L'EMPEREUR MAXIMII.IEN AU ROI LOUIS XII

Il le prie d'intervenir pour que Charles de Gueldre restitue la ville de Hardewick, prise par lui, au mépris du traité de Cambray. Il demande en outre que les difticultés survenues en Gueldre depuis ledit traité de Cambray soient jugées par arbitres.

( Copie da temps. )

17 mars, à Colombier.

Très-hault, très -excellant et très-puissant prince, très-chier et très-amé frère et cousin, nous nous recommandons à vous tant af-

fectueusement et de cueur que povons. Ayant receu voz lettres du vne de ce mois, responsives à ce que vous avions escript et fait dire par nostre ambassadeur messire Andréa de Burgo, touchant la prinse de nostre ville de Hardewyck et autres œuvres de fait que messire Charles de Gheldres s'est adez perforée et perforée faire au contraire du traictié de Cambray *.

Sur quoy, très-hault, très-excellant et très-puissant prince, trèschier et très-amé frère et cousin, en tant que touche vostre bon vouloir et le désir que avez tousjours eu de entièrement accomplir, garder, entretenir et observer le contenu audict traictié de Cambra v. nous et les nostres le cognoissons bien , et de nostre part n'avons jamais esté d'autre vouloir, ne faire chose au contraire d'icelluy, mais le tout garder, entretenir et observer de point en point, sans y faillir.

Et pour ce que, au moyen de la dicte prinse de Hardewyck et de la manière de faire que tient ledict messire Charles à l'encontre de nous, nos très-chiers et très-amez enffans, et dudict traictié de Cambray, se peut mouvoir aucune chose qui pourroit estre contre nosdicts bons vouloirs, nous desirans que ordre y soit mise comme est nécessaire , vous requérons très-affectueusement que incontinent veuilliez commander audict messire Charles de rendre nostre ville

1 Par cette lettre du 7 mars , Louis XII exprime à l'empereur son déplaisir de la prise de Hardewick, lui mande qu'il va signifier au duc de Gueldre de réparer cette voie de fait. Il lui déclare en outre qu'il se portera défenseur des jeunes princes d'Autriche, si Charles de Gueldre continue à les attaquer. (Lelt. de Louis XII, II, 122.) Du reste, voici comment s'exprime à ce sujet Marguerite d'Autriche dans une lettre écrite de Gand, le i5 avril, même année : « 11 n y a point d'apparence de se actendre à rendre ladite ville de Ardewichs, si ce n'est par force. Et quoy que ledit seigneur

roy de France vous face, quant à ce, dire ou escripre, je scay et congnois assez qu'il assiste et favorise ledit messire Charles , et n'est pour rien deliheré de l'abandonner, quoi qu'il lui doi-je couster. » [Correspondance de Maximilien et de Marguerite , I, 3go.) Marguerite, écrivant le 3o mar.« à André de Burgo, l'informait que Pierre Guernadon , envoyé par Louis XII vers le duc de Gueldre, lui avait déclaré à ellemême, en passant à Gand, qu'il n'était pas chargé d'exiger la restitution d'Hardewick .

de Hardewyck et de reparer et remectre en son entier tout ce qui a esté fait contre la teneur dudict Cambray [sic), et donner congié à tout ses gens d'armes, tant à cheval comme à pied, qu'il a retenu de nouveau, et nous ferons le semblable de nostre coûté. Et au cas que ledict messire Charles ne le veuille ainsi faire, mais ce vous reffuser ou mectre en delay, que en ce cas vous lui vueilliez eschoper et mectre à néant la pension et Testât des gens d'armes de voz ordonnances qu'il a de vous, et non plus le favoriser, ne luy faire aucune ayde ou assistence, ains du tout l'abandonner, car en son reffuz sommes délibérez pour nostre honneur y pourveoir comme trouverons par conseil.

