MAXIMILIEN À LOUIS XII

H déclare qu'il retiendra près de lui Antoine de Corbellis, qui lui a apporté des dépêches fâcheuses de la part du roi. [Original. Bibliotli. du Roi, fonds de Béthune , n° 8466. )

21 mai, à Constance.

Maximilien, par la grâce de Dieu, roy des Romains, tousjours auguste, etc. .... à très-hault et très-puissant prince, très-chier et très-amé frère et cousin Loys, aussi par la grâce de Dieu, roy de France, salut et dilection. Nous avons oy et entendu les choses que Anthoine de Corbellis, de Millan, vostre aumosnier, a dit et exposé • !>■ vostre part, premiers à nous, et après aux électeurs princes et aullres députez du saint empire; lesquelles sont au grand esclandre, deshonneur et mcsprisement de nous et dudit saint empire, et peutestre ne sont esté faictes ne ordonnées de vostre sceu l. Par quoy avons retenu ledit Anthoine de le despeschier. Ancores pour ces < ;mses et autres, nous, lesdis électeurs, princes et députez diccllui saint empire, sommes en intencion d'envoyer devers vous aucuns ambassadeurs pour vous faire responce sur ce et autres matières touchans les affaires nécessaires dudit saint empire, parler et communiquer plus à plain avec vous. Si vous requérons que par ce porteur nous veuillez signifier où nosdits anihassadeurs vous pourront

Quand Maximilien recul la lettre par tance, où l'on méditait des projets hostiles

laquelle Louis Xll lui annonçait, avec une contre la France. Antoine de Corbellis fut

fei uni. ni' aaçante . son entrée \ ictorieuse retenu jusqu'à ce que les événements de

1 Gênes, il présidait la diète de Cons- Gènes fussent bien confirmés.

trouver. Très-hault et très-puissant prince, très-chier et très-amé frère et cousin, nostre Seigneur soit garde de vous. Escript en nostre cité de Constance, le 21e jour de may 1607.

Maximilien.

MERCURIN DE GATTliNARA ET SIGISMOND PHLOUG À MARGUERITE D'AUTRICHE.

Maximilien ne veut pas accorder la neutralité au comté de Bourgogne. Journée assignée par les Suisses, au sujet de la prise de Joux sur le marquis de Rolhelin. Annonce d'une ambassade des Suisses vers l'empereur. Intelligence entre les Français et les Gueldrois en Brabanl. Arrestation du sieur de Téligny. Affaire des aluns. Dispositions contre les Français et les Vénitiens. Arrivée de divers ambassadeurs. Audience des députés suisses. Nouvelles du roi d'Aragon. Projet d'invasion du comté de Bourgogne par les Français. Audience de l'ambassadeur de Navarre. Affaires de Gueldre l.

( Original de la main de Gattinara. )

10 novembre, à Kauffbcuren en Souabe.

Ma très-redoubtée dame, je me recommande très-humblement à vostre bonne grâce, et aussi faict le docteur messire Sigismond Pleugh2, lequel est mal content estre plus nommé doyen d'Anvers, attendu qu'il a resigné ledit bénéfice et ne le fault nommer que par son nom.

Madame, je vous escripviz d'Yspruch, le vendredy 29 d'octobre, de ce qu'estoit sourvenu jusques à l'heure et de l'assignacion qu'havions de nous trover devers lui après la despechie des ambassadeurs de Bourgogne, que debvoit estre le même jour; mais elle fut continuée à lendemain qu'estoit le sambedy, lequel jour nous trouvasmes

1 Bien que cette lettre ne soit pas direc- des deux puissances à une époque où tement relative aux négociations entre la leurs rapports diplomatiques étaient inter- France et l'Autriche, on a cru devoir néan- rompus.

moins l'insérer ici , parce qu'elle donne une " Sigismond Phloug, doyen d'Anvers,

idée sommaire de la situation respective prévôt de Messine.

