L'EMPEREUR A SES AMBASSADEURS EN FRANCE

Il a ratifié et juré le traité de Cambray. Demande des ambassadeurs français au sujet du mode de payement de la somme convenue au traité de Cambray. Ils voudraient que la délivrance des princes eût lieu du côté de Narbonne; mais l'empereur veut qu'elle se fasse du côté de Fontarabie , comme celle du roi. D n'est pas disposé à obtempérer au désir du roi touchant le duc de Ferrare. 11 soupçonne que François I" conserve encore des prétentions sur l'Italie. Explication au sujet des alliances. Garnison de Barlette. L'empereur n'est pas d'avis que l'amiral de France se rende à Venise. Affaire des héritiers du duc de Bourbon , etc. ( Archives générales de Belgique. — Copie. )

•88 octobre, à Borgo San Donino.

Très-chers et feaulx, les ambassadeurs de France arrivarent devers nous à Plaisance le 1 6e de ce mois , et , le 1 8e, jour de saint Lucas, jurasmes solempnellement le traicté de Cambray, et leur avons délivré la ratification et deux procuracions : Tune pour estre condemné -à l'observance dudit traité et celhiy de Madril, et l'autre, afin de requérir la dispensacion du serment de non aliéner, le tout selon les minutes que vous des Barres emportastes.

En partant de faire ledit serment, M. l'admirai de France nous dit avoir en charge aucunes choses du roy son maistre, qu'il desireroit declerer à tel que vouldrions commettre pour nous en advertir; et pour y entendre commismes le chancelier, mon cousin de Nassou et le sieur de GranveUe , esquelz ledit sieur admirai , accompaigné des sieurs dlverny et esleu Bayart, coambassadeurs , requist les points et articles que vous envoyons, ensemble les responces que sur iceulx sont esté faites de nostre part, esquelles responces nous sommes voluntairement condescendu pour complaire audit roy trèschretien et à sesdits ambassadeurs, nonobstant qu'il peust sembler que, en ce que touche le traicté naguieres fait, l'on se deust tenir entièrement au texte d'icelluy.

Lesdits ambassadeurs, entre autres points, ont fort persisté sur ce que voulsissions prendre , en l'instant de la délivrance des princes, partie de la somme que se doit lors furnir en argent en masse; ce que n'avons peu convenablement accorder, et ne nous convient, comme assez pouvez entendre. Et nous semble que ledit seigneur roy, tant pour sa commodité de fere le paiement que aussi pour nous fere plaisir, pourroit advancer jusques à trois ou quatre cens mille escuz, comme avons respondu que serions content les recevoir en argent en masse, afin de les emploier contre le Turc, en suyvant la charge que vous avons baillé de le requérir de nostre part vouloir avancer laditte somme, selon les propoz qu'il avoit tenu à vous des Barres. Iceux ambassadeurs nous ont dit n'avoir charge de ce que dessus, mais que , en tous advenemens que le roy y voulsit entendre , seroit raison qu'il en eust sehurté, et entre autres moyens d'expédient et sehurté en ce, nous a ledit sieur admirai mis avant de nous furnir la moytié des douze cens mille escuz deans deux mois, et que lors Ton delivrast les princes, moyennant que le roy baiileroit sehurté et marchant respondans de la reste. Nous respondismes sur ce audit admirai que nous ne voulions riens innover quant à la délivrance des princes, comme assez il pouvoit entendre estre chose raisonnable, mais que nous serions bien content de bailler telle sehurté convenable que seroit advisé, et que s'il nous en mectoit aucunes en avant, y entendrions voluntiers. Et sur ce qu'il nous remit de y vouloir adviser, luy avons fait offrir la foy et scellé des personnaiges qui sont présentement avec nous, aussi les promesses et scellé de madame nostre tante et des sieurs de noz pays d'embas, dont ledit admirai n'a esté satisfait. Et en parlant de ceste matière a dit audit Granvelle qu'il avoit pensé, entre autres sehurtez que sondit maistre pourroit avoir, qu'il retinst Hesdin en ses mains; que, pour estre le premier point que se doit complir dudit traicté de Cambray et si prouchain, il a excusé. Et à la vérité, ce seroit mal commencer à entrer à l'observance dudit traité, et si fauldroit encoures autre sehurté pour la restitucion dudit Hesdin.