Et affin que les différends qui sont survenus depuis ledict traictié de Cambray oudictpays de Gheldres, et qui encores pourroient survenir avec le fait principal , puissent estre esclairez et vuidez selon ledict traictié de Cambray, nous vous requérons aussi que veuilliez envoyer vos desputez ayans povoir soufïisant pour, avec les nostres , décider et déterminer les choses dessusdictes , et en suivant icellui traictié procéder jusques à la fin, à celle fin que nous et vous et les autres arbitres puissions vuyder ledict affaire, et que, pour les choses dessusdictes, la bonne amour et intelligence qui est entre nous deux ne soit aucunement empeschée ne diminuée, ains que le tout se puisse tousjours conduire de bonne sorte et à la raison , comme nostredit ambassadeur du tout et au long vous advertira plus à plain. A tant, très-hault, très-excellent et très-puissant prince, trèscher et très-amé frère et cousin, Nostre-Seigneur soit garde de vous. Escript en nostre ville de Coulumbier, le xvne jour de mars l'an xvc x.

NEGOC. DIPLOM.Vf. i. 4t)

CNIV.

ANDRÉ DE BURGO À MARGUERITE D'AUTRICHE

Affaire de Gueldre. Explications à ce sujet avec le roi. Arrivée de l'évèque de Gurcc à Mantoue. Celui-ci a bon espoir de paix; mais il voudrait qu'au préalable on suspendit toute hostilité. Le roi se plaint du départ des troupes allemandes. Elles reviendront sur leurs pas, pourvu que le roi veuille faire l'avance de leur solde. L'évèque de Paris et l'ambassadeur d'Aragon vont se rendre aussi à Mantoue. On s'attend à une bataille prochaine. La maison d'Autriche aurait grand besoin de la paix. Création de neuf cardinaux. L'évèque de Gurce refuse d'accepter cette dignité avant la conclusion de la paix. Disposition de l'armée du pape. ( Original.)

23 mars, à Bourges.

Madame, par la dernière poste par moy expédiée à Bloys , le \viie jour du- présent moys, avez esté advertye de toutes nouvelles, depuys le jour ensuyvant. . . . , et après que le roi fust party, je receu i;i poste ensemble vos lettres données à Malines le xve jour de cedit mois, faisant mencion des choses de Gheldres; lesquelles vos lettres vindrent bien à propos; car, par la mesme poste, j'eus aussy lettres de l'empereur vostre père, par lesquelles il m'escripvoit aussi desdittes choses de Gheldres. Et pour la cause me tiray incontinent devers monsieur le chancellier, pour luy faire entendre le contenu tant des lettres de vostredit père que des vostres; et le lendemain me tiray devers ledit seigneur roy ensemble ledit seigneur chancellier en une maison en ung bois, où estoit saditte magesté; et moy estre là, luy remonstris le contenu desdittes lettres venues par laditte poste, et aussi rassemblée de gens que fesoit monsieur de Gheldres et de ses nouvelletés. De quoy ledict seigneur roy demonstrit estre bien fort courroucé. Toutesfois il me dit que pouvoit estre que le seigneur de Gheldres faisoit ceste assemblée pour les mille et cinq cens lansknechs que vous avez mis sus; à quoy je respondis , au contraire, que, avant qu'il fust question desdits lansknechs, ledit seigneur de Gheldres encoinmençoit desjà faire laditte assemblée,

et tout incontinent qu'il eust amblée la ville d'Arduich, et que la cause desdits mille et cinq cens lansknechs n'estoit seulement que pour obvier aux apparantes entreprinses que icelluy messire Charles pourroit faire pour garder le pays , et non point pour luy courir sur ses terres. En resolucion, ledit seigneur roy conclud qu'il escriproit audit de Gheldres, affin qu'il se abstint à faire telle assemblée ne autre nouvelleté, et semblablement à son secrétaire qu'il a par delà. Je n'ay peu recouvrer les lettres, quelque poursuite que j'ay peu faire jusques à ce matin; je les vous envoyé, ne en autre sorte fors comme les verrez, si bon semble, vous les envoyrez, ou autrement les retiendrez.