devers le roy et pour ce que le cardinal1 estoit venu à Circle pour parler audit seigneur roy de quelque nouveau brief venu de pape louchant ces benoistz alluns ; et le roy luy vint au devant à luy doner audience aux champs en un pavillion qu'il havoit illeques faict tendre. Le roy nous ordona que nous deussions pour ce soir aller logier à une demie-lieue de là en un village, et que nous retournissions Le dimenchie devers luy à trois heures après mydy; et despechia r soir les ambassadeurs de Bourgongne sans rien toucher de vostre is, ayns ordona un nombre de gens d'armes que debvoient aller en la conté pour la garder jusques au nombre de cinq mille bien poyés; et touchant les aultres demandes que ceulx de la conté faisoient, ils ne eurent point de response; et de la neutralité il n'en fu fa Jet mention ny d'un cousté ny d'austre. Et pour ce que, despuys leur audience, estoit sorvenu nouvelle que les Suisses, de leur autorité, havoient prins une journée d'amytié touchant le faict du marquis de Rotellin, à cause de la prinse de Joux, le roy ordona le prevost de Xurembergh , gran clerc et homme de bien, pour y aller, el avesque luy maistre Antoine Saline, pour empescher qu'ils ne fissent cornant ils firent du fait de monsieur de Savoye, combien que le roy dict qu'il ne se doubte point d'eulx et qu'ils n'entreprendront riens à la faveur dudit marquis de Rotelin.

Lendemain, aynsi que nous cuydions tourner devers le roy, ce- Ion l'assignation qu'il nous havoit bailliée, il nous envoya dire qu'il passeroit bientost devant nostre logis et que nous ne tournissions point t a Circle, mays que nous nous tenissions prest à nostre logis pour parler à luy aux champs quand il passeroit; car il aloit coucher • Estampe, à trois lieues de là, en une religion pour illeques fere la Toutz-Saintz, et l'atendismes el allasmes parlant longuement à luy, lequel nous dict qu'il estoit impossible nous despecher adhonc là e1 qu'il venoit devers luy une grande ambassade de Suizes, cellon que luy havoient dict quelc'un desdits Suizes qu'estoient devers luy,

i .' < ordinal <!<• Sainle Croix,

et qu'il leur vouloit aller au devant pour les trover plus tost. Et pour ce, à cause de logis, nous ordonna que le jour de la Toutz-Sainctz nous passissions une heure devant luy et allassions coucher à Nazaret, et que de là nous marchissions tout jour devant jusques à Feixen, qu'est à M. l'esvesque d'Ausbourg, au pié des montagnes, et que l'attendissions là, sans dire à j>ersone quelcunque le lieu où nous allions; car il ne l'havoit dict que à nous, cellon qu'il disoit, et laissa le cardinal à Yspruk aveque tous les ambassadeurs, réservé celluy de Navarre, qu'il ordona que nous menissions en nostre compagnie; et fismes aynsi qu'il nous avoit ordoné, et arrivasmes audit lieu de Feixen mercredy 111e jour de ce moys. Et cependant arriva la poste par vous despechée le xxvn jour d'octobre devers luy, lequel ouvry le paquet et print ses lettres et les leut, et puys nous envoya les nostres et les siennes, et dict que nous veissions le tout, et que le vendredi au soir il seroit là et parlerions ensemble.

Ledict jour de vendredi cinquiesme de ce moys, luy estre arrivé audict Feixen, nous tirasmes devers luy aveque toutes les lettres, lesquelles bavions bien visitées; et pour ce que nous trouvasmes que es lettres de Françoys qu'estoient trovés mesmement, en aulcunes estoit faict mencion de quelque pratique et intelligence que les Françoys et Gheldroys havoient en Brebant ; de laquele estoit faicte mencion en aulcunes lettres du capitaine Thyligny, qu'il escripvoit au roy de France, nous havons conseillé au roy qu'il vous deusset escripre de prendre ledit Thyligny1 en vous mains et le fere conduire à Willeworde , et là le fere bien garder afin de le povoir interroguer pour découvrir ses pratiques mencionnées en ses lettres; car, par ce moyen, Thon pourra descouvrir beaucoup de choses, mays il n'en fault poinct soner mot que l'hon le conduise là à ceste cause, ayns seulement pour le garder, afin que, si le roy perdist en la guerre quelc'un de ses capitaines, qu'il le puisset rehavoir en bailliant ledit Thyligny en eschangie. Car aynsi escript le roy à M. de Rollez, afin