Vous pourrez, conformément à ce que dessus et ce que avons respondu auxdits ambassadeurs , persister, selon que verrez le moyen et opportunité, afin que ledit sieur veulleadvancer laditte somme, s'il est possible, avec la responce et promesse de nostreditte tante et telz de nos subjectz qu'ilz vouldront adviser ou autres convenables moyens, et que ne remectent l'observance et effect dudit traicté en plus de delay ou difficulté pour nous en advertir. Et si vous semble besoing que madame nostre tante doye entrevenir en ceste pratique d'avancer lesdits deniers et moyenner la sehurté , en ferez comme verrez estre au bien et addresse de l'affaire.

Lesdits ambassadeurs, en parlant, du lieu de la délivrance desdits princes, demonstroient du commencement, mesmes ledit sieur admirai, que ce leur estoit comme tout ung que la délivrance se feit ou du costé de Fontarabie ou du costé de Narbonne; toutesfois depuis ilz ont persisté expressément à ce que fust du costé dudit Narbonne , remonstrans que la commodité et sehurté se y pourroit trouver plus égale, que le lieu fust plus prouchain et plus commode pour le traictement desdits princes et de la royne, et que du cousté de Bayonne eust eu peste et famine, que sont causes cessans présentement et que se peullent bien remédier. Et nous sommes arresté, comme voulons demeurer à ce que ladite délivrance se face du cousté dudit Fontarabie , puisque desjà ledit lieu a esté approuvé en assez semblable acte, et que la sehureté s'i peut trouver égale et aussi bien ou mieulx que de l'autre cousté, comme entendons bien qu'il se face. Enfin, voyans lesdits ambassadeurs nostreditte determinacion, n'ont voulsu arrester ce point; seulement ont-ilz dit qu'ilz en advertiront leur maistre, et que, quant au temps de la délivrance, ilz entendent que ce soit le premier jour de mars, parce que, comme ilz dient, leurs deniers ne pourraient estre plus tôt prest ; et si vous est parlé touchant ledit lieu , persisterez à ce que dessus.

Hz se sont fort arresté touchant le duc de Ferrare en consideracion de madame la régente. Sur quoy ne leur avons voulu respondre par escript plus avant que verrez : bien leur avons-nous decleré et

fait entendre, comme aussi l'évidence y est, que avonajusques à ores usé de toute bénignité envers ledit duc, nonobstant que eussions bien le moyen de y procéder autrement et que* en soyons esté pour* suys et très-fort sollicité. Sur quoy, comme viendra à propoz, pour* rez dire ce que convient, de sorte que n'en puissions venir en plus de scrupule envers .nostre saint-pere:

Nous avons trouvé estrange que par les traitez de Madril et de Gambray ledit roy très-chrestien ayt si expressément renuncé à tout ce que il tenoit en Italie , et que luy, sa mère et tous ses serviteurs ayent tant affermé, signamment encoires dernièrement audit Cambray, ne vouloir jamès riens plus avoir affere en Italie , et que expressément il ayt renuncé par lesdits deux traictez à la conté d'Ast; et puis que lesdits ambassadeurs viennent à sitost presser et requérir d'avoir faculté de racheter laditte conté d'Ast, soubz couleur que le roy Louis XII l'eust annexé à la couronne de France , et nonobstant encoires qu'ilz dient qu'elle n'ayt jamais valu au roy par an iiij cens ducas, que nous fait penser que ledit seigneur roy n'a perdu le goust de ceste Italie, avec ce que ledit admirai a tenu propoz par deçà à bon personnaige , que pourryons bien traiter avec son maistre pour le remettre en la duché de Milan, et que ce moyennant il nous ayderoit à recouvrer Veronne et autres places que les Veniciens occupent au roy nostre frère et à nous. Nous ne sçavons si l'on vous aura tenu quelques propoz des choses susdhtes; tant est que nous supposons bien que, comme estant fort dehors des choses traitées, vous en serez desmelez, comme aussi entendons que faites sans y bailler pied audit seigneur roy, nonobstant que ledit admirai dit audit bon personnage que, ce moyennant, sondit maistre assisterait et de gens et de deniers contre ledit Turc, que seroit persuasion fort estrange et sans fondement d'honnesteté, s'il se vouloit arrester de non le fere synon à ceste condicion.

