MATHIEU LANG , EVÊQUE DE GURCE , À MARGUERITE D'AUTRICHE
Préliminaires d'arrangement avec le roi de France. Réception d'argent. Réclamation d'une autre somme due. ( Original )
15 octobre, à Biois.
Serenissima princeps et domina domina observantissima , post humillimam commendacionem. Post ea quae ante paucos dies ad serenitatem vestram perscripsi, siguifico illi quod devenimus tandem ad aliquas resoluciones cum cbristianissimo rege , quamvis adhuc nihil sit plene conclusum , sicut latins ex litteris doctoris Caulier in-
telliget , ad cujus litteras me refero \ et cui imposui ut de hiis serenitatem vestram que hic acta sunt et aguntur continue* clare informet. Ceterum significavit mihi servitor meus Gerliardus quod habuerit iam istos mille florenos parvos currentes auctoritate et patrocinio serenitatis vestrae, de quo 111 î plurimas ago gratias. Sed quia majestas cesarea ordinavit mihi illos pro solucione cujusdam debiti mei , et ultra illos adhuc alios vu centum florenos parvos pro expensis meis , que cum priori summa faciunt in totum circa xnc florenos Renenses aureos, ideirco serenitatem vestram summo studio rogo dignetur ex solita sua in me clementia etiam efïicere ut istos vnc florenos parvos ipse servitor meus Gerardus statim hahere possit. Expectavi enim jamdiu istos VIIe parvos currentes quos majestas cesarea scripserat se mihi ex curia suae majestatis missurum ; sed postquam illos postea etiam apud serenitatem vestram ordinavit , dignetur illa curare et ordinare ut habeam , quia illis multum indigeo. Non enim isti mille et viic currentes floreni simul pro expensis mihi sufficiunt; et opus est ut majestas cesarea de aliis mihi provideat, sicuti jam ad suam majestatem scripsi. Cognoscit enim vestra serenitas quantum importet in tali legatione non esse provisum de expensis. Ideirco agat, prout in illam est mea spes et summa confidencia , cui me tanquam deditissimum servitorem semper commendo. Datum Blesis, xva octobris m d x.
Post scriptum. — Dixi Andreae domino de Burgo quod scriberem alias serenitati vestrae, his tractatis. Rogo dignetur illa tenere secretissima quousque intellexerit. Commendo me humillime serenitati vestrae. Gurcensis.
1 Voir Lettres de Louis XII, II, 6i par suite de ces conférences porte la date
Dans une lettre du 16 octobre , ibid. 67, du 17 novembre 1810. 11 a été inséré par
André de Burgo donne avec plus de dé- Dumont dans le Corps diplomatique du
tails, 1° les proposions de l'empereur droit des gens, IV, f partie, p. i32. J. de
apportées par l'évêque de Gurce; 20 les Bannissis, secrétaire de l'empereur, y est
réponses faites par le roi. Le traité conclu mal à propos nommé Ramussis.
JEAN CAULIER À MARGUERITE D'AUTRICHE
L'évêque de Gurce ne peut parvenir à obtenir de l'argent. Défaite des Vénitiens sur le Pô. Affaires spéciales du comté de Bourgogne et d'Artois. Nécessité de faire un présent à Robertet. Le roi s'oppose au mariage du duc de Lorraine avec la ieune Léonore d'Autriche. Préludes de l'accouchement de la reine. (Oriqinal.)
23 octobre, à Blois.
Madame, depuis mes dernières lettres n'y a quelque chose de nouveau , sinon que M. de Gurce , en attendant les nouvelles de l'empereur vostre père , dilligente toujours , autant que posible lui est, pour recouvrer finances, dont il ne scet venir à chief.
Avant-hier vindrent nouvelles que M. le grand maistre avoit rompu un pont que les Veniciens avoient fait sur la rivière du Pau , où il y eust quelque baterie , et s'y furent tués cent et cinquante hommes de pied desdits Veniciens, trois capitaines de stradios prins , et toutes leurs navires rompues et effondrées , sauf huit ou dix ; et se y eust aucuns Franchois en petit nombre tués et un gentilhomme blechié au bras d'une pieche d'artillerie , qui est plaint de chascun qui le congnoit.
Journellement je suis après MM. les chancellier et aultres du conseil privé pour vos matières , mais je ne say finer que vos grenetiers puissent rendre compte devant vos commis et non en la chambre des comptes à Digon , quelque remonstrance que leur sache faire. Et sy ne puis obtenir que ayés l'institution desdits offices, combien qu'ils vous accordent la nomînacion. Touteffoys je ne cesseray ancoires les solliciter, et ne tiendra à ma paine, ne aussy à M. de Gurce qui en faict très -bien son debvoir. Au regard des aultres poincts, j'espère que en aurés bonne expedicion.
A ce matin , la femme de M. le trésorier Robertet est acouché d'ung fils; et samble à MM. de Gurce et de Burgo, qu'ils se recom-
mandent très-humblement à vostre bonne grâce, qu'il seroit heure de luy envoyer ce qui a esté conclud tant pour lever les lettres de la composition d'Artois , comme pour les autres matières.
Je fus hier adverti que le roy envoioit M. d'Orval l, gouverneur de Champagne, et M. de Monmor, grant escuyer de la royne, vers M. le duc de Lorraine , pour empescher le mariage de luy et de mademoiselle Alienor vostre niepce; et, pour ce faire, luy promect faire avoir, ou lieu de mademoiselle d'Angoulesme qui lui avoit promis , mademoiselle la sœur de M. de Bourbon , ou la fille de deiTunct M. le prince d'Orenge 2.