Madame , des nouvelles : en chemin j'ay receu lettres de monsieur de Gurce, dattée du xme jour dudit présent mois, par lesquelles il me fait sçavoir son entrée le jour avant à Mantue avec sa compaignie, qu'est de nc chevaulx, tous vestus de noir, et que le marquis dudit Mantue luy estoit allé devant bien trois mille italyens, et luy avoit esté fait le plus grant recueil qu'il est au monde possible, et avoit esté lougé sa personne au palays dudit marquis, et l'ambassadeur d'Arragon qui estoit venu avec luy dedans la ville.

Ledit sieur de Gurce m'escript beaucop de bonnes choses pour lesquelles il tient pour tout certain que la paix se fera; mays que cependant l'on ne vienne à combattre; à quoy les François estoient délibérés et non point mains le pape et les Veniciens, et procuroit ledit sieur de Gurce de tout son possible envers une partie et autre, afin que l'on surceat à livrer la bataille. De ma part j'en ay bien besoigné icy; et se playgnent cy du partement des Allemands que avoit envoyé l'empereur vostredit père; mays je les ay contante le mieulx que j'ay peu, leur promectant qu'ils retourneroient incontinent, mays que le roy, sur le crédit de l'empereur, les pourvoyast d'argent : et le roy a esté très-contant de l'empereur pour plusieurs choses que mondit sieur de Gurce a escript, lequel n'attendoit autre chose que l'arrivée de monsieur de Paris à Manthue, lequel monsieur de Paris estoit encoires malade à Crémone. Despuis, ledit sei-

gneur roy a heu lettres du xvc jour de cedit moys de Manthue, contenant ce que dessus, et que ledit sieur de Paris, combien il eust les fièvres, se avoit fait mener par la rivière du Pau jusques audit Manthue, où il dcvoit arriver le xve jour; et semblablement cedit jour y devoit arriver l'ambassadeur d'Arragon, qui estoit emprès le pape, et avec luy ung homme secret dudit pape, et bien son mignon, avec bien ample povoir de sa sainctité touchant le traicté de paix, laquelle ledit seigneur de Gurce affermoit déplus en plus se feroit, ainsi que je prie Dieu se face, combien tous les autres avertissements sont au contraire; mais je veulx plus croire audit sieur de Gurce.

Le roy aussy a heu nouvelles du xvie jour de cedit moys de son armée, comme icelle se mectoit à l'escalate; et l'armée dudit pape et des Veniciens estoit desjà prouchain à cinq mille italyens, et que tout incontinent l'on auroit nouvelle ou de la bataille faicte ou de lappoinctement, synon bien prouchain de le faire. A mon advis, madame, je croy que l'une des parties et l'autre sera saige, et qu'ils se laisseront de partir, et que la paix se fera. Aultrement il se ensuyvra une guerre qu'il ne sera point petite ; laquelle je doubte malvayse pour nous, considéré la nécessité de nostre maison.

L'hon a heu nouvelles que le pape a fait neuf cardinaulx et que monsieur de Gurce estoit le premier, mais que bien noblement il a refusé d'accepter synon après laditte paix faicte, et que ledit pape l'avoit réservé in pectore suo; les aultres cardinaulx sont l'ambassadeur d'Angleterre, l'evesque de Syon en Suysse, messieurs Aguille de Grassis, boulonnois, un fils de Pandolf, qui gouverne Seine, et el Datario et un Venicien, et aucuns autres, et n'y a aucun Espaignol, mays l'on est adverty qu'il en fera briel aucun autre nombre.

L'on a escript que le pape avoit ordonné son année pour combattre en la manière que s'ensuyt : assavoir que le sieur Fabrice Couloigne, capitaine des gens du roy d'Arragon, avec scsdits gens et autres gens d'armes dudit pape, seroient advant-garde, et le duc i bin à la bataille, el les Veniciens à l'arriere-garde.

Et les François à grant hatte avoient envoyé à Veronne quérir mille lanskenechs, lesquels monsieur de Gurce leur avoit accordé.

Madame, il est arrivé, sont deux jours, l'escuyer Bonnet avec charge de l'empereur pour l'evesché d'Arras; j'en feray de ma part tout ce que possible me sera.

