luy feist sçavoir la vérité de cheluy quy a encommenché cheste guerre. Je dis o roy que icheluy Tilligny estoit lieutenant des cent hommes d'armes qu'il avoit baillet audit seigneur, et qu'il estoit homme désirant plus tost la guerre que la pais; lors me dist le roy que piessà il m'avoit dist et encores faisoit qu'yl a bonne cause de garder que mondit seigneur de Gueldres ne soit destruit, pour tant qu'il est son serviteur et son parent ossy; qu'il veut garder son amysté, car il ne set comment il est avecques vous. Il dit qu'il voit que journellement vous faites de grandes alliansses aux-anchiens anemys de son reaime et ailleurs aussy, qu'il ne set encores comment il est avecque le roy vostre père , quy set bien que au parfait ferés che qu'il voudra. A quoy, sire, je luy respondy quy vous avoit esprouvé par le tans passé, et que jamès ne luy aviés failly promesse, comme il est apparu du tans de la guerre de Sans, et de la fortune qu'il avoit eu à perdre le reaime de Naples; que avés par longues anées pratiquié que il eust pais et bonne amour avecque le roy vostre père, vers lequel avez par pluseurs fois et à voz grans despens envoiet voz ambassadeurs, et pour toujours l'induire à che qu'il se vousist consentir à luy baillier l'investiture de Millan , dont pour ces

matières avoie fait la pluspart des mesages. Et beaucoup d'autres choses luy dis que me sambloit que luy dévoie dire pour le oster hors de suspission contre vous; et plus avant luy dis que che seroit unne chose estrange de dire qu'il veut avoir aveque luy toutte bonne amyté , et qu'il consentit que les cent hommes d'armes qu'il a bailliet à mondit seigneur de Gueldre ou autres à sa saudée servissent mondit seigneur de Gueldre , portant sa croys et crier son crv. Lots me dist le roy qu'il voudroit qu'il y eust ung bon apointement trouvé, et qu'il ne sçavoit moien meilleur que vous envoier ung personnage de la longue robe, lequel passast par devers vostre lieutenant gênerai, en passant entendre de luy che qu'il vourra dire qui a commenché cette guerre. Après que icheluy voit vers mondit seigneur de Gueldres, et que se icheluy seigneur a le tort, il fera parler à luy en fasson, qui se gardera unne autre fois à luy faire donner à entendre autre chose que la vérité. Et sur ceste conclusion, me dist que j allasse dire à monsieur le légat qu'il venit parler à luy incontinent; che qu'il fist pour parler de cette matere.

Le lendemain, sire, du matin retornay en court, et me dist monsieur le légat que le roy avoit aucunes nouvelles que le bastart de Gueldres estoit en chemin pour venir vers luy, et que bon seroit de le oïr parler; et s'il ne venoit dedens quattre ou chine jours, que chependant le roy feroit tenir prest cheluy qui vourroit envoier; que lors il en ordonneront pour le mieulx. Quv est, sire, la responsse que j'ay peu avoir, de laquelle je vous advertys à celle fin que de bonne heure advisés pour veioir à cette matere, soit de escrire unne bonne lettre audit seigneur roy ou autrement. J'ay debastu la matière comme le vous escris. Se j'en ay plus fait que je ne doy, il vous pleist, sire, le moy pardonner; car je l'ay fait à bonne intenssion; et m'a samblé que le roy ne I a pas mal prins. Je fis hier courre la poste en Flandres pour de che advertir mondit sieur vostre lieutenant, et qu'il soit bien sur sa garde. Che que Dieu veulle, auquel, sire, je pry qu'il vous doinst

vos très-haux désirs acomplir. Escrit à Tours, le xe jour de jullet, anno xvc six.

Vostre très-humble et très-obeissant serviteur etsubget,

J. DE CODRTEVILLE.

P. S. Il vint hier ung courrier du roy d'Arragon aporter lettres o roy, et incontinent s'en est retourné à dilligensse , comme on m'a dit. Je reçus hier ung paquet de lettres de monsieur le don prevost, que je vous envoie.

J. DE COURTEVILLE AU ROI DE CASTILLE

Le roi de France se montre disposé à donner secours à Charles de Gueldre. Arrivée du bâtard de Gueldre à Tours. Pourparlers à ce sujet. Courteville ne doute pas que Charles de Gueldre n'obtienne des subsides. Nouvelles d'Espagne. Départ du roi Ferdinand pour TAragon. Nouvelles de la guerre de Hongrie. Accouchement de la reine Anne de Candale. ( Original. )

18 juillet, à Tours.

Syre , tant et sy très-humblement , comme faire puis , me recommande à vostre bonne grasse.

Par mes autres lettres du Ve de che moys et du Xe, vous ay escrit toutes nouvelles de par dechà, et comment le roy m'a respondu quant je luy ay parlé du fait de Gueldres. Il fut esté bien besoing, se ce fust esté vostre pleisir, me mander que je doy faire en ce quas; car je voy journellement ledit seigneur roy très-chrestien en voullenté de baillier ayde et secours à messire Charles de Gueldres. Pour che que j'ay toujours soustenu que ledit messire Charles a commenché la guerre, le roy a esté unne fois en propos envoier aucun bon personnage pour en entendre de la vérité; de-

puis il a scu que Je bastart de Gueldres estoit en chemin, que l'a fait retarder. Ledit bastart vint hier en eeste ville en poste, et incontinent parla o roy ; dont après se est tenu ung grant conseil jusque vers le soir. Après, assez tart, monsieur le chanscillier me fist sçavoir qu'il avoit à parler à moy. Je allay incontinent devers luy, et me dist de par le roy, en effect, que le bastart de Gueldres estoit venu vers ledit seigneur roy demander ayde et secours, tant de luy que autres ses amys et bien veullans par dechà, et qu'il avoit dist que ceux de vostre party ont encommenché la guerre, et que on n'a tenu à mondit seigneur de Gueldres riens de che que on luy a promis. Et tellement est la chose, que le roy est délibéré en ce cas aider mondit seigneur de Gueldres et de le non lesser destruyre; aussy qu'il sera aidé de ceux de Bourbon et de Lorraine; que mieulx seroit apaisier ceste chose. Me demanda se je y sçavoie. moyen : che que le roy très-chrestien verroit voullentiers. Je respondy qu'il ne sera pas trouvé que n'ayés entretenu entièrement touchant que a esté promys au treitiet comme pluseurs fois l'avoie dist. Et que de moien, je n'en avoie nulle charge d'en parler, mays que je vorroie bien oïr parler ledit bastart devant le roy, pour sçavoir che qu'il voulloit dire.