A ce matin , ledit seigneur grant maistre a escript qu'il a mis le siège devant ung chasteau nommé Speldbret3, près de Modene, qui est bien fort; et en faisant les aproches, une pieche d'artillerie dudict chasteau a emporté la teste de la mule sur quoy estoit M. de Sepy, grant maistre de l'artillerie du roy. Ledit grant maistre a renforché la garnison de Lignano, afin de tenir en plus grande subjection les Veniciens.
Le roy, puis dimenche , n'est bougie de sa chambre et de celle de la royne , pour ce que , entre samendi et dimenche , elle eust aucunes doleurs, espérant qu'elle deuist faire ung enflant. Mais hier, après digner, il mena M. de Gurce à la chache où furent prins deux pourceaux et un chevret qu'il envoia à mondit sieur de Gurce.
De Bloys, le xxme d'octobre.
Vostre très-humble et très-obeissant serviteur,
J. Caulier.
1 Jean d'ALbret, comte de Rethel, sire Gilbert de Bourbon, comte de Mont-
d'Orval, gouverneur de Champagne et de pensier.
Brie, mort en îbzà- 3 Spilimbergio.au sud-est de Modene.
Antoine, duc de Lorraine, épousa, Voyez ci-après, page 368. en i5i5, le i5 mai, Renée, fille de
JEAN CAULIER A MARGUERITE D'AUTRICHE
Accouchement de la reine. AlTaires particulières de Marguerite. Prise de Spellinbergh et de Castel-Franco. Le grand maître se dirige sur Boulogne. ( Copie. )
25 octobre, à Blois.
Madame, cejourd'huy au matin, entre quatre et cinq, la royne est entrée en mal de traveil , et entre neuf et dix ensuivant est accouchée d'une fille belle et grande1, et, oultre, est la royne, selon Testât où elle est, en bonne disposition. Le baptesme n'est encoires faict, por quoy ne vous en puis escripre plus avant2. M. de Gurce se recommande à vostre bonne grâce et vous escripra responce , par la première poste, aux lettres qu'il vous a plue luy escripre.
Il estoit hier à l'esbat à Madon , deux lieues d'icy; mais aujourd'huy, incontinent qu'il a sceu le traveil de la royne, il est retourné.
M. l'ambassadeur de Burgo se recommande humblement à vostre bonne grâce. Lequel et moy n'avons cessé chascun jour solliciter vos affaires, dont jusques ores n'avons peu avoir quelque bonne expe-
1 Renée de France, née le 2 5 octobre i5io, épousa, le 28 juin 1628, Hercule d'Est, depuis duc de Ferrare.
i Voici une espèce de relation du baptême, envoyée à Marguerite par J. Gaufrer:
« S'ensieult l'ordre du baptesme de madame Renée, fille du roy Loys XIIe et de la royne Anne, ducesse de Bretaigne, qui fust faict et chelebré en la chapelle Sain!- Pelet, estant ou ebastel de Blois, laquelle fust baplisiée par M. le cardinal Fisnal ; et fust le seigneur Jehan Jacques Trivulchius, mareschal de Franche, son parin , madame la ducesse douaigiere de Bour-
bon et mesdames du Boschaige ses marines.
« Pour la solemnité duquel baptesme fut toute la lerache du chastel, depuis l'huys par lequel ladite clame debvoil sortir, et tout le chemin par lequel l'on debvoit aller à ladite cappelle, ensemble ladite cappelle , tendue de belle tapisserie.
« Ou long de laquelle terasse et de tout le chemin par lequel l'on debvoit passer jusques à ladite cappelle, estoient, de deux costés, les arches etSuysses de la garde du roy, ayans chascun une torse.
« Auprès du grant hostel de laquelle cappelle y avoil ung eschafault couvert de
dition, et ne cesserons de dilligenter jusques enfin ce que ayons le piuspart de ce que désirés. Mais, par les responces que vous ay envoyé, pouvés entendre la fin où MM. les canchellier et gens du conseil tendent, dont ne nous sommes contentés et ne contenterons.
Hier vindrent nouvelles que le chastel de Spellinbergh s'estoit rendu par composition et appointement , et que trois des capitaines estoient délivrés à la volonté de M. le grant maistre.
Aujourd'huy sont venues aussy lettres que une ville nommée Castel-Franc , à xv milles de Boulogne, s'est rendue audit grant maistre , lequel y a mis incontinent les Benevol ; et puis et ledit sieur grant maistre, avec l'armée du roy, a thiré plus avant et aprouehée Boulongne de huit milles , et ne scet-1'on sa volonté.
Et se portent lesdites lettres qu'il est bruit que le pape se veult retirer à Romme.
De Bloyjs, ce vendredy xxvc d'octobre.