Le roy demeurra icy ces trois jours suyvant, et après la feste de Nostre-Dame se partira pour aler son chemin.

Madame, je vous advertyray de tout ce que surviendra, vous suppliant, etc. A Bourges, ce xme jour de mars.

Vostre très-humble et très-obeissant serviteur,

Andréa da Borgo.

ANDRÉ DE BORGO À MARGUERITE D'AUTRICHE

Arrivée des ambassadeurs au congrès de Mantoue. Pourparlers entre eux. Le pape voudrait que l'évèque de Gurce quittât Mantoue et allât le trouver pour traiter avec lui de la paix universelle. Les envoyés d'Espagne sont du même avis, de sorte qu'il va se rendre auprès du pape. Si cette démarche ne réussit pas, Mathieu Lang reviendra à Mantoue. Quant à l'évèque de Paris, il se retirera à Crémone ou à Milan, pour attendre les ordres du roi. L'évèque de Gurce n'acceptera pas le chapeau de cardinal , quand même la paix se ferait. Nouvelles pertes essuyées par les Vénitiens. (Original.

3 avril, à Moulins.

Madame , de Bourges, par mes lettres du xxn' jour du moys passé , avez esté advertye des nouvelles que pour lors couroient, et despuis, je vous ay escript par M. l'escuyer de Boudesne, qui se partist dudit Bourges le xxvr3 dudit mois

Madame, le jour ensuivant me partis dudict Bourges pour suyvre tousjours le roy de près, qui venoit son chemin en voulant1 et prenant passetemps, afin que si survenoit quelque nouvelle de l'empe-

1 Volant, chassant au vol.

reur vostre père, de vous ou d'Itallye, fusse incontinent devers luy pour besoigner comme de besoing seroit ; mays aucune chose ne m'est survenue jusques en ceste ville, où ledit seigneur roy arriva le pénultième dudit moys passé, et moy le dernier.

Les nouvelles que sa magesté a heues d'Itallye, et moy de monsieur de Gurce, en ceste ville, sont telles :

Assavoir que, despuis l'entrée de mondit sieur de Gurce à Mantue, que fust le xne dudit moys, actendit les autres ambassadeurs audit Mantue jusques au xvne d'icelluy mois; lequel jour monsieur de Paris y arriva, qui n'y peult plus tost estre pour cause de sa maladie; et le mesme jour aussi y arriva l'ambassadeur d'Arragon, messire Jherome Wict, résident emprès le pape, et avec luy un cubiculaire du pape appelle l'archidiacre de Mantue, et semblablement y arrivarent les ambassadeurs de Florence et de Ferraire.

Ledit jour, mondit sieur de Gurce, deux heures après que fut venu mondit sieur de Paris , alit premièrement en son logis le visiter, pour cause qu'il estoit malade ; et l'autre jour ensuyvant, ledit de Paris alit au logis dudit de Gurce, et fuient bien au long ensemble; et après les deux ambassadeurs d'Espaigne furent au long avec icelluy monsieur de Gurce, et pareillement despuis avec mondit sieur de Paris, et ledit archidiacre aussi fut avec ledit de Gurce; et despuis icelluy de Gurce, ledit de Paris, lesdits ambassadeurs d'Espaigne furent ensemble aucunes fois. Beaucop de discords, divises et communications sont esté entre eulx pour le fait de la paix; mais pour venir au point de la matière, que en effect ledit archidiacre cubiculaire du pape a demonstré estre envoyé seulement pour prier mondit sieur de Gurce que , sans séjourner audit Mantue, se voulsit tirer devers sa sainctité, le certifiant que en toute matière, saditte sainctité estoit délibérée à faire une paix universale , et de attribuer l'onneur d'icelle audit sieur de Gurce, et n'entendoit icelle sa sainctité besoigner aucunement en quelque manière que ce fut en ce traicté de paix, synon riere luy et en sa court, -et que mondit sieur de Gurce perdroit tout son temps sans proulïit s'il vouloit traicter autrement.

