MARGUERITE D'AUTRICHE À LOUIS XII

Elle le remercie de ses bonnes intentions pour la paix, et lui soumet un projet de trêve.

{Minute.) Août.

Monseigneur, très-humblement à votre bonne grâce me reco-

mande.

Monseigneur, en partant de Breda pour venir en ceste ville, je receu les bonnes et gracieuses lettres qu'il vous a pieu m'escrire par vostre cbevaucheur d'escuierie, porteur de ceste, par lesquelles me declairez de plus en plus le bon vouloir et affection qu'avez d'entendre au bien de paix, et dictes en avoir plus au long declairc vostre intencion à Nicolas Frizio , que l'empereur mon seigneur et père avoit à ceste cause renvoyé devers vous.

De quoy, monseigneur, et de voz bons avertissemens je ne vous seroye assez humblement remereyer; et vous prie qu'il vous plaise continuer en icellui vostre bon vouloir. Et de ma part, monseigneur, je mectrey paine m'employer tellement à l'adresse des affaires que, avec l'ayde de Nostre Seigneur, il s'en enssuyvra une bonne lin au bien universel de toute la chrestienté, comme je l'ay tousjours désiré et désire.

Monseigneur, incontinent que ay esté arrivée en ceste ville, qui lut hier bien tard, ledit Frizio est venu devers moy, et, par commandement de mondit seigneur et père, m'a declairé la charge qu'il ■ô voit à luy de par vous, sur les mêmes matières que dessus, avec la

bonne voulenté qu'il a trouvée en vous de traictier et conclure ladite trêve et paix; tellement que je ne faiz aucune difficulté que, toutes choses bien entendues d'une part et d'aultre, elle ne vienne à une bonne conclusion. Neantmen , à cause que mondit seigneur et père est à présent assez loing dicy et qu'il n'est possible avoir si tost response de luy, ay bien voulu respondre à vosdites lettres avant que actendre que icellui Fiïzio ait exploité sadite charge , lequel demain s'en va devers luy, mesmement pour vous faire congnoistre que je n'ay maindre affection d'entendre à ung si grand bien que plusieurs fois vous ay escript et ay fait dire.

Et pour plus promptement y parvenir, monseigneur, me semble que la manière de la trêve que vous ay fait mectre en avant par Bregilles mon serviteur, estant à présent devers vous, pourroit pour le présent trop plus achever l'effect de ladite paix; car d'austant que le terme sera plus brief , les ambassadeurs d'une part et d'autre conviendront plus tost ensemble pour communiquer sur toutes choses concernans le bien et avancement d icelle paix , et ne seront ainsi dillaycz. Par quoy, monseigneur, vous supplie, si n'avez desjà depesché ledit Bregilles sur sa charge, le vouloir incontinent depescher selon icelle; et moyennant ce, je pourrey plus convenablement induyre mondit seigneur et père en toutes choses requises pour la conclusion de ses matières.

Cependant, monseigneur, je mectray payne que du costé de pardeçà ne sera fait aucun nouvel exploit de guerre riere le pays de Gheldres, ainsi que le desirez.

Monseigneur, si vostre plesir est, m'envoyrez à toute diligence responce sur ce par l'omme que à ceste cause j'envoye présentement avec ledit porteur, afin que selon icelle je me puisse tant mieulx employer à une bonne et si louable œuvre , en priant le benoit filz de Dieu , Nostre Seigneur, qui vous doint l'accomplissement de voz nobles et vertueulx désirs. Escript, etc.

NÉGOC. DIPLOMAT. I. 28