Vostre , etc. J. Caulier.
tapisserie armoié de fleurs de lys. Au milieu duquel eschafault y avoit une chose ronde, couverte de damas blancq ou estoient les fons; au-dessus desquels fons y avoit un pavillon rond de damas blancq; et auprès du grant hostel y avoit un lieu clos aussy de damas blancq, pour deffachiner et refachiner ladite dame.
a En allant auquel batesme fust gardé l'ordre qui s'ensuilt : primes , les trompettes du roy, les heraulx, les roys d'armes , les huissiers de salle et de chambres, quatre variés servans portant chascun ung torsin de chire vierge; M. le conte de Saint-Pol portant les bachins; M. le duc de Bourbon portant l'esghiere; M. le duc d'Alenchon portant le chierge bénit; monseigneur portant le sel; le seigneur Jehan Jacques, parip , portant ladite clame,
que assisloit Madame, fdle aisnée du roy et de la royne; mademoiselle de Stoof portant la queue d'icelle dame; madame la ducesse douaigiere de Bourbon et madame du Boschaige, marines; mademoiselle de Bourbon, sœur de M. le duc de Bourbon, portant la queue du drap damas estant sur ladicte dame , adextrée de mademoiselle la princesse d'Orenge, qui portoit le vesvuyau , et de madame de Nevers , qui portoit l'oreiller ; MM. les ambassadeurs de l'empereur, du roy calolicque, de M. l'archeduc, de la seigneurie de Florence, du duc de Ferrare, du marquis de Mantua, de la communaulté de Lucques ; et après , toutes les dames et de moiselles de la royne , de Madame , de madame de Bourbon, deux et deux... »
( Le reste manque, j
JEAN CÀULIER À MARGUERITE D'AUTRICHE
On espère que l'arrangement sera conclu avant deux jours. On obtient de Robertet, moyennant mille écus d'or, la surséance du procès de Nevers. Le pape, tout malade qu'il est, fait marcher ses troupes contre le duc de Ferrare. (Original.)
1 5 novembre , à Blois.
Madame, tous ces jours passés l'on a esté en grandes difficultés et desputations touchant aucuns poincts et articles dont les aucuns sont appoinctés tellement, que M. de Gurse espère aujourd'hui ou demain y prendre une fin. Dieu veuille qu'elle soit bonne1 !
En ensuivant les lettres qu'il vous a pieu m'escripre, et aussi ce que M. le trésorier m'a escript, M. de Burgo et moy sommes approchés de M. le trésorier Robertet, auquel avons promis mil escus d'or s'il pouvoit tellement faire que la cause de Nevers surseist quatre ans. Au moyen de quoy ledit sieur Robertet a tellement procuré et sollicité, que ladite surseance nous a esté accordée, et à très-grande difficulté, comme avons bien sceu. Et a le roy envoyé M. de Nevers vers madame sa mère pour la consentir; et ainsi, madame, je vous suplie que vostre plaisir soit, pour acquitter nostre promesse, dire à M. le trésorier qu'il envoie à M. de Burgo lesdits mil escus d'or; et en ce faisant qu'il vous plaise escripre unes bonnes lettres audit sieur Robertet, afin que cy-après il ait toujours en bonne recommandation les affaires de M. vostre nepveur et les vostres.
Je ne puis avoir expedicion de tous vos affaires, et n'y veult M. le chancelier entendre jusques les matières principales soient conclûtes, quelque diligence que en aie peu faire, combien que M. de Gurse en ait parlé par plusieurs fois, que ne me semble pas bon signe.
1 Comme nous l'avons dit plus haut, ce traité fut conclu et signé le 17 novembre.
NÉGOC. D1PL0MAT. I. k 7
Nouvelles viendrent hier que le pape est encoires malade ; mais, ce non obstant, son armée est aux champs à intencion d'aler mettre le siège devant quelque place du duc de Ferraire.
Madame, commandés-moy, etc. De Bloys, le xv'' de novembre.
Vostre, etc.
J. Caulier.
ANDRÉ DE BURGO À MARGUERITE D'AUTRICHE
Le roi d'Aragon proteste qu'il veut observer le traité de Cainbray, mais il doit défendre les droits de l'Eglise dont il est feudataire. Malgré ces assurances, les troupes espagnoles ont quitté Vérone; ce qui excite les plaintes de l'empereur et du roi. Louis XII s'apprête vigoureusement à la guerre. Présence de l'armée du pape devant Modène. L'empereur cherche à faire appointement avec le pape, qui veut toujours se rendre maître de Ferrare. Les Vénitiens se sont retirés de devant Vérone, dont le roi de France avait renforcé la garnison. Jules II, voulant, en cas de mort, assurer l'élection d'un pape aussi mauvais que lui, se propose de créer prochainement douze cardinaux; ce à quoi Louis XII tâchera d'obvier. Efforts des cinq cardinaux qui sont à Pavie. ( Original. )
7 décembre, à Blois.
Madame, despuys mes dernières lettres escriptes que j'envoyay à Paris à maistre Jehan Caulier, pour les envoyer par la poste avec les lettres de M. de Gurce, sont survenues les choses que s'ensuyvent.
L'ambassadeur du roy d'Aragon a heu nouvelle poste avec longues lettres du roy son maistre, par lesquelles il repond et remonstre le contraire de ce que luy a esté imputé avoir fait à l'encontre du traicté de Cambray, ramenant beaucop de raisons pour son excuse, et enfin se résolve que il veult garder et observer ledit traicté de Cambray et estre bon alié, frère et parent à l'empereur, et que, pour la d elfen.se des royaulmes et pays du roy de France, il employera du tout; mays que aussi il est tenu de deffendre l'Eglise; ce
qu'il fera comme feudataire d'icelle pour le royaulme de Naples et comme bon prince chrestien. Toutesfoys il a esté respondu par ledit roy beaucoup de choses, et que on ne fait point de guerre à l'Eglise; mais le pape la fait injustement aux autres et soubstient les Veniciens.