Ledit admirai a , comme il semble , demonstré d'avoir senti que Ton remecte le traictement des alliances à madame, et dès lors qu'il a attendu nostre responce, a parlé plus froidement, disant que, à la

vérité» ja chose n'estoit hastive, et comme aussi il y aura de la longueur et sera la chose difficile, à raison que lesdittes darnes ne se pourront assembler, et que ce sont matières que île se peuvent des* mêler ny conduire par petits personnages. Et sur ce que luy parlasmes desdittes alliances dymenche dernier et que desirions bien y entendre, nous présenta une lettre de la main. du roy son maistre; dont vous envoyons la copie, ensemble des responces que sur ce luy faisons. Et combien que ledit admirai eust, selon les termes qu'il avoit tenu jusques lors, demonstré avoir désir d'estre expédié et s'en retourner, neantmoings nous dit lors avoir charge de son maistre de fere ce que vouldrions, fust de demourer ou s'en retourner, et nous mit difficulté de pouvoir envoyer argent qu'il disoit avoir avec luy à Rance de Chery 1 pour le paiement de ceulx que sont dedans Barlete, afin de les retirer de là, nous baillant à entendre que les Veniciens les eussent voulu pratiquer; et oultre nous requist que, pour plus facilement et sans inconvénient ny empeschement de fere laditte reddicion, voulsissions pardonner au prince de M elfe , ayant, comme il disoit, faveur avec ceulx que sont dedans ledit Barlette, et pourroit estre moyen de traverser laditte reddicion; nous dit davantage que, si bon nous sembloit, qu'il yroit jusques à Venise , afin de induire les Veniciens à nous rendre ce qu'ils nous occupent audit royaume et s'appointer avec nous, nous baillant espoir de le conduire, et toutesfois le remettoit du tout à nous; davantaige, que il desireroit d'aller visiter madame Renée à Ferrare2 pour la révérence et affection qu'il luy a tousjours pourté, et la singulière amour qu'il scet que le roy son maistre luy pourte ; combien toutesfois que aussi il le remettoit du tout à nous. Sur quoy, après avoir consulté et bien pesé le tout, luy avons fait respondre que nous pensions que, selon les termes qu'il avoit tenu» il desirast son bref retour, et selon ce

1 Renzo de Cere, qui avait été chargé, Louis XII, avait épousé, le 28 juin i5a8« avec André Doria, de l'expédition dirigée Hercule, fils aine d'ÀIfonse, duc de Fersur la Sicile, en i5a8, par François I*. rare»