Les ambassadeurs d'Espaigne firent entendre le semblable audit sieur de Gurce et audit sieur de Paris, et eurent ensemble plusieurs divises et pratiques sur les matières occurrantes, sur le fait de la paix, sans dire toutesfois aucune particularité que vuille faire le pape, mays donnant ferme espoir audit de Gurce que, en toute façon, laditte paix se feroit, mais qu'il alit devers ledit pape, et promectant que si, par faulte de sa sanctité, ne se fesoit laditte paix, que le roy catholique ayderoit à l'empereur plus avant que ce qu'il luy a promis. Et enfin, par commung consentement de tous quatre, fut délibéré que mondit sieur de Gurce devoit se tirer devers ledit pape pour beaucop de bonnes causes et raisons qui seroient bien longues à escripre.

Et pour faire la chose avec plus grant fondement, ledit ambassadeur d'Espaigne, messire Jherosme Vict, s'en retournit en poste devers ledit pape le xxmie dudit mois passé : premièrement, pour entendre encoires de sa sanctité plus délibérément s'il est pour venir à la paix universelle , et aussi à fin d'avoir sauf-conduit pour l'alée et retour de mondit sieur de Gurce, lequel se partit le xxvic dudit Mantue, et le xxvne estoit à Correge, et le xxvni0 devoit estre à Modene, où il devoit actendre la responce dudit ambassadeur d'Espaigne, et si elle estoit bonne, comme estoit d'espoir, tout incontinent se partiroit pour aller à Raveine devers ledit pape, et luy, demeuré là quatre ou cinq jours, et veant ledit pape n'estre enclin à laditte paix, s'en devoit revenir audit Mantue pour faire à l'encontre de sa sanctité comme il a esté traicté1; mais en cas qu'il y ait fondement de paix, il envoyeroit tout incontinent quérir mondit sieur de Paris pour là traicter tous deux ensemble avec saditte sanctité ; lequel monsieur de Paris n'estoit voulu aller avec mondit sieur de Gurce , pour non avoir tel charge du roy son maistre, mais devoit retourner à Gremona ou à Millan pour actendre la commission que luy envoyeroit

1 Mathieu Lang eut une audience du disposé à faire la paix avec Louis XII pape a Bologne; mais il le trouva peu Voir Lettres de Louis XII , Iï, i3q.

ledit seigneur roy, lequel luy a escript que, si mondit sieur de Gurcc luy escript, qu'il voise que il y doit aler.

Le marquis du dit Mantua, par ordonnance de l'empereur, est aie avec ledit sieur de Gurce.

Les ambassadeurs de Florence et de Ferraire se sont retiré ailleurs, actendant ce que leur mandera mondit sieur de Gurce.

Ledit sieur de Gurce m'escript qu'il n'a autre fondement de la paix, synon le dessusdit grant espoir donné par le roy d'Arragon, sesdits ambassadeurs et par l'homme dudit pape.

Et le second, et plus tost le vray et premier fondement, que l'empereur et le roy se bâtent le plus qu'il pourront à faire leurs préparations de la guerre. Et, si laditte paix ne se peult faire, il s'entendra à prosequir laditte guerre. Toutesfoys l'on a espoir à laditte paix.

Ledit sieur de Gurce devoit estre à Raveine le cinquiesme jour du présent mois.

Ledit sieur de Gurce m'escript aussy que, combien se feit laditte paix, encoires n'avoit délibéré de prendre le ebappel de cardinal.

Les armées du pape et du roy sont tousjours où elles estoient. Et les gens du roy ont deifait bien trois cents cbevaux estradiots des Veniciens, et ont tué leur capitaine qu'estoit le meilleur que eussent lesdits Veniciens. Et le duc de Ferraire a prins vingt petites navieres desdits Veniciens, et ledit duc entendoit à armer ses galleres.

L'ambassadeur d'Arragon a h eues lettres d'Espaigne du xxe du passé : le roy estoit à Siville et entendoit à diligence à faire son armée de mer, et escript que, sans nulle faute, il est délibéré d'aller en son entreprinse personnement contre les Maures , et escript aussi tout plain de bonnes paroles au roy, luy priant à vouloir en toute façon faire la paix.