Ce jourduy bien matin, me suis trouvé vers monsieur le légat; luy ai remonstré le mal donné à entendre par ledit bastart, et que j'avoie lettres fresches de monsieur vostre lieutenant et chanssellier, que ledit messire Charles avoit luy mesmes commenché. Sur quoy mondit sieur le légat me dist qu'il parleroit o roy, che qu'il fyst; et maintenant je suis mandé pour, en la presensse du roy, dire audit bastart toutte la vérité de vostre droit. Mays ne says par quy ( pourquoy ) mondit sieur le légat et monsieur le chanssellier se partirent de la chambre dudit seigneur roy, et me fist aller aveque luy en sa chambre, où il fist venir ledit bastart de Gueldres, auquel mondit seigneur le tagat dist : Vous estes venu informer le roy, dysant que les gens du roy de Castille ont entreprins sur vostre maistre messire de Gueldres et encom-

menché la guerre et rompu le treiltiet, et luy dit que d'autre part je soutenoye le contrayre; dont, se ainsy estoit, le roy n'aroit cause , de son cousté , de luy dire chose autre que la vérité. A quoy ledit bastart dist et soustint que ladite guerre estoit encommenché par vos gens. Lors, tout fourny de responsse par escrit et autrement, dis audit bastart qu'il ne pouvoit nyer que son maistre, depuis le treittiet, avoit prins de vostre argent1, soy monstrant content d'icbeluy; depuis , s'il y avoit eu quelque diffigulleté , les conservateurs de la trêve en avoient eu la connoissance, comme il pouvoit sçavoir; car il avoit esté l'ung des députés envoiez à Utrect, que les choses se dévoient entretenir et son mestre vous aller servir; et que ce que lors fust advisé par lesdits conservateurs, qu'il avoit esté acepté de vostre costé; pendant che tans et tost après avoit esté prinsse la ville de Grol, que mondit seigneur de Gueldres avoit advoué tant d'autres choses; luy dis que sa replisque ne seroit autre que avés rompu ledit treittié pour luy avoir osté le plat pais de la vallaie de Quessel. De telles et autres choses, Dieu set quelles, dont à che propos jamès n'y avoit raison. Monsieur le legast et chanssellier veant que chascun soutenoit son party, dist : c'est ung débat sans conclusion ; vos mestres seroient tous deux sages se se sçavoient apointer. Ainssy fina che propos , et en l'eure on alla despesser ledit bastart pour retourner. Et fay doubt qu'il ara despesse d'argent et de gens. Je ne voy point que mes parolles le puissent empescher, car on ne veut croire la vérité que j'ay ditte. Je solliciteray vers le roy che que je porray, attendant sur che vostre responsse.

Syre, joeudy derrenier passé , presentay voz lettres au roy trèschrestien, escrittes à Valdolly, où il entendistle département du roy vostre beau-pere pour soy tirer en Arragon2, et luy \lis les bonnes

1 Charles de Gueldre, à qui Philippe de Castille. Le duc de Gueldfs, après d'Autriche contestait le titre do duc, s'é- avoir louché cette somme, se sauva dans tait soumis à un arbitrage. On était con- ses états et recommença la guerre contre venu, entre autres choses, qu'il recevrait la maison d'Autriche, trois mille florins et accompagnerait en 2 Par un traité- en date du 27 juin, Fer- Espagne l'archiduc Philippe, devenu roi dinand se démit de la régence de Castdle

NÉGOC. DIPLOMAT. I. 21

parolles que aviés eu ensamble, qu'il vous a bailliet toutes bonnes instrucsions à vous conduire par clellà; il oït tout et ne m'en respondit gaires, sinon qu'il estoit bienjoieux que estiés ainssy d'acort. Et comme je luy disoie de voz nouvelles, il me dist des siennes telles qu'il avoit eu lettres par postes que le roy vostre père avoit eu ung rencontre en Honguerie, et que à ceste cause on levoit nouvelles gens pour le aller à secours, et que d'autre part il avoit nouvelles que la ville de Menelouze l se estoit myse en ligue aveque les Suisses. Il me faJut tout oïr, mais du croire ay espoir du contraire.

Che jourduy, comme je estoie vers mondit sieur le légat , luy \indrent lettres de Honguerie qu'il ovrit en ma presensse et après me dist : Vechy de grans nouvelles, assavoir que la reyne de Honguerie estoit acoucbiée d'ung filz2, et que par cbe moien les choses que porroit quereller le roy vostre père estoient appaisées. Après me dist que la rompture dont on avoit parlé, avoit esté peu de chose. De ces nouvelles, sire, je vous advertis et du surplus, en obéissant à che que vous pleise me toujours escrire que bien au long je vous advertisse , il vous pleise suporter ma longue lettre, et che que ne le say si bien faire que le feroie voullentiers; se set Dieu, auquel je prie qu'il vous doinst vos très-haux dessirs acomplir. Escrit à Tours, le xviiic jour de jullet xvc six.

