LXX1X

MERCURIN DE GATTINARE À MARGUERITE D'AUTRICHE.

On n'a point de nouvelles de l'empereur, auquel on prête des propos offensants pour le roi. Il paraît que le pape et les cardinaux se montrent favorables aux Vénitiens, en dépit du traité de Cambray. On dit que l'empereur dirige des forces sur Bassano, que les Vénitiens veulent attaquer. Sollicitation pour l'évêché d'Arras. [Original.)

20 novembre, à Blois.

Ma très-redoubtée dame , et si très-humblement que faire puys à vostre bonne grâce nie recommande.

Madame, pour ce que ce messagier qui est venu pour reveschié d'Arras, de la part de monsieur le prothonotaire de Melun, s'en retourne par delà, je n'hay pas voulsu le laisser retourner sans vous escripre quelque chose, combien que par les deux messagiers havés desjà este advertye de toutes nouvelles , tant par messieurs les ambassadeurs messire Andréa di Burgo et Philippe Dalla que par moy; desquelz messagiers attendons journelement responce.

Madame , despuys nous dernières lettres n'bavons eu lettre quelcunque ny de l'empereur ny de vous; dont nous trovons toutz esbahiz, et n'havons aultre remède en l'afïere pour lequel sûmes icy que de la retardacion de monsieur le légat, lequel entendons estre ancores malade à Gallion de sa goûte , et ne sçavons encores certainement de sa venue; et au cas qu'il viegnet avant que haions aultre responce de l'empereur et de vous, nous cogneissons les chosses venir en rompture ; car nous ne sçaurions ny ne vouldrions passer avant sans aultre expresse commission.

Au regard des novelles, sont survenues deux chosses despuys nousdites dernières lettres : l'une , que l'hon nous ha dict de part le roy que quelc'un envoyé de part l'empereur pour recovrer argent es pays de par delà a dehu dire publiquement que l'empereur eust bien recovré Padua, si le roy eust voulsu, dont le roy ha eu très-grant

desplaisance , combien qu'il dict qu'il ne cuyde pas cela procéder du sceu ny de l'empereur ny de vous. Toutesfois tielz languagies monstrent qu'il n'y ha pas parfaicte confidence: et, au temps qui court, est mestier de ouster toutes souspecions ; de quoy vous hay voulsu advertir a fin que donnés remède que tielz languagies et raportz ne se facent de par delà, car ilz ne viegnent à nulz propos.

Au surplus, nous avons entendu que le pape est pressé de doner l'absolucioD aux Veniciens; ce que le colliegie des cardinaulx est d'opinion qu'il doibt fere et que par justice il ne le peult refuser, puysque l'Eglise a recouvré le sien , combien que cecy soit contre le traictié de Cambray, et ne le peult fere sans les aultres confédérés. Et à ceste cause nous en advertissons l'empereur; car nous trovons le roy en estre assés marry, et bavons conclu d'en escripre de toutz coustés aux ambassadeurs estantz à Romme pour se tirer devers le pape et luy remonstrer cestuy affere, et, s'il est mestier, protester contre luy, combien, madame, que le pape dict bavoir alliance aveque le roy d'Angleterre, et qu'il se tel bien fort que, combien que le roy d'Aragon soit fort amy de France, il ne fera riens que luy; tielement que, non ayant aultres novelles de l'empereur, nous ne sçavons que penser ny que dire.

En oultre , nous sûmes adverty par le roy que l'empereur, ayant entendu que les Veniciens avoient préparé de fere quelque entreprise sur Bassan , luy ha envoyé troys mille hommes, et estoit party de Roverey pour y aller à fere resistence contre lesdits Veniciens.

Les nopces de mademoiselle d'Angoulesmes ne se feront pas jusques à la Sainct-Andrieu l.

Touchant l'eveschié d'Arras, le roy ne monstre pas bavoir agréable le prolhonotaire de Melun, combien qu'il dict qu'il y baillera une mellieure eveschié en France, mays qu'il veult pourveoirà celle cité, qu'est de grande importance, d'aultre homme à luy plus agréable.

A tant, ma très-redoubtée dame, je prie à Nostre Seigneur qu'il

1 Le mariage de Charles, duc d'Alen- lieu le 2 décembre 1609. Voir Lettres de çou, avec Marguerite d'Augoulëme, eut Louis XII, I, 2o5.

vous doint l'entier accomplissement de vous très-haultz et très-vertueulx désirs. Escript à Bloys, à grande haste, ce xxe jour de novembre 1509.

Madame, nous vous suplions vouloir incontinent envoyer par les postes le paquet que nous dressons à l'empereur pour l'advertir des matières que dessus, car la chosse emporte.

Vostre très-humble et très-obeissant serviteur,

Mercurin de Gattinara.