1 Thélignv avait été fait prisonnier, le 17 octobre, à la déroute de Saint-Hubert.

qu'il le vous délivre plus volontiers, et luy escript aussy qu'il ne le fera poinct délivrer qu'il ne soit recompensé de la composicion que luy eust peu apartenir.

Au regard de l'ensegne que vous desirez estre renvoyée, le roy dict qu'il la veult envoyer à Ausbourg, pour en fere fere une toute tielle, et puys qu'il la renvoyera, mays je crois que ce sera la novelle que sera reiïvo\ée.

Touchant le butin duquel est question cornant Thon en doibt 1ère , le roy dict que, puys que c'est une chosse faicte parle populaire, que le butin doibt estre gênerai et comun àtoutz ceulx qui estoient entre eulx; mais s'ils eussent été gens d'armes et gagiés et qu'il n'y eust eu crics au contraire, le butin et prisoniers eussent esté à ceulx que l'eussent prins, et pour ce devés fere que le tout soyt entre eulx parlv aynsi qu'il apartient.

Des alluns il n'en sone mot; mays maistre Hans Renner m'ha dict que, sur L'aultre adverlissement que nous luy bailliasmes, en suyvanl vous lectres, cornant vous aviez faict conduire à Anvers les inm chargies pour les vendre à poyer les emprunlz, et que le pris estoit si petit que l'apoinctemant ne se pourroit bien conduire, ledit seigneur roy retira ses lettres avec lesdits articles de l'apoinctemant, afin que l'hon ne dit qu'il empeschiast que vous n'eussiés argent; et croy que ancores meins les vous envoyera-t-yl maintenant, despuys qu'il scet qu'ils sont vencluz à si petit pris. Et mesmemant que le cardinal a eu du pape par le dernier brief que pour chosse du monde il ne consentira que par l'apoinctemant soit dict que Hyerome Friscobaldi soyl absolt, mais, après l'apoinctemant faict du demourant , il sera bien après content baillier l'absolucion à la requeste du roy; et pour ce , puys que les chiosses en sont là, que ny l'une ny l'autre n'est contente dudict apoinctemant, vous en pourrés fere à vostre bon plaisir. Mais Dieu veuillie que tout aille bien et que ceulx qui vous ont conseillé de aynsi fere sachient bien pourveoir que vous en sortisses à honeur e1 prouffit; car, au regard de moy, je vous en hay tout jour parlé aynsi que je l'entendoye, non poinct pour en fere mes souppes

grasses, aynsi que Thon vous disoit; car je n'hay onques eu promesse ny espoir d'en havoir un solz; mays ce que je vous en disoye, c'estoit pour vostre bien et honeur, et le cogneistrés après.

Touchant l'amas des gens que les Françoys ont, le roy dict que lui pourvoyra bien, et croy que ses gens d'armes ne tarderont pas longuement estre prestz : il ha ordoné maintenant M. le marquis de Brandebourg pour aller à Trente, du cousté des Veniciens, aveque une bone compagnie de gens bien en poinct, tant à pied que à cheval; mays Thon ne scet à quel intancion ce soit, ou pour marchier contre les Veniciens ou pour tirer contre Milan; le conte de Montfort est despechié, d'un aultre cousté, pour tirer devers Corne auprès de Milan. Il y ha les aultres gens que j'hay dict despechié devers Bourgongne; je ne say de quel cousté ira luy aveque la grosse flotte ; mais je croy que, de quelque cousté que ce soit, les Françoys auront à soufrir largemant; car je les voys toutz bien délibérez pardezà, et ne fut onques vehuz Allemans si bien armés ny si bien montés, et ont aprins à fere leur harnois et selles à l'advantagie , et sont si bien montez les varletz cornant les maistres. Et croy, à ce que je puis cogneistre, que nous ne serons poinct despechiez qu'il ne soit le roy prest à marchier.