Le tout vostre très-humble et obéissant serviteur et subget,

J. DE COURTEVILLE

P. S. Touchant mestre Loys, vostre medechin, le roy n'en fera autre chose que che que vous ay escrit. J'en ay eu finalle response.

et consentit à se retirer dans ses états héré- ' Peut-être Mulhouse, Mulhausen.

ditaires d'Aragon, en conservant la grande * La reine de Hongrie, Anne de Can-

maîtrise des ordres militaires. Du reste, il dale, mourut en mettant au monde un

prolesta secrètement contre ce traité , qu'il fils qui régna sous le nom de Louis II. prétendit lui avoir été arraché par la force.

J. DE COURTEVILLE AU ROI DE CASTILLE

Démarches et intrigues du bâtard de Gueklre à la cour de France. Louis XII convient que les hostilités ayant été commencées par les troupes flamandes contre Charles de Gueldre, il est décidé à porter secours à ce dernier. Vaines tentatives de Courleville pour l'en dissuader. [Original.)

21 juillet, à Tours.

Syre , par mes derrenieres lettres vous averty de la venue du bastard de Gueldres, lequel est venu vers le roy de Fransse pour avoir secours pour lever le siège que vos gens ont mys devant Wagueningue. De che qu'il a dit au roy et de che que j'ay dit audit bastart, le vous ay escrit; par quoy n'en fay nul récit. Depuis me suis enquis quelle despesse ledit seigneur roy donnoit audit bastart, tant que j'ay sceu qu'il avoit obtenu pour faire ledit secours gens et argent. Sur che me suis aproché des princhipaulx de la court pour sçavoir se che estoit vérité; à quoy, nonobstant qu'ils le seussent, le me metoient en ny. Par quoy et à celle fin de non vous escrire autre chose que la vérité, me suis che matin trouvé vers ledit seigneur roy et de fait luy ay dit le bruit que faisoient ceux de sa court qu'il envoioyt secours à mondit seigneur de Gueldres, ce que je ne pouvoie croire, veu les amyables lettres que puis nagaires il vous avoit escrites, à quoy vous luy aviés fait responsse qu'il avoit bien prins; mesmes aussy que avoit escrit à vostre lieutenant gênerai qu'il n'entendoit autre chose que entretenir à vous, sire, vos païs et subjects toutte bonne amyté, et que par sa charge vous avoie escrit qu'il ne se mesloit du fait de Gueldres.

A che, sire, m'a respondu ledit seigneur roy que, pour le tans que vos gens n'avoient riens encommenché, il ne s'en voulloit meiler; mais depuis que a seu la guerre encommenché en Gueldres, il y a envoiet Malbert et autres que lui ont raporté que vos gens ont en-

treprins sur ledit seigneur de Gueldres. A quoy, plus créant che que ceux qui en venoient que che que luy avoie peu dire ou monstrer par escrit, il se estoitdutout délibéré de secourir son cousin de Gueldres. Que de che je vous pouvoie bien advertir, désirant que le sachiez, et qu'il envoïoit pour ledit secours chine cens hommes d'armes et feroit encores plus se l'affaire le requeroit, et qu'il n'estoit pas seul qui aideroit ledit seigneur de Gueldres. A ces parolles, luy dis touttes les choses que dire se porroient pour le rompre de ceste voullentté ; assolluttement il est à che demouré que ainsy il le fera. De quoy de rechief je vous adverlis pour ma descharge, affin que y pourveés, ou autrement je vois un grant mal advenyr; j'ay long tans atendu vostre responsse à che que vous ay escrit, du xe de ce moys, touchant ceste matière, laquelle je n'ay encores.

Syre, je voy les choses en sy movais termes, que je crains le passage des postes. Par quoy, de vostre grasse, il vous pleise ordonner de m'escrire se recevés toutes mes lettres. Car il est assez aparant que se ceste manière de faire dure , que ne poviés avoir nouvelles que à dangier. Et pour che qu'il est aparant que vos gens estans devant Wagueningue seront combatus, j'ay envoiet la première poste vers vostre lieutenant gênerai l'avertir comme je fay vostre majesté.

Les postes se plaindent que je les travaille tant, mais je ne les oze espargnier pour les causes desus escrites.

Aussy, sire, j'ay unne merveilleuze crainte de fallir de vous bien advertir, pour tant que je suis seul, non aiant autre ayde que Dieu et vostre bon droit, où j'ay ferme espoir qu'il vous aidera comme il a fait jusques à présent; auquel je pry quy vous en doinst sa grasse. Escrit à Tours, le xxie de juillet xvc six.

Le tout vostre très-humble et très-obeissant subget et serviteur,

J. DE COURTEVILLE

Nota. On peut lire, pour l'éclaircissement de toutes ces lettres du mois de juillet deux mémoires insérés dans les Lettres de Louis XII, 160 et i63.

J. DE COURTEVILLE AU ROI DE CASTILLE

Louis XII donne des secours au duc Charles de Gueldre. Vaines remontrances de Courteville à ce sujet. Les affaires de Phdippe le Beau vont mieux qu'on ne le voudrait en France. Projets et démarches du roi d'Aragon. (Original.)

23 juillet, à Tours.

Sire, sy très-humblement, comme faire puis, me recommande à vostre bonne grasse. Je vous ayescrit pluseurs lettres , vous advertissant que le bastart de Gueldres estoit venu par dechà pour avoir secours du roy très-crestien pour lever le siège de Waquemigue. Sur quoy il a eu sa despesse telle que le vous ay escritte, que le roy y envoie deux cens lanches, et plus fera se, m'a-il dist, s'il estbesoing; dont je vous advertis de rechief; car je ne say se avez reçupt les lettres que vous ay envoiées.