Madame, des autres eboses que surviendront je vous en advertyray.

Le roy se part à ceste beurc avant disné pour tirer son cbemin de Lyon; je m'en iray après luy demain. Aultre, ma très-redoubtée

ENTRE LA FRANCE ET L'AUTRICHE.— 1510. 393 dame, synon que je prie le Créateur vous donner l'entier de vos très-haulx désirs avec bonne et longue vie. A Molins , ce matin ine jour d'avril.

Madame , voulant fermer ceste est venue la poste avec vos lettres du dernier du mois passé, et celles de l'empereur touchant les choses de Gheldres, sur lesquelles semblablement l'ambassadeur de France despeche une lettre au roy, qui est venue en six jours; mais le rov n'a encoires veu les lettres. Demain au matin me tireray devers ledit seigneur roy et feray le mieulx que pourray, et ne restera de ma part à bien remonstrer la chose.

Vostre très-humble et très-obeissant serviteur,

Andréa da Borgo.

Madame , par les lettres que monsieur de Paris a escript par deçà , et autres, et aussy par celles que mondit seigneur de Savoy e m'a escript, le roy a esté très-content du bon pourtement dudit sieur de Gurce en ces affaires, louant tout ce que fait y a, et combien il eust désiré que ledit sieur de Paris fust aie avec mondit sieur de Gurce , toutesfoys, pour la bonne fidélité qu'il cognoit estre en icelluy sieur de Gurce, il a esté bien contant de son besoigné et de son alée.

NÉGOC. DIPLOMAT. 1, 5o

Cette année a commenté à Pâques, 20 avril.

\M)KK DE BURGO À MARGUERITE D'AUTRICHE

Rupture des négociations pour la paix. Vigoureux préparatifs du roi pour la guerre. L'empereur envoie des troupes à Vérone. Les évêques de Gurce et de Paris doivent conférer ensemble à Modène. Embarras et demande d'argent. ( Original. )

31 avril, à la Héronnière.

Madame , par la derreniere poste par moy expédiée le xxvne du présent mois1, avez esté advertye des nouvelles occurrantes. Despuis le jour d'yer, je receu lettre de monsieur de Gurce, du xxme de cedit mois, contenant bon espoir de paix, sans escripre autres particularitez des poincts où estoit ledit espoir, ne où estoit la difficulté; mais m'escripvoit beaucoup d'autres chapitres demonstrant la grant sincérité avec laquelle il procedoit, tant pour l'empereur que pour le roy de France, et que l'on tachoit à les desunir. Et m'escripvoit < mitre que les ambassadeurs d'Espaigne avoient fait et fesoient ions debvoirs à conduire ladite paix, et y procedoient droictement.

Le mesme jour, le roy eust plus fresches nouvelles de monsieur de Paris, par lettres que luy avoit escript mondit sieur de Gurce; que le pape estoit retourné à son malvais vouloir de non fere ladite paix, et mondit seigneur de Gurce m'escripvoit en ung mol que dedans ung jour il m'advertiroit de la résolution ou de la paix nu de la guerre.

Madame, cejourduy est venue autre poste par laquelle sont ve-

Par cette lettre du 27, A. de Burgo dre et du refus que faisait le clergé des end compte de ses débats avec le roi el Pays-Bas de se rendre au concile de Lyon, son conseil, au sujel des affaires de Guel- (Lettres Je Louis XII, II, 187.)

ENTRE LA FRANCE ET L'AUTRICHE. — 151 1. 395 nues nouvelles de la entière rupture de paix , laquelle ne vous seroye mieulx faire sçavoir, synon de vous envoyer les lettres que j'en ay heues. Ainsy vont les choses de ce monde; il fault prendre ce qu'il plait à Dieu pour le meilleur. Toutefois je voudroye bien que Dieu nous heust donné la guerre, que une paix se fut faicte ; mais si chacun fait son debvoir, j'espère qu'il en succédera mieulx.

Le roy, messieurs du conseil et moy sommes esté ensemble. L'on a confirmé beaucop de choses, que desjà les jours passez sont esté escriptes (lettres) à l'empereur et à monsieur de Gurce pour l'exécution de la guerre, tant en temporel comme au spirituel.