Le roy ne couchia que une nuyt audit Feixen et nous dict dès au soir que nous partissions lendemain qu'estoit sambedy, et que venissions couchier à troys heures de là en un villagie qu'estoit entre ladicte ville de Feixen et la ville de CaulTepeyre qu'est une ville impériale, et que le dimanchie vne de ce moys nous venissions audit Cauffepeyre, et que ledit jour luy-mesme s'y troveroit; car il coucheroit en un chasteau de M. l'evesque d'Ausbourg, qu'est en my-chemin; et aussy nous trovasmes trestoutz ledit dimanchie audit Caufïepeyre, et icy trovasmes les ambassadeurs des Suizes en nombre de soixante chivaulx ou plus; et vindrent le mesme soir lesdits ambassadeurs de Bourgongne auxquelz le roy avoit mandé revenir icy, et vint aussy messire Andréa de Burgo aveque un aultre ambassadeur d'Aragon, et vint la novelle qu'estoit arrivé à Campten un ambassa-

n;':(;oc. diplomat. — i. 27

deur d'Angleterre, lequel debvoit aussy venir icy, et nous trovasmes le mesme soyr devers le roy pour soliciter la despechie de ceste poste, et dis à maistre Hans Renner s'il havoit envoyé la despechie du receveur de Flandres, pour laquele solicitoit M. de Fiennes, et me dict que, pour ce qu'il estoit comprins en la lettre des alluns, le roy l'havoit encorcs en ses mains, mays qu'il escriproit de noveau et qu'il vous envoveroit les lettres de confirmacion du don que vous nhaviez faict et m'a promis de aynsi le fere.

Lendemain, que fu le lundy vine de ce moys, devant que le roy alla à la messe, les ambassadeurs des Suizes qu'estoient en nombre treze, de chascun canton un, eurent leur audience, en la présence du conseil, et fusmes presentz ledict messire Sigismond et moy. Et en leur alleman , celon que me declaira adhonc ledit messire Sigismond , firent au roy beaucoup de belles offres ; mays la conclusion estoit que touz les cantons desdicts Suizes, sans nully excepter, envoveroient toutes leurs bannières pour accompagner ledit seigneur roy vostre père à prendre sa couronc impériale, en la manière que ses prédécesseurs l'hont prinse, soit à Rome, Milan ou allieurs, et luy bailleront autant des gens que luy plaira; et, si quelc'un le veult empeschier à ce fere, luy emploieront corps et biens et tout ce qu'ils hauront pour le deffendre. Le roy les remercia et dict que après disuer il deputeroit quelc'un pour bavoir communicacion aveque eulx. Ce mesme matin, nous le solicitasmes pour despechier la poste, mays il nous dict qu'il havoit changié opinion touchant Thiligny, et qu'il vouloit que les lettres fussent faictes d'aultre sorte, et que à troys heures après disncr nous retournissions devers luy pour conclure en ceste matière et aussy touchant le faict des lettres du receveur de Flandres; car maistre Hans Renner m'havoit dict que le roy ne luy avoit poinct ordoné despecher les lettres celon la minute que l'hon luy havoit envoyé, ayns seulemant par manière de provision : mays je luy dis que, par manière de provision, c'estoit à fere d'un qui n eust poinct de povoir; mais luy qu'estoit principal tuteur et mambour ne debvoil poinct mettre icclle clausulo, ayns seulemant la