Hier du matin parlay de rechief audit seigneur roy , luy baillay lettres de monsieur vostre lieutenant gênerai escrites en bonne sorte. Non obstant , ledit, roy demeure en son propos de baillier ledit secours. A quoy est besoing de remédier pour la consequensse. Atout che que vous ay escrit touchant ceste matière, n'ay eu vostre responsse ne nulle lettres de vous depuis celle de Valledolly, du Xe de che moys.

Le roy très-crestien eust hier nouvelles que ses ambassadeurs estoient devers vous. Il luy ont escrit che qu'il ont voullu; je croy que vous affaires se portent mieux par dellà qu'ilz ne voudroienl. Et me dist le roy que aucuns des plus grans prinches de Castille ne se accordent pas trop bien aveque vous. J'ay désir de avoir de vous nouvelles pour remontrer les mauvaises , quant on en parle par dechà.

L'ambassadeur du roy d'Arragon est toujours ychy à tout ung secrétaire dudit roy pour certains grans affairés; et, m'a dist le roy.

que le roy d'Arragon s'en va à Naples. Autres m'ont dist qu'il a envoiet le bastart de Savoie1 pour le receullir en Provensse. Ledit ambassadeur d'Arragon a grant désir de parler à moy; che que je diffère, tant que me aies mandé che qu'il vous plet que je y fasse.

Le roy très-crestien est en santé , et la roynen'a bougé sa chambre depuis ung moys. Pour ceste fois ne vous say autre chose en escrire, fors que je vous suplie de vostre responsse pour faire che qu'il vous pleisra m'ordonner, Dieu enayde; auquel, sire, je pry qu'il vous ait en sa sainte garde. Escrit à Tours, le xxme de jullet vc six, à nu heures du soir.

La nuit passée , est allé unne de vos postes portant lettres en Flandres, et n'ay eu nulles lettres de vous. De quoy je vous adverty.

Vostre très-humble très-obeissant serviteur et subget ,

J. de Courte ville.

J. DE COURTEVILLE AU ROI DE CASTILLE

Affaires de Gueldre. Mauvaises disposi lions du roi. Paroles échappées à l'ambassadeur du roi d'Aragon. Celui-ci se dispose à aller à Naples en passant par la Provence. L'ambassadeur d'Aragon est fort choyé à la cour de France. (Original.)

26 juillet, à Tours.

Syre, tant et sy très-humblement, comme faire puis, me recommande à vostre bonne grasse.

Depuis les lettres que il vous a pieu m'envoier escrites en vostre ville de Valdolly, du xe de che moys, n'ay eu nouvelles de vous. Je

' René, bâtard de Savoie, d'abord lé- forfaiture. René, qui se qualifiait comte

gitimé par l'empereur Maximilien , puis de Villars, fut nommé, en 1619, grand

dépouillé par le même prince du bénéfice maître de France, par le roi François I*r.

de la légitimation, comme coupable de II mourut en i52f>.

vous ay escrit pluseurs lettres, toujours vous advertissant des choses que touchier vous peuvent, mesmes de l'affaire de Gueldres et comment Je bastart de Gueldres est allé et venu par dechà et en la fin a obtenu du roy très-crestien que messire Charles de Gueldres sera par luy secouru en la fasson telle que le vous ay escrit, quy est qu'il luy envoie chine cens hommes d'armes ; et m'a le roy mesmes dist que plus fera , s'il en est besoing. Je ay remonstré audit seigneur roy les treytiés que avez, ensamble la fiansse que avez en luy et touttes autres choses que bouche porroit dire en ensievant la raison. En effet, sire, je voy ledit seigneur roy très-crestien délibéré de donner che secours. Et journellement je voy et say ceux quy vont pour che faire, quy m'est unne chose bien desplaisantte à voir, veu que ledit roy m'a par pluseurs fois dit et m'a cergié (chargé) le vous escrire que il ne se melloit du fait de messire Charles de Gueldres, si on ne commenchoit sur luy. Je l'ay plainement averty comment ledit messire Charles a commenché. Ceste vérité ne veut estre entendue. A quoy je ne voy nul remède, sinon de y résister. Ledit seigneur roy m'a bien dit qu'il n'entent riens contrevenir aux treives qu'il a aveque vous pour les païsqui vousapartiennent. et que croyt que en Gueldre n'avez riens et qu'il lesra ( laissera ) vos autres païs en pais. « A telles paroles povez conoistre qu'il ne vos aime ne bien ne nous veult, dont je vous advertis de rechief pour ma descharge l. »

De l'arrivée de l'ambassadeur du roy d'Arragon vous ay plainement adverty. Je ne say comment je me doy conduire aveque luy, tant que m'en ares mandé vostre bon plaisir. Quant il seut vostre apointement fait par dellà , il en fust moult esmerveillet. « Depuis je l'ai fait tater par aucun pour savoir de son corage, tant que en parlant dudit tretiet, il dit : Decha dormir el pero viejo que algun dia despertra. »

Syre, de l'intenssion dudit seigneur roy très-crestien ay plainement averty monsieur vostre lieutenant gênerai. Je crains que se

1 Les paroles guillemetées sont en chiffres dans l'original.

che brouillis dure, que les postes seront arestées. A quoy de bonne heure il vous pleise à tout pourveoyr.

Syre, je vous ay envoiet ung paquet de monsieur le don prevost d'I trect, qui m'a escrit que estoit de grant importansse. Il désire bien de savoir se vostre majesté Ta reçupt, et ossy pour ma descharge, car en cbe qu'il vous touche, tout mon désir est de vous bien et lealement servir ainssy que tenu suis. Che set Dieu, sire, que je pry qu'il vous doinst voz très-haus désirs acomplir.

Escrit à Tours, le xxvie de jullet vc six.