Demain s'en vont à Lyon, monsieur de Longueville, messieurs de Borbon, marquis de Rothelin et beaucop d'autres seigneurs, pour faire partir les gentilzhommes et pancionnaires tout incontinant et sans aucun delay, pour, et lesdits seigneurs ensamble , passer les montz; et a ledit seigneur roy donné la conduicte de cent lances à mondit seigneur de Borbon, desquelles à grant hatte fera une partir à ceste heure.

En après il a envoyé à toute diligence pour faire partir les trois mil Grisons pour se hatter à estre à l'armée.

Semblablement il fait partir à grante ( hatle ) le demeurant des chevaulx de l'artillerie, et fait touts aultres appareils de guerre.

Et deans deux jours envoyera les chevaulx de sa personne de là lesdits montz.

Ledit seigneur roy se partira samedy d'icy pour se tirer à Grenoble, actendant le passaige de ses gens d'armes; et ce pendant son armée qu'il a en Italye fera le pis qu'elle pourra contre les ennemys.

Ledit seigneur roy a heu nouvelles que l'empereur a envoyé à Veronne quatre mille piétons qui sont jà arrivez; dont ledit seigneur roy a heu grant plaisir, me priant vouloir escripre audit empereur qu'il se veuille hatter et se approucher le plus tost qu'il pourra, luy et ses gens, d'Italye.

Madame, a aussi heu nouvelles que mondit sieur de Gurce estoit

jà à Modena, où se devoit trouver monsieur de Paris, pour parler ensemble.

L'on actend nouvelles deans deux jours de ce que auront fait et parlé mondit sieur de Gurce et mondit sieur de Paris; de ce que surviendra, je vous en advertiray.

Madame, je vous ay par plusieurs fois escript de mon cas et i extrémité en quoy je suis; et encoires la nécessité en quoy je me sens me constrainct à vous escripre, et si vous n'y pourvoyez, je ne sçay où j'en suis; pour quoy je vous supplie, madame, que tant pour estre bon serviteur de l'empereur vostre père, de la maison et aussi le vostre, me vuillez secourir, et faire tellement que ne soye contrainct à faire emprumpt, que ne sera l'honneur de vostredit père ne le vostre. Il me fault aller à Lyon, où j'ay grant peur de demeurer par faulte d'argent, ou faire emprunt et me pourveoir par quelque moyen que ne sera ledit honneur de vostredit père. Madame, je suis contrainct le vous escripre, et me pardonner, s'il vous plait. C'est une grant pitié que pour estre si bon et leal serviteur de vostre maison et dès longtemps, il me faille si souvent prier et requérir le vivre, comme font les povres pour Dieu, pour avoir la sueur et labeur de mon corps et le myen. Et je vous promectz que, tout ce que j'ay gagné à mon service, je n'en ay ung denier, ne acquis ne four, ne molins, mais l'ay despendue à l'onneur de mes maitres. Et pourtant je vous supplie très-humblement, madame, vous y avoir i égard et y fere pourveoir comme je faiz à bien servir. Et si c'est vostre bon plaisir, envoyerez incontinent et par la première poste, si desjà fait ne l'avez, une lettre de change icy à messire Bartholomey Panchati, pour que il me délivre argent pour me povoir oster d'icy, ■M je suis grant debteur et demeurant me povoir entretenir jusque* autre provision me sera faicte du demeurant de ce que m'est deu. I t ainsi, madame, je vous supplie derechef le fere, afin que ne demeure perdu ne deshonoré; car c'est ung malvais exemple aux autres

i'- serviteurs.

Mail une, je vous supplie très-humblement me pardonner si{j'es

criptz plus avant que je ne dois, car vous povez congnoistre que la grant nécessité et desperation en quoy je suis le me fait fere.

Ma très-redoubtée dame, je prie Nostre-Seigneur, etc. A la

Heronniere, ce derrenier jour d'avril.

Vostre très-humble et très-obeissant serviteur,

Andréa da Burgo.