DES GRACIEUSES OFFRES

QUE, PAR AMBASSADE, LE ROY DE FRANCE, X DIVERSES FOIS, FEIT AU ROT CATHOLIQUE, NOSTRE SIRE ET SES GRACIEUSES VISITÀTIONS. ( Voyage de Charles d'Autriche en Espagne, par Laurens Vital , ch. vin l. )

Tost après le démené de ces dessusdictes alliances, le roy de France , nommé François premier de ce nom , feit, à diverses fois, despescher ses ambassadeurs, pour aller par devers le roy, nostre sire,

1 Le manuscrit, de la main de Théodore Godefroy* ma été obligeamment communiqué par M. Charles Godefroy, dernier descendant de cette illustre et savante famille. En parlant du même manuscrit dana mon Mémoire • sur les bibliothèques du département du Nord, $70, j'ai corn* mis une inadvertance que je dois réparer ici. Ce n'est pas de Catherine d* Aragon > reine d'Angleterre, qu'il est question au folio ia5 de l'ouvrage 4e Laurent Vital, mais bien de la jeune Catherine d'Au-

triche , sœur de Charles-Quint. Il existe, à la Bibliothèque du Roi, à Paris, une autre copie de celte chronique ; mais elle est défigurée par. beaucoup de ratures et surcharges. (Bulletin de la Commission royale d'histoire de Belgique* k lévrier 1837, p. 201.) Laurent Vital , dont [nos biographes ne disent rien, était fils de Jean Vital , attaché à la maison du roi Charles le Hardi* Laurent, qui. fut longtemps va* let de chambre de Charles-Quinte vivait encore en octobre i5a5.

son beau-fil*. Lune fois, le faisant visiter, et luy présenter toute amitié avec assistance des gens et d'argent, tant pour survenir à $es affaires que pour résister à ses adversaires, si besoin luy en estoit, avec tout plain de courtoisies, affres amiables, voire autant que un père pourrait faire pour son enfant, ou un amy pour l'autre. Et , pour mieux donner à congnoistre que ses offres et visitations procedoient de bon courage et parfaicte amitié, ses notables et exprès ambassadeurs alleguoient et ramenoient à faict tant de si beaux passages et auctoritez de la saincte^escriture , en prouvant les grands biens qui viennent aux princes pacifiques qui désirent à vivre en toute amitié avec leurs voisins, et en declarans leur charge de si bonne sorte que c'estoit un plaisir à les ouyr. Une autreffois, ce susdit roy luy envoya autres ambassadeurs , lesquels apportoient lettres de eredences ; après les recommandations pertinentes faictes en tel cas, veindrent dire au roy nostre sire, de par le roy de France, et ce par la bouche d'un gentil compagnon, homme bien entendu, et qui parloit de bonne sorte, disant que le roy son maistre estoit adverty de certains differens d'entre luy et monsieur de Gueldres , et qui longtemps avoit duré ; par quoy, pour en faire une bonne fin, desiroit que le différend fust mis en justice par-devant luy, et que les parties administrassent gens entendans l'affaire pour informer le juge , et par ce avoir meilleure congftûissance du cas, pour, puis après, en ordonner au droict le droict, selon justice et équité ; et si ledict de Gueldres ne veut entendre à la raison , le roy mon maistre se faict fort de à ce faire le induire, et, au besoin, contraindre. Sur ces ouvertures, ouyes et bien entendues par nostre sire le roy et son conseil, fut ordonné de bailler au roy de France responce par lettres , qui feurent si gracieuses et raisonnables que, selon raison, debvoit avoir matière de soy contenter. Peu de temps après, par un autre ambassadeur, le roy de France feit dire au roy nostre sire, par manière de consolation consolative, comme on faict à ceux qui par mort ont perdu leurs parens et amis, en disant : «Sire, puisque c'est le bon plaisir de nostre Seigneur avoir appelle de ce siècle ce vertueux prince vostre grand-pere le roy

d'Arragon \ qui est dommage ; c'est vertu de prendre en gré la volonté de Dieu. A ceste cause, le roy très-chrestien, nostre sire, vostre beau-pere, congnoist et entend bien que quand vos affaires le pourront porter pour vostre honneur et profict, vous conviendra daller en Gastille, soit par mer ou par terre , mais à fin d'éviter les grands périls de la mer ausquels feu vostre père le roy Philippe se treuva, nostredict sire le roy m'a expressément chargé de vous remonstrer que, pour vostre plus grande seureté, désire que preniez vostre chemin parmy ses pays de la France où vous serez le bien venu, et vous fera on tel honneur et aussi bon chère que à sa personne* et autant qu'il en fut jamais faict au roy de Castille vostre bon père et à nuls autres bons princes. Et si debvez fermement croire que y serez aussi volontiers veu du roy et de tous ses nobles que jamais prince fut, et que y pourrez passer à tel train qu'il vous plaira; et pour plus grande seureté de vostre personne , et le appaisement de vos subjets qui désirent la seureté de vostre personne, il m'a chargé vous dire que tels et autant d'ostagers qu'il vous plaira avoir, il présente de vous les envoyer en tel lieu que bon vous semblera, et jusques soyez arrivé là où contendésà estre. » Sur lesquelles remonstrances, certains jours après, le roy catholique feit, par son chancelier, remercier le roy de France du bien qu'il luy vouloit, de l'amour qu'il luy monstroitet des gracieuses offres qu'il luy présentait ,' à cause desquelles choses se tenoit estre grandement tenu à luy. Lesquelles offres nostre sire le roy ne refusa ne accepta, mais usa des termes de remerciemens en soy excusant honnestement sur son grand-pere l'empereur Maximilian , comme la raison estoit , disant qu'il ne sçavoit encores bonnement ce qu'il avoit à faire, ne se il feroit son voyage par mer ou par terre , à cause qu'il n'avoit encores nulles amples nouvelles de sondict très-cher grand-pere, par l'advis et conseil de qui il avoit accoustumé de conduire ses affaires, et encores en cest affaire et en tous autres desiroit conduire ses besongnes par son advis et bon plaisir.

1 On sait que Ferdinand, dit b Catholique, mourut le a3 janvier i5i5 (i5i6).

Cette année a commencé à Pâques, 23 mars.