Le roy très-crestien m'a dit que le roy vostre beau-pere s'en va en Naples. Je say que (le roi très-chrétien) a envoiet gens en Provensse pour luy faire grant et hormourable receul quant il passera. Il fait à l'ambassadeur d'Arragon merveilleusement bonne chiere. A bien viengne tout par la grasse de Dieu.

Le tout vostre très-humble, très-obeissant subget et serviteur,

J. DE COURTEVILLE

J. DE COURTEVILLE AU ROI DE CASTILLE

Louis XII est atleint de la goutte. Serment prêté à Philippe le Beau, à la reine sa femme et à leur fils, par les cortès de Castille. Retour de l'évêque de Rieux, ambassadeur de France auprès du roi de Caslille. Plainte au sujet des secours accordés à Charles de Gueldre. Proposition d'une conférence à Utrecht pour concilier ces différends. Entretien de Courteville avec le roi, puis avec les gens de son conseil. Le roi ne permettra pas la destruction du duc de Gueldre, qui est son parent et serviteur. Exposé de la justice des prétentions de ce duc à l'encontre de la maison d'Autriche. Courteville croit que les conseillers du roi sont plus exigeants que ce prince luimême sur cette matière. 11 les trouve hostiles au roi de Castille. Demande de fonds. [Original. )

30 juillet, à Tours.

Syre, tant et sy très-humblement comme faire puis, me recommande à vostre bonne grasse. J'ay reçupt vos lettres de Valdolly du

xxne de che moys, et le mesmes jour je reçus aussy lettres de monsieur vostre lieutenant gênerai touchant les affaires de Gueldres, que vint bien à pourpos de parler au roy de Fransse des deux costés à unne fois.

Syre, comme je me suis trouvé en court pour parler audit seigneur roy, je trovay monsieur de Paris l et monsieur du Boschaige % devant sa chambre, que me disrent que le roy n'avoit bougiet de son lit de troys jours, à cause des gouttes que Favoient prins. Je leur priay qu'il avertissent ledit seigneur roy que j'avoie reçupt lettres de vous, sire, et ossy de vostre lieutenant gênerai, et que j'avoie besoing de parler à luy. Iceux, tost après qu'il en eurent adverty, sortirent de ladite cambre, et me dist mondit sieur de Paris que le roy ne estoit en estât de pouvoir parler à luy, mays leur avoit ordonné recepvoir les lettres que j'avoie de vostre lieutenant et oïr che que je vorroie dire. Ensievant che, en lieu à part aveque eux deux , leur dis les nouvelles qu'il vous a pieu à me faire sçavoir, tant de vostre entrée en la ville de Valdolly que de che que les procuradores des courtes, representans les Estaz de voz reaimes, vous ont juré pour roy, la reyne pour reyne et monsieur le duc Charles pour prinche et roy futur ; que de ces choses m'aviez donné charge d'en avertir ledit seigneur roy, pour che que aviez espoir qu'il en seroit joïeux.

Leur dis aussy que vostre majesté avoit despessé monsieur de Rieux, ambassadeur dudit roy, auquel aviés fait tout bon recoeul et bonne espedission.

Après , comment par moy aviés esté adverty de la responsse que m'avoit fait le roy touchant les affaires de Gueldres et du secours qu'il voulloit donner à messire Charles d'Esguemont; de quoy vous donnés grant merveille, veue l'alliansse et amitié que tenez avoir avec luy et que entendez bien que ledit messire Caries ne saroit recouvrer argent s'il ne luy venoit d'autre lieu que de son costé; que

1 L'évêque de Paris, Etienne de Poncher. * Imbert de Bastarnai.

NÉGOC. DIPLOMAT. I. 2 2

170 \KGOCIATIONS DIPLOMATIQUES

à ceste cause que requerriés audit seigneur roy qu'il se déportas! de soutenir ledit seigneur Charles d'Esguemont ne baillier gens ou argent pour y faire guerre et dommagier vos païs et subgetz.

■En oultre, dis à icheux seigneurs, comment monsieur vostre lieutenant gênerai avoit esté ossy par moy adverty de la responsse que ledit seigneur roy m'avoit par avant faitte qu'il donneroit secours audit messire Charles de vc hommes d'armes et de plus, s'il en estoit besoing, pour lever le siège de Waguemigue, que icheluy vostredit lieutenant n'avoit encommenché ceste guerre, mays l'avoit fait messiçe Charles par la prinse de Grol dont depuis le siège avoit esté mys audit Waguemigue, non pour de ce contemner le roy de Fransse, car il avoit toujours, oparavant ledit siège mys, dist que du fait dudit messire Charles il ne s'en estoit meilé ne voulloit meiler; dont présentement il veioit le contrayre etqueche ne procedoit que de movais rapors; et que quant le pleisir du roy eust esté de soy faire informer par gens non suspés, que vostredit lieutenant creoit fermement que le roy trouveroit que ledit messire Charles estoit le commencheur de cette guerre.

Comme neiantmains, puisque ledit seigneur roy avoit cest matière tant à coeur, et pour widier les differens prétendus d'une part et d'autre, aussy pour éviter effusion du sanc crestien, et que l'amytié d'entre vous, sire, et le roy très-crestien se peust de tant mieulx entretenir, que vostredit lieutenant se accordoit que jornée fut tenue a Ltrect ou aylleurs pardevant les conservateurs des traitiez, et que chacun party tiendroit ce que par iceulx seroit décidé;

Que toutes voyes de hostilité de guerre cesseroient, et que le bon pleisir dudit seigneur roy fut de soy déporter de baillier ayde audit messire Charles pour lever ledit siège;

Que pour parvenir à bon appointement, la ville de Grol fust remyse en vos mains ou de monsieur l'amiral gouverneur en Gueldres, et en chc Faisant, quant on leveroit le siège dudit Waguenigue et seroient les bollvers ostés, et que toutes choses fussent remyses en tel estât qu elles estoient au paravant ladite prinse de Grole.