1 Renée de France, seconde fille de

avions advancé son despeche le plus que avions peu, et que nous avions trouvé très-bonnes les lettres dudit seigneur roy son maistre , et selon icelles eussions très-voluntiers entendu avec luy auxdittes alliances; mais que, comme il veoit, nous estions en l'instant de nostre partement, que ne se pouvoit différer, puisque avions tant sollicité la venue de nostre saint-pere à Boloingne, ou il devoit estre le mesme jour, et que nous estions en peine de bien excuser devers S. S. de ce que eussions jà tant detardé nostre partement, et que nous luy remettions, les choses estans en ces termes, ou de demeurer ou de s'en retourner, selon qu il entendoit le bon plaisir de sondit maistre, et que, quant à aller à Venize persuader les Veniciens à nous rendre ce qu'ils tiennent et se appointer, il ne nous sembloit besoing ny à propoz qu'il prinst ceste peyne à nostre considération, puisque ilz avoient esté sommez et sçavoient le traité, et que le roy, selon ce, les devoit tenir pour ses ennemys, joinct que entendons il y ayt différends entre ceulx qui gouvernent à Venise, et davantaige les termes où l'on est du Turc, ilz seroient plus insolens de avoir si honnorable ambassade et s'en glorifieroient devers ledit Turc; et pour ce ne nous sembloit, en tant qu'il nous touchoit, que pour nostre considération il deust prendre ceste peyne , mais que ne le vouldrions empescher de fere ce que bon luy semblerait de la part du roy son maistre; pareillement, que quant à son allée à Ferrare, le remections à son bon plaisir, et que, pour raison du traité que avons avec ledit saint-pere et consideracion des termes où sont les affaires d'entre S. S. et ledit-duc de Ferrare, ne luy povions dire si le voulions ou non; et au surplus que, touchant la reddicion de Barlette et autres pièces que se doyvent rendre par le traité de Cambray, confions que il y seroit satisfait et y bailleroit ordre dois maintenant, et que aussi de nostre part, tant pour l'envôy des deniers que pour le retour de Rance et ses gens en France, y baillerions toute assistenceet dès maintenant en escriprions au cardinal Colonne et Al arçon, auxquels envoyerions pouvoir pour les recevoir et en bailler descharge, et mesmes serions content bailler sauf-conduit audit prince de Melphe pour par*

^itized by

tir dudit royaume et s en aller en France ou autre part hors nostre subjection; mais que de iuy pardonner, ne trouvions que le dussions fere, ny nous sembloit que Ton y deust persister de la part dudit seigneur roy pour la reddicion dudit Barlette.

Nous avons fait parler auxdits ambassadeurs des affaires des héritiers de feu M. de Bourbon, de nostre cousin le prince d'Orenges, les sieurs de Monego, d'Autrey, et messire Andréa Doria, dont navons apperçu chose en quoy nous puissions juger affection et bonne volunté d'y pourveoir, signa m ment à l'endroit desdits héritiers, et baillent assez entendre qu'ilz n'ont volenté de remettre l'héritier, qu'est le fils de madame de la Roche-sur- Yon , en ses biens; et, en passant, ont dit que laditte dame eust fait plus saigement de s'appointer avec le roy et madame sa mère, comme a fait madame de Lorraine; et sur ce que leur a esté declairé que laditte dame de Lorraine ne fut héritière et qu'il y eust testament pour le fils de laditte dame de la Roche, ont respondu que, selon la coustume des lieux où sont les biens, ledit sieur défunt n'en avoit peu disposer, que entendons est chose controuvée. Vous ferez en tous les points dessus dits comme congnoissez nostre intencion, et d'entendre celle dudit seigneur roy et la volonté qu'il a à l'observance des choses traitées et à nostre amitié, car aux termes et paroles que ont tenu et porté lesdits ambassadeurs, ilz ont baillé à entendre, voire decleré qu'ilz trouvoient ledit traité de dure digestion, et que, s'ilz l'observent, sera seulement pour retirer lesdits princes et non pour longue amitié, dont nous a semblé vous advertir, afin que tant mieulx puissiez assentir de l'intencion du roy et sa mère si avant que pourrez. A tant, etc.

Au surplus, ledit sieur admirai entre autres devises a dit audit de Granvelle que il avoit receu lettres faisant mencion que deviez arriver à Paris la veille ou le jour de la Saint-Lucas, dont sommes bien esbay, veu que nous aviez cy-devant escript que y esperiés estre deans lexij*, et que vous congnoîssons assez diligent et tenons n'aura esté par vous; nous actendons d'instant à autre de voz nouvelles, et espe-

HfooC. DIPLOMAT. — II. 9*

rons fermement qu'elles ne tarderont ; selon lesquelles vous advertirons incontinent de ce que aurez à fere , et nous semble devez ac* tendre jusque s lors de vous partir de devers le roy, si l'on ne vous tenoit termes pour en faire autrement; et si cependant vous sembloit qu'il y eust chose dont fîi&t besoing advertir madame, vous ledit des Barres y pourrez aller. A tant, etc. Du bourg Saint-Domingo, le a 8e d'octobre 1629.