ENTRE LA FRANCE ET L'AUTRICHE. — 1507. 211 clausule ordinaire tant que nous plaira; et adhonc il dict qu'il y vouloit penser et que nous en parlerions aveque le demourant. Ce mesme matin luy fust présenté les lettres que vous escripviés touchant la conciergierie de Bruxelles; mays je croy que ny l'un ni l'aultre de ceux qui sont només en vousdites lettres, ne le pourra bavoir, car le roy dict qu'il l'havoit desjà doné à un Andrieu qui fu maistre d'artillierie durant la mambournye du roy son lilz, et quant il laissa ladite mambournye, Thon chassa toutz ses serviteurs, et qu'il fault cherchier de les recompenser maintenant. Ce mesme matin je parlay à messire Andréa de Burgo longuement des afferes d'Espagne, et me dict beaucoup de chosses, et, entre aultres, me dit qu'ils havoient esté destroussés quatre postes par lesqueles il vous escripvoit amplemant, et vous doibt escripre maintenant, et, à ce que j'entendz, le roy d'Aragon faict en Castillie tout tant qui veult. Et ledict roy d'Aragon ne pourchasse poinct havoir aultre apoinctemant aveque le roy vostre père, disant qu'il n'y ha point de débat entre eulx, et dict qu'il n'est venu synon pour gouverner sa fdlie et ses royaulmes au piouffit de ses enfans. Et , à ce que j'entends par les paroles dudit messire Andréa de Burgo, ledit roy d'Aragon ne s'acordera poinct à baillier ce qu'il eust baillié luy estant à Naples et devant qu'il entra en Castillie, ni de faire les seuretés tielles. L'ambassadeur dudict roy d'Aragon, novellemant venu, eust le mesme jour audience, joint aveque l'evesque premier venu, et est cestuy-cy un gentilhome aragonoys, et ne tachient à aultre chiosse sinon à l'apoinctemant du roy de France; mays ie n'y voys pas le roy bien dispousé, quelques bones paroles qu'il leur donet.

Ce mesme matin je parlay à M. le pardessus de Salins, lequel me dict qu'ils estoient revenus, pour ce que en chemin ils ont eu novelles que les Françoys qu'estoient en Brebant s'estoient retirez à Langres devers Bourgongne, et l'on disoit que M. de la Tremoille se preparoit pour envahir le conté de Bourgongne, et pour ce estoit venu pour haster le secours que le roy leur doibt envoyer. Et au regard de maistre Anthoine Salline, que debvoit aller devers les

Suizes avec le prevost de Nurembergh , il luy est sourvenu un cas de fortune que l'a ramené icy : car le roy havoit envoyé à un passagie pour fere prendre quelque pagie qu'il havoit entendu pourter aulcunes lettres; et, pour ce que ceulx qu'estoient à ce commis ne virent passer aultre pagie que celluy dudit maistre Anthoine Saline, il le prindrent, et quant ilz virent que ledit maistre Anthoine l'advouoit son serviteur, il fu prins luy semblablemant, et furent maistre et variai ramené devers le roy, lequel n'ha ( en a ) esté marry. Touteffoys ledit prevost de Nurembergh est allé tout seul à Berne; ledit maistre Anthoine suyra après, et s'en ira aussy ledit M. le pardessus; car le roy a envoyé en poste haster ses gens d'armes que debvoient aller en Bourgongne. Au regard de M. de Rye, il est desjà devant avec ledit prevost de Nurembergh.

Le mesme jour après disner, le roy eust communicacion avec les Suizes, et tachiet de les vouloir mètre contre les Veniciens et les envoyer à Trente; car ce faisant, il fut asseuré mieulx d'eulx qui ne pourront pourter domagie à son aultre armée, et fera que les Veniciens se declaireront pour luy et bailleront argent pour payer lesdits Sniz.es à les employer contre les Françoys; et le roy dict qu'il espère d'en fere tout aynsi qu'il vouldra, et aulmeyns pour ce moyen il entretiendra que lesdits Veniciens ne sçauroient doner ayde aux Françoys, pour crainte de perdre eulx-mesmes leurs pays.