Ces choses entendues par mesdits sieurs du Borchaige et de Paris, me disrent qu'ilz en feroient le raport au roy; che que ils firent hier environ ix heures du matin. Incontinant le roy me manda aller devers luy, où je allay et le trouvay sur son lit couchiei entre deus dras, à moy semblant en santté à la gouste près, et me fist joïeuse chiere. Après que je luy eus fais voz recommandassions en luy disant que, ainssy et comme vos affaires surviennent, l'avés toujours adverty et que encores faistes de vostre entrée audit Valdolly et du surplus, comme dessus est escrit, tant de vostre part comme de celle de monsieur vostre lieutenant gênerai. Le tout par luy oy et entendu , me dist que puisque aviés despessé son ambassadeur, qu'il esperoit de luy avoir brief nouvelles, et de che quy touchoit la matière de Gueldre, qu'il avoit ordonné son chanssellier, monsieur de Paris, monsieur de Baieux, monsieur du Boisage et autres dont y estoit le bailly d'Amyens, lesquels me feroient responsse.

Che fait, fus mené par monsieur du Boisage où estoit mondit sieur le chanssellier et les autres; et commencha ledit chanssellier à moy dire que le roy avoit bien oy che dont luy avoit parlé touchant ladite matière de Gueldre, comme le roy son mestre, sur toutes coses, ne desiroit que entretenir aveque vous, sire, toutte bonne amour et ossy pais et unyon en la crestienetté, comme, pour icelle mieulx estre, avoit bien désiré que son parent et serviteur, monseigneur de Gueldres, fut restitué au sien, que piessà il avoit dit et vous fait avertir qu'il ne le souffreroit destruire ; et veant le siège mys par vos gens, avoit bien consenty y envoier Tilligny et souffrir que autre de son reaime allassent pour servir mondit seigneur de Gueldre, disant que en Fransse mondit seigneur de Gueldre y avoit beaucop d'amys.

Et, quant aux ouvertures et offres que faisoyt vostre lieutenant gênerai, le roy le prenoit bien, mays de soy arester à che que l'offre n'estoit pas suffisante, car, touchant la ville de Grol, elle est despendant de la conté de Zuteffem, de lever le siège et remestre les choses en leur premier estât et que jornée fut tenue par les conser-

172 NKGOCIATIONS DIPLOMATIQUES

vateurs; que ces manières de faire n'estoient que rallongemens de tans que pouvoit sambler plus pour atendre que les affaires que vous aviés seroient achevées, et que après sériés de tant plus fort et puissant à pouvoir destruyre ledit seigneur de Gueldres. Comme le roy ne voyoyt point que ainsy se deust ne peut faire, mays pour apaisior cette guerre, n'y avoit moien autre que dès maintenant vous rendissiés à mondit seigneur de Gueldre entièrement toutes les placlies que avés conquis sur luy, auxquelles, par raison bien entendue, n'avés aucun droit; et pour le donner à connoistre, mondit sieur le clianssellier, lequel, en ceste partie, est vostre très-grant ennemy, alla dire que le duc Caries vostre grand-pere, que Dieu absoille, avoit fait prendre; sur sauve conduit, le duc de Gueldres derrenier trespassé; que depuis il avoit conquis son païs sur querelle telle ou quelle; che nientmains, que ledit duc estoit mort o servisse de madame vostre mère, laquelle, par son testament, avoit ordonné que on rendist à monseigneur de Gueldre à présent, leurs païs; comme icheluy seigneur a esté prins en vostre servisse; et tant de choses dist que à les vous escrire et les lire ne vous seroit que annuy ; que , ces choses considérées, le roy ne veioit que autrement se puist apaisier che débat, sans que le tout soit dès maintenant rendu et promptement, sans en tenir journé ne parolles; et ainssy fina son propos.

Je luy respondi qu'il avoit assez parlé pour entendre, mays qu'il avoit très-mal conclut et que la chose avoit plus cousté et que che seroit legierement rendu che dont il y a xxxvm ans qu'il en est question. Je lui requis me voulloir feire autre responsse s'il en avoit la cerge; il me respondy assollutement que non. Je requis que on me vousist baillier ceste responsse par escrit, m'excusant que de sy très-grant matere craindoie d'en savoir bien escrire pour vous en avertir; ledit conseiller me dyst que je me souffisse atant et que on .s'en raportoit à moy.

Desquelles choses, sire, je vous advertis en toutte humillité, vous supliant prendre en bonne part che que je puis et say faire. Par mal escrire ou mal raporter adviennent entre les roys de grans inconve-

gniens. Quant à la personne du roy de Fransse, je ne trouve point tant d'esgreur que je fay de ses serviteurs. Il me semble, sire, soubs vostre bonne correcssion, que, pour de tant plus offansser le ceur du roy, que ferés bien de luy franchement escrire che dont je vous adverty présentement, en cergant très-bien sur le dos de ceux quy l'informent autrement que de la vérité, mays non obstant pourveés à deffendre che que est vostre. Je ne fay nulle doubte que de vostre costé offres la raison et encores plus. Il me desplet bien, sire, que en ceste matière ne vous puis faire milleur servisse.

Quant à che qu'il vous a pieu à moy escrire comment je me doy conduire aveque l'ambassadeur du roy vostre beau-pere, je le feray ainsy qu'il vous plet me ordonner; j'ay diferé le hanter atendant vostre responsse.

Du fait de mestre Loys, vostre medechin, pour en avoir la response, faut atendre le retour de monsieur le légat qui est allé à Rouan et retournera brief, comme on dit.