Cependant sont venues nouvelles par lettres de l'empereur vostre père du département des gens d'armes espagnoz de Vérone, et fait vostredit père la plus grande plaincte du monde dudit roy d'Arragon, et non maindre la fait ledit roy de France. Neantmoings l'on met penne pour radresser les affaires, et actend l'on la resolucion dudit roy d'Aragon sur ce que lui a esté escript de la resolucion faite entre l'empereur et le roy de France; laquelle responce ledict ambassadeur d'Arragon dit tenir pour certe sera bonne et telle que l'on s'en contentera. Et de la partie desdits gens d'armes arragonois de Veronne, il dit n'en avoir aucune chose pour ceste heure dudit roy son maistre; mais la cause estre pour les grans mouvemens que sont esté ou royalme de Naples, d'environ vingt mille personnes armées disans non vouloir souffrir l'inquisicion qu'y veult mectre ledit roy d'Arragon; mais que, d'autre manière, il ne fauldra à l'empereur selon ledit Iraicté de Cambrai; et en conclusion, madame, il vouldroit que vostre père feist la paix en laissant aucunes pièces des syennes aux Veniciens, et que du demeurant l'empereur encoires seroit bien, remonstrant beaucop de raisons pourquoy elle se doit fere.
Ledit roy de France continuellement s'apreste à la guerre, à fin que , si le pape et lesdits Veniciens ne se veullent incliner à paix convenable, l'empereur et luy puissent continuer leur juste entre prinse; et derechief m'a certiffié que, s'il n'est la faulte du cousté de l'empereur, il fera tellement que l'on en aura bonne fin, mais qu'il ne vouldroit pas estre laissé seulet à l'entreprinse ; et m'a dit que, peu de jours après nous, il se partira pour se tirer à Lyon et s'aprester pour passer les nions , s'il est mestier ; et vrayement de jour en jour il est plus délibéré. Toutesfois, si l'on povoit avoir
une bonne paix, de laquelle l'empereur vostre père se contantit, il en seroit bien content.
L'armée du pape est unie dedans Modene et à l'environ bien grosse; mais, pour cause de l'hyver et des bonnes provisions du roy de France, ils ne peulent faire leur désir.
Ledit pape continue en sa malvaise volunté, et vouldroit avoir Ferraire; mais il ne sera point souffert.
L'empereur traicte tant qu'il peult pour l'induire à appoinctement raisonnable ; je ne sçay qu'il en sera.
L'armée des Veniciens qui estoit venue près de Vérone cinq mille pour l'assegier, veant ne povoir riens fere, s'est retirée bien loing de manière que à ceste beure la cité est en toute seurté. Lesdits Veniciens, mal content que leur capitaine, nommé messire Lucio Malvesio, ayt fait retirer lenrdite armée, et disant l'avoir fait à maulvaise fin , l'ont constitué prisonnier.
Ledit roy de France avoit envoyé soudainement bon nombre de gens à Vérone, et aussy l'empereur de gens de pied.
Ledit pape, selon l'advis qu'ils sont, a délibéré de faire une douzaine de cardinal à ces quatre temps avant Noué (Noël), à fin que, se aloit de vie à trespas, il puisse être ung pape aussy maulvais comme luy. Le roy de France fait tout pour obvier qu'il ne se fassent, mais que consille gênerai soit convoqué , et a envoyé ample povoir en Italie pour ce fere, experant que l'empereur fera faire le semblable de son coustet, auquel pour ceste cause j'en ay escript bien longuement de la part du roy de France.
Les cinq cardinaulx que sont à Pavie procurent par tous moyens le semblable, et ont envoyé ung messagier à l'empereur; et ung autre en est venu aujourd'buy audit roy de France, lequel s'en va par delà devers vous et de là passer en Angleterre à la fin dessusditte. Bloys. ce vu* jour de décembre.
Vostre très-liumble et très-obeissant serviteur,
Andréa da Borgo.
ANDRÉ DE BURGO À MARGUERITE D'AUTRICHE
Prise de Concordia. Bruit de la reddition de la Mirandole. Le pape et les Vénitiens vont assiéger Ferrare. Conjectures sur l'issue de ce siège. Les Suisses menacent de faire la guerre au duc de Savoie. Propositions faites au roi de France par le roi d'Aragon. L'ambassadeur d'Ecosse se rend auprès du pape pour travailler à la paix universelle, et proposer contre les infidèles une guerre dont le roi d'Ecosse serait le chef maritime. Le pape attend M. de Gurce à Bologne. Le comte de Carpi s'est arrangé avec le duc de Ferrare. Lucio Malvesio, déclaré innocent par les Vénitiens, reprend le commandement de leur armée. ( Original. )
29 décembre , à Blois.
Madame , par mes dernières lettres du xxnc jour de ce présent mois, je vous advertis de nouvelles occurantes; despuis sont survenues autres nouvelles que, non obstant l'yver plain de malvaix temps, tel que le veez, et aussi les bonnes provisions faictes par le roy de France, le pape deliberoit se batter à ensuyr et mectre à fin son entreprinse, pour non actendre plus grandes provisions de l'empereur et dudit roy; et à ceste cause ayant envoyé son armée à la Concordia, ville du conté de la Myrandula, icelle ont prinse par force; mais ladite ville n'estoit forte et estoient peu de gens dedans.