Le mesme jour le roy dona responce à l'ambassadeur de Navarre, iu\ (i éclairant qu'il estoit content de ce que le roy son maistre demandoit, moyenant que, quant il sentiroit le roy vostre père estre aux champs, qu'il rompisL aussy de son cousté la guerre contre France; mays ledict ambassadeur ne se contente poinct de ceste responce, car il dict que cela ne se pourroit fere si subit et es1 iprès pour trover quelque aultre moyen; et le roy Ta assigné

1 ■ e soir après soupper pour communiquer aveque luy de ceste

matière.

Après ces chosses, ledict seigneur roy se retira en un petit poyle tout seul e1 lisf appeller messire Sigismunde et moy tant seulemant;

et fusmes plus d'une grosse heure aveque luy, et voulsi de noveau voir les lettres qu'estoient trovées à la desconfiture des Françoys \ es poinctz que nous havions signez, et, les havoir vehu et bien considéré , dict qu'il estoit d'opinion de declairer à monsr de Rollez la cause pourquoy il demandoit Thyligny estre remis en vous mains; que n'estoit que pour le interoguer sur aulcunes lettres par luy escriptes, et par aultruy à luy dressées , trovées en quelque bogiete de sa compagnie, et que, avoir interogué ledit Thyligny, il le feroit rendre en ses mains pour en fere son prouffit , et seroit d'opinion , que si l'hon treuve que le secrétaire dudict capitaine soit prisonier, que l'hon le mettet en un aultre chasteau à part , pour le semblablement interroguer et à semblable promesse de le rendre à celluy qui l'haura prisonnier; et metés-y gens pour le garder que ne soyent poinct amys de la bande pour se laisser pratiquer, afin que l'hon peusset tirer la vérité des pratiques qu'ils menoyent. Nous devisasmes aussy des lettres du receveur de Flandres que poursuyt nions1" de Fiennes; mays le roy dict que ny en ce ny en aultres il n'estoit délibéré fere nulle constitution d'offices, synon par manière de provision, disant qu'il sçavoit bien que, au pays de par delà, quant la constitucion est nete, pousé qu'il y soit la clausule tant que nous plaira, neantmeyns ils veulent dire qu'ilz ne peulent estre despousés si n'ont meffaict, et que luy veult estre en liberté de depouser toutz officiers quant luy plaira, et me semble qu'il ha raison; et, pour ce, ne Fhay voulsu presser plus avant; car lesdites lettres en manière de provision souff iront assez pour tenir la posession dudict office ou de jecter l'aultre. Nous entrasmes après en devise du faict de Gheldres, luy remonstrant qu'il estoit impossible entretenir icelle guerre, se luy n'y donoit aultre remède, et que le mal qu'estoit venu par delà, et la faulte d'argent qui estoit, c'estoit tout à sa cause; car si du comenzement il fust venu esdit pays d'ambas, ou aulmeyns qu'il vous eust doné povoir ample , les finances n'eussent pas esté distribuées aynsi qu'elles

Il est sans doute ici question de l'échec éprouvé, le 17 octobre, par les Français, près de Saint-Hubert en Ardennes.