Syre , o plus près que je puis , je me enqueste des choses qui vous peuvent touchier; entre autres choses, ay seu le retour de l'ambassadeur que le roy de Fransse avoit envoiet en Engletterre. Il a esté bruit qu'il avoit sy bien parlé au roy d'Engletterre, que j'ay eu envie de sçavoir che qu'il avoit dit; et tant ay fait, que j'ay recouvré che qu'il proposé. Laquelle chose est myse en ; laquelle je

vous envoie à celle fin que sur che soies adverty se l'ambassadeur du seigneur roy qui a esté vers vous a tenu telles parolles que celles que je vous envoie l.

Syre , les grans affaires que j'ay me contraindent de vous faire unne requeste que est qu'il vous pleise me finer une lettre que j'envoie à monsieur de la Chaux pour la vous présenter; et est qu'il vous pleise me donner pour unne fois la somme de quatre cens livres de xl gros de vostre monnoie de Flandre la livre, pour les prendre des deniers venans des droits sinouraux des fiefz tenus de vostre salle de

Ce billet séparé ne s'est pas retrouvé.

Lille et autres parties extraordinaires escheues et à escheyoir en vostre bailliage de Lille, dont de vostre grasse j'ay l'entremyse. Clie me servira et aydera à vous faire servisse dont pour ceste foys ne vous feray autre avertissement. On m'a si estroit taussé mon voyage que j'ay besoin de vostre ayde, et au pleisir de Dieu je rendray paine de le deservir.

Des nouvelles de par dechà ne vous say autre chose escrire, fors la continuassion de l'envoy du secours de Gueldres. On m'a dist que à diligensse on a envoyet lever en Suisse six mille piétons.

Monsieur de Callabre 1 est party depuis deux jours et s'en va en Lorraine, vers le roy son père. Aucuns disent mays que l'asemblée soit faitte de l'armée de pardechà, que il sera le chief pour aller à secours de messire Charles d'Esgemont son beau-frere 2.

Sire, sur toutes choses je loue Dieu de vostre bonne prosperitté., auquel je pry qu'il vous doinst vos très-haus désirs acomplir. Escrit a Tours, le 3o juillet xvc six.

Le tout vostre très-humble et très-obeissant subget et serviteur,

J. DE COURTEVILLE

1 C'est sans doute Antoine, fils aîné de frère d'Antoine de Lorraine, mais bien

René II , duc de Lorraine et prétendant son oncle , puisque la mère d'Antoine

au trône de Naples. était Philippine de Gueldre, propre soeur

5 Charles de Gueldre n'était pas beau- de Charles.

J. DE CODRTEVILLE AU ROI DE CASTILLE

Le roi désavoue la guerre de Gueldre et veut rester en bonne intelligence avec le roy de Castille. 11 enverra vers le duc de Gueldre à cette intention. La cour va partir pour Blois. On assure que l'empereur Maximilien a été désigné comme futur roi de Hongrie. [Original.)

7 août, à Tours.

Syre, tant et si très-humblement, comme fere puis, me recommande à vostre bonne grasse.

J'ay reçupt vos lettres du xxnne du moys derrain passé, de Valdolly. Depuis, et en ensievant che qu'il vous a pieu moy ordonner, ay parlé o roy très-crestien, luy présenté vos lettres lorsqu'il estoit en son lit, traveillet des gouttes, que fut mardy derrenier passé. Il lut vos lettres, et après oit tout che que me avez ordonné de luy dire; à quoy il me respondit que me trouvasse vers son chansselher et autres de son conseil : che que j'ay fait où estoit ledit canssellier, monsieur de Paris , monsieur du Bosaige et autres , où de rechief dis che que par vostre ordonnansse avoie dit audit seigneur roy. Despuis luy en ont fait rapport; et hier du soir me firent responsse par l'ordonnansse du roy, telle que le roy avoit bien prins che que luy avoie dist de vostre part, et que cest affaire de Gueldres n'estoit pas sa guerre, ne l'entend avoir aveque vous, pour tant qu il connoist toujours vostre bon vouloir et mesme par les lettres que luy avez derrainement escrites , et qu'il a nouvelles que lundy prochain monsieur l'evesque de Rieux sera de retour devers luy; ossy qu'il envoiera vers monseigneur de Gueldres pour sçavoir de son intenssion ; que sans son seu ne peut faire cesser la guerre ; il en ara brief nouvelles, et après me sera sur tout che que avez escrit audit seigneur roy fait responsse; che que , sire, il faut que j'atende. Et me semble que par vos derrenieres lettres avez mys les choses

en autre train que devant. Toutefois je ne say autre chose que plusieurs gens de guerre vont vers Gueldres , dont de che que en saray vous advertiray en diligensse. Ossy de che que vous escris advertis monsieur vostre lieutenant gênerai et monsieur vostre cansseillier. Le roy propose de se partir de ceste ville pour aller à Bloys, ossy la reyne et tout le train en la semaine quy vient. Autre chose ne say sinon que me fust dist que le roy vostre père a fait apoinctement en Ilonguerie à son grant honneur. Je ne say que certefier pour che que je n'en ay nulles nouvelles de monsieur vostredit lieutenant. « Et m'a esté advertance par ung billet que m'a envoyé l'ambassadeur de Venyse, disant que le traictié a été tel que le roy vostre père est juré roy après la mort du roy de Hongrie à présent1. »

Syre , j'ay ferme espoir en Dieu que parviendrez au-dessus de tous vos affaires , auquel je pry que ainsy puist advenyr. Escrit à Tours, le vne jour d'aoust vc six.

Syre, j'ay envoiet vos lettres à monsieur le legast, lequel est allé en Normandie. S'il fait response, je le vous envoieray incontinent.

Le tout vostre très-humble et très-obeissant serviteur et subget,

J. DE COURTEVILLE

' Ces dernières lignes sont en chiffres. Maximilien et à la maison d'Autriche.