Après, ladite armée et les gens des Veniciens sont allé à la Myrandula, et l'ont prinse par composition1. Dedans estoit la fdle du seigneur Jehan-Jaques de Tryvulcio, femme du feu sieur Ludovic de la Myrandula 2. Et le sieur Fabrice Colonne a esté le moyen de ladite composicion : de quoy ledit seigneur roy de plus en plus est mal contant du roy d'Arragon, que si ouvertement en terre dem-
1 Cette nouvelle deia prise de la Mi- s Ludovic de la Mirandole, frère puine
randole était prématurée. Ce fut au mois du duc régnant, fut tué l'an i5oo,, en
de janvier seulement que Jules II s'em- combattant contre les Vénitiens , à la tête
para de cette ville, où il fit son entrée des troupes pontificales, par la brèche.
pire, et où estoit tant d'importance pour l'empereur et pour ledit seigneur roy, ledit Fabrice s'employa sans aucun regard. Ladite Amyrandula est une ville où il y a ung fort chastel, et ne sçay comme elle s'est rendu si facilement sans artillerie, et aussi estoit ung passaige par lequel l'on povoit envoyer secours à Ferraire.
A ceste heure, ladite armée du pape et cpiasi toute la puissance des Veniciens s'en vont assiéger Ferraire de deux coustez, et, pour estre perdu ledit passaige de l'Amyrandula, ne s'i puet envoyer plus secours, synon par forme de diversions; et à ceste cause le roy a envoyé ung poste pour faire assembler ses gens d'armes et faire de nouveau bon nombre de gens de pied à toute diligence pour faire le mieulx que l'on pourra pour ayder Ferraire, en laquelle est le duc avec cent et cinquante lances françoises et aucunes itallianes et environ deux mil piétons; et si le peuple tient bon, il n'y a point de danger; mais, si le peuple ne veult souffrir le siège, il y sera non petit danger de la perdre , que ce seroit une très-grande perte. Et Vérone et les autres choses de l'empereur et du roy seront en termes qu'il conviendra bien les garder; et ainsi la pratique de paix sera plus dure, et au contraire sera plus facille, si Ferraire se tient; que Dieu vuille.
Les journées des Suisses sont dilayées ; celle de l'empereur vostre père jusques aux trois Roys, et celle pour le roy de France au \x\e jour de janvier; ledit roy espère bien de la syenne.
Lesdits Suisses menassent de vouloir faire la guerre au duc de Savoye pour la querelle qu'ils ont à l' encontre de luy, comme vous sçavez : ledit duc a envoyé derechief ung syen homme au marquis de Rothelin, afin qu'il voye s'il est possible d'y trouver quelque moyen d'oppoinctement.
Le roy d'Arragon a fait déclarer au roy de France, comme il a expédié ung des ambassadeurs de l'empereur, le beau-frere de monsieur de (iurce, avec la resolucion qui s'ensuyt qui lui semble bonne et raisonnable, combien le président et autres ambassadeurs ne s'en sont voulu contenter, et prie le roy à tenir la main que l'empereur
s'en contante; mais je vous promets, madame, qu'il en est autant malcontent qu'en sera l'empereur. Touteflbis je luy escrips afin qu'il ne rompe point contre ledit roy d'Arragon, duquel il n'est point contant; mais mon advis est qu'il praigne ce qu'il en pourra avoir.
La resolucion dudit roy d'Arragon est telle que il n'entend faire aucun nouvel traicté avec l'empereur, mais qu'il gardera le traicté de Cambray.
Que pour cest yver il ne peut riens donner.
Que à l'esté quil vient, il donra à vostre dit père cinq cent lances et deux mil piétons, avec les condicions soubscrites :
Premièrement, que l'empereur ne fera point de guerre à l'Eglise.
Item, que l'empereur tiendra dix mil piétons et quatre mil chevaulx de son patrimone et de l'empire.
Item, que ledit roy d'Arragon donnera le dessusdit ayde en cas qu'il n'y ayt point de guerre en son pays, ouvrayment suspicion de guerre en son royalme de Naples , laquelle suspicion s'entend si prouchain dudit royalme de Naples vint une grosse armée du Turcq.
L'ambassadeur d'Escosse s'en est aie pour tirer devers le pape, afin de procurer la paix universelle en nom du roy son maistre et du roy d'Angleterre, et de proposer la guerre contre les infidèles, en laquelle vouldroit ledit roy d'Escosse estre chief de l'armée de mer; et, si la faulte sera dudit pape à non vouloir entendre à ladite paix, ledit ambassadeur a charge de luy protester, etc.
Hier vindrent nouvelles fresches de Boulongne, comme ledit pape actendoit avec grant désir monsieur de Gurce; et semblablement, j'ay advertissemant de la court de l'empereur que ledit pape sollicite merveilleusement ladite alée ; l'on actend icy la resolucion de l'empereur vostredit père touchant ladite allée et tous autres affaires. L'empereur vostre père, par lettres que j'ay receu du xxc jour de cedit mois, m'a escript avec les plus gracieuses paroles du monde qu'il avoit ouy tout le rapport de mondit sieur de Gurce, se monstrant très-joyeulx et très-contant dudit rapport, et que deans quatre
jours m'envoyeroit la poste avec resolucion du tout. Le roy et tout son conseil sont esté très-joyeulx de ses lettres, veant si bon vouloir audit empereur.
Madame, quant monsieur de Carpy fut en Flandres, l'empereur luy donnit l'investiture de l'autre mytié de la seigneurie de Carpy, laquelle mityé tenoit le duc de Ferraire. A cest heure ledit sieur de Carpy a fait appoinctement avec ledit duc, luy payant xxv mil ducas, et ledit duc luy a donné et quicté ladite initié de Carpy1.