ont esté, et eusset-on eu de l'argent plus largemant, au moyen de quov Thon eust peu fere quelque bon exploict, et par aynsi les subjectz eussent esté plus enclins à acorder quelque ayde pour venir au bout d'icelle guerre, et eussent faict mellieur resistence contre les Francoys que Thon n'ha faict ; car ceulx qu'estoient suspectz en la matière, Thon les eust peu ouster leurs gens d'armes et en mètre des plus propices. Adhonc il nous responditst que cela que n'estoit faict se povoit encores fere, et qu'il estoit adverty que en Gheldres luy estoit la peste et la plus grande famine qu'estoit possible, et que messirc Charle de Gheldres n'havoit de quoy poyer ses piétons, et qu'il les havoit cuydé poyer du butin des Francoys, mays qu'il havoit failly; et, à ceste cause, lesdits Gbeldroys s'estoient desparty malcontentz des Francoys, et dict que monseigneur le prince d'Anhalt luy avoit escript que monsieur de Gheldres alloit contre monsieur de Cleves, et que luy le suyvoit à toute sa bande, et qu'il esperoit, à l'ayde dudict monsieur de Cleves, l'attaindre et rencontrer. Et nous dict le roy un aultre bon mot pour lequel il se declaira assés plus qu'il n'havoit faict par avant : c'est que luy-mesme, en passant par France, viendroit par delà, et qu'il doneroit ordre à toutes chosses devant que aller en Italie; mais ce doibt estre bien secret.

Du demourant de nostre chargie, il dict qu'il vouloit enchores comuniquer aveque nous devant que de fere les despechies, et que nous tournissions lendemain, qu'estoit le mardy, que fu iher, vine de ce moys, et après nous manda dire que nous ne bougissions jusques à ce qu'il envoyeroit par nous : ce que nous fismes; mays il fu tant empeschié avec les Suizes, qu'il ne fu possible d'entendre en nostre cas. Mays quelque chosse que ce soit, nous ne reviendrons poinct devers vous sans l'un des deux, ou que vous appourterons bone et agréable despechie, ou que vous conduyrons luy mesme, que vous le contraindés à vostre apetit; et si, ce pendant, ne vous povons servir <! aultre chosse, vous servirons aulmeyns de vous advertir des novellcs de par dezà.

Monsieur le cardinal est entre ces montagnes, venant d'Yspruch, et croy que le roy le fera aler à Ausbourg l'attendre là ; mais luy ne luy ira pas, et Thon murmure qu'il doibt partir d'icy au jour d'huy. Touteffoys, il ne nous en ha encores riens dict, ne savons quel chemin il prendra : je crois qu'il le nous dira quant il sera à chival, et non plus tost, aynsi qu'il est accoutumé.

Le don prevost n'ha jamays parlé au roy despuys qu'il partist d'Yspruch; touteffoys l'hon m'ha dict qu'il vient et qu'il sera icy dedans deux ou troys jours, mais il viendra après les avoynes levées.

Ma très-redoubtée dame, nous vous avertissons au long de tout ce que povons entendre, afin que vous, qui havés l'entendement plus spéculatif que nous, en faictes vostre prouffit, si vous sçavés, et aussy pour ce que cogneissons que désirés estre adverty du tout bien au long, et, pour ce, nous tiendrés excusés des longues lettres.

Le roy ha eu quelque novelles des guerres qui sont et se préparent maintenant entre les infidèles, mesmement d'un seigneur Sophy, roy de Perse, jeune prince qui tient quelque novelle loy, et tout le monde le suyt, et fera la guerre contre le grand Turch , lequel l'hon tient estre en dangier de perdre toutz ses pays. Les novelles sont en italien, et les hay copié de ma mayn; mays les pourrés fere translater par Marnix l en francoys.

Ma très-redoubtée dame, vous nous manderés et commanderés tout jours vous bons plaisirs pour iceulx acomplir à tout nostre povoir, aydant Nostre Seigneur, auquel je prie, ma très-redoubtée dame , vous doner l'accomplissement de vous désirs. Escript à Couffepeir, ce xe jour de novembre 1607.

Vostres très-humbles et très-obeissans serviteurs , Sigismond Phleug et Mercurin de Gattinara.

1 Jean de Marnix, seigneur de Thoulouse, était secrétaire de Marguerite d'Autriche pour les lettres latines et italiennes.

216 NEGOCIATIONS DIPLOxMATIQUES

Cette armée a commencé à Pâques, 2 3 avril.