Par le traité de Posen, 7 novembre 1A91, Mais cette stipulation était devenue sans

il était convenu que, le roi Ladislas venant objet, par la naissance de Louis de Hon-

a décéder sans laisser d'héritiers mâles, grie le ier mai i5o6.

la couronne de Hongrie serait dévolue à

J. DE COURTE VILLE AU ROI DE CASTILLE

Malgré les belles paroles du roi, Courteville cloute qu'il veuille cesser de secourir le duc de Gueldre. Le roi soupçonne Philippe d'Autriche de manquer de franchise à son égard. Avis du légat (Georges d'Amboise) sur l'affaire de Gueldre. 11 ne faut pas s'y fier. Attentat à la vie du marquis de Ferrare par ses deux frères. Mort de la reine de Hongrie. Troubles en Italie. Apparition d'une comète. Départ du roi pour Angers.

( Original. )

16 août, à Tours.

Syre, par les lettres que je vous ay envoiées du penultime de jullet derrain passe et par unnes autres de triziesme, avés peu entendre les responsses que le roy très-crestien m'a faites et fait faire par son chanssellier sur la matière de Gueldrcs. Depuis, j'ay esté atendant responsse de monsieur le légat aux lettres que luy avés escrittes, laquelle responsse il m'a envoiet par escrit de Normandie, là où il a de piessà esté. Je vous envoie ses lettres. J'ay toujours sollichité vers le roy très-crestien que il feist retourner ses gens qu'il envoie en Gueldres; il demeure toujours ou pourpos que je vous ay escrit, et me dist merquedy derrenier qu'il atendoit la responsse de messire Charles de Gueldres, sans laquelle il ne me saroit baillier autre responsse que celle qu'il me avoit faite. Ichelle responsse n'est encores venue. Je doute qu'elle vendra longuement, « pour ce qu'il me semble que ledit seigneur roy entretiendra plustost messire Charles d'Egmont en son mauvais propoz que autrement, et qu'il veult faire feulle de la guerre de Gueldres pour y avoir la pierre qu'il a sur le ceur. Aux lettres de mondit sienr le légat le pourrez cognoistre plus avant. »

Oultre che, sire, m'a dit ledist seigneur roy que son ambassadeur, monsieur de Rieux , qui a esté devers vous, luy a escrit la responsse que vous, sire, luy avez faite, quy est en telle substance dont piessà m'avez escrit; che que ledit seigneur, à mon advis, ne prent pas bien du dellay que avez prins d'avertir le roy vostre père et le

NÉGOC. DIPLO.MAT. I. 23

roy vostre biau-pere ; et luy semble que pendant ce tans entendes avoir asseuré voz affaires cnsamble; à quoy vous le faites penser de Fasson qu'il se pourverra à l' encontre de che que porroit advenir1.

Syre, toucbant l'instrussion qu'il vous a pieu m'envoier « pour lire le contenu à monsieur le légat, je n'en sai comment bien faire. » Monsieur le légat est encores en Normandie, grant distance d'ichy, et entens qu'il y sera longuement ; je ne le puis advertir que par lettres ; il vous plaise m'en mander vostre bon plaisir. « A mon advis, sire , vous mectez vostre droit de Gbeldres en bazart de vous entièrement submectre audit légat. Car autrefoiz que je luy ay parlé de cesle matière, il a tousjours dit que devez préalablement rendre audit messire Cbarles tout ce que avez conquis de la ducbé de Gheldres2, et après, parler du droit des parties3. »

Quant aux nouvelles survenues depuis les derrenieres que je vous ay escrites , sont venu nouvelles que les deus frères du marquis de Ferrare hont voullu tuer le marquis, dont l'un est prins, l'autre s'est rendu fugitif4. Et hier o soir vindrent certaines nouvelles o roy que la reyne de Hongrie mourut le xxvie du nioys derrain passé, que est fort plainte par dechà. Il y a grant commossion en Italles , tant à Jennes que ailleurs; et mesmes depuis troys jours est venu ung secrétaire du roy d'Arragon , nommé Passemont, qui est venu demander audit seigneur roy gens et navires pour le roy son maistre , pour estre aydé à aller à Naples, où il entend que Gonsalle Ferrand luy veut faire empessement; et a requis le conte de Besoignaigne et autres Napolitains estans par dechà luy soient envoies et mesme la reyne, vefve de feu le roy don Fedric, pour avoir gens du pais

1 En marge de ce paragraphe, une l Les passages imprimés entre guille-

main contemporaine a écrit : « La response mets sont en chiffres dans l'original, ne povoit estre autre. » ' Ferdinand d'Esté, frère légitime, et

En marge de ce passage, une main Jules, frère naturel d'Alphonse, duc de

de l'époque a écrit : « Il a mal entendu, Ferrare, conspirèrent en effet contre lui.

« car la submission n'est que de savoir quy Ils furent condamnés à mort; mais le duc

« a esté le premier commencement de la- commua leur peine en une prison perpe-

« dite guerre. » tuelle.

aveque luy. Il survient beaucoup de menutes longues à escrire. Gens parlent et Dieu dispose. H y a par dechà ung synne (signe) o chiel qu'on dist estre mine commette qui se monstre tost après le jour fally, ayant plusieurs queues ardantes, que donne assez de esbahissement à ceux de par dechà. Ceux du pais de Millan ont ichy envoiet une notable embassade pour les affaires du païs. Le roy se part demain pour aller en Angiers faire ung pellerinage, où il ne demourra gaires. A son retour, entend aller à Bloys ; il lesse ycby son canseiller et conseil et va à petite compagnie.

Je louue Dieu de tout mon coeur que vos subgetz de par dellà vous font sy très-bonne obeissansse, auquel je pry qu'ilz puissent continuer, etc. Escrit à Tours, le xvie d'aust xvc six.

J. DE COURTEVILLE