Madame, j'escrips à l'empereur vostre père des nouvelles de par deçà et des choses que m'a chargé le roy de France sur les matières occurantes; je vous supplie ordonner que la poste soit envoyée tout incontinant.
Les Veniciens ont trouvé inocent le sieur Lucio Malvesio et l'ont renvoyé capitaine gênerai de leur armée.
Madame,- en parlant dernièrement à la royenne de vous, elle me dit que, quant vous escriproye, qu'elle se recommandoit bien fort à vous, et estoit preste à vous faire plaisir.
Ma très-redoubtée dame, quand surviendront autres nouvelles, je vous en advertiray. A tant, je prie Nostre Seigneur vous donner très-bonne vie et longue , avec l'entier de voz très-haulx et nobles désirs. A Bloys, ce xxixe jour de décembre.
Votre très-humble, etc.
Andréa da Borgo.
1 Dans une lettre datée d'Amboise, le ut nobis dixit, intra viginti dies. Déclara
16 septembre i5io, André de Burgo avait vit nobis causam profeclionis sue esse ob
déjà annoncé cette transaction du comte parlicularem causam suam cum duce Fer-
de Carpi avec le duc de Ferrare. Il s'ex- rarie, qui vult restituere sibi alteram me-
primait ainsi : « D. Carpensis, qua bora dietatem Carpi de qua imperator dédit in
recessimus ex Turono, recessit eliam ipse, vestituram dicto Carpensi. iturus per poslas Mediolanum, reversurus,
Plaintes adressées au roi par le duc de Gueldre contre les voies de fait des troupes autrichiennes. Entretien à ce sujet avec le roi et ensuite avec le chancelier. Secours promis par Louis XII au duc de Savoie. Nouvelles de Modène. Marche et progrès de l'armée du roi en Italie. Situation des troupes du pape et de celles du roi d'Aragon. On a quelque espoir de paix. Obsèques de l'impératrice Blanche Marie. Le duc de Gueldre désavoue la surprise de Hardewick. ( Original. )
21 et 22 février, à Blois.
Madame, j'ay receu deux voz lettres, la première du \f jour de ce présent mois et l'autre du xniie; ladite première faisant mencion touchant la cause qui pend par-devant l'official de Rains et ay receu le double de la lettre que luy avez escriptes , de laquelle j'en ay fait mémoire pour en parler à monsieur le chancellier; ce que n'ay peu faire ces jours passés, obstant l'infermeté et indisposition en quoy je suys esté par quatre ou cinq jours; et à cest heure que je suys ung petit mieulx, je solliciteray la chose comme m'escripvez.
Quant à l'autre lettre du xime de cedit mois, faisant mencion des choses de Gheldres, au mesrae temps de la réception, vint devers moy monsieur le trésorier Robertet, lequel me dit que le roy avoit donné charge à monsieur de Bouchaille et au bailly d'Amyens se tirer par devers moy pour me parler des grandes nouvelletés que le seigneur de Sistain 1 faisoit journellement à monsieur de Gheldres, et desrompant apertement la paix , et dont ledit sieur de Gheldres se plaignoit et faisoit remonstrer ces choses audit seigneur roy, lui priant y vouloir mectre provision. Et me dit toutesfois que, pour maditte infirmeté, lesdits sieurs de Bouchaille et bailly d'Amyens ne viendroient jà parler à moy. Madame, je luy respondis comme il me
1 Floris d'Egmond, seigneur d'Isselstein , comte de Buren commandant les troupes impériales en Gueldre.
SÉGOC. DIPLOM.VT. — i. 48
sembloit estre opportun et nécessaire , et pour ce que , par les derreniers deux articles de vosdittes lettres, m'avez escript que ne feisse aucun semblant de l'affaire, mesmement de la ville que a esté surprinse, se premier ne m'en estoit touché, à ceste cause n'en feis plus grande ouverture.
Madame, par la poste venue cejourd'huy, j'ay heu lettres de l'empereur vostre père; pourquoy me suis tiré devers le roy à grani penne; car je m£ sentoys encoires pesant, et après lui avoir parlé et communiqué d'autres affaires de vostredit père dont j'avoys charge et avoir le tout fait, et veant le temps non estre à ceste heure à dissimuler, je suys entré en la matière de Gheldres, et, oyant en parler, m'a dit si son chancellier avoit point parlé à moy touchant ceste affaire des plaintes de monsieur de Gheldres, des nouvelletés qu'il luy a fait remonstrer que journellement l'on luy faisoit. Je dis que non ; mais Incontinent luy monstris les lettres que vous m'avez escriptes, ensemble les mémoires et instructions que avez donné à vostre maistre d'ostel, vous mectant à tout bon devoir, dont il fut fort esbay, mesment de la surprinse de la ville d'Arduich, dont il estoit ignorant, ensamble des choses dessusdittes, et dit qu'il n'en- Lendoit aucunement que ledit sieur de Gheldres feist aucunes entreprises contre le traictié de paix, mais desiroit bien que toutes choses fussent pacifiées et qu'il n'estoit temps à ceste heure à faire guerre , que de sa part il s'employroit à la pacification et à y mectre provision, et si aucune chose estoit faicte, la faire remectre à son premier estât : car tel est son vouloir, et le feroit bien et à certes sçavoir audit de Gheldres, ne le voulant soubstenir aucunement en tels actes; vous priant, madame, que aussi de vostre costé veullez mectre ordre et fere que tout soit paciffié. Et à la vérité je parlis bien hardiment, car je dis que, si l'on avoit le cueur au fait de Na- \errere, l'on l'auroit plus grand à Gheldres; que c'estoit de plus grande importance, et que l'on entendoit bien se deffendrc, se ledit seigneur vouloit persister plus avant en resolucion. 11 me dit que j'en parlisse encoires à sondit chancellier et de sa part, comme dit
est. Il veuît et entend que tout soit paciffié sans mectre de guerre, ainsi qu'il vous prie tenir main de vostre part.
Madame, incontinent estre de retour du roy, suys allé devers mondit seigneur le chancellier et luy ay parlé desdites choses de Gheldres, comme j'ay fait au roy, luy monstrant et faisant entendre vosdites lettres, et luy ay mis es mains le double des instructions de vostredit maistre d'ostel, dont il a esté semblablement fort esbay, et a mandé incontinent aucunes gens qui sont icy pour ledit seigneur de Gheldres, et m'a dit qu'ils font les plus grandes plainctes du monde des nouvellités que journellement monsieur de Sestain fait à leurdit maistre, et que sont desjà sept ou huit jours qu'ils sont après le roy et luy leur remonstrant ces choses. Je luy ay respondu que à ceste heure l'on pourroit congnoistre la trayson dudit seigneur de Gheldres, lequel, soubs umbre de caritade, ayant fait luy-mesme le mal, vouloit, comme il a de coustume, parvenir à se plaindre sans cause ny raison et avant que nous qui avons eu dommaige. Et plusieurs autres choses luy dis servant à la matière; il me dit en conclusion qu'il se trouveroient par ensemble et parleroit ausdits de Gheldres, et y seroit faite bonne résolution, laquelle j'actendray, et icelle entendue incontinent vous en advertyray.
Madame, j'ay monstre aussy au roy l'article de vosdites lettres faisant mencion de monsieur de Savoye, dont il a esté joyeulx, et m'a dit que fesiez très-bien, et est venu bien à temps; car ledit seigneur roy a heu lettres de l'empereur vostre père, par lesquelles il le prie vouloir ayder audit duc de Savoye dont ledit seigneur roy, encoir^s d'abondant, a esté plus que content, et m'a dit qu'il estoit délibéré de ayder mondit seigneur de Savoye de tout le sien au mieulx qu'il pourra, combien il soit grandement occupé ailleurs, et qu'il ne le laissera, et que, si les Suysses vouloient persister à leur entreprise, que l'on se deffendroit très-bien; et quant à l'assistance que entendoit luy bailler ledit seigneur roy, que l'on entendroit se par bon moyen ils se vouloient paciffier, ou synon que, comme dit est, il le deffendroit et l'aideroit de tout le sien , vous priant tenir la main
envers vostredit père qu'il se veuille semblablement emploier à son s ère ment, et semblablement vous, madame, de vostre costé, et jà ledit seigneur de Savoye entendt à aprester gens d'armes à pied et à cheval pour employer s'il estoit nécessaire. Et j'ay entendu d'aulcun que le pays de Piémont avoit accordé audit seigneur de Savoye imm piétons et cens hommes d'armes , sans ce qu'il aura de son pays deçà les monts, et m'a dit l'evesque de Marsaille qui est savoyen et conseillier du roy\ qu'il seroit bon, madame, que semblablement de vos gens luy donnissiez aussi secours. Après ce, j'ay parlé aussi de ces choses à monsieur d'Angoulesme, lequel vous en remercye et m'a dit que ce qu'estoit fait à monsieur de Savoye il le tenoit comme à lui.
Madame, de vostre afïere les lettres sont expédiées en bonne forme, comme vous ay escript; je vous envoyé à ceste heure la lettre missive adressant à messieurs des comptes; ne reste que la lettre patente que desjà, sont trois ou quatre jours, est devant monsieur le trésorier pour la signer. Je l'ay envoyé prier de la signer; il m'a renvoyé responce qu'il me prioit avoir ung petit de patience jusques à tant (mil fust ung peu disposé; il a mal aux yeux. Je ne sçay la cause pourquoy il a différé : je la solliciteray de tout mon povoir, et l'avoir recouvré et du tout expédié, la vous envoyray. Despuis, ainsi indisposé comme je suis, me suis tiré devers luy en son logis pour avoir la cause que ne l'expedioit; il me dit qu'elle estoit par luy faite si favorable pour vous qu'il ne l'oseroit expédier, sans premièrement la monstrer à monsieur le chancellier, à fin que sy après il ne luy puist reproucher.
Madame, de mon affaire j'ay entendu que aviez eu response de monsieur le trésorier, lequel escript pour me fere avoir argent. Je vous supplie, madame, le plus bricf que fere se pourra, que me faites pourveoir d'argent, et le fere bailler au maistre des postes pour le m'envoyer pour la première bougettc, à lin que je puisse satisfere
' Claude de Seyssel, nommé à l'évêclié autres d'une Histoire singulière du roy de Marseille en 1009, mort en i520, Loys XII , Père du peuple , in-8°, Paris f auteur de plusieurs ouvrages, et entre i558.
mes credanciers , et du demeurant m'ayder à entretenir jusques à ce que une plus grande provision me sera faicte, et que seray payé du demeurant que m'est deu, comme raison veult.
Madame , il est venu ung courrier d'Espaigne à l'ambassadeur d'Arogon, qui a appourté la lettre avec ceste enclose que vous envoyé.
Madame, je vous envoie une lettre du pape escripte à ceulx de Modene, par laquelle congnoistrez que en ces pays de Modene sa fin n'est pas bonne pour l'empereur, et le roy actend avec grand désir scavoir que vostredit père y ayt donné bonne provision.
L'armée du roy a passé au lieu de Sarmete avec intencion de passer à Boudayn, et de là faire ung autre logis prouchain des ennemys à deux lieues pour les combattre ou constraindre à eux retirer; mays jusques icy, il n'y sont peu aie , à cause que audit Boudayn il n'y a point de vivres. Mais ont envoyé au duc de Ferraire , afin que par la rivière du Pau envoyé des vivres audit Boudayn pour trois ou quatre jours. L'on ne sçay si ledit duc de Ferraire le pourra faire, car il en a semblablement nécessité pour son armée.
Les Françoys sont à ceste heure seigneur de toute la rivière du Pau et ont séparé les Veniciens, assavoir que la plus grant partie d'eulx se sont retirés en ung lieu appelé l'Abbaydie, et aucune bande des gens desdits Veniciens, tant à cheval comme à pied, sont demeurés avec les gens dudit pape.
Le pape, selon les divers avertissements que sont venus, est à Imola, actendant à la provision de nouvelles gens de pied pour renforcer son armée. Il semble impossible que les deux armées puissent • demeurer ou lieu où elles sont par faulte de vivre.
Les gens d'armes du roy d'Arragon s'entretiennent continuellement avec le pape , et sont venues nouvelles que son capitaine a heu commandement de non s'en partir.
Sont venues nouvelles que monseigneur de Savoye estoit desjà à Veronne et s'en alloit à Mantue, et que monsieur de Paris, sans faulte, seroit demain à Millan, et en autres deux jours seroit audit Mantue.
L'on verra en peu de jours si la paix se devra faire, comme j'ay espoir et la désire, et prie le Créateur que ainsi se face; car vostre maison en a mestier pour le présent, et si la maleur (veut) que la paix ne se face, je vous promects, madame, qu'il sera de la guerre plus que l'on ne vouldra selon la disposition où sont les afïeres de tous coustés; maysj'ay espoir, comme dit est, que les choses s'appoincteront ou d'une manière ou d'autre.
Madame, le xvme jour de ce mois fut célébré et fait en la grant église de ceste ville l'obseque de la femme1 de l'empereur vostre père, où fust M. d'Angolesme pourtant le deul, et aussi M. de Longueville et M. de Nevers; mondit sieur d'Angoulesme, accompagné de M. de laTrimoille, mondit sieur de Longueville, de M. le chancellier et mondit sieur de Nevers, d'un chevalier de l'ordre. Il fut dites trois haultes messes : les deux premières par deux evesques et la dernière par le cardinal de Prye2. Et au milieu de laditte dernière messe fust faicte une briesve collation par le confesseur du roy à la louange de l'empereur, de la ti espassée et de leur parentelle. Je n'y fus point, obstant mon indisposicion, ny aussy les autres ambassadeurs; car cellny qui avoit la charge de les inviter l'oblya.
L'escusson de laditte emperyere fut blasonné qu'il estoit party par le milieu, et à la première partye les armes de l'empereur vostre père, et au milieu de l'aigle ung petit escusson d'Austrice, et l'autre partye les armes de la duché de Millau.
Le partement du roy sera, comme il afferme, tout certain dans le premier jour de caresme. Madame, je prie Nostre-Seigneur, etc. A Bloys, le xxie jour de février.
Madame, despuis cestes escriptes je suys esté devers monsieur le
1 Blanche Marie Sforce, seconde femme Voyez, sur sa dernière maladie et sur sa
de l'empereur Maximilien, mourut le 3i mort, Corvesp. de Maximilien et de Mai-
décembre i5io. Elle avait épousé en pre- (juerite, I, 367,-466 ; II, 399.
mières noces Philibert I"r, dit le Chasseur, ' René de Prie, évêque de Bayeux ,
duc de Savoie. Cette princesse n'a jamais cardinal du titre de Sainte-Sabine, été reconnue en qualité d'impératrice.
ENTRE LA FRANGE ET L'AUTRICHE. — 1510. 383 chancellier, lequel m'a dit que des choses de Gheldres il en avoit bien au long parlé à l'homme de monsieur de Gheldres qui est icy; lequel luy a respondu que de la ville d'Arduich qui a esté surprinse, son maistre, monsieur de Gheldres, n'en sçait riens; et ce n'a esté aucunement par son adveu ne commendement, et désavoue les gens qui ont ce fait et ne les congnoissoit. Je luy ai respondu qu'il ne soumsoit de cela , que ce n'estoit que belle tromperie, et que, quant monsieur l'archiduc vouldroit user du semblable de sa part, iltrouveroit assez tels gens qui feroient aussy les amplectes sur luy, et auroit beaucop d'autres moyens de fere à l'encontre de luy, et qu'ii n'est vraisemblable que ladite ville soit esté prinse, synon par le commendement, intelligence et adveu dudit seigneur de Gheldres, le priant qu'il y veuille mectre provision. Il m'a dit qu'il n'en seroit autre fere; toutesfois il a chargé à l'homme dudit de Gheldres de l'escripre à son maistre, qu'il prie pareillement fere de vostre cousté , que l'on entende à la charge et instruction de vostre maistre d'ostel , et que de toute part l'on se veuille abstenir de guerre. ABloys, ce xnc (xxne) jour de février.
Vostre très-humble et obéissant serviteur.
Andréa da Borgo.
